Mbete Rɔmri 12
12
1Aŋay dale yi̧n biri ɓay law in Ŋgerzah ké-e mgba ziŋ na ra mi ƴo hew wuri keni : Í hi̧ mun woiri ɓa fe puhna a nunu#12.1 Ɓayay si mbew yaŋ ke ɓay ké Mbete Rɔmri 6.6,12; 8.13.. Sam fe puhna-aw mah nun Ŋgerzah mí ke ya̧ ɓa pihna nzuk kani ké i laɓ hi̧ ni, ké si ke gelu gelu. 2Mí í ndɔl fe laɓna tukala a seway ya. Wara le í hi̧ Tempuki#12.2 Ɓayay si mbew ke nzuk pirmatul a sa̧w Tempuki. Sa̧wu mí nzuk-sɔɓ mbete ten ɓay Tempuki ké gel ki̧na-ay. Mú ki̧ Mbete Rɔmri 8.26 ɓay lah-u. ɓá sɔɓ wuri í ru̧ ma pol pol ma. Le i ɓay tu fe ké law Ŋgerzah yih, i tú ke mun woiri law yihna ye na ɓa suki, ndɔ-ndɔh, ƴo gelu ɓa fe gama.
3Tumbɔl lawsuki ké Ŋgerzah laɓ ziŋ mi, mí-i ƴo ɓah hi̧ a ge ge ké sakra woiri ɓahri se, kerɓay nzuk a suŋ suŋ le ɓá hu̧h tul ya. Wara le a ge ge ɓá ko tul ye mah ke kerɓay a ru̧-u ké gi ke kanlaw tul Ŋgerzah ké-e wal hi̧ na mbew mbew 4Kandɔk ké mun nzuk ƴo ke kehrna ɓoɗ ɓoɗ ra mí kehrnari-aw le pihna woyri kara ɓoɗ ɓoɗ pi. 5Kaŋ pi mí a wah ké nah ɓa daɓa ra nah ɓa mun mbew ziŋ Ŋgermbay, mí nah mbɔhlɔ hani hani. 6Nzuk a suŋ suŋ le ɓay lawsuki Ŋgerzah mí ke hi̧ nzuku ŋgerna ɓoɗ ɓoɗ.
Ɓa ra ŋgerna-ten sa̧wɓay ké Ŋgerzah ɓaŋ ndoh ɓil law nzuk kara nzuku ɓá ten sa̧wɓayu si mbew ke kanlaw tul Ŋgerzah,
7ɓa ra ŋgerna-so nzukri kara ké so,
ɓa ra ŋgerna-sɔk fe kara ké sɔk,
8ɓa ra ŋgerna-hew nzukri kara ké hew,
ɓa ra ŋgerna-na ɓa balak nzuk kara ké zukru mun ya,
ɓa ra ŋgerna-nda pol nzukri ɓa suki ké hi̧ tul ɓilu,
ɓa ra ŋgerna-ker seh nzuk kara ké laɓ ke mun rihna.
9Law sana ta mbu̧h ke nzak seɗe ya dale,
fe a pipiri-u, ɓá na ɓa fe fu̧yna woiri. Suki le, ɓá na ɓa fe mbɔhlɔ wuri.
10Law in le, ɓá na ɓa fe ké hi̧ law woiri te tul hani. Hȩ́k hani ba, ɓá na ɓa fe ké i kpak hani tulu.
11Zayna law woiri ɓay laɓ suki ɓá na ɓa fe ké i ta ke zoh ɓilu ya, Tem ké mun woiri ɓá na ɓa fe ké ɗaŋ ké mun woiri kaɗ kaɗ, Ŋgermbay le, ɓá na ɓa nzuk ké i laɓ pihna hi̧ ni.
12Suki ké i geŋ, ɓá na ɓa fe law rihna woiri, koseh ké i ko, ɓá na ɓa fe ké i ƴo su̧h law ɓilu, ɓayri ké i ƴo ɓah ziŋ Ŋgerzah ɓá na ɓa fe laɓna ké i ƴo tulu kȩk,
13fe zɔklɔ ké ziŋ sa̧w nzuk Ŋgerzahri, ɓá na ɓa fe ké i ƴo ɓilu ziŋ niri, mgbá gahruri ndɔk seɗe ɓá na ɓa fe ké i takra laɓu pi.
