Hosee'i 6
6
Yeeri Israꞌeeleenaꞌon Bi Waan Boonoshi Wottemmoyich Ceego
1Asheenaꞌo ishichiyeete: “Ittoshi waataa Doono Yeer waan wottebone. Bi noon tiichitone; bi noon guuci wodiyemmone. Bi noon mayiitone; bi noon wodiyemmone. 2Gutte qemoyee gubb noon wodiyemmone. Bi aafooch kashoona no beeyemmoyich keejjinnee qemooba noon tiijjemmone. 3Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.
4Aroochee Doono Yeeri ishichiye: “Efreemo, neen aabichibote? Yihudo, neen aabichibote? Ittoshi shoodo maaddee quboommo, harimmona bekkechi shokkeebeeti keetoommone. 5Ebich ta keemechinaꞌochi noonoona ittoshin aalliihoye; ta qaaroonoo ittoshin wuxiyoye. Ebina ta nalloo xeeyoochoommon xeejjiye. 6Ebiyoo deejjoyee shoodoon, micciibeeti deejjoyee Doono Yeeri taan ne ariyoon ta shunnaa beetoyichiye.#Maat. 9:13; 12:7
7“Tunebaani boonoshi Addaamichoommon#6:7 woyee Adaami getteebeeti xaaꞌoochaa wogoon happitinaꞌone. Ebi aroochaa taach gibeneyoon qajjitinaꞌone. 8Gilaadi gonde asheenaꞌochi katemoo tunetone; damoonoo wooretone. 9Bokkeenaꞌo ashoon wuxiya ottii quyoommon, qeesheenaꞌo ebiyoommon tuniiheete; Shekeemi gommoochaa ashoon wuxiyeete. Yeelliibeeti gondoonoo shuuneheete. 10Shixxiibeeti mooyon Israꞌeeleenaꞌo daggoochee beeggeto taane. Efreemi yahecho tunetone. Israꞌeeliyoo eeꞌetone.
11“Yihudee asheenaꞌote!
Ittoshi toommooch nallee aabo kuchetone.
Currently Selected:
Hosee'i 6: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
