Mbete Rɔmri 11
11
1Kaŋ dale mi ƴo vbi ɓahri, Ŋgerzah poŋ fal sa̧wnzuk ye gun Izarayelri ra po-poŋ le ? Kaŋ ya. A bi Pɔl ra mi ɓa gun Izarayel ké fál ndɔk Benzameh, mi ɓa mi̧hri Abaraham gaŋ. 2Ŋgerzah poŋ fal sa̧w nzuk yeri ké-e tu niri pol ra ya#11.2 Ɓayay na ɓil Mbete 1 Samuel 12.22. Sewu ra gun Izarayelri fah Ŋgerzah. Ku goŋ ni ɓay ké mbi mbay hi̧ niri. Ŋgerzah mbi Sawul gun Izarayel a hani mbew ké fál ndɔk Benzameh. Pɔl mbi ɓay ɓahna Samuel gun nzak pihna Ŋgerzah sɔk ɓahri, ku poŋ Ŋgerzah kara, ke poŋ niri ya.. Ɓay Eli kú-u vbeh na ɓil mbete Ŋgerzah lewsa̧ ra, i tu ya le wo ? Eli vuh mun ye sek gun Izarayelri keni ké pol Ŋgerzah ɓahri,
3 Gaŋ tul feri riw, ku i gun nzak pihna wori.
Ku vbar gel fe puhna wori.
Mi toŋ ke hȩk bi,
mí ku ƴah ful ɓay i mi # 11.3 Ɓayay na ɓil Mbete 1 Rois 19.10-14..
4Mí-aw ba, Ŋgerzah yih nzak Eli ani le ? Ŋgerzah yih nzak ye ɓahri : Mi kɔr nzukri sɔɗ sɔɗ boh gel toŋndɔk say (7.000) ƴo ri. A woyri-aw ku huk pol záh a ɓoruri ya. Záh ké ɓa Bahal kara ku huk pol ye ya#11.4 Ɓayay na Mbete 1 Rois 19.18.. 5Kaŋ mí sew a aŋay kara ké sakra gun Izarayelri, Ŋgerzah kɔr mi̧hri ye ké riŋ ye kan tul woyri ƴo ri. Ɗina-u si mbew ke lawsuki ye. 6Kandɔk ké ɗina ye ur ke lawsuki ye ra dale, sa̧w ziŋu ta ɓa fe laɓna nzukri ya. Gelke sa̧w ɗina-u ur ra ke fe laɓna nzuk gaŋ le, lawsuki ye ra ta ɓa lawsuki ya.
7-8Le ɓayu ra na ani munu ? Sal in Ŋgerzah ké gun Izarayelri ƴah ke fe laɓna woyri ra ku ziŋ ya#11.7-8 Ɓayay mah ke Mbete Rɔmri 9.31.. Gun Izarayel a ɓoruri ké riŋ Ŋgerzah na tul woyri ɓa záh woyri ba, ku zi-ziŋ. Gun Izarayel a a̧yri ké ziŋ ya ba, law woyri kpuh. Ɓayu guh law woyri ya kandɔk kú-u vbeh lewsa̧ ɓahri,
Ŋgerzah poŋ niri ɓil ndɔk záh a hani hi̧ tul woyri yih dik dik # 11.7-8 Ɓayay na ɓil Mbete Esaïe 29.10.,
nun woyri ko fe ya,
suk woyri lah ɓay ya pi kpu̧ru ka̧h guri-ay # 11.7-8 Ɓayay na ɓil Mbete Deutéronome 29.3 ke Mbete Esaïe 6.9..
9Daviɗ mbay a luki kara ɓah lewsa̧ si tul woyri ɓahri,
fe su̧na ti̧hmbih woyri ɓá ti̧h ɓa ndaw, ɓa kȩke, ɓa gburka, ɓa kpaŋndɔk woyri.
10 Mí nun woyri ɓá sih nduŋ kú ko gel mba, tak woyri ɓá ra̧h ŋgole ŋgole # 11.10 Ɓayay na ɓil Mbete Siŋ (Psaumes) 69.23-24. Ɓayu mah ke Mbete Rɔmri 9.32, bolkusol Ŋgerzah kú-u nda giri fe laɓna woyri ti̧h ɓa fe lihna..
