Hiziqeeli 12
12
Hiziqeeli Kecceyoon Malletoona Bekkiyoo
1Doono Yeeri taach ishichiye: 2“Ashi bushoocho, hukkechi macceenaꞌo daggooch koteto neene; ciinoyich aafoo beetaa ciinaacheete; waayoyich waamo beetaa waayeyaacheete; ebiyoo hukkechi yareenaꞌo boonoshi tunetoyichiye.#Isi. 6:9-10; Erim. 5:21
3“Ebich ashi bushoocho, kecooch hammii beeton shaahiree ne qiicoon qanniibe; boonoshi ciini beetaa kecooch hammii beeton shaahiree areddoon tibe; boonoshi ciini beetaa keccetochoommon ne xaaꞌoochee bare xaaꞌooch hambe; hukkechi macceenaꞌo boonoshi tunetaanoona diqqich shalligemminaꞌone. 4Boonoshi ciini beetaa areddoon ne qiicoon maach kichibe; boonoshi ciini beetaa keccetochoommon xumoon keyi hambe. 5Boonoshi ciini beetaa ne kechi duuhoon hottiree ne qiicoon aroona kichibe. 6Boonoshi ciini beetaa qiicoon tiijji ne gogooch shaagi, showoon ne ciinaachemmoyich ne aafoon ufiree manderoona keyi hambe; tawoo Israꞌeelee macceenaꞌoyich malletoo neen tuniito taane” iye.
7Tawoo taach getteetoommon tuniiho. Kecee hammii beetochoommon areddoon ta qiicoon maach kichiyo; xumoona ta hajjee kishoona kechi duuhoon hottaꞌa aahoon kichiyo; boonoshi ciinnii beetaa ta qiicoon ta gogooch shaaggaꞌa manderoona kechaa hammeho.
8Maaddoona Doono Yeeri taach ishichiye: 9“Ashi bushoocho, hukkechi Israꞌeelee macceenaꞌo, ‘Ebi ne tuniibeeto amoone?’ iꞌi neen echeyaacheete? 10Boonoshich ishichibe: ‘Nuggishoo Doono Yeeri “Ebi keemee qaaro Yerusaalem beeti iraashoonaa arooch beeti Israꞌeelee macceenaꞌo bullinoyichiye” itone’ gete. 11Ebi ne tuniibeeti mooyo bulli boonoshi toommooch tunemmi mooyoyich malletoo bi tunoon boonoshich arichiibe; boonoshiyoo kecaa hammemminaꞌone.
12“Boonoshi daggooch beeti iraashoo bi qiicoon gogooch shaagiree xumoona kechemmone; duuhoon boonoshi hotaa aroona shoki besheree kechemmone; bi showoonoo aafoona bi ciinaachemmoyich aafoon oppemmone. 13Ta dabboon bi toommooch yaggemmo taane; ta shaachoona yecheyemmone; Kalideenaꞌochi showoo tuneti Baabloon biin deebemmo taane; tunebaani are katemeen beegaanoon aroochaa qitemmone.#2 Taat. 25:7; Erim. 52:11 14Bi guudoona beeti bi gaacheenaꞌonaa bi ginee naayinaꞌo bullinon kaatti kaatta shaccemmo taane; goraadoon kaaciree boonoshin yookkemmo taane.
15“Aageteenaꞌo daggooch boonoshin ta shaciyooba, showee toommoochoo boonoshin ta yoohiyooba, Doono Yeeri ta tunoon ariyemminaꞌone. 16Tunebaani boonoshi hammiti aageteenaꞌo daggoochaa ciigiiti boonoshi mooyichon boonoshi shalligemmoyich, boonoshi daggoochee giishecheenaꞌon goraadoochee, shaacoonaa biiyoonoochee quye echiyemmo taane; ebiyooba Doono Yeeri ta tunoon ariyemminaꞌone” iye.
Keqqoona Qewemmi Keemechochi Malletoo
17Doono Yeeri taach ishichiye: 18“Ashi bushoocho, ne maayoon keqqoona mame; aaconoo shati qewebee uye! 19Showee toommeexi macceenaꞌoyich ishichibe: ‘Nuggishoo Doono Yeeri Israꞌeelee showee daggooch, Yerusaalem beetinaꞌoyich ishichii beetone: “Arooch beetinaꞌochi xuꞌee naboona showoo shokko echemmo bi tunetoyich, boonoshi maayoon shatona maayemminaꞌone; aaconoo xuuxoona uchemminaꞌone. 20Asho beebee echeti katemeenaꞌo aalleminaꞌone; showoo shokkoon echemmone; ebiyooba Doono Yeeri ta tunoon ariyemmo ittoshine” itone’ gete” iye.
Gaawe Shaahiyoonaa Shicheti Keemee Qaaroona
21Aroochee Doono Yeeri taach ishichiye: 22“Ashi bushoocho, Israꞌeelee showeechon, ‘Yemeeno genjetone; yaaꞌoo bulli naayitone’ ittoshi ii beeti ebi shaahiyee yibbaatoo amoone? 23Ebich boonoshich ishichibe: ‘Nuggishoo Doono Yeeri ishichiye: Ebi shaahiyee yibbaatoon echiyemmo taane; ebiyee bekk Israꞌeelee showoochaa getteyaachemmone’ gete. Boonoshichoo ‘Yaaꞌoo bulli ceennemmi aabo katinnitone. 24Ebiyoo, ebiyee bekk Israꞌeelee asheenaꞌo daggooch koote yaaꞌoo woyee muriciyechi qaaxo daneyaachemmo bi tunetoyichiye. 25Tunebaani Doono Yeeri ta gettemmo taane; ta gettemmi qaaroo tatoona ceennemmone; hini hukkechi macceenaꞌote, ta gettemmo bullin ittoshi yemeenooch ceechemmo taane, iye Nuggishoo Doono Yeeri’ gete” iye.
26Andoo Doono Yeeri taach ishichiye: 27“Ashi bushoocho, ebiyoche Israꞌeelee macceenaꞌo ‘Ebi bi beeggiibeeti yaaꞌoo batt meeti yemeeneechone; bi keemmii beetoo wohi yemeeneechoniye’ ii beetinaꞌone. 28Ebich boonoshich ishichibe: ‘Nuggishoo Doono Yeeri ishichiye: “Ta qaaro ceennemmone; ebiyee bekk ta qaaroochee yagemmo amolla aalloone” iye Nuggishoo Doono Yeeri’ gete” iye.
Currently Selected:
Hiziqeeli 12: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Hiziqeeli 12
12
Hiziqeeli Kecceyoon Malletoona Bekkiyoo
1Doono Yeeri taach ishichiye: 2“Ashi bushoocho, hukkechi macceenaꞌo daggooch koteto neene; ciinoyich aafoo beetaa ciinaacheete; waayoyich waamo beetaa waayeyaacheete; ebiyoo hukkechi yareenaꞌo boonoshi tunetoyichiye.#Isi. 6:9-10; Erim. 5:21
3“Ebich ashi bushoocho, kecooch hammii beeton shaahiree ne qiicoon qanniibe; boonoshi ciini beetaa kecooch hammii beeton shaahiree areddoon tibe; boonoshi ciini beetaa keccetochoommon ne xaaꞌoochee bare xaaꞌooch hambe; hukkechi macceenaꞌo boonoshi tunetaanoona diqqich shalligemminaꞌone. 4Boonoshi ciini beetaa areddoon ne qiicoon maach kichibe; boonoshi ciini beetaa keccetochoommon xumoon keyi hambe. 5Boonoshi ciini beetaa ne kechi duuhoon hottiree ne qiicoon aroona kichibe. 6Boonoshi ciini beetaa qiicoon tiijji ne gogooch shaagi, showoon ne ciinaachemmoyich ne aafoon ufiree manderoona keyi hambe; tawoo Israꞌeelee macceenaꞌoyich malletoo neen tuniito taane” iye.
7Tawoo taach getteetoommon tuniiho. Kecee hammii beetochoommon areddoon ta qiicoon maach kichiyo; xumoona ta hajjee kishoona kechi duuhoon hottaꞌa aahoon kichiyo; boonoshi ciinnii beetaa ta qiicoon ta gogooch shaaggaꞌa manderoona kechaa hammeho.
8Maaddoona Doono Yeeri taach ishichiye: 9“Ashi bushoocho, hukkechi Israꞌeelee macceenaꞌo, ‘Ebi ne tuniibeeto amoone?’ iꞌi neen echeyaacheete? 10Boonoshich ishichibe: ‘Nuggishoo Doono Yeeri “Ebi keemee qaaro Yerusaalem beeti iraashoonaa arooch beeti Israꞌeelee macceenaꞌo bullinoyichiye” itone’ gete. 11Ebi ne tuniibeeti mooyo bulli boonoshi toommooch tunemmi mooyoyich malletoo bi tunoon boonoshich arichiibe; boonoshiyoo kecaa hammemminaꞌone.
12“Boonoshi daggooch beeti iraashoo bi qiicoon gogooch shaagiree xumoona kechemmone; duuhoon boonoshi hotaa aroona shoki besheree kechemmone; bi showoonoo aafoona bi ciinaachemmoyich aafoon oppemmone. 13Ta dabboon bi toommooch yaggemmo taane; ta shaachoona yecheyemmone; Kalideenaꞌochi showoo tuneti Baabloon biin deebemmo taane; tunebaani are katemeen beegaanoon aroochaa qitemmone.#2 Taat. 25:7; Erim. 52:11 14Bi guudoona beeti bi gaacheenaꞌonaa bi ginee naayinaꞌo bullinon kaatti kaatta shaccemmo taane; goraadoon kaaciree boonoshin yookkemmo taane.
15“Aageteenaꞌo daggooch boonoshin ta shaciyooba, showee toommoochoo boonoshin ta yoohiyooba, Doono Yeeri ta tunoon ariyemminaꞌone. 16Tunebaani boonoshi hammiti aageteenaꞌo daggoochaa ciigiiti boonoshi mooyichon boonoshi shalligemmoyich, boonoshi daggoochee giishecheenaꞌon goraadoochee, shaacoonaa biiyoonoochee quye echiyemmo taane; ebiyooba Doono Yeeri ta tunoon ariyemminaꞌone” iye.
Keqqoona Qewemmi Keemechochi Malletoo
17Doono Yeeri taach ishichiye: 18“Ashi bushoocho, ne maayoon keqqoona mame; aaconoo shati qewebee uye! 19Showee toommeexi macceenaꞌoyich ishichibe: ‘Nuggishoo Doono Yeeri Israꞌeelee showee daggooch, Yerusaalem beetinaꞌoyich ishichii beetone: “Arooch beetinaꞌochi xuꞌee naboona showoo shokko echemmo bi tunetoyich, boonoshi maayoon shatona maayemminaꞌone; aaconoo xuuxoona uchemminaꞌone. 20Asho beebee echeti katemeenaꞌo aalleminaꞌone; showoo shokkoon echemmone; ebiyooba Doono Yeeri ta tunoon ariyemmo ittoshine” itone’ gete” iye.
Gaawe Shaahiyoonaa Shicheti Keemee Qaaroona
21Aroochee Doono Yeeri taach ishichiye: 22“Ashi bushoocho, Israꞌeelee showeechon, ‘Yemeeno genjetone; yaaꞌoo bulli naayitone’ ittoshi ii beeti ebi shaahiyee yibbaatoo amoone? 23Ebich boonoshich ishichibe: ‘Nuggishoo Doono Yeeri ishichiye: Ebi shaahiyee yibbaatoon echiyemmo taane; ebiyee bekk Israꞌeelee showoochaa getteyaachemmone’ gete. Boonoshichoo ‘Yaaꞌoo bulli ceennemmi aabo katinnitone. 24Ebiyoo, ebiyee bekk Israꞌeelee asheenaꞌo daggooch koote yaaꞌoo woyee muriciyechi qaaxo daneyaachemmo bi tunetoyichiye. 25Tunebaani Doono Yeeri ta gettemmo taane; ta gettemmi qaaroo tatoona ceennemmone; hini hukkechi macceenaꞌote, ta gettemmo bullin ittoshi yemeenooch ceechemmo taane, iye Nuggishoo Doono Yeeri’ gete” iye.
26Andoo Doono Yeeri taach ishichiye: 27“Ashi bushoocho, ebiyoche Israꞌeelee macceenaꞌo ‘Ebi bi beeggiibeeti yaaꞌoo batt meeti yemeeneechone; bi keemmii beetoo wohi yemeeneechoniye’ ii beetinaꞌone. 28Ebich boonoshich ishichibe: ‘Nuggishoo Doono Yeeri ishichiye: “Ta qaaro ceennemmone; ebiyee bekk ta qaaroochee yagemmo amolla aalloone” iye Nuggishoo Doono Yeeri’ gete” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.