Ғалаттықт. хат 5
5
Мәсіх арқылы қол жеткен азаттық
1Мәсіх бізді еркін өмір сүрсін деп азат етті. Енді табанды болып, құлдықтың қамытын қайта кимеңдер!
2Мен, Пауыл, сендерге мынаны айтамын, сөзіме ден қойыңдар: егер Құдай алдында ақталу үшін сүндетке отырсаңдар, онда сендерге Мәсіхтен ешбір пайда болмайды. 3Сүндетке отыратындардың әрбіреуіне тағы да байыппен айтамын: ақталу үшін сүндеттелген әркім Таурат заңының барлық ережелерін де бұлжытпай орындауға міндетті! 4Осы заңды ұстану арқылы ақталуға тырыссаңдар, онда Мәсіхпен байланыстарың үзілді! Сендер Құдайдың рақымынан ада болдыңдар!
5Ал біз сенім жолымен Құдай алдында ақталғандықтан, мұның Мәсіх қайта оралғанда ашық жариялануын Киелі Рухтың арқасында үміт етіп күтудеміз. 6Иса Мәсіхпен тығыз байланыста болғандар үшін сүндеттелу не сүндеттелмеу маңызды емес. Біз үшін ең маңыздысы — сүйіспеншілікпен әрекет жасайтын сенім.
7Жақсы жүріп бара жатыр едіңдер. Енді кім жолдарыңа бөгеу болып, сендерді шындыққа мойынсұнудан бас тартқызады? 8Бұған иландырған — сендерді Өзіне шақырған Құдай емес. 9Бір құмалақ бір қарын майды шірітеді дейді.#5:9 Немесе: Азғантай ашытқы бүкіл қамырды ашытады (Мар 8:15; Қор1 5:9). (Сол сияқты, жалған ілімдер көп зиян келтіреді.) 10Бұдан былай Иеміз сендерді Ізгі хабардан басқа пікірлерді ұстанудан сақтайды деп сенемін. Сендерді абыржытып, адастырып жүрген адам, кім болса, ол болсын, өз сазайын тартатын болады.
11Ал маған келсек, бауырластар: егер мен (біреулер айтқандай) әлі де сүндеттелудің қажеттігін уағыздап жүрген болсам, неге күні бүгінге дейін қудаланудамын? Сонда Мәсіхтің айқышта жанын құрбан еткені туралы уағыздарым яһуди діндарларының ашуын қоздырмас еді ғой.#5:11 6:12; Қор1 1:23. 12Мазаларыңды алып жүргендер қауымдарыңнан біржола кетіп қалса етті!#5:12 Немесе: Мазаларыңды алып жүргендер (Құдайға ұнай ма деп) өздерін піштіріп тастаса етті! (Флп 3:2)
Мәсіх жолындағы еркіндік жүгенсіздік емес, ізгілік туындатады
13Бауырластар, Құдай сендерді еркіндікке шақырды. Бірақ еркіндікті күнәлі құмарлықтарыңды қанағаттандыру үшін теріс пайдаланбаңдар, қайта, бір-біріңе сүйіспеншілікпен қызмет етіңдер! 14Бүкіл Таурат заңын орындау мына бір бұйрыққа саяды: «Өзіңді қалай сүйсең, маңайыңдағы адамды#5:14 Яки: басқаларды (өмір жолында Құдай саған кездестірген адамдарды) (Леу 19:18; Мат 19:18). да солай сүй!» 15Ал егер бір-біріңді «қауып, жесеңдер», жойылып кетуден сақ болыңдар!
16Ал мен былай деймін: Киелі Рухтың күші мен жетегінде өмір сүріңдер, сонда ескі күнәкар болмыстарыңның қалауы іске аспайды.#5:16 5:22; Рим 8:2-5,9,13-15. 17Өйткені ескі болмысымыздың қалауы Киелі Рухқа қарсы, әрі Рухтың қалауы ескі болмысымызға қарсы. Бұл екеуі бір-біріне қарама-қайшы, сондықтан игі ниеттеріңді жүзеге асыра алмайсыңдар.#5:17 (Рим 7:15-25; 8:5-9) Немесе: сондықтан өз ниеттерің бойынша әрекет ете алмайсыңдар. 18Ал егер Киелі Рухтың жетелеуімен жүрсеңдер, онда Таурат заңының билігі сендерге жүрмейді.