11Mi vbi ɓahri, ɓé tul bɔk woyri ɓa lihna wu̧m ley ? Ɓé tul bɔk woyri-aw bale, selna ka̧h keni ké ta̧w sa̧wnzuk a ɓoruri mí Ŋgerzah ti̧h ɓa záh woyri. Selna-aw ƴo sɔkrɔ gun Izarayelri laɓ sere#11.11 Í mgba Mbete Rɔmri 10.19 tuh ke gel ki̧na-ay.. 12Mí ɓé tul bɔk woyri ɓa fe ziŋna sa̧wnzuk tusiɓari gbam, él fal woyri gi ke suki ké ta̧w sa̧wnzuk a ɓoruri ra wa, ɓay na ani ɓáy hi̧ sa̧wnzuk a ɓoruri gelke ku lek gel kaɓna woyri guk guk ké ta̧w Ŋgerzah ba ? Ɓay ndɔh mbamba.
13Wara mí-i ƴo ɓah hi̧ wuri sa̧wnzuk a ɓoruri kandɔkay : Ké mi ɓa gun nzak pihna si ta̧w sa̧wnzuk a ɓoruri ra le, sí ke ɓay nzak pihna-aw mí-i vba̧ haŋ ɓilu. 14Vbá̧ haŋ bi-aw mi pahra keni gun Izarayelri kú-u ɓa mun hay bi ɓay kú laɓ sere. Ko ya le, a haniri ɓay ƴo ziŋ Ŋgermbay ɓayu. 15Ŋgerzah to suy woyri ma fal hi̧ sa̧wnzuk tusiɓari gbam mgba nzak nzaw ziŋ ni, mí ke el mgba gun Izarayelri ndɔk seɗe ba, ɓay na ani ɓáy le ? Ɓay na ɓa ɔkna hi̧ nzukri ké ɓay ti̧h ke hul wara. 16Tul fe pay ɓa fe Ŋgerzah le, tɔr fe payu gbam ɓa nunu a Ŋgerzah. Sa̧w kpuh ɓa fe Ŋgerzah le, nzakndɔk kpuh-u gbam ɓa nunu a ye pi#11.16 Í mgba Mbete Esaïe 6.13 tuh ke gel ki̧na-ay.. 17Sa̧w nzuk biri ɓa nzakndɔk kpuh, mí ku kuŋ nzakndɔk a hani-uri ma fal dale, ku mbɔhlɔ mu a wo sa̧wnzuk a ɓoru ké mu ɓa nzakndɔk kpuh a kpah ké sakra-u, mí mu ƴo nzo boɗo ké sa̧wu hi̧ mbew. 18Ko-ko mú nda giri tul nzakndɔk a kuŋuri-aw. Mu ma-mah ɓay nda giri, mí ta ɓa a wo mú-u hɔl sa̧w kpuh-aw ya. Le ɓa sa̧wu mí hɔl mu.
19Dale mu ɓáhri, ku kuŋ nzakndɔk kpuhri ɓay mí soh mbɔhlɔ gel woyri.
20Ketina. Kuŋna woyri laɓ kandɔkaw ɓayu kú-u poŋ Ŋgermbay. A wo ba, ɓay kanlaw mú-u mbɔhlɔ kpuh. Le ful hú̧h tul wo ta-a. Mú ko tul wo ma. 21A ké Ŋgerzah kuŋ gun Izarayelri kandɔk nzakndɔk kpuh ra wa, ke mah kuŋ mu a wo nzakndɔk kpuh a kpah pi ya le ? 22Dale mú lah ɓay lawsuki Ŋgerzah ke ɓay kpuhna ye mbɔk. Kpuhna ye na tul nzukri ké lih, mí suki ye ƴo ziŋ mu. Mu kaɓ ɓil suki-aw ya le, ku ɓay kuŋ mu kandɔk nzakndɔk kpuhri-aw pi. 23Mí gun Izarayelri ɓá kaɓ ra ɓil law kpuhna woyri ya le, ku él mbɔhlɔ niri ɓáy. Ŋgerzah ƴo ke huhrumun ɓay el mbɔhlɔ niri ɓa foyu ɓáy. 24A wo ké sa̧w wo ɓa kpuh a kpah, ku mbɔhlɔ mu ké kpuh a ma̧-u, ani mí a woyri ké sa̧w woyri ɓa kpuh a ma̧-u ra ba, ku él mbɔhlɔ niri ké mahsa̧w woyri ya le ?
