Yoꞌeeli 2
2
Doono Yeerichi Aaboon Gecheenaꞌo Bekkiyoo
1Doono Yeerichi aabo waa beetone;
ebiyoo katinnitone.
Tsiyoonaa tiroon (waaringoon) hugote!
Shametoonoo Doono Yeerichi yaafe geppoochaa hugote!
Yihudee showooch beetinaꞌo bulli qewebeete.
2Ebi aabo shitirippimii mandereti aabo,
quboonaa dunne manderoona tuneti aaboone.
Maaddee aabo guudinaꞌooch kooyoommon
giidechi meeti ginee naayo woyemmone.
Wonnee tiijjiꞌi ebiyoommi mooyo bekkee ariyaanoone;
ebiyee bekkoo bekkeyaachemmone.
3Boonoshi aaf beeton qaaqqoo maahe;
boonoshi gubb beetonoo qaaqqoo michiye.
Showoo boonoshi aafaa Edeni beeti bechee mixoommone;
tunebaani boonoshi gubbaa amolla aalli barahoon tunehe.
Boonoshiyee muriccemmi amee mooyolla aalloone.
4Boonoshiyoo hareshoon shaaheenaꞌone;
ginee hareshoochoommonoo guufeheete.
5 Gaarinaꞌochi qaaroommi qaaroon waayiibee,
guudi toommona capheheete;
galloon yechiti qaaqqoo tatoommon, tatiyeete;
giidechi ginee naayinaꞌo koyoyich qanniꞌi yaaroona keyoommon, kechiyeete.#Yaaꞌo. 9:7-9
6Boonoshi aafoochaa asheenaꞌo qewemminaꞌone;
asho bullichi aafo shaddeyemmone.
7Ginee koyechinaꞌochoommon koyemminaꞌone;
ginee naayinaꞌochoommon xaqqee uxeree toommooch kechemminaꞌone;
bulliyona okk hach getaanoon,
boonoshi gommon yeshiree qaxiremminaꞌone.
8Boonoshinaa boonoshina xuꞌeyaanoon,
boonoshi woreti woretoona qaxiremminaꞌone.
Mishigoon tiishi beshe hammemminaꞌone;
boonoshin yeshi neechemmo amolla daneyaachemmone.
9Katemoon tuqqemminaꞌone;
uxeree toommona capphi beshemminaꞌone;
kexinaꞌooch deshee damba kechemminaꞌone;
gaayoochomonoo mallee kelloona giyemminaꞌone.
10Boonoshi aafaa showoo qewehe;
shimaayoo shuuriye.
Aabeenaa ageneena mandereheete;
xojjeneenaꞌoo aaxxemmon qajjiyeete.
11Bi ginee naayinaꞌo aafoochaa,
Doono Yeeri gigeebee, bi qaaroon waayiihe;
bi ginee naayo mattiquttoone;
ebi bi getoon ceechii beetinaꞌo giidechinaꞌone.
Doono Yeerichi aabo oogeton shattii giiriitone;
ebi aaboochee wodemmo konine?#Yaaꞌo. 6:17
Doono Yeer Waan Wotto
12Doono Yeeri ishichiye:
“Andoo tunetaa coomoona, eefona, muushenoona,
ceeni ittoshi mulloona ta waan wottebote” iye.
13Ittoshi mulloonalli ittoshi tahoon keexxaahote.
Ittoshi Nuggishoo Doono Yeer waan wottebote;
biyoo maarecho, ariqqecho,
kaaroyich nibbecho, wodde shoodecho,
sheeroyich nibbechone.
14Diqqich ittoshi Nuggishoo Doono Yeeri,
bi kaaroochee qayi wotteree,
ittoshin diiremmo tunemmone;
ittoshiyoo maayi buuroonaa uyee deejjoonon
biich giddiyemmo ittoshine.
15Tsiyoonaa tiroon hugote!
Asho coomemmoyich awaajjibote!
Yaafeeti kiceyoon kicibote!
16Asheenaꞌon kicibote!
Iitoonoo yaafibote!
Geeneenaꞌon kicibote!
Bushiisheenaꞌon kicibote!
Xammii beetinaꞌon beddaahaa kicibote!
Woꞌee keno bi kollee kexoochee;
woꞌeyoo ebi aroochee, keyeete.
17Doono Yeerich maddeebeeti qeesheenaꞌo,
deejjee gudoonaa yaafee kechi godoonochi gutte daggoochaa eefeete!
“Doono Yeero, ne hajjee asheenaꞌoyich ariqqebe.
