Malakai 3
3
NA SOPENA 3.
1Inau aisula na pilau varisula, inie ivei vavanao na riou: tau Na Moli natuha ototiroe, inumai me na peana hi na lotu vileahi; io, na varisula hi na loeu, na lolomiu tevano mea, inie inumai pa, Iehova moaso. 2Maa isei ipinisa toho me na pohi hi na sena numai? isei ituri hauhaua me na rani inie imalua? suria inie ipala hapu hi na hanituhera sanu oso ture na sule taha majina me na sule taha voe, ipala sop hi na ve ra sanu tivoevoe tohova: 3tau isihe toho pala tajua taha ve na sule taha majina me na sule taha voe motahonae, movoevoe, ive ra matu i Livai tilolovoevoe, ivera titahonae pala tajua move na sule taha majina rne na sule taha voe motahonae; tau tirahu tataholo ra rahuvuso ta me Iehova. 4Me na rani hina Iehova iejieji sura rahuvuso hi Juta me Jerusalem, pala rani minemine minemine, me na esa. 5Tau inau ainumai taroroi mea-miu me na vali; tau inau na taha vetiveti hi ra taha taitai, hi ra taha veiveileo, hi ra taha lope; inau na taha vetiveti hi ra taha voli oso na tajua hi na varao, hi ra taha vei oso me na patinao, me ra paule tamara temate, me ra tarie-sao, hi ra taha saine nau, Iehova moaso. 6Suria inau, Iehova, asatahaperehei; suri a, O amiu ra matu i Jekop, Otosamate.
7Majuri me na rani hi ra tamamiu amiu otoara ture ra sanu avaraiamiu otovera, otosavera. Va amiu otonumai liliu meau, tau inau ainumai liliu meamiu, Iehova moaso. Maa amiu otoaso, Ama-mainumai liliu meho paleve? 8Motahonae te tajua itea ipaliho i Atua, e mojoa? maa amiu otopalihoau. Maa amiu otoaso, Amamapalihoho paleve? Otopalihoau me ra pilau sope hi ra pilamiu sanu, otopalihoau me ra rahuvuso. 9Na aso oso hauhaua inumaimeamiu; suria amiu otopalihoau, io, amiu vunuvunu me na vanua naa. 10Motahonae otolavi ra pilau sope hi ra pilamiu sanu vunuvuuu me na vonae hina, suria na hanihani itoho me na peau, ototapusiau hi na sanu natuha, Iehova moaso, tau inau airunei ra tirihoro hi ra matana tailahi, aijeje na tahonae ta meamiu, na lolomiu tisatahajia sura lavia. 11Inau aihorohoro na taha vei leelee amiu suriamiu, isavei leelee ra sanu taha jiha me na tano; na pilamiu hau vain isahaja manini me na uma na rani hina mojoareji, Iehova moaso. 12Tau ra tanoho me ra vanua vunuvunu tijuriamiu otoejieji: suria na vanuamiu itahonae tohova, Iehova moaso. 13Na eti himiu mohauhaua meau, Iehova moaso. Maa amiu otoaso, Amamaetiho paleve? 14Amiu otoaso, Amamavarao tipa me Atua: amamaroho ra leo hina motahonae meamamu paleve? amamalaholaho me na visivisi hi na tahi motahonae meamamu paleve? 15Naanoi amamaaso ra taha oso teejieji; io, ra tajua taha vei vasoosoo tehauhaua; io, ra tajua tetapusi Atua, temauri. 16Me na rani hina ra tajua taha ine Iehova teasoaso valuira: Iehova moroho tohoae, morohora, tau na pepe hi na ninima nie moulia me na pahona, suri ra tajua taha ine Iehova, suri ra tajua taha ninima na hisena, 17Tau tisipilau pa, Iehova moaso, me na pohi inau aievi ra sipilau sanu tahonae tohova; aivei mauri hire, pala tajua motea movei mauri na simatuna taha varao mea. 18Me na rani hina arniu otonumai liliu, otopinisirarua, ra taha tataholo me ra taha oso, otopinisirarua, moteana tajua taha varao me Atua, motea na tajua taha savarao mea.
Currently Selected:
Malakai 3: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.