ESAYA 12
12
Sefela sa teboho
1Mohla tsatsi leo, o tla re:
“Oho, Morena, ke tla o boka,
le hoja o ne o nkgalefetse;
kgalefo ya hao e kgaoditse,
wena o fela o ntshedisitse.
2Modimo ke mopholosi wa ka,
ke tla mo tshepa,
mme ke se ke ka tshaba;
Morena ke matla a ka,
ke pina ya ka,
Morena o fetohile
mopholosi wa ka.”
3Le tla ikgella metsi le thabile,
le a kge didibeng tsa pholoho.
4Mohla tsatsi leo, le tla re:
“Lebohang Morena, le mo rapele,
phatlalatsang mesebetsi ya hae
hara ditjhaba,
le bolele hore bitso la hae le leholo.
5Binelang Morena,
hobane o entse tse tlotlehang,
tsena le di tsebise lefatshe lohle.
6Howeletsang haholo,
le didietse ka thabo,
le bine lona baahi ba Sione.
Ya Halalelang wa Iseraele
o moholo hara lona.”
Currently Selected:
ESAYA 12: SSO89SO
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1989. Used by permission. All rights reserved.