Hiziqeeli 13
13
Koote Keemechinaꞌo Toommooch Keemmeti Keemo
1Doono Yeeri taach ishichiye: 2“Ashi bushoocho, boonoshi mulloochee kichiꞌi keemoon keemmiibeeti Israꞌeelee keemechinaꞌochi toommooch keembe; boonoshichoo ishichibe: ‘Doono Yeerichi qaaroon waayebote! 3Nuggishoo Doono Yeeri ishichiye: Amoonolla beegaanoon boonoshi mullee gaboon dabbiibeeti mullaalli keemechinaꞌoyich woowo! 4Israꞌeeleenaꞌote, ittoshi keemechinaꞌo happeeti katemee gutee daggooch beeti boqqelloomminaꞌone. 5Doono Yeerichi koyee aabooba manji bi neexemmoyich tiisheti uxerooch hammiꞌi Israꞌeelee macceenaꞌoyich uxeroon uxereyaano ittoshine. 6Boonoshi yaaꞌoo kootoone; boonoshi qaaxo kootoone; Doono Yeeri boonoshin wocheyaanoon “Doono Yeeri ishichiye” iyeete; aroochee boonoshi keemmito ceennemmoyich quyeheete. 7Ta getaanoon “Doono Yeeri ishichiye” ittoshi geto, koote yaaꞌoon beego, koote qaaxoonoo qaaxo toone?
8“ ‘Ebich Nuggishoo Doono Yeeri ishichiye: Duube mooyon ittoshi yibbaatetonaa koote yaaꞌoon ittoshi beeggitonoyich, ittoshi toommooch tiyeto taane, iye Nuggishoo Doono Yeeri. 9Ta kishoo duube yaaꞌoon beeggii beetinaꞌonaa kootoon qaaxee beetinaꞌonochi toommooch tiyemmone; boonoshi ta asheenaꞌochi iitee daggooch daneyaachemminaꞌone; Israꞌeelee yaree macaafooch kooreyaachemminaꞌone; Israꞌeelee showoochoo giyaachemminaꞌone; ebinoo Nuggishoo Doono Yeeri ta tunoon ariyemmo ittoshine.
10“ ‘Ebi keemechinaꞌo diggoo aalloon diggoone iibee ta asheenaꞌon muriciiheete; ta asheenaꞌo xaqqoon kecimmona boonoshi arooch booroon dikkeheete;#Erim. 6:14; 8:11 11booroon dikkee beetinaꞌoyich dihemmo bi tunoon gete; amiyoo dudemmone; baderee gaagoo kindemmone; yubee yongoo gaakkemmone. 12Keceeti xaqqo dihiyooba asheenaꞌo, “Ittoshi dikketi booro aaye?” getaacheheete?
13“ ‘Ebich Nuggishoo Doono Yeeri ishichiye: Ta neboona yubee yongoon deejjemmo taane; ta kaaroona baderee gaagoon deejjemmo taane; amiyoo dudi kindiree aalliyemmone. 14Booroona ittoshi dikketi xaqqee kecoon happemmo taane; bi heco bekkemmooch beddaahaa dichemmo taane; bi dihiyooba, ittoshiyoo bi daggoochaa aallemmo ittoshine; aroochee Doono Yeeri ta tunoon ariyemmo ittoshine. 15Xaqqee kecoonaa arooch booroon dikketi asheenaꞌonochi toommooch ta neboon kindiichi, “Xaqqee keco tuneba, aree toommooch booroon dikketinaꞌo aalletinaꞌone” gettemmo taane. 16Boonoshiyoo Yerusaalemichon keemoon keemmiti, diggoo aalloon diggee yaaꞌoon beeggiti Israꞌeelee keemechinaꞌone, iye Nuggishoo Doono Yeeri’ gete” iye.
