Haddoo 32
32
Yoordaanoosi Aachee Beqachi Yoodeenaꞌo
(Yibbaatoo 3:12-22)
1Roobeelinaa Gaadinochi yoodeenaꞌoyich meeti gijjoo beetone. Boonoshiyoo Yazeeree showoonaa Gilaadee showoona gijjeenaꞌoyich mashaamiti xaaꞌoo tunoon beeggiꞌi, 2Muus waan, qeeshoo Elazaarinaa iiteenaꞌochi ukkireenaꞌona waan waaꞌi ishichiyeete: 3-4“Doono Yeeri Israꞌeeleenaꞌo koyi yechemmoyich tuniiti showeexi katemeenaꞌo, Axarooti, Diibooni, Yazeeri, Nimiraahi, Heshiboni, Elaleehi, Sebaami, Neebinaa Beꞌoonina gijjoyich gaawetinaꞌone. Ne guunoo noochoo meeti gijjoo beetone. 5Ne aafoochaa gidoon no danegaata, ne guuno nooch ebi showoon iristo tuniiree imbe. Yoordaanoosi aacoyee beqach no kimmemmoyich tuniyaahine” iyeete.
6Muusiyoo boonoshich ishichiye: “Ittoshi maneenaꞌo ginooch hami beetaa, ittoshi hiniich koteya qaawiyote? 7Doono Yeeri boonoshich immemmi showooch boonoshi kimaachemmoyich Israꞌeeleenaꞌo mulloon ittoshi niriibeeto amoyichiye? 8Showoon boonoshi qiiddemmoyich Qadeesh Barinee ittoshi niheenaꞌon ta daachiihooba boonoshi tuniito ebiyoommoniye. 9Eshikooli bambooch beddaahaa hammii, showoon beeggii wotteꞌi, Doono Yeeri boonoshich immiti showooch boonoshi giyaachemmoyich Israꞌeeleenaꞌo mulloon wuxitinaꞌone.#Had. 13:17-33 10Arooba Doono Yeeri kaaro cufiye; biyoo ishichiꞌi wogehe: 11‘Iberoon gettoye; boonoshi ceeni mulloona taan dabboo boonoshi qajjitoyich, Gibitsee kechiti, boonoshi eeno hiye natonaa ebiyee damboona tuneti asheenaꞌoochee ikkolla Abrahamich, Yisaaqinaa Yaaqobinoyich imma ta wogeti showoon beegaachemmone. 12Boonoshi ceeni mulloona Doono Yeeri taan dabbiti, Qenizee asho Yefuuni bushoo Kaaleebinaa Nuuni bushoo Yaasinoyee besh boonoshi daggoochee ikkolla beegaachemmone’ iye. 13Doono Yeeri Israꞌeeleenaꞌo toommooch oogichiꞌi bi kaaretoyich, bi aafooch gonde mooyon shuuneti ebi shiijjeroo bulli aallemmi wottoon aabbe naton barahooch boonoshi yallyallimi beeyemmoyich tuniihe.#Had. 14:26-35
14“Hini axaaxechinaꞌochi shiijjereenaꞌote. Doono Yeeri kaaroon Israꞌeeleenaꞌo toommooch woddiyoyich ittoshi niheenaꞌochi xaaꞌooch kereeto ittoshine. 15Biin dabboochee gubb ittoshi wotta gaata, andoo hini asheenaꞌo bullin barahooch duppemmone. Boonoshi aallee naboo tunemmo ittoshine” iye.
16Aroochee boonoshiyoo bi waan giddeꞌi biich ishichiyeete: “Hiniich no gijjeenaꞌoyich maggoon, wotta no bushiisheenaꞌoyich katemoon no shuunemmoyich nooch daaggibe. 17Aroochee Israꞌeeleenaꞌon boonoshi xaaꞌooch no shakkiimmi wottoon, ginooch qanniree boonoshi aafooch hammemmo noone. No bushiisheenaꞌoo hini showeexi asheenaꞌon shati keqqaanoon mishigechi katemooch kotemminaꞌone. 18Israꞌeeleenaꞌo bulli boonoshich icheti iristoon boonoshi woraashimmi wottoon no kexooch wotteyaachemmo noone. 19Yoordaanoosi aacoyee haqach, aabi-keyo waanee iristoon no woraashitoyich, boonoshina tookki Yoordaanoosi aacoyee beqachee iristoon woraashaachemmo noone” iyeete.