Aageteenaꞌo ‘Boonoshi Nuggishoo aaye?’ geti
boonoshi coonemmonaa hoxemmonoyich tuniyaahine” geteete.
Doono Yeeri Bi Asheenaꞌoyich Gibenikkiti Gibeno
18Doono Yeeri bi showoyich qanaatehe;
bi asheenaꞌonoo ariqqehe.
19Boonoshichoo ishichiye:
“Maayoon, woyinee uyoonaa zayitoonon
ittoshich immemmo taane;
ittoshiyoo michemmo ittoshine.
Ebiyee bekk, aageteenaꞌo daggoochaa,
ittoshi cooneyemmoyich tuniyaachemmo taane.
20“Dambi-waanee waabeeti ginee naayinaꞌon,
ittoshi waanee wokkiyemmo taane;
barahoonaa shuuꞌi showoonooch yookkemmo taane.
Aaf beetinaꞌon aabi-keyo waanee baharooch,
gubb beetinaꞌonoo aabi-gimo waanee baharooch,
daachiyemmo taane.
Boonoshi dubeno shaaqqemmone;
bi shaaꞌo hooggemmone.
Ebiyoo geececho bi tunetoyichiye.
21“Showeene, shattaahine; emiribe!
Doono Yeeri ta, worganikkiti mooyon ta tuniitoyich,
oogichi emiribe!
22Kubbi cooxinaꞌote, shattaahote!
Gaddeexi moceenaꞌo cammitinaꞌone;
mixinaꞌo aafoon aafetinaꞌone;
balaasee mixonaa woyinee qomboona woddii aafetone.
23Tsiyoonee asheenaꞌote, emiribote!
Ittoshi Nuggishoo Doono Yeeri taanna oogichi emiribote!
Marehee amiyon,
cadiqoona ittoshich immeto taane.
Marehee amiyonaa naawee amiyonon,
woddii ittoshich dichito taane.
24Maayi buchi xaaꞌeenaꞌooch
maayeenaꞌo ceennemminaꞌone;
woyino hiicheebeeti oppeenaꞌoo
woyinee uyoonaa zayitoona ceeniree aphiremminaꞌone.
25Giidechi ginee naayo tuneti, shiwureebeeti gechoon,
huggii aalliibeeti gechoon, gurimaashe gechoonaa temichoonon,
ittoshich ta deejjiti natinaꞌooch boonoshi aalliiti maayoon,
ta ittoshich qoccemmo taane.
26Ittoshi qettee wottoon maaree michemmo ittoshine;
ittoshich worganikkiti shuunoon shuuneti,
ittoshi Nuggishoo Doono Yeeri taan galletemmo ittoshine.
Ta asheenaꞌo ciroona wochinnoon yeelleyaachemminaꞌone.
27Israꞌeelee asho ittoshi daggooch ta beemon,
Doono Yeeri ta, ittoshi Nuggishoo ta tunoon,
tayee bare nuggishoo aallo bi tunoon,
ariyemmo ittoshine.
Ta asheenaꞌo ciroona wochinnoon yeelleyaachemminaꞌone” iye.
Doono Yeerichi Aabo
28Doono Yeeri ishichiye:
“Ebiyee bekk, ta Ayaanoon
meeno taheti asho bulli toommooch woniyemmo taane;
ittoshi anaami bushiisheenaꞌonaa
maache bushiisheenaꞌona keemoon keemmemminaꞌone;
ittoshi daggeexi geeneenaꞌo gumon gummemminaꞌone;
gurimaasheenaꞌoo yaaꞌoon beeggemminaꞌone.
29Aroobee yemeenooch, guuninaꞌonaa
gonneenaꞌonochi toommooch
ta Ayaanoon woniyemmo taane.
30“Worganikkiti mooyon shimaayoochaa, showoochaanoo bekkiyemmo taane;
damoonaa qaaqqoona, cufee duulloo tunemmone.
31Oogoonaa shattiitona tuneti,
Doono Yeerichi aabo womoyee shiichi,
aabe manderemmine;
ageneyoo damoo tunemmine.#Yaaꞌo. 6:12
32Doono Yeerichi shigoon ceeggiibeeto bulli wodemmone.#Room. 10:13
Doono Yeeri gettitoommon Tsiyooni guudonaa
Yerusaaleminoochaa wodoo danemmone;
Doono Yeeri gettitoommon,
ebi woditinaꞌo bi ceeggitinaꞌone” iye.#Mish. 2:17-21
Currently Selected:
Yoꞌeeli 2: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Yoꞌeeli 2
2
Doono Yeerichi Aaboon Gecheenaꞌo Bekkiyoo
1Doono Yeerichi aabo waa beetone;
ebiyoo katinnitone.