19Ескі күнәкар болмысымыздан туындайтын қылықтар белгілі, бұлар: неке адалдығын бұзу, азғындық және ұстамсыздық;#5:19 (Қор1 6:9,18; Қор2 12:21; Еф 5:3; Сал1 4:3) Яки: жеңіл-жүріс, арамдық және жүгенсіздік. 20жалған тәңірлерге табынушылық пен сиқыршылық; қаскөйлік, ұрыс-керіс, қызғаныш, ашу-ыза, жеке бастың абыройын ойлау, алауыздық туғызу, жік салу, 21күншілдік, кісі өлтіру, маскүнемдік, жүгенсіздік және сол сияқтылар. Бұлар жайлы сендерге былай деп ескертемін, бұрын да ескерткенмін: мұндаймен айналысатындарға Құдайдың Патшалығында орын жоқ.#5:21 Яки: мұндаймен айналысатындар Құдай өз Патшалығын жер бетінде орнатқанда содан үлестерін алмайды (6:8; Аян 22:15).
22Ал Киелі Рух өмірлеріңде жетілдіретін игілікті «жеміс» мынадай: сүйіспеншілік, қуаныш, тыныштық, шыдамдылық, қайырымдылық, кеңпейілділік, сенімділік, 23ілтипаттылық, ұстамдылық. Ешбір заң бұларға қарсы тұрмайды.
24Сонымен қатар Иса Мәсіхтікі болғандар айқыш ағашта өлген Онымен бірігіп кетті. Сол себептен олар өздерінің ескі күнәкар болмыстарын және соның азғын құмарлықтары мен тілектерін сол айқыш ағашқа шегелеп тастағандай таза өмір сүреді.
Киелі Рухтың күшімен өзара тату болу
25Біз Киелі Рухтың арқасында жаңа өмірге ие болғандай, Оның жетекшілігімен өмір сүре берейік. 26Жеке басымызды қастерлеп, бір-бірімізді ашуландырып, күндеуге жол бермейік!
Currently Selected:
Ғалаттықт. хат 5: КК 2010
Highlight
Share
Copy
Want to have your highlights saved across all your devices? Sign up or sign in
© Киелі Кітап, Қазақша аудармасы және көркемделуі «Орта Азия баспасы ЖШС», 1993, 1996, 2000, 2010, 2015, 2021.
Ғалаттықт. хат 5
5
Мәсіх арқылы қол жеткен азаттық
1Мәсіх бізді еркін өмір сүрсін деп азат етті. Енді табанды болып, құлдықтың қамытын қайта кимеңдер!
2Мен, Пауыл, сендерге мынаны айтамын, сөзіме ден қойыңдар: егер Құдай алдында ақталу үшін сүндетке отырсаңдар, онда сендерге Мәсіхтен ешбір пайда болмайды. 3Сүндетке отыратындардың әрбіреуіне тағы да байыппен айтамын: ақталу үшін сүндеттелген әркім Таурат заңының барлық ережелерін де бұлжытпай орындауға міндетті! 4Осы заңды ұстану арқылы ақталуға тырыссаңдар, онда Мәсіхпен байланыстарың үзілді! Сендер Құдайдың рақымынан ада болдыңдар!
5Ал біз сенім жолымен Құдай алдында ақталғандықтан, мұның Мәсіх қайта оралғанда ашық жариялануын Киелі Рухтың арқасында үміт етіп күтудеміз. 6Иса Мәсіхпен тығыз байланыста болғандар үшін сүндеттелу не сүндеттелмеу маңызды емес. Біз үшін ең маңыздысы — сүйіспеншілікпен әрекет жасайтын сенім.
7Жақсы жүріп бара жатыр едіңдер. Енді кім жолдарыңа бөгеу болып, сендерді шындыққа мойынсұнудан бас тартқызады? 8Бұған иландырған — сендерді Өзіне шақырған Құдай емес. 9Бір құмалақ бір қарын майды шірітеді дейді.#5:9 Немесе: Азғантай ашытқы бүкіл қамырды ашытады (Мар 8:15; Қор1 5:9). (Сол сияқты, жалған ілімдер көп зиян келтіреді.) 10Бұдан былай Иеміз сендерді Ізгі хабардан басқа пікірлерді ұстанудан сақтайды деп сенемін. Сендерді абыржытып, адастырып жүрген адам, кім болса, ол болсын, өз сазайын тартатын болады.
