DIPESALEME 61
61
Thapelo ya motho ya ratang ho tshabela ho Modimo.
Ho monga baphokodi. Ka tse tidinngwang. Pesaleme ya Davida.
1Modimo, mamela mehoo ya ka, o ele thapelo ya ka hloko. 2Ke howeletsa ho wena ka pelo e tepeletseng, ke le pheletsong ya lefatshe. O nnyolosetse lefikeng leo ke sitwang ho le hlwa! 3Hobane o setshabelo sa ka, qhobosheane e matla ya ka pela sera. 4Ke rata nka ikahella tenteng ya hao ka ho sa yeng kae, ka batla setshabelo sa ka moriting wa mapheo a hao. (Sela.) 5Hobane, wena Modimo, o utlwile dikano tsa ka, o nneile lefa la ba tshabang lebitso la hao.
6O eketse matsatsi a morena, o mo fe dilemo ho isa ditloholong le ditloholwaneng; 7a tle a dule teroneng pela Modimo ka ho sa yeng kae. Lokisa mohau le nnete, di tle di mo lebele! 8Ebe moo ke rorisang lebitso la hao kamehla, ke ntse ke phetha dikano tsa ka ka matsatsi wohle.
Currently Selected:
DIPESALEME 61: SSO61-SO
Highlight
Copy
Compare
Share
Want to have your highlights saved across all your devices? Sign up or sign in
© Bible Society of South Africa 1961. Used with permission. All rights reserved.
