Ephesiami Kilekithitsa

Kilekithitsa

Akukhuaye kiqi lono aje kupüa keu Ephesiami yèsü hipau ye kuchou lo ye Ephesus lo küpülümiqo lau yèpüaghimo kepu toi ani. Azüu yèsü akiviu kijepaqo lo ye petha tsü keu lo Ephesus lo ipikeu tsa kole süpüamoe. Paul ye ampe kini Ephesus lo ngo kemu yèsü hipau ye Paul no khilemu sasü kusholumo kemiqo lau yèpüa ghí kepu toi ani.

Hilehi Paul ye aghola kokütha kini lono yèpüani, atüghishi küpülümiqo no Khristo lono lhomichi akitheu akeu hepho-piye ani eno tisheno panongu küxü kithé ghola ghenguno sünhekütsü keu shi süghi püani. Alhou no Jisü pesü thowkha kümtsü shou süqhe ghi thime kümtsü aqoshi Messiah küká qhou süghivae. Paul no Leshele 8 lono atsa kole lakhi pikithe ke—Alhou no thime kümtsü pa pukhu qhou qhitsü—tiye Jisü ye kuchou no timi kepi pìye nike ghenguno ke. Jisü ye achipi shi pulhosü püakeu shou ayè penike timi kuchou ku keu kiqi shikupulu ke. Jisü no akütsü shi no Jewmi eno Jewkumomiqo aphimpi lakhi lo aqoshi süghivae. Itehi Alhou ye Messiah’w külakishi kümlà vechewo ayeghiqha kümtsü lono timi jeli akithé lakhi lhophe ani.

Hipau kiqi ye Jisü papemiqo ye püzüu panongu küxü laghi kümtsü qhive no tsalà kipe küxü lo akimthe kümlà shi eno panonguw kütshükimeqo lo amikucho shi moayesa. Kükagha lo eno tipau qholo akemiqow bemakho kikijé pesü Alhou no kütshükime akitheqo laju akeqow akhoto kiche-kipiye shi peitha püani. Paul ye paw yèsü phi akemiqo vilo panongu ye aghungu ghüshi akithé lo ilo cheni kepi pikichi ke. Panongu ye Messiah no kungugha eno ayeghi lo thimeqo kümtsü külashi tsümo ke kutólo Alhou no thime jeli tsüpüa keu pepu moayesa nani.

Currently Selected:

Ephesiami Kilekithitsa: STB

Highlight

Copy