Haddoo 31
31
Israꞌeeleenaꞌo Miidiyameenaꞌon Koyo
1Doono Yeeri Muusich ishichiye: 2“Israꞌeeleenaꞌochi nichoon Miidiyamee asheenaꞌo toommooch kichibe. Aroochee newoo, ne qaabbechinaꞌo waan xaꞌeyemmo neene” iye.
3Muusiyoo Israꞌeeleenaꞌoyich ishichiye: “Miidiyameenaꞌon koyooch boonoshi hammemmonaa Doono Yeerichi qoodoyich Miidiyameenaꞌo toommooch nichoon boonoshi gaaccemmonoyich ittoshi asheenaꞌo daggoochee giishecheenaꞌon ginee koyoyich qanniibote. 4Israꞌeelee yoodi yoodoochee ikkikke hume ashoon ginooch daachiibote” iye.
5Ebich Israꞌeeleenaꞌo daggoochee aaraa gutte hume asheenaꞌo, ebiyoo ikkikke yoodoochee ikkikke hume asheenaꞌo ginooch hamoyich qanniyeete. 6Muusiyoo yoodi yoodoochee ikkikke hume asheenaꞌon ginooch daachiihe. Boonoshinaa qeeshoo Elazaari bushoo Finihaasinon ginooch daachiihe. Yaafeeti qiicoonaa hukkeebeeti tiroonon biich immiye.
7Doono Yeeri Muusich gettitoommon Miidiyameenaꞌon kochiꞌi, anaamo bullin wuxiyeete. 8Ebi qititinaꞌo daggooch uuche Miidiyamee taateenaꞌo, eboshiyoo Eewi, Reqeemi, Tsuuri, Huurinaa Reebina beetinaꞌone. Beꞌoori bushoo Balaaminoo wuxiyeete. 9Aroochee Israꞌeeleenaꞌo Miidiyamee maacheenaꞌonaa bushiisheenaꞌonon kecciyeete. Boonoshi miimon, bagoon, emmishoonaa boonoshi qiico bullinon daammiyeete. 10Boonoshi koteti katemoo bullinaa kaambo bullinon qaaqqoona michiyeete. 11Boonoshi kecciti ashoonaa gijjoona bullin yechiꞌi, 12Muusi, qeeshoo Elazaarinaa Israꞌeelee iitoona beetooch, Yoordaanoosi aachi gashooch, Yaariki katemee ciinooch beeti Moꞌabi gaddeexi kaambooch deebiyeete.
Ginee Naayinaꞌo Wotto
13Muusi, qeeshoo Elazaarinaa iiteenaꞌochi ukkireenaꞌo bullina boonoshina daneya kaamboochee maach kechiyeete. 14Muusiyoo ginee koyoochee wotteti ginee iraasheenaꞌochi ukkireenaꞌon, humee iraasheenaꞌonaa ballee iraasheenaꞌonon kaarehe.
15Boonoshichoo ishichiye: “Maacheenaꞌon aabichiꞌi kashoona echiihote? 16Feꞌoori guudoochaa tuneti mooyona Balaamichi ciicoon waayeꞌi Israꞌeeleenaꞌo Doono Yeerin boonoshi xuqqemmoyich naboon tunetinaꞌo eboshi tooneete? Ebina Doono Yeerichi asheenaꞌo toommooch naxo kindiye.#Had. 25:1-9 17Andoo boonoshi anaami bushiishoonaa anaamona tookkii daneti maacheenaꞌo bullinon wuxibote. 18Tunebaani anaamona tookkii daneyaani gidiideenaꞌon ittoshich echiibote.
19“Ittoshi daggoochee ashoon wuxito woyee dubenoon yechito bulli shabaatte qemon kaamboyee maach kotebe. Keejjinnee qemoobinaa shabaattinnee qemoobinon ittoshi qelloonaa keceenaꞌonon xalliibote. 20Taho bullin, ebiyoommon gooqqoochee, emmishee huushoochee wotta mixoochee shuuneeti amoonolla xalliibote” iye.
21Aroochee qeeshoo Elazaari ginoochee wotteti asheenaꞌoyich ishichiye: “Doono Yeeri Muusich gettiti sheeree doyoo ebine: 22-23Qaaqqoona miccii aalloon hakkaani aachoon, birewoon, gooshoon, xuuroon, shombeqoonaa budoonon qaaqqoona xalliibote. Ebina xallemmone. Tunebaani wotta xalliyee aacona xalliyoo qaawiihe. Qaaqqoon hakkaani mooyon xalliyee aacona baach xalliibote. 24Shabaattinee qemooba ittoshi tahoon mayote. Aroochee xallemmo ittoshine. Ebiyee gubb, kaambooch gimon hakkemmo ittoshine” iye.
