Wahyu 22

1 # Yeh. 47:1; Za. 14:8 Wo ituru' ka'i i malaékat a yaku en doyongan in dano ing katouan, en danona léno kaputé ing kristal. Wo en doyongan itu makesotai asi palukutan pasiri-siriin i Amang Kasuruan wo asi palukutan pasiri-siriin i Toyaang i Domba, 2#Kej. 2:9 wo maroyong an uner in lalan ang kota itu. Ang ka'biri wo ang kakan in doyongan itu awéan tuu-tuura ing katouan. Sé tuura itu mengawua' makasangapulu' rua an esa ngata'un, anaé susur in serap makasake' mua'. En lalaina in tuu-tuura itu pengapakén en sumama' sé bangsa. 3#Za. 14:11 Wo pakasa sé an untep ing kota itu ra'io wana eng kutuken. Em palukutan pasiri-siriin i Amang Kasuruan wo palukutan pasiri-siriin i Toyaang i Domba awéan oka an untepna, wo sé ata-Na maapo' oka ai Sia. 4Wo sérén oka éra eng gio-Na, wo an tuintung éra patican oka i ngaran-Na. 5#Yes. 60:19; Dan. 7:18 Wo ra'io ka'i wana wengi ang kota itu, wo séra ra'io ka'i maperlu in sendot in sosoloan wo en sendot i yéndo, ampa'paan si Amang Kasuruan in esa oka en sumendot iséra. Wo séra merénta oka tanu kolano akar ing kauré-uré.

Si Yesus maai oka sumawel

6Kekawus in itu, si malaékat itu kumua a yaku, “Sé aicuaku anio' ro'na percayan wo wutul. Wo si Amang Kasuruan si mééo i Roh-Na a sé nabi, ayutus-Nao si malaékat en tumuru' a sé ata-Na sapa sé ra'io uré mamuali sa.”

7Icua i Yesus, “En ulitna, ra'io uré ka'i Aku maai. Pakakama- ngen sé tou sé makiit i nunuwu-nunuwu' asi Amang Kasuruan owo sé an untep ing kitap anio'.”

8Wo yaku, si Yohanes, liningakuo wo sinérékuo waya en itu. An tutuwku luminga wo suméré waya in itu, yaku kumundu wo kumuru en sumiri' an dior ing kécéi i malaékat si tumuru'o waya in itu. 9Taan icua i malaékat itu a yaku, “Tioo méma' taniitu! Yaku asaloke' ata, kaputému wo kaputé é poo-poowmu an esa paémanen, sé nabi wo pakasa in tou sé makiit sapa sé aipatico ang kitap anio'. Apoono mangé si Amang Kasuruan.” 10Wo icuana ka'i a yaku, “Tioo ségélen sé nunuwuun i Amang Kasuruan sé aipatic ang kitap anio', ampa'paan pakasa en itu ra'io uré ka'i mamuali. 11#Dan. 12:10 Si séi si maéma' in léwo', iwayao mio' sia mengéma-ngéma' in léwo'. Si séi si maéma i najis, iwayao mio' sia mengéma-ngéma' i najis. Si séi si mengéma' im butul, iwayao mio' sia mengéma-ngéma' im butul. Si séi si le'nas, iwayao mio' sia menonou angé le'nas.”

12 # Mzm. 28:4; Yes. 40:10, 62:11; Yer. 17:10 Icua i Yesus ka'i, “En ulitna, ra'io uré ka'i Aku maai e maali in laasa-Ku en sumuli' a si esa wo si esa tou kiit im pinengaéma' éra. 13#Yes. 44:6, 48:12; Why. 1:8, 17, 2:8 Yakuo si Alfa wo Omega, Si Kataré-taré wo Si Sumomo-somoi, Si Kumataré wo Si Ka'karan.”

14 # Kej. 2:9, 3:22 Pakakamangen sé tou sé icumemes in jubana. Séra makéré oka hak e maai a sé tuur ing katouan wo muntep ang kota itu kumiit im papalen-papalen wangker. 15Sé tou makaperi tanu sé asu wo sé mengasihir, sé mengasundal, sé mengapaté tou, sé mengaapo' a sé opo-opo', wo sé masalé' mengatowo wo mengaéma' in towo, séra musti mento' ang kesot ing kota itu.

16 # Yes. 11:1, 10 Icua ka'i i Yesus, “Yaku, si Yesus imutuso si malaékat-Ku e méé ing kasairian andumoro' pakasa im perkara anio' ai camu torona é jamaat. Yakuo en sééna, si taranak i Daud, si lolouren si sumendo-sendot.”

17 # Yes. 55:1 Wo e Roh i Amang Kasuruan wo si pengantén wéwéné itu kumua, “Mayoo!” Wo si séike' sé luminga in anio', sia ka'i musti kumua, “Mayoo!” Si séi e maré'om, mayoo! Wo si séi e masalé', mayoo mindo in dano katouan si asaloke' aitambér.

Eng kumusi' in surat

18 # Ul. 4:2, 12:32 Ta'néiku a sé tou sé iluminga i nunuwuun i Amang Kasuruan sé aipatic ang kitap anio': “Sa awéan tou e mawes esaanke' asi nunuwuun i Amang Kasuruan anio', awesan-Na oka ka'i sia ing kawangkuran-kawangkuran sé aipatic an untep ing kitap anio'. 19Taniitu ka'i, sa awéan tou e mina' esaanke' asi nunuwuun si aipatic ang kitap anio', indon oka i Amang Kasuruan em bagéanna asi tuur ing katouan wo asi kota le'nas, tanu si aipatic an untep ing kitap anio'.”

20Sia en icumua a yaku andumoro' im pakasa in anio', icua-Na, “Én, Yaku makala'us oka maai!” Ulit, mayoo, é Apo' Yesus!

21En upus aitambér i Apo' Yesus mewali-wali wo icamu im baya! Ulit.

Currently Selected:

Wahyu 22: TNT

Highlight

Copy

Compare