Mbete Kolosiri 3
3
1Mí kandɔk ké i hu ziŋ Ŋgermbay ra, i ti̧h ke puh záh ziŋ ni#3.1 Gel ki̧na-ay ti ke Mbete Kolosiri 2.20. Sa̧wu mí nzuk-sɔɓ mbete dal fe vbehna-aw ɓahri, kandɔk ké i hu ziŋ Ŋgermbay.. Dale í taw fe a fál síɓari, gel ké Ŋgermbay kaɓ ri, ke ɓa ndɔk lakna Ŋgerzah. 2Law woiri ɓá na ké tul fe a fál síɓari, law woiri ɓá na tul fe a fál siɓari ya. 3Ɓayu ké i hu ziŋ Ŋgermbay ra mí ɔkna woiri mu̧h lukluk ké ta̧w ye ké-e ƴo ke Ŋgerzah. 4Nam ké Ŋgermbay ké ɓa ɔkna woiri ra ti̧h nun nzukri gbam dale, a woiri kara i ɓay ti̧h ziŋ ni ke pa̧ymun a foyu ke riŋ ɗina pi.
5Dale í sɔɓ fal hi̧ sa̧w fe laɓna tusiɓa kandɔk nunpuki, fe laɓna a pipiri-uri, nzék law ɓay laɓ suya, ɗaka fe a suya-uri, ɗaka lari ké si mbew ke dím záh. Feri-aw gbam í lu ke law woiri ma fal. 6Sam fe laɓna a kaŋawri mí law fa̧hna Ŋgerzah ƴo toh tul nzukri ɓayu. 7Lewsa̧ ké i ƴo ɓil sa̧w fe laɓna sa̧w woiri-aw a woiri kara i si siŋ sina a kaŋaw pi. 8Mí aŋay ba, í poŋ wuri feri-aw gbam ma fal kandɔk haŋ fa̧hna, tí̧h wo̧ro, law sihna, ɓéɓ riŋ nzuk, nzak woiri ɓá ti̧h ke ɓay-se su̧hru ya. 9Í kuŋ ɓay hi̧ haniri ya ɓayu ké i lur sa̧w mbuŋna woiri a tusiɓa ke fe laɓna-uri gbam ma fal kandɔk ta̧w gar kú-u lu kaŋ, 10mí i el ndoh sa̧w woiri a foyu ɓa gar ndohna woiri. Fe tuna sa̧w woiri ké ƴo sɔɓ ɓa foyu ra si ke sam nzuk pirmatul ké Ŋgerzah laɓ hi̧ nzuku ɓá eŋ ni. 11Kandɔkaw mí kehrna ta ké haŋsekle nzuk pirmatul a foyu ya : ziɓ ta-a, sa̧wnzuk a ɓoru ta-a, nzuk-kuŋ ndi̧wri ta-a, nzuk ndi̧w ɓɔlri ta-a, nzukri ké ɓah kɔk nzak ɓay ɓahnari ta-a,#3.11 Sa̧w nzak vbeh ɓa Barbar. Nzuk ru̧nari ɗi sa̧wnzuk a ɓoruri ké ɓay ɓahna woyri mgbe bar bar, mí ku sak niri keni. A wah nah sɔɓ ɓa kɔk nzak ɓay ɓahnari. dahdi̧hzeri ta-a#3.11 Sa̧w nzak vbeh ɓa Eskite. Eskite ɓa sa̧wnzuk a hani ké nzukri ko niri mah hani ke nay, mí nah sɔɓ ɓa dahdi̧hze., mgbalri mini nzuk a garuri ta-a wara mí a ye Ŋgermbay nzuku-awri gbam mbu̧h ɓa a ye, ɓa a ye ké ƴo ri ziŋ nzuku-awri gbam.
12Kandɔk ké i na ɓa gun sana Ŋgerzah pi, sa̧w woiri ɓa a ye pi, mí riŋ ye kan tul woiri dale, í mbar mun woiri ke law mgba in, fe laɓna sukiri ké ti̧h suk, ɗíŋ tul, sí siŋ sina law a voh-u, iklaw tul haniri. 13Gelke nzuk ƴo ke ɓay ziŋ mbaŋ ye le, í hi̧ law woiri ɓá voh tul haniri. Kandɔk Gaŋ tul feri riw sel law ye tul woiri ra, í sel law woiri tul haniri kaŋ pi. 14Ké tul fe-uri-aw gbam kara sal-ŋga̧h si̧h woiri ɓa law sana, salu mí mbar wuri ɓa ndɔh-u. 15Dale ɗeŋ Ŋgermbay ɓá lak mbay ɓil law woiri. Ɗeŋaw mí Ŋgerzah ɗi wuri ɓa mun mbew keni. Í el ke tumbɔl hi̧ ni kpatara.
16Í hi̧ ɓay Ŋgermbay ɓá ya̧ law woiri ya̧h ya̧h ke sam ru̧nari ɓoɗ ɓoɗ gbam : ɓa ra firma fe hi̧ haniri, ɓa ra héw haniri ke siŋ-dim Ŋgerzah, siŋ pirna, siŋ a ɓoruri ké Tem hi̧ wuri i ɗi. Í hi̧ ɓay Ŋgermbay ɓá ya̧ law woiri ke lawsuki ké hi̧ law woiri loŋ riŋ Ŋgerzah. 17Mí ɓayri gbam ké i ɓah, feri gbam ké i laɓ, gbamaw ɓá na ɓa fe ké hi̧ riŋ Gaŋ tul feri riw a ye Zezu kan ri, ɓa fe ké ƴo el ke tumbɔl hi̧ baah Ŋgerzah.
18Wu̧yri, í hȩk wah woiri mah siŋ sina gun Gaŋ tul feri riw.
19Wo̧rori, í sa wu̧y woiri, í mgba wu̧y woiri ɓu law ya.
20Gunri, í lah nzak nzuk-mbuŋ wuri kpatara. A a̧w mí ɓa fe ké rih law Gaŋ tul feri riw.
21Bah gunri, í zɔr law gun woiri ya rɔkɔ ŋgerna woyri ɓá ta̧h.
22Mgbalri, í lah nzak bahgaŋ woiri ke sa̧wsehri gbam. Í lah nzak woyri ké nun woyri kaŋto ya, wara le ke law a teh-u ké ƴo hȩk Gaŋ tul feri riw ma. 23Pihna woiri a suŋ suŋ ké i ƴo laɓu í hi̧ tul woiri ɓilu kandɔk pihna ké i ƴo laɓ hi̧ Gaŋ tul feri riw, ta ɓa pihna ké i ƴo laɓ hi̧ nzukri ya. 24I tu wuri tu, kpaŋndɔk woiri ɓa fe baah ké i ɓay ya̧-u ké ta̧w Gaŋ tul feri riw dale, bahgaŋ woiri ké i ƴo laɓ pihna hi̧ ni ra mí ɓa Ŋgermbay 25ɓayu mí nzuk ké laɓ suya le, ke zíŋ kpaŋndɔk fe laɓna suya ye. Ké ta̧w Ŋgerzah, lú nun nzuk ta-a.
Currently Selected:
Mbete Kolosiri 3: SIAFNK
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
