1 Korintus 16
16
En tatawang a sé jamaat an Yerusalem
1 #
Rm. 15:25-26 Intarépé', en icuaku andumoro' in doit pali'usen si casalé' miow iwéé a sé tou le'nas an Yerusalem. Icasalé'ku wosama' kamu kumiit sapa sé aituru'kuo a sé jamaat ang Galatia. 2Susur in ari Duminggu, kamu si esa wo si esa mengatané mio' roit kiit eng kinéréan i esa wo si esa. Wo yéma' miow sé roit itu wosama' an tutuw aku mai, kamu ra'io sangali ka'i lumi'us roit. 3An tutuw aku imayo ai camu ang Korintus, yutusku oka mangé piraan tou sé paweroten iow ro'na patokéan e maali mangé in doit sé lini'uso miow itu. Wéanku oka séra surat em paalin wosama' en doit lini'us iow itu paalin éra mangé an Yerusalem. 4Sa weroten iow loorke' sa aku maangé, maangé oka aku mewali-wali wo iséra.
Si Paulus mawasa maangé ang Korintus
5 #
Kis. 19:21
Intarépé' aku mawasao maangé a Makedonia. Sa e Makedonia pinakali'cirkuo, aku maai oka ai camu ang Korintus. 6Wo ang Korintus, aku mento' oka ang karapi miow ra'ica uré kuma'pa ang kauréke' in oras ing kautingan. Kumawus in itu ro'na tawangen iow aku en lumala'us im bawayaanku maangé an tampa walina. 7Ampa'paan ra'ica kiimku sa aku maangé suméré icamu tanuke' itumuli. Arapenku woo sa icasalé' i Casuruan, yaku ro'na mento' uré-uréan toyo' ang karapi miow. 8#Im. 23:15-21; Ul. 16:9-11 #Kis. 19:8-10 Taan aku mento' oka an Efesus akar asi endo wangko' Pentakosta, 9ampa'paan keli en témpo loor eng kumua in Abar Kaaruien andumoro' i Yesus Kristus am bitu, mandé ka'i kelian tou masundur yaku.
10 #
1Kor. 4:17 Sa si Timotius maai ai camu, sungkulen iow sia ang karapi in sama' wosama' sia ra'ica mendam i maindé' an tutuwna mewali-wali wo icamu. Ampa'paan sia maselewir in tawoien i Casuruan, kaputéku. 11Anaé, tioo awéan tou kumo'kos sia. Wo sa sia imaréngo mai a yaku, tawangeno mangé sia wosama' sia maréngai ang karapi in lowir. Entoonku sia maai ang karapi é poo-poow walina.
12Wo andumoro' i Apolos si poowta an esa paémanen, pinenguri-nguriku in lumesé' sia, wosama' sia mewali-wali wo sé poo-poow an esa paémanen walina mangé ai camu. Taan sia wutu-wutul ra'ipé' kiim mangé ai camu intarépé'. Taan sa awéano témpo sia maangé oka ai camu.
En sina'u wo en siri'
13Mareti-retio mangé! Wo kasake' i makatimboi asi paémanenmu. Mabrani-branio wo makete-ketero. 14Wo émaan iow pakasa en tawoien ang karapi ing kaupusan.
15 #
1Kor. 1:16 Poo-poow, tantu katuusano miow si Stefanus wo sé pamaléna. Séra itu, sé tou kataré-taré mape'dis wo maémano a si Yesus an Akhaya. Wo séra imééo in owak an tawoien en sumelewir sé tou le'nas. 16Ampa'paan in ituo, pangilekenku ai camu, wosama' pengalingan iow sé tou tanu siitu wo ka'i a sé tou walina sé matawoi wo maselewir mewali-wali wo iséra.
17Yaku arui keli an tutuw si Stefanus, si Fortunus wo si Akhaikus sé ang Korintus owo mayo am bia'i. Ampa'paan intarépé' séra am biao, yaku mendam tanu aku mewali-wali wo icamu. 18Sérao sé kumeter in atéku, meputé wo séra icumetero in até miow. Wo sé tou tanu siitu musti siriin iow.
19 #
Kis. 18:2 Sé jamaat am bia'i an Asia Teké' méé in siri' ai camu. Si Akwila wo si Priskila penanaanna, ang karapi é jamaat sé mengali'us am balé éra ka'i méé mai makapulu-pulu' siri' ai camu ang karapi i ngaran i Casuruan. 20Wo pakasa sé poo-poow an esa paémanen am bia'i méé ka'i in siri' ai camu. Wo membém-béan angé in siri' kamu ang karapi wuta in upus#16:20 An teks aseli nunuwu' é Yunani aicua ‘cumiom le'nas’. Icumiom le'nas itu kanaramen éra mawéé in siri' a sé tou maéman a si Kristus asi témpo itu. tanu poow esa paémanen a si Kristus.
21En siri' anio' kamaku in esa imatic: Siri' a yaku owo Paulus.
22Si tou ra'ica mengaupus si Apo' Yesus, sia itu tenan ing kutuk.
Maranata!#16:22 “Maranata”: A nunuwu' é Yunani “maranata” eng kaangéanna “Kasuruan maayo!”
23En upus tatambér i Apo' Yesus mewali-wali wo icamu.
24En upusku mewali-wali wo icamu im baya am paesaan wo si Kristus Yesus.
Currently Selected:
1 Korintus 16: TNT
Highlight
Copy
Compare
Share
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018
