DIPESALEMA 122
122
Motsamai o dumedisa Jerusalema
1Pesalema ya Davida. Sefela sa ho nyolohela Jerusalema.
Ke ile ka thaba ha ho thwe ho nna:
“A re yeng ka Tlung ya Morena.”
2Jwale maoto a rona a eme dikgorong,
dikgorong tsa hao, Jerusalema.
3Jerusalema e hahilwe e le motse,
tsohle tsa wona di teteane hamonate.
4Ke moo ho nyolohelang meloko,
meloko yohle ya Morena,
ka taelo e neilweng Iseraele,
hore e yo boka lebitso la Morena.
5Ke moo ditulo tsa kahlolo
di leng teng,
ditulo tsa ntlo ya Davida.
6Rapellang Jerusalema e be le kgotso:
“Ba o ratang ba ke ba atlehe.
7Kgotso e ke e be
kahara marako a hao,
le katleho
ka matlung a hao a bokgosi.”
8Ka baka la baheso
le metswalle ya ka, ke tla re:
“Kgotso e ke e be le wena.”
9Ka baka la Ntlo ya Morena,
Morena Modimo wa rona,
ke tla o kopela tse molemo.
Currently Selected:
DIPESALEMA 122: SSO89SO
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1989. Used by permission. All rights reserved.