25Yi̧n biri, mi yih ɓay í tu sa̧wɓay ké Ŋgerzah mu̧h lewsa̧ rɔkɔ í ɗi mun woiri ɓa ru̧nari. Ɓay fe le law kpuhna gun Izarayel a haniri ra ɓay na kaŋ kpu̧ru ka̧h sew ké nzukri ké sa̧w woyri ɓoɗ ɓoɗ gbam ɓay mbu̧h ɓa sa̧w mbew ɔh dara ɓáy. 26Kaŋ mí nzukri gbam kú-u ɓa gun Izarayelri#11.26 Ɓay tu fe ké kehr riŋ Zakoɓ ke riŋ Izarayel mú ki̧ Mbete Sa̧w fe 32.28. Izarayel ɓa riŋ ké Ŋgerzah tu keni Zakoɓ nam ké-e ŋga̧h ɓay ziŋ ni. Izarayel sɔk riŋ salɓay in. Zakoɓ ba, ɓa riŋ gun Izarayelri a sa̧w tusiɓa., ku ƴó ziŋ Ŋgerzah ɓa suki gaŋ, kandɔk kú-u vbeh lewsa̧ ɓahri, nzuk-ya̧ nzukri ɓay ti̧h ké Siyoŋ gi. Ke lú law-saŋ Ŋgerzah ké sakra mi̧hri Zakoɓ ma fal#11.26 Ɓayay na ɓil Mbete Esaïe 59.20. . 27A a̧w ɓa salɓay ké mi ŋga̧h ziŋ niri ɓay laɓu sew ké mi nzóm ɓay ké tul woyri#11.27 Ɓayay si ke Mbete Esaïe 27.9 ke Mbete Jérémie 31.33 pi..
28Fál ɓaysuki hul Ŋgermbay le gun Izarayelri ɓa nzukbaa ɓay tul woiri sa̧wnzuk a ɓoruri. Mí fál ɗina le ku ɓa gun sanari ɓay tul zih woyri 29ɓayu ké ɗina Ŋgerzah ke suki ké-e hi̧ ra vbiru ta-a. 30Lewsa̧ ra a woiri sa̧wnzuk a ɓoruri, i mba nzak Ŋgerzah, mí aŋay Ŋgerzah mgba in ziŋ wuri ɓay tul mbá nzak gun Izarayelri. 31Kandɔkaw mí aŋay ku mba nzak Ŋgerzah ɓayu ké Ŋgerzah mgba in ziŋ wuri, hi̧ ɓo a woyri kara Ŋgerzah ɓá mgba in ziŋ niri pi. 32Ŋgerzah vba̧ kpaŋ ɗoŋ nzukri gbam ɓil mbá nzak woyri ɓay ké mgba in ziŋ nzukri gbam.
33Ahna ndɔk Ŋgerzah, ru̧na ye, goso fe tuna ye si wɔrɔk wo.
Nzuk mah fakla salɓay ye ya,
nzuk ké mah faŋ mahful ye ka̧h gbu̧h ta-a # 11.33 Ɓayay si ke ɓay ké Mbete Job 5.9..
34 A ge wara mí tu kerɓay Gaŋ tul feri riw le wo ?
A ge mí mah hew ni le # 11.34 Ɓayay na ɓil Mbete Job 15.8 ke Mbete Esaïe 40.13. ?
35 A ge mí ta ni fe ɓay ké el puh mbɔlu le # 11.35 Ɓayay na ɓil Mbete Job 41.3. ?
36Ɓay fe le sa̧w feri gbam ur ké ta̧w ye,
ƴona woyri ɓa a ye, ɓay el ma ta̧w ye pi.
Kandɔkaw mí riŋ ɗina ɓa nzuku a ye sew ke sew. Gelu munu.