Koote Keemechi Maacheenaꞌo Toommooch Keemmeti Keemo
17Doono Yeeri ishichiye: “Andoo ashi bushoocho, boonoshi mulloochee kichiꞌi keemoon keemmiibeeti ne asheenaꞌochi maacheenaꞌo waan ne aafoon wochibe; boonoshi toommoochoo keemoon keembe. 18Boonoshich ishichibe: ‘Nuggishoo Doono Yeeri ishichiye: Ashi kashoon olloyich mochooch geddeyemmi xifetoon kochiibeeti, baribare qelli kaafoonoo shuuneebeeti maacheenaꞌoyich woowo! Ta asheenaꞌochi kashoon kamboona ittoshi kashoon wodiyehote? 19Ittoshi kootoon waayaabeeti ta asheenaꞌoyich koottiibee, qita bedaani kasheen wuxoona, woda bedaani kasheenoo wodiyoona ikke ushi sheqoonaa ikke tiishi koshonoyicha iꞌi ta shigoon eeꞌiito ittoshine.
20“ ‘Ebich Nuggishoo Doono Yeeri ishichiye: Ashi kashoon kafoochoommon ittoshi olleebeeti xifetoon shixxoye; ittoshi mochee toommoochee kuxi bajjemmo taane; kafoochoommon ittoshi olleti ashoon aroochee kichemmo taane. 21Qelli kaafoonoo keexi shootiree ta asheenaꞌon aroochee wodiyemmo taane; ebiyee bekk ittoshi kishooch dihaachemminaꞌone; ebiyooba Doono Yeeri ta tunoon ariyemmo ittoshine. 22Gibeno ta kuchiyaani cadiqe ashoon kootoon koottiꞌi gibeno kuchiito ittoshine; axaaxecho bi gondoochee wotteree bi wodaachemmoyich biin kupphiito ittoshine. 23Ebiyee bekk koote yaaꞌoon beegaachemmo ittoshine; qaaxoonoo qaaxeyaachemmo ittoshine; ta asheenaꞌon ittoshi kishoochee wodiyemmo taane; ebiyooba Doono Yeeri ta tunoon ariyemmo ittoshine, itone’ gete” iye.
Currently Selected:
Hiziqeeli 13: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Hiziqeeli 13
13
Koote Keemechinaꞌo Toommooch Keemmeti Keemo
1Doono Yeeri taach ishichiye: 2“Ashi bushoocho, boonoshi mulloochee kichiꞌi keemoon keemmiibeeti Israꞌeelee keemechinaꞌochi toommooch keembe; boonoshichoo ishichibe: ‘Doono Yeerichi qaaroon waayebote! 3Nuggishoo Doono Yeeri ishichiye: Amoonolla beegaanoon boonoshi mullee gaboon dabbiibeeti mullaalli keemechinaꞌoyich woowo! 4Israꞌeeleenaꞌote, ittoshi keemechinaꞌo happeeti katemee gutee daggooch beeti boqqelloomminaꞌone. 5Doono Yeerichi koyee aabooba manji bi neexemmoyich tiisheti uxerooch hammiꞌi Israꞌeelee macceenaꞌoyich uxeroon uxereyaano ittoshine. 6Boonoshi yaaꞌoo kootoone; boonoshi qaaxo kootoone; Doono Yeeri boonoshin wocheyaanoon “Doono Yeeri ishichiye” iyeete; aroochee boonoshi keemmito ceennemmoyich quyeheete. 7Ta getaanoon “Doono Yeeri ishichiye” ittoshi geto, koote yaaꞌoon beego, koote qaaxoonoo qaaxo toone?
8“ ‘Ebich Nuggishoo Doono Yeeri ishichiye: Duube mooyon ittoshi yibbaatetonaa koote yaaꞌoon ittoshi beeggitonoyich, ittoshi toommooch tiyeto taane, iye Nuggishoo Doono Yeeri. 9Ta kishoo duube yaaꞌoon beeggii beetinaꞌonaa kootoon qaaxee beetinaꞌonochi toommooch tiyemmone; boonoshi ta asheenaꞌochi iitee daggooch daneyaachemminaꞌone; Israꞌeelee yaree macaafooch kooreyaachemminaꞌone; Israꞌeelee showoochoo giyaachemminaꞌone; ebinoo Nuggishoo Doono Yeeri ta tunoon ariyemmo ittoshine.