20Aroochee Muusi boonoshich ishichiye: “Ebin ittoshi tuniigaata, Doono Yeeri aafooch cuyeꞌi ginooch ittoshi qannigaata, 21Doono Yeeri, bi etteenaꞌon bi aafoochee yookkii bi kichimmi wottoon, ittoshi bulliyona bi aafooch ginooch qanniꞌi Yoordaanoosin ittoshi kimigaata, 22showee Doono Yeerich hajjeetoyee gubb, wottoon hakkiyote. Ebin ittoshi tuniigaata, Doono Yeerinaa Israꞌeeleenaꞌonoyich ceechoo ittoshich qaawiibeeti mooyon ceechemmo ittoshine. Hini showoo Doono Yeeri aafooch ittoshich iristo tunemmone.
23“Tunebaani ebin tuniyoo ittoshi qayigaata, Doono Yeerin xuqqemmo ittoshine. Ebi ittoshi axaaxoo ittoshin gawukkaachemmo bi tunoon ariibote. 24Ittoshi bushiishoyichoo katemoon, ittoshi gijjoyichoo maggoon shuunebote. Ittoshi giyiti gibenee qaaroonoo ceechibote” iye.
25Aroochee Roobeelinaa Gaadinochi yoodeenaꞌo Muusich ishichiyeete: “Ne guuno no, no doono ne gettetoommon tuniyemmo noone. 26No bushiisheenaꞌo, no mecheenaꞌo, no miiminaꞌo bullinaa no bageenaꞌona hini Gilaadi beeti katemeenaꞌooch beebeete. 27Tunebaani ne guuno no, no doono ne gettetoommon no ikkikkoona ginooch qanniree Doono Yeeri aafooch koyooch hammemmo noone” iyeete.
28Aroochee Muusi boonoshichon ciinnii beetona qeeshoo Elazaarich, Nuuni bushoo Yaasinaa Israꞌeelee yoodee yaree ukkireenaꞌonoyich ishichiꞌi gettiye: 29“Gaadi yoodoonaa Roobeeli yoodoona boonoshi ikkikkoona ginooch qanniree Doono Yeeri aafooch ittoshina tookki Yoordaanoosin kimmemminaꞌo boonoshi tunegaata, showoon kochiꞌi ittoshi yeshigaata, Gilaadee showoon boonoshich iristo tunii imbote. 30Tunebaani ginooch qanniꞌi ittoshina tookkii kimo boonoshi qayigaata, boonoshi iristoon Kanaanee showoochee ittoshina tookki qoodeyemminaꞌone” iye.
31Gaadinaa Roobeelinochi yoodee asheenaꞌo ishichiꞌi wochiyeete: “Doono Yeeri gettitoommon tuniyemmo noone. 32Ginooch qanniree Doono Yeeri aafooch, Kanaanee showooch kimmemmo noone. Tunebaani no woraashemmi iristo Yoordaanoosi aacoyee haqach, hiniich tunemmone” iyeete.#Yaas. 1:12-15
33Muusiyoo Gaadinaa Roobeelinochi yoodeenaꞌoyich, Yooseefi bushoo Minaasi yoodoochee qatinaꞌonoyichoo Amooreenaꞌo taatoo Sihoonichi taatee showoon, Bashaanee taatoo Oogichi taatee showoon, ebi showooch beeti katemoonaa bi guudeexi showoonon immiye.
34Gaadi yoodee asheenaꞌo Diiboonin, Axarootin, Aroꞌeerin, 35Atiroot Shofaanin, Yazeerin, Yogibaahin, 36Beet Nimiraahinaa Beet Haraaninon xaqqee uxerechi katemoo tuniiꞌi shuuneheete. Miinji maggoonoo shuuneheete. 37Roobeeli yoodee asheenaꞌo Heshibonin, Elaleehin, Qiriyatayimin, 38boonoshi shigo shaddeeti Neebin, Baꞌaal Meꞌooninaa Sibiminon shuuneheete. Ebi boonoshi shuuneti katemeenaꞌoyich bare shigoon kichiyeete.
39Minaasi bushoo Makirichi asheenaꞌo Gilaadee showooch hammii showoon kochii yechiꞌi are showooch beeti Amooreenaꞌon yookkiyeete. 40Ebina Muusi Gilaadee showoon Minaasi bushoo Makirichi asheenaꞌoyich immiye. Biyoo arooch kotehe. 41Minaasi bushoo Yaꞌiiri hammii gafeenaꞌon kochii yechiꞌi, Yaꞌiirichi Gafeenaꞌo ii shigiihe. 42Nobaahiyoo hammii Qenaatinaa bi guudoona beeti gafeenaꞌonon kochii yechiꞌi, bi shigoona Nobaahi ii shigiihe.