Kecoon Qoodeyoo
25Doono Yeeri Muusich ishichiye: 26“Ne, qeeshoo Elazaarinaa iiteenaꞌochi yari yaree ukkireenaꞌona kecceti ashoonaa gijjoonon haddibote. 27Kecoon gutta qoodiree ginooch hammii koyetinaꞌonaa iitoo bullinoyich qoodibe. 28Koyooch hammiti ginechinaꞌochi qoodoochee, ebiyoo kecceti ashoochee, wotta miimoochee, kuroochee, bagoonaa emmishoonoochee uuche balloochee ikkoon Doono Yeeri taach gibiroon kichibote. 29Ebin boonoshi qoodoochee deꞌiree Doono Yeeri taach deejjoon tunii qeeshoo Elazaarich imbe. 30Israꞌeeleenaꞌochi qoodoochee, ebiyoo kecceti asheenaꞌoochee, miimoochee, kuroochee, bagoonaa emmishoonoochee, gijjoo bulliichee aachoochee ikkoon deꞌiree Doono Yeeri ta duukkaaneexi maddooch ukkireti Leweenaꞌoyich imbe” iye. 31Muusinaa qeeshoo Elazaarina Doono Yeeri Muusich gettitoommon tuniiheete.
32Ginooch hammiti asheenaꞌo keccii deebiti mooyo boonoshich boonoshi echiitona tookkii ebine: Shiritte ballaa shabaa uuche hume bagoonaa emmishoona, 33shabaa gutte huma miimo, 34shichaa ikke hume kuroonaa 35anaamona tookkii daneyaani shaashaa gutte hume maacheenaꞌonane.
36Ginooch hammiti asheenaꞌoyich qoodeeti qato ebine: Bagoonaa emmishoona keejje ballaa shaashaa shabaatte humaa uuche balloone. 37Aroochee shiritte ballaa shabaa uuchoo Doono Yeerich gibiro kechiye.
38Miiminaꞌo shaashaa shiritte humeenaꞌone. Aroochee shabaa guttoo Doono Yeerich gibiro kechiye.
39Kureenaꞌo shaashe humaa uuche balleenaꞌone. Aroochee shichaa ikkoo Doono Yeerich gibiro kechiye.
40Asho aaraa shiritte humoone. Aroochee shaashaa guttoo Doono Yeerich gibiro kechiye.
41Muusiyoo Doono Yeeri biich gettitoommon, Doono Yeerichi qoodee gibiroon qeeshoo Elazaarich immiye.
42Ginooch hammiti asheenaꞌo waanee Muusi qooditi qato Israꞌeeleenaꞌochi qoodoone; 43iiteenaꞌoyich qoodeeti qoodoo ebine: keejje ballaa shaashaa shabaatte humaa uuche balle bagoonaa emmishoona, 44shaashaa shiritte hume miimo, 45shaashe humaa uuche balle kuroonaa 46aaraa shiritte hume maache bushiisheenaꞌonane. 47Israꞌeeleenaꞌochi qoodoochee Muusi ashoonaa gijjoonoochee aachoochee ikkoon tiijjiye. Doono Yeeri biich gettitoommon, Doono Yeerichi yaafee duukkaanoon quyoona maddeebeeti Leweenaꞌoyich immiye.
48Ginee iraasheenaꞌo, eboshiyoo humee iraasheenaꞌonaa ballee iraasheenaꞌona Muus waan waaꞌi, 49Muusich ishichiyeete: “Ne guuno no, no kishooch beeti ginee naayinaꞌon haddito noone. No haddaa ikkolla shappito aalloone. 50Ebich no ikkikkoona no daneti aachee qiicoon, aachee allubboon, aachee shagaamoon, axxaamittoon, waajji aachoonaa qettee aachoonon, no kashoon Doono Yeeri aafoochaa maariyoyich, Doono Yeerich wojjoo deebeto noone” iyeete.
51Muusinaa qeeshoo Elazaarina ebi aachoochee shuuneeti qiiceenaꞌon boonoshi kishoochee deqqiyeete. 52Humee iraasheenaꞌonaa ballee iraasheenaꞌona Doono Yeerich wojjoo boonoshi giddiiti aachoo bulli gutte balle kiilo giraam bedoone. 53Ginee naayinaꞌo boonoshi qelli qelloona kecoochee deqqitinaꞌone. 54Muusinaa qeeshoo Elazaarina aachoon humee iraasheenaꞌonaa ballee iraasheenaꞌona waanee deqqiꞌi, Doono Yeeri aafoochaa Israꞌeeleenaꞌo gabeyemmoyich danee duukkaanooch giijjiyeete.