14Í lu mgbɔkɔ ku̧ tul nzukri ké laɓ wuri koseh. Í lu mgbɔkɔ, í haɓ fe ya.
15Le nzukri ké ƴo ke law rihna, law woiri ɓá rih ziŋ niri. Nzukri ké ƴo vuh rew, law woiri ɓá se ziŋ niri.
16Í ko haniri mah hani, kó mun ɓa nzuk a luki ɓá ta-a. Í mgba̧hra ke ko̧hkori ma. Ko-ko í ko mun woiri ɓa ru̧nari.
17Mbɔl suya ba, puh ke suya ya,
kerɓay-laɓ suki hi̧ nzuk a suŋ suŋ gbam ɓá na ɓil law woiri hi̧ kú ko.
18Mahful ƴo ri ké fál ta̧w woiri le, í hi̧ ɗeŋ ɓá ƴo haŋsekle woiri ke nzukri gbam.
19Gun sanari dál baa ke mun woiri ɓá ta-a dale, í poŋ ful hi̧ law fa̧hna Ŋgerzah mí ɓá dal baa-u kandɔk kú-u vbeh lewsa̧ ɓahri, dál baa ɓa fe bi, mi sɔ́r mbɔlu#12.19 Ɓayay na ɓil Mbete Deutéronome 32.35.. Kaŋ mí Gaŋ tul feri riw ɓah. 20Í dal baa ya, wara le ɗaka i nzukbaa woiri le, mú hi̧ ni fe su̧na. Kɔkmbih i ni, í hi̧ ni mbih. Láɓ kaŋaw ɓa fá̧h hȩkre hɔrɔ ke hɔrɔ-u ku̧ tul ye munu#12.20 Ɓayay na Mbete Proverbes 25.21,22..
21Kandɔkaw mí suya ɓá mba tul wo ya. Mú mba tul suya ke suki ma.
Currently Selected:
Mbete Rɔmri 12: SIAFNK
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
Mbete Rɔmri 12
12
1Aŋay dale yi̧n biri ɓay law in Ŋgerzah ké-e mgba ziŋ na ra mi ƴo hew wuri keni : Í hi̧ mun woiri ɓa fe puhna a nunu#12.1 Ɓayay si mbew yaŋ ke ɓay ké Mbete Rɔmri 6.6,12; 8.13.. Sam fe puhna-aw mah nun Ŋgerzah mí ke ya̧ ɓa pihna nzuk kani ké i laɓ hi̧ ni, ké si ke gelu gelu. 2Mí í ndɔl fe laɓna tukala a seway ya. Wara le í hi̧ Tempuki#12.2 Ɓayay si mbew ke nzuk pirmatul a sa̧w Tempuki. Sa̧wu mí nzuk-sɔɓ mbete ten ɓay Tempuki ké gel ki̧na-ay. Mú ki̧ Mbete Rɔmri 8.26 ɓay lah-u. ɓá sɔɓ wuri í ru̧ ma pol pol ma. Le i ɓay tu fe ké law Ŋgerzah yih, i tú ke mun woiri law yihna ye na ɓa suki, ndɔ-ndɔh, ƴo gelu ɓa fe gama.
3Tumbɔl lawsuki ké Ŋgerzah laɓ ziŋ mi, mí-i ƴo ɓah hi̧ a ge ge ké sakra woiri ɓahri se, kerɓay nzuk a suŋ suŋ le ɓá hu̧h tul ya. Wara le a ge ge ɓá ko tul ye mah ke kerɓay a ru̧-u ké gi ke kanlaw tul Ŋgerzah ké-e wal hi̧ na mbew mbew 4Kandɔk ké mun nzuk ƴo ke kehrna ɓoɗ ɓoɗ ra mí kehrnari-aw le pihna woyri kara ɓoɗ ɓoɗ pi. 5Kaŋ pi mí a wah ké nah ɓa daɓa ra nah ɓa mun mbew ziŋ Ŋgermbay, mí nah mbɔhlɔ hani hani. 6Nzuk a suŋ suŋ le ɓay lawsuki Ŋgerzah mí ke hi̧ nzuku ŋgerna ɓoɗ ɓoɗ.