Currently Selected:
Haddoo 32: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Haddoo 32
32
Yoordaanoosi Aachee Beqachi Yoodeenaꞌo
(Yibbaatoo 3:12-22)
1Roobeelinaa Gaadinochi yoodeenaꞌoyich meeti gijjoo beetone. Boonoshiyoo Yazeeree showoonaa Gilaadee showoona gijjeenaꞌoyich mashaamiti xaaꞌoo tunoon beeggiꞌi, 2Muus waan, qeeshoo Elazaarinaa iiteenaꞌochi ukkireenaꞌona waan waaꞌi ishichiyeete: 3-4“Doono Yeeri Israꞌeeleenaꞌo koyi yechemmoyich tuniiti showeexi katemeenaꞌo, Axarooti, Diibooni, Yazeeri, Nimiraahi, Heshiboni, Elaleehi, Sebaami, Neebinaa Beꞌoonina gijjoyich gaawetinaꞌone. Ne guunoo noochoo meeti gijjoo beetone. 5Ne aafoochaa gidoon no danegaata, ne guuno nooch ebi showoon iristo tuniiree imbe. Yoordaanoosi aacoyee beqach no kimmemmoyich tuniyaahine” iyeete.
6Muusiyoo boonoshich ishichiye: “Ittoshi maneenaꞌo ginooch hami beetaa, ittoshi hiniich koteya qaawiyote? 7Doono Yeeri boonoshich immemmi showooch boonoshi kimaachemmoyich Israꞌeeleenaꞌo mulloon ittoshi niriibeeto amoyichiye? 8Showoon boonoshi qiiddemmoyich Qadeesh Barinee ittoshi niheenaꞌon ta daachiihooba boonoshi tuniito ebiyoommoniye. 9Eshikooli bambooch beddaahaa hammii, showoon beeggii wotteꞌi, Doono Yeeri boonoshich immiti showooch boonoshi giyaachemmoyich Israꞌeeleenaꞌo mulloon wuxitinaꞌone.#Had. 13:17-33 10Arooba Doono Yeeri kaaro cufiye; biyoo ishichiꞌi wogehe: 11‘Iberoon gettoye; boonoshi ceeni mulloona taan dabboo boonoshi qajjitoyich, Gibitsee kechiti, boonoshi eeno hiye natonaa ebiyee damboona tuneti asheenaꞌoochee ikkolla Abrahamich, Yisaaqinaa Yaaqobinoyich imma ta wogeti showoon beegaachemmone. 12Boonoshi ceeni mulloona Doono Yeeri taan dabbiti, Qenizee asho Yefuuni bushoo Kaaleebinaa Nuuni bushoo Yaasinoyee besh boonoshi daggoochee ikkolla beegaachemmone’ iye. 13Doono Yeeri Israꞌeeleenaꞌo toommooch oogichiꞌi bi kaaretoyich, bi aafooch gonde mooyon shuuneti ebi shiijjeroo bulli aallemmi wottoon aabbe naton barahooch boonoshi yallyallimi beeyemmoyich tuniihe.#Had. 14:26-35
14“Hini axaaxechinaꞌochi shiijjereenaꞌote. Doono Yeeri kaaroon Israꞌeeleenaꞌo toommooch woddiyoyich ittoshi niheenaꞌochi xaaꞌooch kereeto ittoshine. 15Biin dabboochee gubb ittoshi wotta gaata, andoo hini asheenaꞌo bullin barahooch duppemmone. Boonoshi aallee naboo tunemmo ittoshine” iye.
16Aroochee boonoshiyoo bi waan giddeꞌi biich ishichiyeete: “Hiniich no gijjeenaꞌoyich maggoon, wotta no bushiisheenaꞌoyich katemoon no shuunemmoyich nooch daaggibe. 17Aroochee Israꞌeeleenaꞌon boonoshi xaaꞌooch no shakkiimmi wottoon, ginooch qanniree boonoshi aafooch hammemmo noone. No bushiisheenaꞌoo hini showeexi asheenaꞌon shati keqqaanoon mishigechi katemooch kotemminaꞌone. 18Israꞌeeleenaꞌo bulli boonoshich icheti iristoon boonoshi woraashimmi wottoon no kexooch wotteyaachemmo noone. 19Yoordaanoosi aacoyee haqach, aabi-keyo waanee iristoon no woraashitoyich, boonoshina tookki Yoordaanoosi aacoyee beqachee iristoon woraashaachemmo noone” iyeete.