Currently Selected:
Mbete Rɔmri 11: SIAFNK
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
Mbete Rɔmri 11
11
1Kaŋ dale mi ƴo vbi ɓahri, Ŋgerzah poŋ fal sa̧wnzuk ye gun Izarayelri ra po-poŋ le ? Kaŋ ya. A bi Pɔl ra mi ɓa gun Izarayel ké fál ndɔk Benzameh, mi ɓa mi̧hri Abaraham gaŋ. 2Ŋgerzah poŋ fal sa̧w nzuk yeri ké-e tu niri pol ra ya#11.2 Ɓayay na ɓil Mbete 1 Samuel 12.22. Sewu ra gun Izarayelri fah Ŋgerzah. Ku goŋ ni ɓay ké mbi mbay hi̧ niri. Ŋgerzah mbi Sawul gun Izarayel a hani mbew ké fál ndɔk Benzameh. Pɔl mbi ɓay ɓahna Samuel gun nzak pihna Ŋgerzah sɔk ɓahri, ku poŋ Ŋgerzah kara, ke poŋ niri ya.. Ɓay Eli kú-u vbeh na ɓil mbete Ŋgerzah lewsa̧ ra, i tu ya le wo ? Eli vuh mun ye sek gun Izarayelri keni ké pol Ŋgerzah ɓahri,
3 Gaŋ tul feri riw, ku i gun nzak pihna wori.
Ku vbar gel fe puhna wori.
Mi toŋ ke hȩk bi,
mí ku ƴah ful ɓay i mi # 11.3 Ɓayay na ɓil Mbete 1 Rois 19.10-14..
4Mí-aw ba, Ŋgerzah yih nzak Eli ani le ? Ŋgerzah yih nzak ye ɓahri : Mi kɔr nzukri sɔɗ sɔɗ boh gel toŋndɔk say (7.000) ƴo ri. A woyri-aw ku huk pol záh a ɓoruri ya. Záh ké ɓa Bahal kara ku huk pol ye ya#11.4 Ɓayay na Mbete 1 Rois 19.18.. 5Kaŋ mí sew a aŋay kara ké sakra gun Izarayelri, Ŋgerzah kɔr mi̧hri ye ké riŋ ye kan tul woyri ƴo ri. Ɗina-u si mbew ke lawsuki ye. 6Kandɔk ké ɗina ye ur ke lawsuki ye ra dale, sa̧w ziŋu ta ɓa fe laɓna nzukri ya. Gelke sa̧w ɗina-u ur ra ke fe laɓna nzuk gaŋ le, lawsuki ye ra ta ɓa lawsuki ya.
7-8Le ɓayu ra na ani munu ? Sal in Ŋgerzah ké gun Izarayelri ƴah ke fe laɓna woyri ra ku ziŋ ya#11.7-8 Ɓayay mah ke Mbete Rɔmri 9.31.. Gun Izarayel a ɓoruri ké riŋ Ŋgerzah na tul woyri ɓa záh woyri ba, ku zi-ziŋ. Gun Izarayel a a̧yri ké ziŋ ya ba, law woyri kpuh. Ɓayu guh law woyri ya kandɔk kú-u vbeh lewsa̧ ɓahri,
Ŋgerzah poŋ niri ɓil ndɔk záh a hani hi̧ tul woyri yih dik dik # 11.7-8 Ɓayay na ɓil Mbete Esaïe 29.10.,
nun woyri ko fe ya,
suk woyri lah ɓay ya pi kpu̧ru ka̧h guri-ay # 11.7-8 Ɓayay na ɓil Mbete Deutéronome 29.3 ke Mbete Esaïe 6.9..
9Daviɗ mbay a luki kara ɓah lewsa̧ si tul woyri ɓahri,
fe su̧na ti̧hmbih woyri ɓá ti̧h ɓa ndaw, ɓa kȩke, ɓa gburka, ɓa kpaŋndɔk woyri.
10 Mí nun woyri ɓá sih nduŋ kú ko gel mba, tak woyri ɓá ra̧h ŋgole ŋgole # 11.10 Ɓayay na ɓil Mbete Siŋ (Psaumes) 69.23-24. Ɓayu mah ke Mbete Rɔmri 9.32, bolkusol Ŋgerzah kú-u nda giri fe laɓna woyri ti̧h ɓa fe lihna..
