Galatiami 1
1
1Ni Paul, apostolmi lakhi—timi lau no momu timi vechewo no puwu keu kumoe, ikemu Jisü Khristo khuu Apù Alhou no akithí lono Jisü xüputhu keno, pa no puwu ke— 2eno I gholo athiküzümi eno achelimi akemiqo kümtsü lau no,
Galatia lo akukuhoqo lau yèlu ani:
3Ningu papù Alhou eno Ampeu Jisü Khristo lau no ighi keu küpükini eno alokiqi nongu gholo apeniu, 4ningu papù eno Alhou pulou kiqi lono Ampeu Jisü Khristo ye hipau tiqheliw küsakügha lono ningu xaphe nike ningu xinéqo ghenguno pa küxü tsüve ke, 5pa lau alhokupuju lono alhokupuju kutólo ajuküvü ache pelo. Amen!
Atsakiviu Kütau Küha
6Ni ye nongu pelo Khristo’w küpükini gholo xü penike kulù keu paikhavi lono qhive no atsakiviu ke ipi akeu kütau lakhi küdau tsüghüsü wuve akeu ithulu no akümzavae— 7tiye khilemu atsakiviu kumoe. Mütsüqhei no timi khami ye nongu pesü kübangü keu lo sǘ ani eno Khristo tsakiviu lakha nike pükapütsa ani. 8Ikemu ningu no shi aghina momu kungugha lo kungumi no shi aghí namu, ningu no nongu lau atsakiviu kütsü keu nguno kütau kütsü aye Alhou ngusü panongu shou apeniu! 9Ningu no pive keu toi, itehi I no pikithe ani: Khuala no nongu no ikhiluve keu nguno kütau nongu lau atsakiviu kütau kütsü aghí aye, Alhou ngusü panongu shou apeniu!
10Hitoi pi kelo ni ye timiw puloza lu niye keo Alhou’w puloza lu niye pükapütsa ani kea? Ikeo ni ye timi pulou shi niye pükapütsa ani kea? I no timi pulou shi niye pükapütsa aghí ke aye, ni ye Khristo qeu lakhi shi aghíni chemo ke.
Paul ye Alhou no Kulù
11Athiküzümi eno achelimiqo, ni ye I no atsakiviu kütsü chekeu ye timi lau no ighimo kepi nongu pelo ithi penishi ani. 12Ni ye timi khuu lau nomu hipau ithulumoe, momu hipau I shikamoe; ikemu, ni ye Jisü Khristo lau no piyesü keu vechewo ithulu ke.
13Kughengu nongu ye I no azüu Jewmi chineye lo kíshi xüche keno tipau ghola ghili chiluvae, ni ye Alhou kukuhou shishe pishi-puju no tipau kütsakungo niye pükapütsa cheke. 14Jewmi chineye lo I qhesho kutomo akeu dolo ni ye atüghiu shi cheche ke eno I pù noqo kukhuayeqo ghenguno ni ye ighono amlotsüqhiyi cheke. 15Ikemu kughou Alhou khuu I zá po lono I kütashi qhivetsü eno paw küpükini vechewo I kulù keno, pa ye 16I lau pa Nu pìye nikeu lo amlokiqi shike tishi keu vechewo I pelo Jewkumomiqo gholo pa ghili kütsükulupu shipe niye ke. Ikehu ni ye paikhavi timi khuu vilomu kighinikile keu shimoe. 17Ni ye khunoqo no I züu apostolmi shi ache keno ju nike ghenguno Jerusalem lo iqhomoe, ikemu ni ye Arabia lo wuve ke. Tithiu no ni ye Damascus lo ideghive ke.
18Tisheno ampe küthü thiu, ni ye Cephas#1:18 Tiye Peter ke sasü kilethi nike ghenguno Jerusalem lo iqho eno pa gholo atsala chighipungu ngove ke. 19Ni ye Ampeu thiküzüu James nguno alau ye apostolmi kütamiqo khumu ithumlae. 20I no nongu lau kiu yè ani keno tiye akimiki kumo kepi I no Alhou zülo no nongu lau piqhi ani.
21Tisheno ni ye Syria ngò Cilicia ghakhu lo wuke. 22Khristo lono Judea lo akukuhou akeqo ye lüthü shi ni mthae. 23Panongu ye pithikütsü hipau likhi chilu ke: “Timi khuu wove keu lo ningu pishi-puju che keno itehi pa ye pa no ghuthu lakhi aküpülü kütsakungove niye pükapütsa chekeu hu kütsü anie.” 24Tisheno I ghenguno panongu no Alhou sheqhe ke.
