Yoꞌeeli 3
3
Aageteenaꞌo Toommooch Yeeri Nallemmo Tuno
1Doono Yeeri ishichiye:
“Aroobee aaboonaa yemeenoonooch,
Yihudee showoonaa Yerusaaleminochi kecoon wochemmo taane.
2 Aageteenaꞌo bullin kiciree,
Yoshafaaxi bambooch daammemmo taane.
Ta asheenaꞌo tuneti Israꞌeeleenaꞌon,
aageteenaꞌo daggooch boonoshi shaccitoyich,
ta showoon boonoshi qoodeetoyich,
boonoshi toommooch nallemmo taane.
3Ta asheenaꞌon qoodeyoyich ixoon duppiyeete;
yahechinaꞌon qemoyich,
anaami bushiisheenaꞌon immiyeete;
woyinee uyoon uyoyichoo
maache bushiisheenaꞌon kemmiyeete.
4“Xiroos, Sidoon, wotta Filsixeemee woraafeenaꞌooch beeti asheenaꞌote, aabichiiniye ittoshi beeto? Ta toommooch nichoon kichiya qaawii beetote? Ebi tunegaata, kaateree afaafinoona ittoshi shuuneton ittoshi toommooch shuunemmo taane. 5Ta aachoonaa birewoonon daammito ittoshine. Aaxxe ta qiicoon shaaggii daammiꞌi, ittoshi yaafee kexooch giijjito ittoshine. 6Yihudee showeexi asheenaꞌonaa Yerusaalemi asheenaꞌonon boonoshi showoochee wokkii daammiꞌi Giriikee asheenaꞌoyich kemmito ittoshine.
7“Tunebaani and ta, ittoshi kemmiti showoochee boonoshin tiijji deebemmo taane. Ittoshi shuuneton ittoshi toommooch shuunemmo taane. 8Ittoshi anaami bushiishoonaa maache bushiishoona Yihudee asheenaꞌoyich beshiitaa boonoshi kechemmoyich tuniyemmo taane. Boonoshiyoo wohooch beeti Sheebee asheenaꞌoyich kemmemminaꞌone. Ebin getteto Doono Yeeri taane.
9“Aageteenaꞌo daggoochaa ishichi awaajjibote:
‘Koyoyich qannibote!
Ginee anaaminaꞌonoo ceegote!
Ginee naayinaꞌo bulli kiceeree, koyoyich qannibeete.
10Ittoshi maaneshoo goraadoon
ittoshi magaadoo ginoon bi tunemmoyich qicote!
Yeexere ashoo “Ta kuppho taane” gete.#Isi. 2:4; Mik. 4:3
11Guudoona beeti aageteenaꞌote!
Ittoshi bulli afaafinoona wobote!
Waaree ebi are bambooch kiceebote’ getote” iye.
Doono Yeero!
Koyechi ne ginee naayinaꞌon,
desh arooch daachiibe!
12“Aageteenaꞌo tibeete;
guudoona beeti aageteenaꞌo toommooch nalloyich,
arooch kotemmo ta tunetoyich,
Yoshafaaxi bambooch hambeete.
13Boonoshi shuunoo oogeti gondoone;
maayi qecci goorooch maayoon magaadoona qecoommon,
boonoshin qecote!
Woyinee aafo oppooch ceennii beshiꞌi bi neexxeyoommon,
waaree boonoshin neexote” iye.#Yaaꞌo. 14:14-20; 19:15
14Nalloo kindemmi bamboochaa bi nallemmi,
Doono Yeerichi aabo shaggitone;
ebich mattiqutte asho arooch kiceetone.
15Aabeenaa ageneena manderemminaꞌone;
xojjeneenaꞌoo aaxxeyaache gettemminaꞌone.
Bi Asheenaꞌon Doono Yeeri Diiremmo Tuno
16Doono Yeeri Tsiyoonaa ciddiye;
bi qaaroon oogichiꞌi cookiye.
Yerusaalemaanoo gigehe.
Shimaayoo, showoo shuuriye.
Tunebaani Doono Yeeri bi asheenaꞌoyich shoobi xaaꞌoo tunemmone;
Israꞌeeleenaꞌoyichoo mishigo tunemmone.#Amo. 1:2
17“Arooba, yaafeeti Tsiyooni ta geppooch beeti,
ittoshi Nuggishoo Doono Yeeri ta tunoon
ariyemmo ittoshine.
Ebiyooba Yerusaalemi
yaafeeti tunemmine;
dallaaweenaꞌo biin koyi wochaachemminaꞌone.
18Ebiyooba, guudinaꞌooch woyinee qomboo ceennemmone;
geppeenaꞌoochoo shaappeebeeti miiminaꞌo gasheyemminaꞌone.
Yihudee showooch beeti bamboo bulliich aaco ceennemmone;
Doono Yeerichi yaafee kexoochee, aaco xuupphemmone;
Shixiimi bamboonoo uchemmone.
19Boonoshi showoochaa xalle ashi damoon boonoshi ukkitoyich,
Yihudee asheenaꞌon boonoshi xuqqitoyich,
Gibitsee showoo ashaalli xafo,
Edoomee showoo barahoo, tunemmone.
20Tunebaani Yihudee showoo bulli aabooch,
Yerusaalemi bushaa bushooch beddaahaa
ashi beeyi xaaꞌoon tunemmine.
21Hanaach beddaahaa ta gaacaani,
xalle ashi damee nichoon kichemmo taane;
Doono Yeeri ta,
Tsiyoon beeyemmo taane” iye.