11Mi vbi ɓahri, ɓé tul bɔk woyri ɓa lihna wu̧m ley ? Ɓé tul bɔk woyri-aw bale, selna ka̧h keni ké ta̧w sa̧wnzuk a ɓoruri mí Ŋgerzah ti̧h ɓa záh woyri. Selna-aw ƴo sɔkrɔ gun Izarayelri laɓ sere#11.11 Í mgba Mbete Rɔmri 10.19 tuh ke gel ki̧na-ay.. 12Mí ɓé tul bɔk woyri ɓa fe ziŋna sa̧wnzuk tusiɓari gbam, él fal woyri gi ke suki ké ta̧w sa̧wnzuk a ɓoruri ra wa, ɓay na ani ɓáy hi̧ sa̧wnzuk a ɓoruri gelke ku lek gel kaɓna woyri guk guk ké ta̧w Ŋgerzah ba ? Ɓay ndɔh mbamba.
13Wara mí-i ƴo ɓah hi̧ wuri sa̧wnzuk a ɓoruri kandɔkay : Ké mi ɓa gun nzak pihna si ta̧w sa̧wnzuk a ɓoruri ra le, sí ke ɓay nzak pihna-aw mí-i vba̧ haŋ ɓilu. 14Vbá̧ haŋ bi-aw mi pahra keni gun Izarayelri kú-u ɓa mun hay bi ɓay kú laɓ sere. Ko ya le, a haniri ɓay ƴo ziŋ Ŋgermbay ɓayu. 15Ŋgerzah to suy woyri ma fal hi̧ sa̧wnzuk tusiɓari gbam mgba nzak nzaw ziŋ ni, mí ke el mgba gun Izarayelri ndɔk seɗe ba, ɓay na ani ɓáy le ? Ɓay na ɓa ɔkna hi̧ nzukri ké ɓay ti̧h ke hul wara. 16Tul fe pay ɓa fe Ŋgerzah le, tɔr fe payu gbam ɓa nunu a Ŋgerzah. Sa̧w kpuh ɓa fe Ŋgerzah le, nzakndɔk kpuh-u gbam ɓa nunu a ye pi#11.16 Í mgba Mbete Esaïe 6.13 tuh ke gel ki̧na-ay.. 17Sa̧w nzuk biri ɓa nzakndɔk kpuh, mí ku kuŋ nzakndɔk a hani-uri ma fal dale, ku mbɔhlɔ mu a wo sa̧wnzuk a ɓoru ké mu ɓa nzakndɔk kpuh a kpah ké sakra-u, mí mu ƴo nzo boɗo ké sa̧wu hi̧ mbew. 18Ko-ko mú nda giri tul nzakndɔk a kuŋuri-aw. Mu ma-mah ɓay nda giri, mí ta ɓa a wo mú-u hɔl sa̧w kpuh-aw ya. Le ɓa sa̧wu mí hɔl mu.
19Dale mu ɓáhri, ku kuŋ nzakndɔk kpuhri ɓay mí soh mbɔhlɔ gel woyri.
20Ketina. Kuŋna woyri laɓ kandɔkaw ɓayu kú-u poŋ Ŋgermbay. A wo ba, ɓay kanlaw mú-u mbɔhlɔ kpuh. Le ful hú̧h tul wo ta-a. Mú ko tul wo ma. 21A ké Ŋgerzah kuŋ gun Izarayelri kandɔk nzakndɔk kpuh ra wa, ke mah kuŋ mu a wo nzakndɔk kpuh a kpah pi ya le ? 22Dale mú lah ɓay lawsuki Ŋgerzah ke ɓay kpuhna ye mbɔk. Kpuhna ye na tul nzukri ké lih, mí suki ye ƴo ziŋ mu. Mu kaɓ ɓil suki-aw ya le, ku ɓay kuŋ mu kandɔk nzakndɔk kpuhri-aw pi. 23Mí gun Izarayelri ɓá kaɓ ra ɓil law kpuhna woyri ya le, ku él mbɔhlɔ niri ɓáy. Ŋgerzah ƴo ke huhrumun ɓay el mbɔhlɔ niri ɓa foyu ɓáy. 24A wo ké sa̧w wo ɓa kpuh a kpah, ku mbɔhlɔ mu ké kpuh a ma̧-u, ani mí a woyri ké sa̧w woyri ɓa kpuh a ma̧-u ra ba, ku él mbɔhlɔ niri ké mahsa̧w woyri ya le ?
