Ephesiami 1
1
1Ni Paul, Alhou pulou vechewo Khristo Jisü’w apostolmi lakhi no,
Ephesus lo Alhou’w akimthe timiqo, eno Khristo Jisü lono küpülümiqo lau yèlu ani:
2Ningu Papù Alhou eno Ampeu Jisü Khristo vechewo küpükini eno aloino keu nongu gholo apeniu.
Aghungu Küxü lo Kükümgha
3Alhou eno ningu Mpeu Jisü Khristo Papù khuu Khristo lono kungugha kükaqha lo aghungu kükümgha jeliqo kümtsü pesü ningu tsü keno pa sheqhe ani. 4Kughengu Alhou no ayeghi lhosü mphi züu no ningu pelo pa nhekithe lo akimthe eno tukutiye küha keu küxü xüpe niye pa no Khristo lono ningu kishelu ke. Kikimiye lono 5pa no ningu pelo Jisü Khristo vechewo pa nuli shilu peniye azüu no kughuchho pe qhive ke, tiye pa ghò eno pa pulou kiqi lono ke— 6hiye pa juküvüpu küpükini khikhi pa no kümsá no pa no kimiye chekeu Anu vechewo ningu tsü keu sheqhe peniye ke. 7Ningu ye pa jì vechewo xachilekulupu eno axiné qhitsükulupu ani, tiye Alhou’w küpükini kupukunoi akeu puloküqhalu keu lono 8pa no ningu shou kupukuno shi lepuku tsü keu ke. Alokütsü eno vethakulu kümtsü lono, 9eno pa lokivipu ghola kiqi lono pa no ningu lau Alhou pulou tuqhou khikhi Khristo lono kimiji püa keno tipau ningu lau pephe-piye ke. 10Tiye kughou panongu ghenguno ado kupukülaive nike no tile no huthu ghi shikupu niye ke—eno tiye kungugha eno ayeghi lo thimeqo kümtsü küqha süwo Khristo qholo qhivetsü niye ke.
11Pa vechewo ningu ghí kisheluvae, tiye Alhou khuu no pa pulou kimiji gholo puloküqhalu ghi thime kümtsü müla phe acheni keno ningu ye pa kukughu kiqi lono azüu no kughuchho pe qhivae. 12Tishi keu vechewo ningu khunoqo no atüghimi shi Khristo shou ninguw lajupu qhilu keno, ningu pelo ajuküvü eno akishé pa tsüpe niye ke. 13Eno kughou nongu no kuchou kükütsü sütsa, nonguw xakulu tsakiviu chilu keno, nongu ghí Khristo gholo küqhaluvea ke. Kughou nongu no pülüluve keno, nongu ye chishida keu pesü pa gholo amichi shive ke. Pikiqhi Ghungu Kimthe 14hu ye ningu mheghi ithulu nani pütsá ipikeu kimchikütsüu ke. Tiye khunoqo no Alhou’w timiqo keno tipaqo xachilelu moke kutólo ke. Ningu pa juküvü sheqheni nolo.
Shikimthikütsü eno Akighini
15Hi ghenguno, nongu no Ampeu Jisü lau aküpülü akeu eno nongu no Alhou’w timiqo kümtsü kikimiye akeu ghili I no chilu keu lono, 16ni ye nongu ghenguno shikimthi keu tavemo no I kighini lo nongu kümsülu acheni. 17Ni ye ningu Mpeu Jisü Khristo Lhou, ajuküvü Apù pelo alokütsü ngò piyeküsü Ghungu nongu tsü penike inikhu acheni, tishianguno nongu pelo akivishi pa ithi peniye ke. 18Ni ye nongu mlo nhethi pelo alopütsülu pe nikeu ghenguno inikhu acheni, tishianguno nongu pelo pa no nongu kulù püakeu lajupu akeu, paw akimthe timiqo gholo ajuküvü mheghi kinikülü shi akeu, 19eno ningu khunoqo no pülü cheni keno ningu ghenguno paw kimghi müla keu küká kijè akeqo ithulu peniye ke. Aküka tipau ye 20pa no akithí lono Khristo xüputhu no kungugha kükaqha lo pa u ajeu küghüqa keu kumto küká ke, 21tiye itehi ghuloki likhi kumo no ighi nikeu ghuloki lo ghí ayekipe ngò kükagha, aküka ngò akükaqha, eno aje qhüiniju chekeu kümtsü nguno akiqheu ke. 22Eno Alhou no thowkha kümtsü pa pukhu qholo qhitsü ke eno pa pelo akukuhou kümtsü shou akütsü shipe nikeu ghenguno süküsü shike, 23akukuhou ye pa phimpi ke, eno hiye Khristo khuu kupukülai luvea keno pa no alaghi jeli kümtsü lo kupukülai shepichhi tsüke.
