Keyo 22
22
Ashi Gijjoon Qoccichon Icheti Sheeroo
1“Ikke asho gattoon woyee bagoon woyee emmishoon gaajjii bi bashigaata woyee bi kemigaata, ikke gattee keroyich uuche gattoon, ikke bagee keroyich awudde bagoon, ikke emmishee keroyichoo awudde emmishoon qoce.
2-4“Gaayo bi gaajjiton qoce; tunebaani bi qoccemmo amolla bi kishooch aallegaata, bi gaajjiton qocoyich are gaayo bi qelloona kechebe. Ebi bi gaajjiti gijjoo, gattoo woyee kuro woyee bago woyee emmisho kashoona bi kishoochee bi danegaata, gutte kishoon tuniiree qoce.
“Ikke gaayo ashi kexon iijjiibee yecheꞌi yexaa bi qitigaata, ebin tuniito ebi gaayoochi kashoyich echeyaachemmone; tunebaani harii aabo kechiichaa ebi mooyo tunegaata, uro ashi kashee kichoona echeyemmone.
5“Ikke asho bi gijjeenaꞌon bi budooch woyee bi woyinee budooch bi gashetaa, maabee beshee hammii, bare ashi budooch giyii, ebi maayoon bi maagaata, ebi gijjechi uro gaawe bi budoochee woyee gaawe bi woyinee budoochee are manjeton qoce.
6“Ikke asho qaaqqoon bi gedaa, tushoona yeshee besheꞌi ashi maayi dolloon woyee qecceyaani maayoon woyee budeexi maayoon bi michigaata, qaaqqoon gedditi asho ebi micciti maayoon qoce.
7“Ikke asho bi birewoon woyee biich beeti mooyon bare ashoyich bi quyiitoyee gubb, quyetochi kexoochee bi gaachegaata, gaayoo yechegaata, are gaayo gutte kishoon tuniiree qoce. 8Tunebaani gaayo yecho bi qayigaata, ebi kechi doono moochi daggooch bi kishoo beemonaa aalloona bi arichemmoyich, nallechinaꞌo aafooch giddebe. 9Ikke asho gattoon woyee kuroon woyee bagoon woyee emmishoon woyee tahoon woyee aalleti amee mooyonona hajjiꞌi bi beetaa, taachone iti asho danegaata, gutteenaꞌo boonoshi mooyon nallechinaꞌo waan giddiibeete. Xoobbito nallechinaꞌo aafoochaa gijjechoyich gutte kishoon tuniiree qoce.
10“Ikke asho ashi kuroon woyee gattoon woyee bagoon woyee emmishoon woyee bare gijjoon adero quyee bi beetaa, ebi gijjoo qitigaata woyee bi quumoochee tiishegaata woyee asho beegaan beetaa bare asho gashee daamigaata, 11gutteenaꞌo daggooch beeti shuuto echemmo, hini are uro bi giyoochi gijjoon daamaano bi tunoo manjemmo, Doono Yeeri taanna bi wogegaataniye. Gijjee doono ebin iberii deꞌo biich qaawiihe; qocee mamo biich qaawiyaache. 12Tunebaani gijjoo uro waanee gaacheto bi tunegaata, gijjee doono qocoon mame. 13Cooxo yechii wuxito bi tunegaata miixoo bi tunemmoyich meeshoon giddiibe; ebina ebi qititi gijjoon qoccaaye.
14“Ikke asho bare ashi waanee qollee bi deebiti gijjoo, bi doono aalli xaaꞌooch bi quumoochee tiishegaata woyee bi qitigaata qoce; 15tunebaani bi doono beetaa ebi tunegaata qoccaaye. Ebi gijjoon bi deebito, bi shuunee gatiyoon qocca bi tunegaata, are gatiyoon baach qoce.
Tun Bede Mooyinaꞌochi Sheeroo
16“Ikke asho batt tippeyaani gidiidee tuneti busheen dachii daammiꞌi bi gidiidoon bi yeshigaata, bi nihoyich gijjoon qociichi, busheen shaage. 17Busheechi nihoo ebin ciroona daaggaachemmo bi tunegaata, gidiideenaꞌoyich qochee beetoommi gijjoon qoce.#Yibba. 22:28-29
18“Qaaxechi ure bi beegaata, kashoona bi beeyemmoyich daaggiyaahine.
19“Gijjoona daneebeeto qitibe.#22:19 Maacheen qemoommon gijjoon qeyiibeeto getone.