11Ал маған келсек, бауырластар: егер мен (біреулер айтқандай) әлі де сүндеттелудің қажеттігін уағыздап жүрген болсам, неге күні бүгінге дейін қудаланудамын? Сонда Мәсіхтің айқышта жанын құрбан еткені туралы уағыздарым яһуди діндарларының ашуын қоздырмас еді ғой.#5:11 6:12; Қор1 1:23. 12Мазаларыңды алып жүргендер қауымдарыңнан біржола кетіп қалса етті!#5:12 Немесе: Мазаларыңды алып жүргендер (Құдайға ұнай ма деп) өздерін піштіріп тастаса етті! (Флп 3:2)
Мәсіх жолындағы еркіндік жүгенсіздік емес, ізгілік туындатады
13Бауырластар, Құдай сендерді еркіндікке шақырды. Бірақ еркіндікті күнәлі құмарлықтарыңды қанағаттандыру үшін теріс пайдаланбаңдар, қайта, бір-біріңе сүйіспеншілікпен қызмет етіңдер! 14Бүкіл Таурат заңын орындау мына бір бұйрыққа саяды: «Өзіңді қалай сүйсең, маңайыңдағы адамды#5:14 Яки: басқаларды (өмір жолында Құдай саған кездестірген адамдарды) (Леу 19:18; Мат 19:18). да солай сүй!» 15Ал егер бір-біріңді «қауып, жесеңдер», жойылып кетуден сақ болыңдар!
16Ал мен былай деймін: Киелі Рухтың күші мен жетегінде өмір сүріңдер, сонда ескі күнәкар болмыстарыңның қалауы іске аспайды.#5:16 5:22; Рим 8:2-5,9,13-15. 17Өйткені ескі болмысымыздың қалауы Киелі Рухқа қарсы, әрі Рухтың қалауы ескі болмысымызға қарсы. Бұл екеуі бір-біріне қарама-қайшы, сондықтан игі ниеттеріңді жүзеге асыра алмайсыңдар.#5:17 (Рим 7:15-25; 8:5-9) Немесе: сондықтан өз ниеттерің бойынша әрекет ете алмайсыңдар. 18Ал егер Киелі Рухтың жетелеуімен жүрсеңдер, онда Таурат заңының билігі сендерге жүрмейді.
19Ескі күнәкар болмысымыздан туындайтын қылықтар белгілі, бұлар: неке адалдығын бұзу, азғындық және ұстамсыздық;#5:19 (Қор1 6:9,18; Қор2 12:21; Еф 5:3; Сал1 4:3) Яки: жеңіл-жүріс, арамдық және жүгенсіздік. 20жалған тәңірлерге табынушылық пен сиқыршылық; қаскөйлік, ұрыс-керіс, қызғаныш, ашу-ыза, жеке бастың абыройын ойлау, алауыздық туғызу, жік салу, 21күншілдік, кісі өлтіру, маскүнемдік, жүгенсіздік және сол сияқтылар. Бұлар жайлы сендерге былай деп ескертемін, бұрын да ескерткенмін: мұндаймен айналысатындарға Құдайдың Патшалығында орын жоқ.#5:21 Яки: мұндаймен айналысатындар Құдай өз Патшалығын жер бетінде орнатқанда содан үлестерін алмайды (6:8; Аян 22:15).
22Ал Киелі Рух өмірлеріңде жетілдіретін игілікті «жеміс» мынадай: сүйіспеншілік, қуаныш, тыныштық, шыдамдылық, қайырымдылық, кеңпейілділік, сенімділік, 23ілтипаттылық, ұстамдылық. Ешбір заң бұларға қарсы тұрмайды.
24Сонымен қатар Иса Мәсіхтікі болғандар айқыш ағашта өлген Онымен бірігіп кетті. Сол себептен олар өздерінің ескі күнәкар болмыстарын және соның азғын құмарлықтары мен тілектерін сол айқыш ағашқа шегелеп тастағандай таза өмір сүреді.
Киелі Рухтың күшімен өзара тату болу
25Біз Киелі Рухтың арқасында жаңа өмірге ие болғандай, Оның жетекшілігімен өмір сүре берейік. 26Жеке басымызды қастерлеп, бір-бірімізді ашуландырып, күндеуге жол бермейік!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Киелі Кітап, Қазақша аудармасы және көркемделуі «Орта Азия баспасы ЖШС», 1993, 1996, 2000, 2010, 2015, 2021.