Currently Selected:
Haddoo 31: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Haddoo 31
31
Israꞌeeleenaꞌo Miidiyameenaꞌon Koyo
1Doono Yeeri Muusich ishichiye: 2“Israꞌeeleenaꞌochi nichoon Miidiyamee asheenaꞌo toommooch kichibe. Aroochee newoo, ne qaabbechinaꞌo waan xaꞌeyemmo neene” iye.
3Muusiyoo Israꞌeeleenaꞌoyich ishichiye: “Miidiyameenaꞌon koyooch boonoshi hammemmonaa Doono Yeerichi qoodoyich Miidiyameenaꞌo toommooch nichoon boonoshi gaaccemmonoyich ittoshi asheenaꞌo daggoochee giishecheenaꞌon ginee koyoyich qanniibote. 4Israꞌeelee yoodi yoodoochee ikkikke hume ashoon ginooch daachiibote” iye.
5Ebich Israꞌeeleenaꞌo daggoochee aaraa gutte hume asheenaꞌo, ebiyoo ikkikke yoodoochee ikkikke hume asheenaꞌo ginooch hamoyich qanniyeete. 6Muusiyoo yoodi yoodoochee ikkikke hume asheenaꞌon ginooch daachiihe. Boonoshinaa qeeshoo Elazaari bushoo Finihaasinon ginooch daachiihe. Yaafeeti qiicoonaa hukkeebeeti tiroonon biich immiye.
7Doono Yeeri Muusich gettitoommon Miidiyameenaꞌon kochiꞌi, anaamo bullin wuxiyeete. 8Ebi qititinaꞌo daggooch uuche Miidiyamee taateenaꞌo, eboshiyoo Eewi, Reqeemi, Tsuuri, Huurinaa Reebina beetinaꞌone. Beꞌoori bushoo Balaaminoo wuxiyeete. 9Aroochee Israꞌeeleenaꞌo Miidiyamee maacheenaꞌonaa bushiisheenaꞌonon kecciyeete. Boonoshi miimon, bagoon, emmishoonaa boonoshi qiico bullinon daammiyeete. 10Boonoshi koteti katemoo bullinaa kaambo bullinon qaaqqoona michiyeete. 11Boonoshi kecciti ashoonaa gijjoona bullin yechiꞌi, 12Muusi, qeeshoo Elazaarinaa Israꞌeelee iitoona beetooch, Yoordaanoosi aachi gashooch, Yaariki katemee ciinooch beeti Moꞌabi gaddeexi kaambooch deebiyeete.
Ginee Naayinaꞌo Wotto
13Muusi, qeeshoo Elazaarinaa iiteenaꞌochi ukkireenaꞌo bullina boonoshina daneya kaamboochee maach kechiyeete. 14Muusiyoo ginee koyoochee wotteti ginee iraasheenaꞌochi ukkireenaꞌon, humee iraasheenaꞌonaa ballee iraasheenaꞌonon kaarehe.
15Boonoshichoo ishichiye: “Maacheenaꞌon aabichiꞌi kashoona echiihote? 16Feꞌoori guudoochaa tuneti mooyona Balaamichi ciicoon waayeꞌi Israꞌeeleenaꞌo Doono Yeerin boonoshi xuqqemmoyich naboon tunetinaꞌo eboshi tooneete? Ebina Doono Yeerichi asheenaꞌo toommooch naxo kindiye.#Had. 25:1-9 17Andoo boonoshi anaami bushiishoonaa anaamona tookkii daneti maacheenaꞌo bullinon wuxibote. 18Tunebaani anaamona tookkii daneyaani gidiideenaꞌon ittoshich echiibote.
19“Ittoshi daggoochee ashoon wuxito woyee dubenoon yechito bulli shabaatte qemon kaamboyee maach kotebe. Keejjinnee qemoobinaa shabaattinnee qemoobinon ittoshi qelloonaa keceenaꞌonon xalliibote. 20Taho bullin, ebiyoommon gooqqoochee, emmishee huushoochee wotta mixoochee shuuneeti amoonolla xalliibote” iye.
21Aroochee qeeshoo Elazaari ginoochee wotteti asheenaꞌoyich ishichiye: “Doono Yeeri Muusich gettiti sheeree doyoo ebine: 22-23Qaaqqoona miccii aalloon hakkaani aachoon, birewoon, gooshoon, xuuroon, shombeqoonaa budoonon qaaqqoona xalliibote. Ebina xallemmone. Tunebaani wotta xalliyee aacona xalliyoo qaawiihe. Qaaqqoon hakkaani mooyon xalliyee aacona baach xalliibote. 24Shabaattinee qemooba ittoshi tahoon mayote. Aroochee xallemmo ittoshine. Ebiyee gubb, kaambooch gimon hakkemmo ittoshine” iye.