Currently Selected:
Yoꞌeeli 3: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Yoꞌeeli 3
3
Aageteenaꞌo Toommooch Yeeri Nallemmo Tuno
1Doono Yeeri ishichiye:
“Aroobee aaboonaa yemeenoonooch,
Yihudee showoonaa Yerusaaleminochi kecoon wochemmo taane.
2 Aageteenaꞌo bullin kiciree,
Yoshafaaxi bambooch daammemmo taane.
Ta asheenaꞌo tuneti Israꞌeeleenaꞌon,
aageteenaꞌo daggooch boonoshi shaccitoyich,
ta showoon boonoshi qoodeetoyich,
boonoshi toommooch nallemmo taane.
3Ta asheenaꞌon qoodeyoyich ixoon duppiyeete;
yahechinaꞌon qemoyich,
anaami bushiisheenaꞌon immiyeete;
woyinee uyoon uyoyichoo
maache bushiisheenaꞌon kemmiyeete.
4“Xiroos, Sidoon, wotta Filsixeemee woraafeenaꞌooch beeti asheenaꞌote, aabichiiniye ittoshi beeto? Ta toommooch nichoon kichiya qaawii beetote? Ebi tunegaata, kaateree afaafinoona ittoshi shuuneton ittoshi toommooch shuunemmo taane. 5Ta aachoonaa birewoonon daammito ittoshine. Aaxxe ta qiicoon shaaggii daammiꞌi, ittoshi yaafee kexooch giijjito ittoshine. 6Yihudee showeexi asheenaꞌonaa Yerusaalemi asheenaꞌonon boonoshi showoochee wokkii daammiꞌi Giriikee asheenaꞌoyich kemmito ittoshine.
7“Tunebaani and ta, ittoshi kemmiti showoochee boonoshin tiijji deebemmo taane. Ittoshi shuuneton ittoshi toommooch shuunemmo taane. 8Ittoshi anaami bushiishoonaa maache bushiishoona Yihudee asheenaꞌoyich beshiitaa boonoshi kechemmoyich tuniyemmo taane. Boonoshiyoo wohooch beeti Sheebee asheenaꞌoyich kemmemminaꞌone. Ebin getteto Doono Yeeri taane.
9“Aageteenaꞌo daggoochaa ishichi awaajjibote:
‘Koyoyich qannibote!
Ginee anaaminaꞌonoo ceegote!
Ginee naayinaꞌo bulli kiceeree, koyoyich qannibeete.
10Ittoshi maaneshoo goraadoon
ittoshi magaadoo ginoon bi tunemmoyich qicote!
Yeexere ashoo “Ta kuppho taane” gete.#Isi. 2:4; Mik. 4:3
11Guudoona beeti aageteenaꞌote!
Ittoshi bulli afaafinoona wobote!
Waaree ebi are bambooch kiceebote’ getote” iye.
Doono Yeero!
Koyechi ne ginee naayinaꞌon,
desh arooch daachiibe!
12“Aageteenaꞌo tibeete;
guudoona beeti aageteenaꞌo toommooch nalloyich,
arooch kotemmo ta tunetoyich,
Yoshafaaxi bambooch hambeete.
13Boonoshi shuunoo oogeti gondoone;
maayi qecci goorooch maayoon magaadoona qecoommon,
boonoshin qecote!
Woyinee aafo oppooch ceennii beshiꞌi bi neexxeyoommon,
waaree boonoshin neexote” iye.#Yaaꞌo. 14:14-20; 19:15
14Nalloo kindemmi bamboochaa bi nallemmi,
Doono Yeerichi aabo shaggitone;
ebich mattiqutte asho arooch kiceetone.
15Aabeenaa ageneena manderemminaꞌone;
xojjeneenaꞌoo aaxxeyaache gettemminaꞌone.
Bi Asheenaꞌon Doono Yeeri Diiremmo Tuno
16Doono Yeeri Tsiyoonaa ciddiye;
bi qaaroon oogichiꞌi cookiye.
Yerusaalemaanoo gigehe.
Shimaayoo, showoo shuuriye.
Tunebaani Doono Yeeri bi asheenaꞌoyich shoobi xaaꞌoo tunemmone;
Israꞌeeleenaꞌoyichoo mishigo tunemmone.#Amo. 1:2
17“Arooba, yaafeeti Tsiyooni ta geppooch beeti,
ittoshi Nuggishoo Doono Yeeri ta tunoon
ariyemmo ittoshine.
Ebiyooba Yerusaalemi
yaafeeti tunemmine;
dallaaweenaꞌo biin koyi wochaachemminaꞌone.
18Ebiyooba, guudinaꞌooch woyinee qomboo ceennemmone;
geppeenaꞌoochoo shaappeebeeti miiminaꞌo gasheyemminaꞌone.
Yihudee showooch beeti bamboo bulliich aaco ceennemmone;
Doono Yeerichi yaafee kexoochee, aaco xuupphemmone;
Shixiimi bamboonoo uchemmone.
19Boonoshi showoochaa xalle ashi damoon boonoshi ukkitoyich,
Yihudee asheenaꞌon boonoshi xuqqitoyich,
Gibitsee showoo ashaalli xafo,
Edoomee showoo barahoo, tunemmone.
20Tunebaani Yihudee showoo bulli aabooch,
Yerusaalemi bushaa bushooch beddaahaa
ashi beeyi xaaꞌoon tunemmine.
21Hanaach beddaahaa ta gaacaani,
xalle ashi damee nichoon kichemmo taane;
Doono Yeeri ta,
Tsiyoon beeyemmo taane” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.