Tsiyoonaa tiroon (waaringoon) hugote!
Shametoonoo Doono Yeerichi yaafe geppoochaa hugote!
Yihudee showooch beetinaꞌo bulli qewebeete.
2Ebi aabo shitirippimii mandereti aabo,
quboonaa dunne manderoona tuneti aaboone.
Maaddee aabo guudinaꞌooch kooyoommon
giidechi meeti ginee naayo woyemmone.
Wonnee tiijjiꞌi ebiyoommi mooyo bekkee ariyaanoone;
ebiyee bekkoo bekkeyaachemmone.
3Boonoshi aaf beeton qaaqqoo maahe;
boonoshi gubb beetonoo qaaqqoo michiye.
Showoo boonoshi aafaa Edeni beeti bechee mixoommone;
tunebaani boonoshi gubbaa amolla aalli barahoon tunehe.
Boonoshiyee muriccemmi amee mooyolla aalloone.
4Boonoshiyoo hareshoon shaaheenaꞌone;
ginee hareshoochoommonoo guufeheete.
5 Gaarinaꞌochi qaaroommi qaaroon waayiibee,
guudi toommona capheheete;
galloon yechiti qaaqqoo tatoommon, tatiyeete;
giidechi ginee naayinaꞌo koyoyich qanniꞌi yaaroona keyoommon, kechiyeete.#Yaaꞌo. 9:7-9
6Boonoshi aafoochaa asheenaꞌo qewemminaꞌone;
asho bullichi aafo shaddeyemmone.
7Ginee koyechinaꞌochoommon koyemminaꞌone;
ginee naayinaꞌochoommon xaqqee uxeree toommooch kechemminaꞌone;
bulliyona okk hach getaanoon,
boonoshi gommon yeshiree qaxiremminaꞌone.
8Boonoshinaa boonoshina xuꞌeyaanoon,
boonoshi woreti woretoona qaxiremminaꞌone.
Mishigoon tiishi beshe hammemminaꞌone;
boonoshin yeshi neechemmo amolla daneyaachemmone.
9Katemoon tuqqemminaꞌone;
uxeree toommona capphi beshemminaꞌone;
kexinaꞌooch deshee damba kechemminaꞌone;
gaayoochomonoo mallee kelloona giyemminaꞌone.
10Boonoshi aafaa showoo qewehe;
shimaayoo shuuriye.
Aabeenaa ageneena mandereheete;
xojjeneenaꞌoo aaxxemmon qajjiyeete.
11Bi ginee naayinaꞌo aafoochaa,
Doono Yeeri gigeebee, bi qaaroon waayiihe;
bi ginee naayo mattiquttoone;
ebi bi getoon ceechii beetinaꞌo giidechinaꞌone.
Doono Yeerichi aabo oogeton shattii giiriitone;
ebi aaboochee wodemmo konine?#Yaaꞌo. 6:17
Doono Yeer Waan Wotto
12Doono Yeeri ishichiye:
“Andoo tunetaa coomoona, eefona, muushenoona,
ceeni ittoshi mulloona ta waan wottebote” iye.
13Ittoshi mulloonalli ittoshi tahoon keexxaahote.
Ittoshi Nuggishoo Doono Yeer waan wottebote;
biyoo maarecho, ariqqecho,
kaaroyich nibbecho, wodde shoodecho,
sheeroyich nibbechone.
14Diqqich ittoshi Nuggishoo Doono Yeeri,
bi kaaroochee qayi wotteree,
ittoshin diiremmo tunemmone;
ittoshiyoo maayi buuroonaa uyee deejjoonon
biich giddiyemmo ittoshine.
15Tsiyoonaa tiroon hugote!
Asho coomemmoyich awaajjibote!
Yaafeeti kiceyoon kicibote!
16Asheenaꞌon kicibote!
Iitoonoo yaafibote!
Geeneenaꞌon kicibote!
Bushiisheenaꞌon kicibote!
Xammii beetinaꞌon beddaahaa kicibote!
Woꞌee keno bi kollee kexoochee;
woꞌeyoo ebi aroochee, keyeete.
17Doono Yeerich maddeebeeti qeesheenaꞌo,
deejjee gudoonaa yaafee kechi godoonochi gutte daggoochaa eefeete!
“Doono Yeero, ne hajjee asheenaꞌoyich ariqqebe.