Kecoon Qoodeyoo
25Doono Yeeri Muusich ishichiye: 26“Ne, qeeshoo Elazaarinaa iiteenaꞌochi yari yaree ukkireenaꞌona kecceti ashoonaa gijjoonon haddibote. 27Kecoon gutta qoodiree ginooch hammii koyetinaꞌonaa iitoo bullinoyich qoodibe. 28Koyooch hammiti ginechinaꞌochi qoodoochee, ebiyoo kecceti ashoochee, wotta miimoochee, kuroochee, bagoonaa emmishoonoochee uuche balloochee ikkoon Doono Yeeri taach gibiroon kichibote. 29Ebin boonoshi qoodoochee deꞌiree Doono Yeeri taach deejjoon tunii qeeshoo Elazaarich imbe. 30Israꞌeeleenaꞌochi qoodoochee, ebiyoo kecceti asheenaꞌoochee, miimoochee, kuroochee, bagoonaa emmishoonoochee, gijjoo bulliichee aachoochee ikkoon deꞌiree Doono Yeeri ta duukkaaneexi maddooch ukkireti Leweenaꞌoyich imbe” iye. 31Muusinaa qeeshoo Elazaarina Doono Yeeri Muusich gettitoommon tuniiheete.
32Ginooch hammiti asheenaꞌo keccii deebiti mooyo boonoshich boonoshi echiitona tookkii ebine: Shiritte ballaa shabaa uuche hume bagoonaa emmishoona, 33shabaa gutte huma miimo, 34shichaa ikke hume kuroonaa 35anaamona tookkii daneyaani shaashaa gutte hume maacheenaꞌonane.
36Ginooch hammiti asheenaꞌoyich qoodeeti qato ebine: Bagoonaa emmishoona keejje ballaa shaashaa shabaatte humaa uuche balloone. 37Aroochee shiritte ballaa shabaa uuchoo Doono Yeerich gibiro kechiye.
38Miiminaꞌo shaashaa shiritte humeenaꞌone. Aroochee shabaa guttoo Doono Yeerich gibiro kechiye.
39Kureenaꞌo shaashe humaa uuche balleenaꞌone. Aroochee shichaa ikkoo Doono Yeerich gibiro kechiye.
40Asho aaraa shiritte humoone. Aroochee shaashaa guttoo Doono Yeerich gibiro kechiye.
41Muusiyoo Doono Yeeri biich gettitoommon, Doono Yeerichi qoodee gibiroon qeeshoo Elazaarich immiye.
42Ginooch hammiti asheenaꞌo waanee Muusi qooditi qato Israꞌeeleenaꞌochi qoodoone; 43iiteenaꞌoyich qoodeeti qoodoo ebine: keejje ballaa shaashaa shabaatte humaa uuche balle bagoonaa emmishoona, 44shaashaa shiritte hume miimo, 45shaashe humaa uuche balle kuroonaa 46aaraa shiritte hume maache bushiisheenaꞌonane. 47Israꞌeeleenaꞌochi qoodoochee Muusi ashoonaa gijjoonoochee aachoochee ikkoon tiijjiye. Doono Yeeri biich gettitoommon, Doono Yeerichi yaafee duukkaanoon quyoona maddeebeeti Leweenaꞌoyich immiye.
48Ginee iraasheenaꞌo, eboshiyoo humee iraasheenaꞌonaa ballee iraasheenaꞌona Muus waan waaꞌi, 49Muusich ishichiyeete: “Ne guuno no, no kishooch beeti ginee naayinaꞌon haddito noone. No haddaa ikkolla shappito aalloone. 50Ebich no ikkikkoona no daneti aachee qiicoon, aachee allubboon, aachee shagaamoon, axxaamittoon, waajji aachoonaa qettee aachoonon, no kashoon Doono Yeeri aafoochaa maariyoyich, Doono Yeerich wojjoo deebeto noone” iyeete.
51Muusinaa qeeshoo Elazaarina ebi aachoochee shuuneeti qiiceenaꞌon boonoshi kishoochee deqqiyeete. 52Humee iraasheenaꞌonaa ballee iraasheenaꞌona Doono Yeerich wojjoo boonoshi giddiiti aachoo bulli gutte balle kiilo giraam bedoone. 53Ginee naayinaꞌo boonoshi qelli qelloona kecoochee deqqitinaꞌone. 54Muusinaa qeeshoo Elazaarina aachoon humee iraasheenaꞌonaa ballee iraasheenaꞌona waanee deqqiꞌi, Doono Yeeri aafoochaa Israꞌeeleenaꞌo gabeyemmoyich danee duukkaanooch giijjiyeete.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.