20“Doono Yeeri tayee bare nuggishoyich deejjoon deejjiibeeto koniyoona wuxaa aallebe.
21“Shiqqoon xuqqaahine; iritiyaahine. Ittoshiyoo Gibitsaa shiqqoo tuneebee echeto ittoshine.
22“Xuumee toommooch woyee nihaalleenaꞌo toommooch xuꞌoon shuuneyaahote. 23Xuꞌoon boonoshi toommooch ittoshi shuunetaa ta waan boonoshi cookigaata, iberoon boonoshi cookoon waayemmo taane. 24Ta kaaree shiixxoon kindiiree, goraadoona ittoshi qitemmoyich tuniyemmo taane; ittoshi mecheenaꞌo xuumeenaꞌo, ittoshi bushiisheenaꞌoo nihaalleenaꞌo tunemminaꞌone.
25“Ta asheenaꞌo daggoochee amolla boonoshich aalli iriteetinaꞌoyich gijjoon ittoshi erettiigaata, koyitiyechochoommon shimon echeyaahote. 26Ashi qoreddoon yechiyoo ne daamigaata, showoo xumetaan beetaa wochibe. 27Tahe bi qeyemmi bare qoreddoo biich aallo bi tunetoyich, amoon tahe qeyehe? Ta ariqqecho taane; ebich ta waan bi cookaa, waayemmo taane.#Yibba. 24:10-13
28“Yeeri ta toommooch#22:28 Ikkikke wonnee Yaafe Macaafooch, “Nallechinaꞌo toommooch” getaa biichetone. qallayee yibbaatoon yibbaateyaahine. Wotta ne asheenaꞌochi ukkiroon uppaahine.
29“Ne maayoochee woyee woyinee uyoochee woyee zayitoochee buuroon yagiyaanoon taach giddiibe.
“Ne gutenee bushoon taach imbe. 30Ebiyoommon ne miiminaꞌoochee, ne bageenaꞌonaa emmisheenaꞌonoochee shiichii shiijjeton taach imbe. Shabaatte qemon bi indeena tookki beebe; shimittinnee qemooba taach imbe.
31“Ittoshi taach yaafeeti ashoon tunebote. Cooxo yechii wuxiti gijjee meenon kunaanoyich imbotani, maayaahote.
Currently Selected:
Keyo 22: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Keyo 22
22
Ashi Gijjoon Qoccichon Icheti Sheeroo
1“Ikke asho gattoon woyee bagoon woyee emmishoon gaajjii bi bashigaata woyee bi kemigaata, ikke gattee keroyich uuche gattoon, ikke bagee keroyich awudde bagoon, ikke emmishee keroyichoo awudde emmishoon qoce.
2-4“Gaayo bi gaajjiton qoce; tunebaani bi qoccemmo amolla bi kishooch aallegaata, bi gaajjiton qocoyich are gaayo bi qelloona kechebe. Ebi bi gaajjiti gijjoo, gattoo woyee kuro woyee bago woyee emmisho kashoona bi kishoochee bi danegaata, gutte kishoon tuniiree qoce.
“Ikke gaayo ashi kexon iijjiibee yecheꞌi yexaa bi qitigaata, ebin tuniito ebi gaayoochi kashoyich echeyaachemmone; tunebaani harii aabo kechiichaa ebi mooyo tunegaata, uro ashi kashee kichoona echeyemmone.
5“Ikke asho bi gijjeenaꞌon bi budooch woyee bi woyinee budooch bi gashetaa, maabee beshee hammii, bare ashi budooch giyii, ebi maayoon bi maagaata, ebi gijjechi uro gaawe bi budoochee woyee gaawe bi woyinee budoochee are manjeton qoce.
6“Ikke asho qaaqqoon bi gedaa, tushoona yeshee besheꞌi ashi maayi dolloon woyee qecceyaani maayoon woyee budeexi maayoon bi michigaata, qaaqqoon gedditi asho ebi micciti maayoon qoce.
7“Ikke asho bi birewoon woyee biich beeti mooyon bare ashoyich bi quyiitoyee gubb, quyetochi kexoochee bi gaachegaata, gaayoo yechegaata, are gaayo gutte kishoon tuniiree qoce. 8Tunebaani gaayo yecho bi qayigaata, ebi kechi doono moochi daggooch bi kishoo beemonaa aalloona bi arichemmoyich, nallechinaꞌo aafooch giddebe. 9Ikke asho gattoon woyee kuroon woyee bagoon woyee emmishoon woyee tahoon woyee aalleti amee mooyonona hajjiꞌi bi beetaa, taachone iti asho danegaata, gutteenaꞌo boonoshi mooyon nallechinaꞌo waan giddiibeete. Xoobbito nallechinaꞌo aafoochaa gijjechoyich gutte kishoon tuniiree qoce.
