Ibrani 5

1Susur i imam wangko' si sinisir an uner é tou, sia niangkai en sumelewir a si Amang Kasuruan mamuali kasawel é tou. En tawoienna mengawéé i raragés binatang pinokol wo raragés walina a si Amang Kasuruan ampa'paan ing kamesé-meséaan. 2Si imam wangko' itu asaloke' tou wo keli eng kalembian, ampa'paan in ituo ro'na kailekanna ka'i eng kalembian é kakéléna tou sé ra'ipé' makailek sapa-sapa wo sé sélé'kow. 3#Im. 9:7 Wo ampa'paan sia in esa lembi, sia ka'i musti méé raragésan en tumu'bus ing kamesé-meséaan, ra'ica asalo ing kamesé-meséaan é tou, taan ka'i ing kamesé-meséaanna in esa. 4#Kel. 28:1 Wo ra'ica wana esa tou ka'i mangkai in owakna in esa mamuali imam wangko', taan en tou mamuali imam wangko' sa sia towan i Amang Kasuruan kaputé i Harun.

5 # Mzm. 2:7 Taniitu ka'i si Kristus. Sia ra'ica marayo in owak-Na in esa mamuali Imam Wangko', taan Sia niangkai i Amang Kasuruan in esa. Icua i Amang Kasuruan ai Sia,

“Icoo si Toyaang-Ku.

A si endo anio' Yaku imamualio Amang-Mu.”

6 # Mzm. 110:4 Wo awéan ka'i sé aicua i Amang Kasuruan a nats walina ang Kitap Le'nas tana'i,

“Icoo si Imam akar ing kauré-uré

kaputé i Melkisedek.”

7 # Mat. 26:36-46; Mrk. 14:32-42; Luk. 22:39-46 An tutuw i Yesus menonou tanu tou ang kayo'baan, Sia masombayang wo mapekiupus ang karapi imaangko' maamé' a si Amang Kasuruan si makawoo lumowir Sia am papaté. Ampa'paan Sia le'tek wo wuta in siri' a si Amang Kasuruan, akar en sombayang-Na lininga. 8Mandé ka'i Sia Toyaang i Amang Kasuruan, Sia imajaro male'tek a si Amang Kasuruan ampa'paan ing kawenduan sé sinangkum-Nao mai. 9Wo kekawus i Yesus méma' in itu, niéma'o i Amang Kasuruan Sia makaleke-lekep. Sia imamualio palemboian ing kalowiran akar ing kauré-uré torona im pakasa sé tou sé le'tek ai Sia. 10Wo Sia niangkai i Amang Kasuruan mamuali Imam Wangko' kaputé i Melkisedek.

Tioo tumela'u im paémanen

11Keliané' sé musti icua ami in andumoro' in itu, taan susa en sumisil ampa'paan kamu ngenger makailek. 12#1Kor. 3:2 En ulitna kamu an témponao woo mamuali guru, taan kamu sangalipé' pasusuian é tou walina en andumoro' im patuuran in Taar i Amang Kasuruan. Kamu susupé' em paelepen, ra'ipé' makawoo tumerima ing kakanen keté. 13Ampa'paan si tou susupé' em paelepen sia kaputé i toyaang teké'pé', anaé ra'ipé' makailek si wisa si wutul wo si wisa si suméa'. 14Taan eng kakanen keté torona é tou wangkoo, sé makalatio mabéda si wisa en loor wo si wisa en léwo'.

Currently Selected:

Ibrani 5: TNT

Highlight

Copy

Compare