25Yi̧n biri, mi yih ɓay í tu sa̧wɓay ké Ŋgerzah mu̧h lewsa̧ rɔkɔ í ɗi mun woiri ɓa ru̧nari. Ɓay fe le law kpuhna gun Izarayel a haniri ra ɓay na kaŋ kpu̧ru ka̧h sew ké nzukri ké sa̧w woyri ɓoɗ ɓoɗ gbam ɓay mbu̧h ɓa sa̧w mbew ɔh dara ɓáy. 26Kaŋ mí nzukri gbam kú-u ɓa gun Izarayelri#11.26 Ɓay tu fe ké kehr riŋ Zakoɓ ke riŋ Izarayel mú ki̧ Mbete Sa̧w fe 32.28. Izarayel ɓa riŋ ké Ŋgerzah tu keni Zakoɓ nam ké-e ŋga̧h ɓay ziŋ ni. Izarayel sɔk riŋ salɓay in. Zakoɓ ba, ɓa riŋ gun Izarayelri a sa̧w tusiɓa., ku ƴó ziŋ Ŋgerzah ɓa suki gaŋ, kandɔk kú-u vbeh lewsa̧ ɓahri, nzuk-ya̧ nzukri ɓay ti̧h ké Siyoŋ gi. Ke lú law-saŋ Ŋgerzah ké sakra mi̧hri Zakoɓ ma fal#11.26 Ɓayay na ɓil Mbete Esaïe 59.20. . 27A a̧w ɓa salɓay ké mi ŋga̧h ziŋ niri ɓay laɓu sew ké mi nzóm ɓay ké tul woyri#11.27 Ɓayay si ke Mbete Esaïe 27.9 ke Mbete Jérémie 31.33 pi..
28Fál ɓaysuki hul Ŋgermbay le gun Izarayelri ɓa nzukbaa ɓay tul woiri sa̧wnzuk a ɓoruri. Mí fál ɗina le ku ɓa gun sanari ɓay tul zih woyri 29ɓayu ké ɗina Ŋgerzah ke suki ké-e hi̧ ra vbiru ta-a. 30Lewsa̧ ra a woiri sa̧wnzuk a ɓoruri, i mba nzak Ŋgerzah, mí aŋay Ŋgerzah mgba in ziŋ wuri ɓay tul mbá nzak gun Izarayelri. 31Kandɔkaw mí aŋay ku mba nzak Ŋgerzah ɓayu ké Ŋgerzah mgba in ziŋ wuri, hi̧ ɓo a woyri kara Ŋgerzah ɓá mgba in ziŋ niri pi. 32Ŋgerzah vba̧ kpaŋ ɗoŋ nzukri gbam ɓil mbá nzak woyri ɓay ké mgba in ziŋ nzukri gbam.
33Ahna ndɔk Ŋgerzah, ru̧na ye, goso fe tuna ye si wɔrɔk wo.
Nzuk mah fakla salɓay ye ya,
nzuk ké mah faŋ mahful ye ka̧h gbu̧h ta-a # 11.33 Ɓayay si ke ɓay ké Mbete Job 5.9..
34 A ge wara mí tu kerɓay Gaŋ tul feri riw le wo ?
A ge mí mah hew ni le # 11.34 Ɓayay na ɓil Mbete Job 15.8 ke Mbete Esaïe 40.13. ?
35 A ge mí ta ni fe ɓay ké el puh mbɔlu le # 11.35 Ɓayay na ɓil Mbete Job 41.3. ?
36Ɓay fe le sa̧w feri gbam ur ké ta̧w ye,
ƴona woyri ɓa a ye, ɓay el ma ta̧w ye pi.
Kandɔkaw mí riŋ ɗina ɓa nzuku a ye sew ke sew. Gelu munu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.