Ɓa ra ŋgerna-ten sa̧wɓay ké Ŋgerzah ɓaŋ ndoh ɓil law nzuk kara nzuku ɓá ten sa̧wɓayu si mbew ke kanlaw tul Ŋgerzah,
7ɓa ra ŋgerna-so nzukri kara ké so,
ɓa ra ŋgerna-sɔk fe kara ké sɔk,
8ɓa ra ŋgerna-hew nzukri kara ké hew,
ɓa ra ŋgerna-na ɓa balak nzuk kara ké zukru mun ya,
ɓa ra ŋgerna-nda pol nzukri ɓa suki ké hi̧ tul ɓilu,
ɓa ra ŋgerna-ker seh nzuk kara ké laɓ ke mun rihna.
9Law sana ta mbu̧h ke nzak seɗe ya dale,
fe a pipiri-u, ɓá na ɓa fe fu̧yna woiri. Suki le, ɓá na ɓa fe mbɔhlɔ wuri.
10Law in le, ɓá na ɓa fe ké hi̧ law woiri te tul hani. Hȩ́k hani ba, ɓá na ɓa fe ké i kpak hani tulu.
11Zayna law woiri ɓay laɓ suki ɓá na ɓa fe ké i ta ke zoh ɓilu ya, Tem ké mun woiri ɓá na ɓa fe ké ɗaŋ ké mun woiri kaɗ kaɗ, Ŋgermbay le, ɓá na ɓa nzuk ké i laɓ pihna hi̧ ni.
12Suki ké i geŋ, ɓá na ɓa fe law rihna woiri, koseh ké i ko, ɓá na ɓa fe ké i ƴo su̧h law ɓilu, ɓayri ké i ƴo ɓah ziŋ Ŋgerzah ɓá na ɓa fe laɓna ké i ƴo tulu kȩk,
13fe zɔklɔ ké ziŋ sa̧w nzuk Ŋgerzahri, ɓá na ɓa fe ké i ƴo ɓilu ziŋ niri, mgbá gahruri ndɔk seɗe ɓá na ɓa fe ké i takra laɓu pi.
14Í lu mgbɔkɔ ku̧ tul nzukri ké laɓ wuri koseh. Í lu mgbɔkɔ, í haɓ fe ya.
15Le nzukri ké ƴo ke law rihna, law woiri ɓá rih ziŋ niri. Nzukri ké ƴo vuh rew, law woiri ɓá se ziŋ niri.
16Í ko haniri mah hani, kó mun ɓa nzuk a luki ɓá ta-a. Í mgba̧hra ke ko̧hkori ma. Ko-ko í ko mun woiri ɓa ru̧nari.
17Mbɔl suya ba, puh ke suya ya,
kerɓay-laɓ suki hi̧ nzuk a suŋ suŋ gbam ɓá na ɓil law woiri hi̧ kú ko.
18Mahful ƴo ri ké fál ta̧w woiri le, í hi̧ ɗeŋ ɓá ƴo haŋsekle woiri ke nzukri gbam.
19Gun sanari dál baa ke mun woiri ɓá ta-a dale, í poŋ ful hi̧ law fa̧hna Ŋgerzah mí ɓá dal baa-u kandɔk kú-u vbeh lewsa̧ ɓahri, dál baa ɓa fe bi, mi sɔ́r mbɔlu#12.19 Ɓayay na ɓil Mbete Deutéronome 32.35.. Kaŋ mí Gaŋ tul feri riw ɓah. 20Í dal baa ya, wara le ɗaka i nzukbaa woiri le, mú hi̧ ni fe su̧na. Kɔkmbih i ni, í hi̧ ni mbih. Láɓ kaŋaw ɓa fá̧h hȩkre hɔrɔ ke hɔrɔ-u ku̧ tul ye munu#12.20 Ɓayay na Mbete Proverbes 25.21,22..
21Kandɔkaw mí suya ɓá mba tul wo ya. Mú mba tul suya ke suki ma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.