Aageteenaꞌo ‘Boonoshi Nuggishoo aaye?’ geti
boonoshi coonemmonaa hoxemmonoyich tuniyaahine” geteete.
Doono Yeeri Bi Asheenaꞌoyich Gibenikkiti Gibeno
18Doono Yeeri bi showoyich qanaatehe;
bi asheenaꞌonoo ariqqehe.
19Boonoshichoo ishichiye:
“Maayoon, woyinee uyoonaa zayitoonon
ittoshich immemmo taane;
ittoshiyoo michemmo ittoshine.
Ebiyee bekk, aageteenaꞌo daggoochaa,
ittoshi cooneyemmoyich tuniyaachemmo taane.
20“Dambi-waanee waabeeti ginee naayinaꞌon,
ittoshi waanee wokkiyemmo taane;
barahoonaa shuuꞌi showoonooch yookkemmo taane.
Aaf beetinaꞌon aabi-keyo waanee baharooch,
gubb beetinaꞌonoo aabi-gimo waanee baharooch,
daachiyemmo taane.
Boonoshi dubeno shaaqqemmone;
bi shaaꞌo hooggemmone.
Ebiyoo geececho bi tunetoyichiye.
21“Showeene, shattaahine; emiribe!
Doono Yeeri ta, worganikkiti mooyon ta tuniitoyich,
oogichi emiribe!
22Kubbi cooxinaꞌote, shattaahote!
Gaddeexi moceenaꞌo cammitinaꞌone;
mixinaꞌo aafoon aafetinaꞌone;
balaasee mixonaa woyinee qomboona woddii aafetone.
23Tsiyoonee asheenaꞌote, emiribote!
Ittoshi Nuggishoo Doono Yeeri taanna oogichi emiribote!
Marehee amiyon,
cadiqoona ittoshich immeto taane.
Marehee amiyonaa naawee amiyonon,
woddii ittoshich dichito taane.
24Maayi buchi xaaꞌeenaꞌooch
maayeenaꞌo ceennemminaꞌone;
woyino hiicheebeeti oppeenaꞌoo
woyinee uyoonaa zayitoona ceeniree aphiremminaꞌone.
25Giidechi ginee naayo tuneti, shiwureebeeti gechoon,
huggii aalliibeeti gechoon, gurimaashe gechoonaa temichoonon,
ittoshich ta deejjiti natinaꞌooch boonoshi aalliiti maayoon,
ta ittoshich qoccemmo taane.
26Ittoshi qettee wottoon maaree michemmo ittoshine;
ittoshich worganikkiti shuunoon shuuneti,
ittoshi Nuggishoo Doono Yeeri taan galletemmo ittoshine.
Ta asheenaꞌo ciroona wochinnoon yeelleyaachemminaꞌone.
27Israꞌeelee asho ittoshi daggooch ta beemon,
Doono Yeeri ta, ittoshi Nuggishoo ta tunoon,
tayee bare nuggishoo aallo bi tunoon,
ariyemmo ittoshine.
Ta asheenaꞌo ciroona wochinnoon yeelleyaachemminaꞌone” iye.
Doono Yeerichi Aabo
28Doono Yeeri ishichiye:
“Ebiyee bekk, ta Ayaanoon
meeno taheti asho bulli toommooch woniyemmo taane;
ittoshi anaami bushiisheenaꞌonaa
maache bushiisheenaꞌona keemoon keemmemminaꞌone;
ittoshi daggeexi geeneenaꞌo gumon gummemminaꞌone;
gurimaasheenaꞌoo yaaꞌoon beeggemminaꞌone.
29Aroobee yemeenooch, guuninaꞌonaa
gonneenaꞌonochi toommooch
ta Ayaanoon woniyemmo taane.
30“Worganikkiti mooyon shimaayoochaa, showoochaanoo bekkiyemmo taane;
damoonaa qaaqqoona, cufee duulloo tunemmone.
31Oogoonaa shattiitona tuneti,
Doono Yeerichi aabo womoyee shiichi,
aabe manderemmine;
ageneyoo damoo tunemmine.#Yaaꞌo. 6:12
32Doono Yeerichi shigoon ceeggiibeeto bulli wodemmone.#Room. 10:13
Doono Yeeri gettitoommon Tsiyooni guudonaa
Yerusaaleminoochaa wodoo danemmone;
Doono Yeeri gettitoommon,
ebi woditinaꞌo bi ceeggitinaꞌone” iye.#Mish. 2:17-21
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.