20Aroochee Muusi boonoshich ishichiye: “Ebin ittoshi tuniigaata, Doono Yeeri aafooch cuyeꞌi ginooch ittoshi qannigaata, 21Doono Yeeri, bi etteenaꞌon bi aafoochee yookkii bi kichimmi wottoon, ittoshi bulliyona bi aafooch ginooch qanniꞌi Yoordaanoosin ittoshi kimigaata, 22showee Doono Yeerich hajjeetoyee gubb, wottoon hakkiyote. Ebin ittoshi tuniigaata, Doono Yeerinaa Israꞌeeleenaꞌonoyich ceechoo ittoshich qaawiibeeti mooyon ceechemmo ittoshine. Hini showoo Doono Yeeri aafooch ittoshich iristo tunemmone.
23“Tunebaani ebin tuniyoo ittoshi qayigaata, Doono Yeerin xuqqemmo ittoshine. Ebi ittoshi axaaxoo ittoshin gawukkaachemmo bi tunoon ariibote. 24Ittoshi bushiishoyichoo katemoon, ittoshi gijjoyichoo maggoon shuunebote. Ittoshi giyiti gibenee qaaroonoo ceechibote” iye.
25Aroochee Roobeelinaa Gaadinochi yoodeenaꞌo Muusich ishichiyeete: “Ne guuno no, no doono ne gettetoommon tuniyemmo noone. 26No bushiisheenaꞌo, no mecheenaꞌo, no miiminaꞌo bullinaa no bageenaꞌona hini Gilaadi beeti katemeenaꞌooch beebeete. 27Tunebaani ne guuno no, no doono ne gettetoommon no ikkikkoona ginooch qanniree Doono Yeeri aafooch koyooch hammemmo noone” iyeete.
28Aroochee Muusi boonoshichon ciinnii beetona qeeshoo Elazaarich, Nuuni bushoo Yaasinaa Israꞌeelee yoodee yaree ukkireenaꞌonoyich ishichiꞌi gettiye: 29“Gaadi yoodoonaa Roobeeli yoodoona boonoshi ikkikkoona ginooch qanniree Doono Yeeri aafooch ittoshina tookki Yoordaanoosin kimmemminaꞌo boonoshi tunegaata, showoon kochiꞌi ittoshi yeshigaata, Gilaadee showoon boonoshich iristo tunii imbote. 30Tunebaani ginooch qanniꞌi ittoshina tookkii kimo boonoshi qayigaata, boonoshi iristoon Kanaanee showoochee ittoshina tookki qoodeyemminaꞌone” iye.
31Gaadinaa Roobeelinochi yoodee asheenaꞌo ishichiꞌi wochiyeete: “Doono Yeeri gettitoommon tuniyemmo noone. 32Ginooch qanniree Doono Yeeri aafooch, Kanaanee showooch kimmemmo noone. Tunebaani no woraashemmi iristo Yoordaanoosi aacoyee haqach, hiniich tunemmone” iyeete.#Yaas. 1:12-15
33Muusiyoo Gaadinaa Roobeelinochi yoodeenaꞌoyich, Yooseefi bushoo Minaasi yoodoochee qatinaꞌonoyichoo Amooreenaꞌo taatoo Sihoonichi taatee showoon, Bashaanee taatoo Oogichi taatee showoon, ebi showooch beeti katemoonaa bi guudeexi showoonon immiye.
34Gaadi yoodee asheenaꞌo Diiboonin, Axarootin, Aroꞌeerin, 35Atiroot Shofaanin, Yazeerin, Yogibaahin, 36Beet Nimiraahinaa Beet Haraaninon xaqqee uxerechi katemoo tuniiꞌi shuuneheete. Miinji maggoonoo shuuneheete. 37Roobeeli yoodee asheenaꞌo Heshibonin, Elaleehin, Qiriyatayimin, 38boonoshi shigo shaddeeti Neebin, Baꞌaal Meꞌooninaa Sibiminon shuuneheete. Ebi boonoshi shuuneti katemeenaꞌoyich bare shigoon kichiyeete.
39Minaasi bushoo Makirichi asheenaꞌo Gilaadee showooch hammii showoon kochii yechiꞌi are showooch beeti Amooreenaꞌon yookkiyeete. 40Ebina Muusi Gilaadee showoon Minaasi bushoo Makirichi asheenaꞌoyich immiye. Biyoo arooch kotehe. 41Minaasi bushoo Yaꞌiiri hammii gafeenaꞌon kochii yechiꞌi, Yaꞌiirichi Gafeenaꞌo ii shigiihe. 42Nobaahiyoo hammii Qenaatinaa bi guudoona beeti gafeenaꞌonon kochii yechiꞌi, bi shigoona Nobaahi ii shigiihe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.