10“Ikke asho ashi kuroon woyee gattoon woyee bagoon woyee emmishoon woyee bare gijjoon adero quyee bi beetaa, ebi gijjoo qitigaata woyee bi quumoochee tiishegaata woyee asho beegaan beetaa bare asho gashee daamigaata, 11gutteenaꞌo daggooch beeti shuuto echemmo, hini are uro bi giyoochi gijjoon daamaano bi tunoo manjemmo, Doono Yeeri taanna bi wogegaataniye. Gijjee doono ebin iberii deꞌo biich qaawiihe; qocee mamo biich qaawiyaache. 12Tunebaani gijjoo uro waanee gaacheto bi tunegaata, gijjee doono qocoon mame. 13Cooxo yechii wuxito bi tunegaata miixoo bi tunemmoyich meeshoon giddiibe; ebina ebi qititi gijjoon qoccaaye.
14“Ikke asho bare ashi waanee qollee bi deebiti gijjoo, bi doono aalli xaaꞌooch bi quumoochee tiishegaata woyee bi qitigaata qoce; 15tunebaani bi doono beetaa ebi tunegaata qoccaaye. Ebi gijjoon bi deebito, bi shuunee gatiyoon qocca bi tunegaata, are gatiyoon baach qoce.
Tun Bede Mooyinaꞌochi Sheeroo
16“Ikke asho batt tippeyaani gidiidee tuneti busheen dachii daammiꞌi bi gidiidoon bi yeshigaata, bi nihoyich gijjoon qociichi, busheen shaage. 17Busheechi nihoo ebin ciroona daaggaachemmo bi tunegaata, gidiideenaꞌoyich qochee beetoommi gijjoon qoce.#Yibba. 22:28-29
18“Qaaxechi ure bi beegaata, kashoona bi beeyemmoyich daaggiyaahine.
19“Gijjoona daneebeeto qitibe.#22:19 Maacheen qemoommon gijjoon qeyiibeeto getone.
20“Doono Yeeri tayee bare nuggishoyich deejjoon deejjiibeeto koniyoona wuxaa aallebe.
21“Shiqqoon xuqqaahine; iritiyaahine. Ittoshiyoo Gibitsaa shiqqoo tuneebee echeto ittoshine.
22“Xuumee toommooch woyee nihaalleenaꞌo toommooch xuꞌoon shuuneyaahote. 23Xuꞌoon boonoshi toommooch ittoshi shuunetaa ta waan boonoshi cookigaata, iberoon boonoshi cookoon waayemmo taane. 24Ta kaaree shiixxoon kindiiree, goraadoona ittoshi qitemmoyich tuniyemmo taane; ittoshi mecheenaꞌo xuumeenaꞌo, ittoshi bushiisheenaꞌoo nihaalleenaꞌo tunemminaꞌone.
25“Ta asheenaꞌo daggoochee amolla boonoshich aalli iriteetinaꞌoyich gijjoon ittoshi erettiigaata, koyitiyechochoommon shimon echeyaahote. 26Ashi qoreddoon yechiyoo ne daamigaata, showoo xumetaan beetaa wochibe. 27Tahe bi qeyemmi bare qoreddoo biich aallo bi tunetoyich, amoon tahe qeyehe? Ta ariqqecho taane; ebich ta waan bi cookaa, waayemmo taane.#Yibba. 24:10-13
28“Yeeri ta toommooch#22:28 Ikkikke wonnee Yaafe Macaafooch, “Nallechinaꞌo toommooch” getaa biichetone. qallayee yibbaatoon yibbaateyaahine. Wotta ne asheenaꞌochi ukkiroon uppaahine.
29“Ne maayoochee woyee woyinee uyoochee woyee zayitoochee buuroon yagiyaanoon taach giddiibe.
“Ne gutenee bushoon taach imbe. 30Ebiyoommon ne miiminaꞌoochee, ne bageenaꞌonaa emmisheenaꞌonoochee shiichii shiijjeton taach imbe. Shabaatte qemon bi indeena tookki beebe; shimittinnee qemooba taach imbe.
31“Ittoshi taach yaafeeti ashoon tunebote. Cooxo yechii wuxiti gijjee meenon kunaanoyich imbotani, maayaahote.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.