Currently Selected:
Galatiami 1: STB
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
Galatiami 1
1
1Ni Paul, apostolmi lakhi—timi lau no momu timi vechewo no puwu keu kumoe, ikemu Jisü Khristo khuu Apù Alhou no akithí lono Jisü xüputhu keno, pa no puwu ke— 2eno I gholo athiküzümi eno achelimi akemiqo kümtsü lau no,
Galatia lo akukuhoqo lau yèlu ani:
3Ningu papù Alhou eno Ampeu Jisü Khristo lau no ighi keu küpükini eno alokiqi nongu gholo apeniu, 4ningu papù eno Alhou pulou kiqi lono Ampeu Jisü Khristo ye hipau tiqheliw küsakügha lono ningu xaphe nike ningu xinéqo ghenguno pa küxü tsüve ke, 5pa lau alhokupuju lono alhokupuju kutólo ajuküvü ache pelo. Amen!
Atsakiviu Kütau Küha
6Ni ye nongu pelo Khristo’w küpükini gholo xü penike kulù keu paikhavi lono qhive no atsakiviu ke ipi akeu kütau lakhi küdau tsüghüsü wuve akeu ithulu no akümzavae— 7tiye khilemu atsakiviu kumoe. Mütsüqhei no timi khami ye nongu pesü kübangü keu lo sǘ ani eno Khristo tsakiviu lakha nike pükapütsa ani. 8Ikemu ningu no shi aghina momu kungugha lo kungumi no shi aghí namu, ningu no nongu lau atsakiviu kütsü keu nguno kütau kütsü aye Alhou ngusü panongu shou apeniu! 9Ningu no pive keu toi, itehi I no pikithe ani: Khuala no nongu no ikhiluve keu nguno kütau nongu lau atsakiviu kütau kütsü aghí aye, Alhou ngusü panongu shou apeniu!
10Hitoi pi kelo ni ye timiw puloza lu niye keo Alhou’w puloza lu niye pükapütsa ani kea? Ikeo ni ye timi pulou shi niye pükapütsa ani kea? I no timi pulou shi niye pükapütsa aghí ke aye, ni ye Khristo qeu lakhi shi aghíni chemo ke.
Paul ye Alhou no Kulù
11Athiküzümi eno achelimiqo, ni ye I no atsakiviu kütsü chekeu ye timi lau no ighimo kepi nongu pelo ithi penishi ani. 12Ni ye timi khuu lau nomu hipau ithulumoe, momu hipau I shikamoe; ikemu, ni ye Jisü Khristo lau no piyesü keu vechewo ithulu ke.
13Kughengu nongu ye I no azüu Jewmi chineye lo kíshi xüche keno tipau ghola ghili chiluvae, ni ye Alhou kukuhou shishe pishi-puju no tipau kütsakungo niye pükapütsa cheke. 14Jewmi chineye lo I qhesho kutomo akeu dolo ni ye atüghiu shi cheche ke eno I pù noqo kukhuayeqo ghenguno ni ye ighono amlotsüqhiyi cheke. 15Ikemu kughou Alhou khuu I zá po lono I kütashi qhivetsü eno paw küpükini vechewo I kulù keno, pa ye 16I lau pa Nu pìye nikeu lo amlokiqi shike tishi keu vechewo I pelo Jewkumomiqo gholo pa ghili kütsükulupu shipe niye ke. Ikehu ni ye paikhavi timi khuu vilomu kighinikile keu shimoe. 17Ni ye khunoqo no I züu apostolmi shi ache keno ju nike ghenguno Jerusalem lo iqhomoe, ikemu ni ye Arabia lo wuve ke. Tithiu no ni ye Damascus lo ideghive ke.
18Tisheno ampe küthü thiu, ni ye Cephas#1:18 Tiye Peter ke sasü kilethi nike ghenguno Jerusalem lo iqho eno pa gholo atsala chighipungu ngove ke. 19Ni ye Ampeu thiküzüu James nguno alau ye apostolmi kütamiqo khumu ithumlae. 20I no nongu lau kiu yè ani keno tiye akimiki kumo kepi I no Alhou zülo no nongu lau piqhi ani.
21Tisheno ni ye Syria ngò Cilicia ghakhu lo wuke. 22Khristo lono Judea lo akukuhou akeqo ye lüthü shi ni mthae. 23Panongu ye pithikütsü hipau likhi chilu ke: “Timi khuu wove keu lo ningu pishi-puju che keno itehi pa ye pa no ghuthu lakhi aküpülü kütsakungove niye pükapütsa chekeu hu kütsü anie.” 24Tisheno I ghenguno panongu no Alhou sheqhe ke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.