Currently Selected:
Ephesiami 1: STB
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
Ephesiami 1
1
1Ni Paul, Alhou pulou vechewo Khristo Jisü’w apostolmi lakhi no,
Ephesus lo Alhou’w akimthe timiqo, eno Khristo Jisü lono küpülümiqo lau yèlu ani:
2Ningu Papù Alhou eno Ampeu Jisü Khristo vechewo küpükini eno aloino keu nongu gholo apeniu.
Aghungu Küxü lo Kükümgha
3Alhou eno ningu Mpeu Jisü Khristo Papù khuu Khristo lono kungugha kükaqha lo aghungu kükümgha jeliqo kümtsü pesü ningu tsü keno pa sheqhe ani. 4Kughengu Alhou no ayeghi lhosü mphi züu no ningu pelo pa nhekithe lo akimthe eno tukutiye küha keu küxü xüpe niye pa no Khristo lono ningu kishelu ke. Kikimiye lono 5pa no ningu pelo Jisü Khristo vechewo pa nuli shilu peniye azüu no kughuchho pe qhive ke, tiye pa ghò eno pa pulou kiqi lono ke— 6hiye pa juküvüpu küpükini khikhi pa no kümsá no pa no kimiye chekeu Anu vechewo ningu tsü keu sheqhe peniye ke. 7Ningu ye pa jì vechewo xachilekulupu eno axiné qhitsükulupu ani, tiye Alhou’w küpükini kupukunoi akeu puloküqhalu keu lono 8pa no ningu shou kupukuno shi lepuku tsü keu ke. Alokütsü eno vethakulu kümtsü lono, 9eno pa lokivipu ghola kiqi lono pa no ningu lau Alhou pulou tuqhou khikhi Khristo lono kimiji püa keno tipau ningu lau pephe-piye ke. 10Tiye kughou panongu ghenguno ado kupukülaive nike no tile no huthu ghi shikupu niye ke—eno tiye kungugha eno ayeghi lo thimeqo kümtsü küqha süwo Khristo qholo qhivetsü niye ke.
11Pa vechewo ningu ghí kisheluvae, tiye Alhou khuu no pa pulou kimiji gholo puloküqhalu ghi thime kümtsü müla phe acheni keno ningu ye pa kukughu kiqi lono azüu no kughuchho pe qhivae. 12Tishi keu vechewo ningu khunoqo no atüghimi shi Khristo shou ninguw lajupu qhilu keno, ningu pelo ajuküvü eno akishé pa tsüpe niye ke. 13Eno kughou nongu no kuchou kükütsü sütsa, nonguw xakulu tsakiviu chilu keno, nongu ghí Khristo gholo küqhaluvea ke. Kughou nongu no pülüluve keno, nongu ye chishida keu pesü pa gholo amichi shive ke. Pikiqhi Ghungu Kimthe 14hu ye ningu mheghi ithulu nani pütsá ipikeu kimchikütsüu ke. Tiye khunoqo no Alhou’w timiqo keno tipaqo xachilelu moke kutólo ke. Ningu pa juküvü sheqheni nolo.
Shikimthikütsü eno Akighini
15Hi ghenguno, nongu no Ampeu Jisü lau aküpülü akeu eno nongu no Alhou’w timiqo kümtsü kikimiye akeu ghili I no chilu keu lono, 16ni ye nongu ghenguno shikimthi keu tavemo no I kighini lo nongu kümsülu acheni. 17Ni ye ningu Mpeu Jisü Khristo Lhou, ajuküvü Apù pelo alokütsü ngò piyeküsü Ghungu nongu tsü penike inikhu acheni, tishianguno nongu pelo akivishi pa ithi peniye ke. 18Ni ye nongu mlo nhethi pelo alopütsülu pe nikeu ghenguno inikhu acheni, tishianguno nongu pelo pa no nongu kulù püakeu lajupu akeu, paw akimthe timiqo gholo ajuküvü mheghi kinikülü shi akeu, 19eno ningu khunoqo no pülü cheni keno ningu ghenguno paw kimghi müla keu küká kijè akeqo ithulu peniye ke. Aküka tipau ye 20pa no akithí lono Khristo xüputhu no kungugha kükaqha lo pa u ajeu küghüqa keu kumto küká ke, 21tiye itehi ghuloki likhi kumo no ighi nikeu ghuloki lo ghí ayekipe ngò kükagha, aküka ngò akükaqha, eno aje qhüiniju chekeu kümtsü nguno akiqheu ke. 22Eno Alhou no thowkha kümtsü pa pukhu qholo qhitsü ke eno pa pelo akukuhou kümtsü shou akütsü shipe nikeu ghenguno süküsü shike, 23akukuhou ye pa phimpi ke, eno hiye Khristo khuu kupukülai luvea keno pa no alaghi jeli kümtsü lo kupukülai shepichhi tsüke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.