10“ ‘Ebi keemechinaꞌo diggoo aalloon diggoone iibee ta asheenaꞌon muriciiheete; ta asheenaꞌo xaqqoon kecimmona boonoshi arooch booroon dikkeheete;#Erim. 6:14; 8:11 11booroon dikkee beetinaꞌoyich dihemmo bi tunoon gete; amiyoo dudemmone; baderee gaagoo kindemmone; yubee yongoo gaakkemmone. 12Keceeti xaqqo dihiyooba asheenaꞌo, “Ittoshi dikketi booro aaye?” getaacheheete?
13“ ‘Ebich Nuggishoo Doono Yeeri ishichiye: Ta neboona yubee yongoon deejjemmo taane; ta kaaroona baderee gaagoon deejjemmo taane; amiyoo dudi kindiree aalliyemmone. 14Booroona ittoshi dikketi xaqqee kecoon happemmo taane; bi heco bekkemmooch beddaahaa dichemmo taane; bi dihiyooba, ittoshiyoo bi daggoochaa aallemmo ittoshine; aroochee Doono Yeeri ta tunoon ariyemmo ittoshine. 15Xaqqee kecoonaa arooch booroon dikketi asheenaꞌonochi toommooch ta neboon kindiichi, “Xaqqee keco tuneba, aree toommooch booroon dikketinaꞌo aalletinaꞌone” gettemmo taane. 16Boonoshiyoo Yerusaalemichon keemoon keemmiti, diggoo aalloon diggee yaaꞌoon beeggiti Israꞌeelee keemechinaꞌone, iye Nuggishoo Doono Yeeri’ gete” iye.
Koote Keemechi Maacheenaꞌo Toommooch Keemmeti Keemo
17Doono Yeeri ishichiye: “Andoo ashi bushoocho, boonoshi mulloochee kichiꞌi keemoon keemmiibeeti ne asheenaꞌochi maacheenaꞌo waan ne aafoon wochibe; boonoshi toommoochoo keemoon keembe. 18Boonoshich ishichibe: ‘Nuggishoo Doono Yeeri ishichiye: Ashi kashoon olloyich mochooch geddeyemmi xifetoon kochiibeeti, baribare qelli kaafoonoo shuuneebeeti maacheenaꞌoyich woowo! Ta asheenaꞌochi kashoon kamboona ittoshi kashoon wodiyehote? 19Ittoshi kootoon waayaabeeti ta asheenaꞌoyich koottiibee, qita bedaani kasheen wuxoona, woda bedaani kasheenoo wodiyoona ikke ushi sheqoonaa ikke tiishi koshonoyicha iꞌi ta shigoon eeꞌiito ittoshine.
20“ ‘Ebich Nuggishoo Doono Yeeri ishichiye: Ashi kashoon kafoochoommon ittoshi olleebeeti xifetoon shixxoye; ittoshi mochee toommoochee kuxi bajjemmo taane; kafoochoommon ittoshi olleti ashoon aroochee kichemmo taane. 21Qelli kaafoonoo keexi shootiree ta asheenaꞌon aroochee wodiyemmo taane; ebiyee bekk ittoshi kishooch dihaachemminaꞌone; ebiyooba Doono Yeeri ta tunoon ariyemmo ittoshine. 22Gibeno ta kuchiyaani cadiqe ashoon kootoon koottiꞌi gibeno kuchiito ittoshine; axaaxecho bi gondoochee wotteree bi wodaachemmoyich biin kupphiito ittoshine. 23Ebiyee bekk koote yaaꞌoon beegaachemmo ittoshine; qaaxoonoo qaaxeyaachemmo ittoshine; ta asheenaꞌon ittoshi kishoochee wodiyemmo taane; ebiyooba Doono Yeeri ta tunoon ariyemmo ittoshine, itone’ gete” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.