MALAKIA 4
4
Toe liliu mai o Kilisito
1Koteuhi koeni, e hau te aho,
Kakaha o hage ko he gutuumu.
Ko te kau fiamealahi fuli mo te kau agakovi fuli e hage anai ko te otaota;
E tutu anai natou e te aho ae e hau,
E ui e te Eteleno o te atu fua tau.
E mole toe anai ia natou he aka pee ko he toulu.
2Kae kia koutou ae e matataku ki toku huafa, e hopo anai
Te laa o te faitotonu,
Pea e nofo anai te mauli i lalo o ona pakakau.
E koutou mavae anai, pea e koutou hopohopo anai o hage ko ni uhii pipi o he fale manu,
3Pea e koutou malamalaki anai te kau agakovi,
Koteuhi e natou hage anai ko he lefulefu
I lalo o okotou alofi vae,
I te aho ae e au teuteui,
E ui e te Eteleno o te atu fua tau.
4Ke koutou manatui te lao a Moisese, taku tagata faifekau,
Ae nee au tuku kia ia i Olepe,
Ke ako ki Iselaele katoa,
Koutou tauhi te u pelesepeto mo te u fakatotonu.
5Koeni, e au fekaui anai kia koutou ia Elia, te polofeta,
I mua o te hoko mai o te aho o te Eteleno,
Te aho lahi mo fakamatakutaku aia.
6E ina toe aumai anai te loto o te u tamai ki anatou fanau,
Pea mo te loto o te u fanau ki anatou tamai,
Pea ke aua naa au hau o taai te fenua aki te malaia.
Currently Selected:
MALAKIA 4: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland