Keyo 23
23
Tate Dayinneto
1“Koote woroon shookkaahine. Xuꞌechi ashich nalloo kechemmoyich tuniiya kootoon miixeyaahine.
2“Gonde mooyon tuniiya meeti asheenaꞌo tiyiyooba, boonoshin dabbiyaahine. Dayinnetoon dabiyoyich meeti asheenaꞌon dabbiree xummii miixeyaahine. 3Nalloochaa girechoyich dabiiree nalliyaahine.#Lew. 19:15
4“Ne shixechochi gattoo woyee kuro aallee hammii beetaa ne danegaata, wochi deebiree biich imbe. 5Neen shixxii beetochi kuro xaanoona tookkii dihiton ne beegigaata, tookki tiijjibani, ciinibee qayi hammaahine.#Yibba. 22:1-4
6“Nallee gabberoochaa dayinnetoon dabiiree, girecho mooyon xummiyaahine. 7Koote taggoon ashi toommooch yaaqqaahine. Xuꞌo bi toommooch aalli, kaame ashoon wuxiyaahine. Ebiyoommi gondoon shuuneebeeti ashoon maaraachemmo taane.
8“Xucco kaachii ciinniibeeti ashi aafoon daayii beetone; kaame asheenaꞌochi nalloon xummii beetone; ebich xuccoon maayaahine.
9“Ittoshiyoo Gibits ittoshi beehooba shiqqoo ittoshine; shiqqoyich shiqqittino am shaahoon waayee bi beeto gaata, ittoshi qelloona ittoshi ariibeeto ittoshine. Ebich shiqqoon xuqqaahote.
Shabaattinnee Natonaa Shabaattinnee Qemona
10“Shiritte naton ne budooch yaroon shoohiree maayoon macibe. 11Tunebaani shabaattinnee natooba, goyaanoon ne qayaa showoo kashebe. Ne asheenaꞌo tuneti girechinaꞌo boonoshi maayemmi maayoon aroochee dane mameete; boonoshi maa echiiton kubbi cooxo mame. Ne woyinee qombeenaꞌonaa ne zayitee mixinaꞌonon ebiyoommon tuniibe.#Lew. 25:1-7
12“Shiritte qemon ne shuunoon shuunebe. Tunebaani shabaattinnee qemooba amee shuunoonolla shuuneyaahine; ebina ne gattoo, ne kuro, ne guunonaa neech shuuneebeeti shiqqoona kashe heechemminaꞌone.#Key. 20:9-11; 34:21; Lew. 23:3; Yibba. 5:13-14
13“Ta getteto bullin manjiiree quyebe. Bare nuggisheenaꞌo waan corootiyaahine. Boonoshi shigoonona ceeggaahine.
Keejje Ogooge Nati Baareenaꞌo
(Keyo 34:18-26; Yibbaatoo 16:1-17)
14“Natooch keejje wottoon taach baaroon baaremmo ittoshine. 15Shittoo Giyaani Kochi Baaroon baaribe. Abiibi agenooba Gibitsee ne kechetoyich, neech ta gettetoommon, ebi are agenooch maacheeti baaree aabooba, shabaatte qemon shittoo giyaani koshon mame.#Key. 12:14-20; Lew. 23:6-18; Had. 28:17-25
“Koniyoona shokke kishoon ta aafooch giddaaye.
16“Ne budooch ne shookketi qaabbe Maayi Qecci Baaroon baaribe.
“Nati ciirooch#23:16 Ebi nati ciiro getteeto maayoon qeccii boonoshi ciichiibeeti gooroone. Ebi gooroo bi tuneebeeto Keelli agenoochiye. ne budeexi maayoon ne kiciyooba, Maayi Kicee Baaroon baaribe.#Lew. 23:15-21,39-43; Had. 28:26-31
17“Natooch keejje wottoon anaamo bulli Nuggishoo Doono Yeeri ta aafooch giddebe.
18“Taach gijjoon ne deejjii beegaata, bi damoon shittoo giyiti koshona tookki giddiyaahine.
“Ebi baareenaꞌooba deejjeeti gijjeenaꞌochi awuyon bi decharee maaddooch beddaahaa, michaanoon yagiyaahine.
19“Ne budoochee daneebeeti maayoochee beshe gaaweti maayi cilloon ne Nuggishoo Doono Yeeri ta kexooch giijjibe.
“Emmishee bushoochi meenon bi indeechi ejjoona kiijjaahine.#Key. 34:26; Yibba. 14:21; 26:1-11
Yeeri Gibenikkiti Gibenee Qaaroonaa Bi Getoona
20“Maraakoon ne aaf daachiibeeto taane. Ebiyoo gommoochaa neen bi quyemmonaa neech ta qanniiti showooch neen bi giijjemmonoyichiye. 21Gaawichi elleree bi gettii beeton waayebe. Bi toommooch hukkoon shuuneyaahine. Ta shigo bi toommooch beeto bi tunetoyich, bi toommooch hukkoon ne shuunegaata, neen maaraachemmone. 22Bi gettii beeton manjii ne ellegaata, neech ta gettaabeeto bullin ne tuniigaatoo, ne etteenaꞌon kochemmo taane; neenna koyee beetinaꞌona koyemmo taane. 23Ta maraakoo ne aaf shiichemmone; neenoo Amooreenaꞌocho, Hiteenaꞌocho, Ferizeenaꞌocho, Kanaaneenaꞌocho, Hiweenaꞌochonaa Yebuseenaꞌochona tuneti showooch giijjemmone; tawoo boonoshin hidi aalliyemmo taane. 24Boonoshi nuggisheenaꞌoyich goyinne maddeyaahine. Boonoshi tuniibeeti doyoon dabbiyaahine. Boonoshi nuggisheenaꞌochi misiloon happi aalliibe. Boonoshi goyinneebeeti xaqqee giimboon tiishi burice. 25Ne Nuggishoo Doono Yeeri taach goyinne maddebe. Ta diiroo ne maayemmi maayoonaa ne uchemmi aaconooch tunemmone; biiyoon ne waanee wokkiyemmo taane; 26ne showee daggooch borihiyaabeeti maachee woyee xaafee tuneti maachee daneyaachemmine; kashee genjoonoo neech immemmo taane.
27“Neen shixxiibeeti aageteenaꞌo bulli oogichiree taan boonoshi shattemmoyich tuniyemmo taane; boonoshin betiyemmo taane; ne etto bulli gubb kisheree ne waanee woci bi aallemmoyich tuniyemmo taane. 28Hiweenaꞌon, Kanaaneenaꞌonaa Hiteenaꞌonon betiyemmo taane; ne aafoochee boonoshin yoohi kichemmo taane. 29Tunebaani ikke nati daggooch boonoshin kichaachemmo taane; ebin ta tuniigaata, showoo ashaalli xafoon tuneree kubbi cooxo woddemmone. 30Haddoona meetiree showoon bulloyich ne beddemmi wottoon, giishii giishiibee boonoshin yookkemmo taane.
31“Ne showee daaroon Ceelle baharoochee Filsixeemee baharooch beddaahaa, barahoochee Efiraaxisi aacooch beddaahaa tuniyemmo taane; ebi showooch beeti asheenaꞌon ne kishooch beshiiree immemmo taane; newoo ne aafoochee yoohiree kichemmo neene. 32Boonoshina tookki tuneba boonoshi goyinneebeeti nuggisheenaꞌona tookki wogoon giyaahine. 33Ne showooch boonoshi beeyemmoyich daaggiyaahine. Ebin ne tuniigaata, taan ne xuqqemmoyich tuniyemminaꞌone; boonoshi goyinneebeeti nuggisheenaꞌoyich ne goyinnaa maddigaata, neech olloon tunemminaꞌone” iye.
Currently Selected:
Keyo 23: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Keyo 23
23
Tate Dayinneto
1“Koote woroon shookkaahine. Xuꞌechi ashich nalloo kechemmoyich tuniiya kootoon miixeyaahine.
2“Gonde mooyon tuniiya meeti asheenaꞌo tiyiyooba, boonoshin dabbiyaahine. Dayinnetoon dabiyoyich meeti asheenaꞌon dabbiree xummii miixeyaahine. 3Nalloochaa girechoyich dabiiree nalliyaahine.#Lew. 19:15
4“Ne shixechochi gattoo woyee kuro aallee hammii beetaa ne danegaata, wochi deebiree biich imbe. 5Neen shixxii beetochi kuro xaanoona tookkii dihiton ne beegigaata, tookki tiijjibani, ciinibee qayi hammaahine.#Yibba. 22:1-4
6“Nallee gabberoochaa dayinnetoon dabiiree, girecho mooyon xummiyaahine. 7Koote taggoon ashi toommooch yaaqqaahine. Xuꞌo bi toommooch aalli, kaame ashoon wuxiyaahine. Ebiyoommi gondoon shuuneebeeti ashoon maaraachemmo taane.
8“Xucco kaachii ciinniibeeti ashi aafoon daayii beetone; kaame asheenaꞌochi nalloon xummii beetone; ebich xuccoon maayaahine.
9“Ittoshiyoo Gibits ittoshi beehooba shiqqoo ittoshine; shiqqoyich shiqqittino am shaahoon waayee bi beeto gaata, ittoshi qelloona ittoshi ariibeeto ittoshine. Ebich shiqqoon xuqqaahote.
Shabaattinnee Natonaa Shabaattinnee Qemona
10“Shiritte naton ne budooch yaroon shoohiree maayoon macibe. 11Tunebaani shabaattinnee natooba, goyaanoon ne qayaa showoo kashebe. Ne asheenaꞌo tuneti girechinaꞌo boonoshi maayemmi maayoon aroochee dane mameete; boonoshi maa echiiton kubbi cooxo mame. Ne woyinee qombeenaꞌonaa ne zayitee mixinaꞌonon ebiyoommon tuniibe.#Lew. 25:1-7
12“Shiritte qemon ne shuunoon shuunebe. Tunebaani shabaattinnee qemooba amee shuunoonolla shuuneyaahine; ebina ne gattoo, ne kuro, ne guunonaa neech shuuneebeeti shiqqoona kashe heechemminaꞌone.#Key. 20:9-11; 34:21; Lew. 23:3; Yibba. 5:13-14
13“Ta getteto bullin manjiiree quyebe. Bare nuggisheenaꞌo waan corootiyaahine. Boonoshi shigoonona ceeggaahine.
Keejje Ogooge Nati Baareenaꞌo
(Keyo 34:18-26; Yibbaatoo 16:1-17)
14“Natooch keejje wottoon taach baaroon baaremmo ittoshine. 15Shittoo Giyaani Kochi Baaroon baaribe. Abiibi agenooba Gibitsee ne kechetoyich, neech ta gettetoommon, ebi are agenooch maacheeti baaree aabooba, shabaatte qemon shittoo giyaani koshon mame.#Key. 12:14-20; Lew. 23:6-18; Had. 28:17-25
“Koniyoona shokke kishoon ta aafooch giddaaye.
16“Ne budooch ne shookketi qaabbe Maayi Qecci Baaroon baaribe.
“Nati ciirooch#23:16 Ebi nati ciiro getteeto maayoon qeccii boonoshi ciichiibeeti gooroone. Ebi gooroo bi tuneebeeto Keelli agenoochiye. ne budeexi maayoon ne kiciyooba, Maayi Kicee Baaroon baaribe.#Lew. 23:15-21,39-43; Had. 28:26-31
17“Natooch keejje wottoon anaamo bulli Nuggishoo Doono Yeeri ta aafooch giddebe.
18“Taach gijjoon ne deejjii beegaata, bi damoon shittoo giyiti koshona tookki giddiyaahine.
“Ebi baareenaꞌooba deejjeeti gijjeenaꞌochi awuyon bi decharee maaddooch beddaahaa, michaanoon yagiyaahine.
19“Ne budoochee daneebeeti maayoochee beshe gaaweti maayi cilloon ne Nuggishoo Doono Yeeri ta kexooch giijjibe.
“Emmishee bushoochi meenon bi indeechi ejjoona kiijjaahine.#Key. 34:26; Yibba. 14:21; 26:1-11
Yeeri Gibenikkiti Gibenee Qaaroonaa Bi Getoona
20“Maraakoon ne aaf daachiibeeto taane. Ebiyoo gommoochaa neen bi quyemmonaa neech ta qanniiti showooch neen bi giijjemmonoyichiye. 21Gaawichi elleree bi gettii beeton waayebe. Bi toommooch hukkoon shuuneyaahine. Ta shigo bi toommooch beeto bi tunetoyich, bi toommooch hukkoon ne shuunegaata, neen maaraachemmone. 22Bi gettii beeton manjii ne ellegaata, neech ta gettaabeeto bullin ne tuniigaatoo, ne etteenaꞌon kochemmo taane; neenna koyee beetinaꞌona koyemmo taane. 23Ta maraakoo ne aaf shiichemmone; neenoo Amooreenaꞌocho, Hiteenaꞌocho, Ferizeenaꞌocho, Kanaaneenaꞌocho, Hiweenaꞌochonaa Yebuseenaꞌochona tuneti showooch giijjemmone; tawoo boonoshin hidi aalliyemmo taane. 24Boonoshi nuggisheenaꞌoyich goyinne maddeyaahine. Boonoshi tuniibeeti doyoon dabbiyaahine. Boonoshi nuggisheenaꞌochi misiloon happi aalliibe. Boonoshi goyinneebeeti xaqqee giimboon tiishi burice. 25Ne Nuggishoo Doono Yeeri taach goyinne maddebe. Ta diiroo ne maayemmi maayoonaa ne uchemmi aaconooch tunemmone; biiyoon ne waanee wokkiyemmo taane; 26ne showee daggooch borihiyaabeeti maachee woyee xaafee tuneti maachee daneyaachemmine; kashee genjoonoo neech immemmo taane.
27“Neen shixxiibeeti aageteenaꞌo bulli oogichiree taan boonoshi shattemmoyich tuniyemmo taane; boonoshin betiyemmo taane; ne etto bulli gubb kisheree ne waanee woci bi aallemmoyich tuniyemmo taane. 28Hiweenaꞌon, Kanaaneenaꞌonaa Hiteenaꞌonon betiyemmo taane; ne aafoochee boonoshin yoohi kichemmo taane. 29Tunebaani ikke nati daggooch boonoshin kichaachemmo taane; ebin ta tuniigaata, showoo ashaalli xafoon tuneree kubbi cooxo woddemmone. 30Haddoona meetiree showoon bulloyich ne beddemmi wottoon, giishii giishiibee boonoshin yookkemmo taane.
31“Ne showee daaroon Ceelle baharoochee Filsixeemee baharooch beddaahaa, barahoochee Efiraaxisi aacooch beddaahaa tuniyemmo taane; ebi showooch beeti asheenaꞌon ne kishooch beshiiree immemmo taane; newoo ne aafoochee yoohiree kichemmo neene. 32Boonoshina tookki tuneba boonoshi goyinneebeeti nuggisheenaꞌona tookki wogoon giyaahine. 33Ne showooch boonoshi beeyemmoyich daaggiyaahine. Ebin ne tuniigaata, taan ne xuqqemmoyich tuniyemminaꞌone; boonoshi goyinneebeeti nuggisheenaꞌoyich ne goyinnaa maddigaata, neech olloon tunemminaꞌone” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.