Leweenaꞌo Gimo
Gimo
Hini macaafooch beeto, Leweenaꞌo mooyone. Leweenaꞌo Yeerich maddeebeeti maddechinaꞌone. Hini macaafo Yeerichi maddee shuunoon shuunoyich boonoshi tuniyemmi, meeti doyeenaꞌon yechitone. Ebiyoo Yeerich goyinnee maddee doyeenaꞌon, deejjoon giddiyee doyeenaꞌonaa xallittinoon ciinnii beetona qemi qemona daneebeeti iriteenaꞌon tachee doyeenaꞌononiye. Doyeenaꞌoochee meetinaꞌo Leweenaꞌoyich baach boonoshi ichetaanona, sheereenaꞌo bulli icheti naboo, Israꞌeeleenaꞌo Yeerichi yaafeeti asheenaꞌo tuneree biich goyinne maddebee boonoshi beeyemmoyich boonoshin gaachoyichiye. Hini macaafee daggooch beeti gaboo bullin yechiti yibbaatoo, Doono Yeeri, “Yaafoo ta tunetoyich, ittoshiyoo yaafoo tunebote” bi itone (11:44-45).
Inde Moochi Sheqqo
Buuroonaa deejjoonon giddiyoyich icheti sheeroonaa getoona (1:1–7:38)
Harooninaa bi anaami bushiishoona Yeerich maddeebeeti qeesheenaꞌo tuneꞌi ukkiro (8:1–10:20)
Yaafeeti beemoyich icheti doyeenaꞌo (11:1–15:33)
Axaaxoo Maareyemmi Aabo (16:1-34)
Shuunee toommooch heechiibeeti yaafeyoo (17:1–22:33)
Shambetoo, baareenaꞌonaa gooreenaꞌona (23:1–25:55)
Yeerichi diiroon deebemmi mooyinaꞌo (26:1–27:34)
Currently Selected:
Leweenaꞌo Gimo: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.