Tohi a Paulo ki te kau EFESO 4
4
Pipiki tahi o te sino o Kilisito
1Koia e au kole ai kia koutou, e au, ko te tagata pilisoni i te Aliki, ke kotou haele i he haele e gali mo te paui kua fai atu kia koutou, 2aki te agavaivai fuape mo te agamalu, fakatahi mo te kataki, o kotou fekatakiaki i te ofa, 3mo kotou faiga ke kotou taupau te faifaitahi o te Laumalie aki te hai o te tokalelei. 4E i ai he sino e tahi, mo he Laumalie e tahi, o hage foki ko koutou nee paui e tokoutou vokasio ki he falala e tahi; 5e i ai he Aliki e tahi, mo he tui e tahi, mo he papitema e tahi, 6mo he Atua e tahi ko te Tamai o te tagata fuli, e maoluga i te tagata fuli, pea e gaue i te tagata fuli, pea e nofo i te tagata fuli.
7Kae kua foaki mai kia tatou takitahi te kalasia o mulimuli ki te lahi o te meaofa o Kilisito. 8Koia e ui ai:
I tana hake ki te u potu maoluga, nee ina ave ni kau popula,
Pea nee ina fai ni meaofa ki te u tagata.
9Kae kotea tona uhiga: Nee hake ia, mo kapau nee mole hifo mua ia ki te u potu malalo o te kele! 10Ko ae nee hifo, ko ia foki ae nee hake ki oluga o te atu lagi fuli, ke ina fakafonu te u mea fuli. 11Pea nee ina foaki ihi ko te kau apositolo, mo ihi ko te kau polofeta, mo ihi ko te kau evaselisita, mo ihi ko te kau tauhi ovi mo te kau toketa, 12o uhiga mo te teuteui o te kau sagato ki te fai o te gaue fakakilisitiano pea mo te faufau o te sino o Kilisito, 13o kaku ki te temi e tou kaku fuli ai ki te faifaitahi o te tui, pea mo te iloi katoa o te Alo o te Atua, pea e tou liliu ai leva ko te u tagata kua katoa, i te fuafua o te agaaga lelei pau o Kilisito: 14Koteuhi ke aua naa tou toe hage anai ko ni toe liliki, ae fetaaki mo feaveaki e te u matagi o te u akonaki fuli e fakamafola e ni tagata kaka ke fakahehe ai ni ihi aki anatou puleaki kaka. 15Kae i te fakaha o te mooni i te ofa, e tou tutupu anai o lalahi i te u mea fuli ia Kilisito, ko te Pule. 16Ko ia ae e ina fakahohoko te u koga kehekehe fuli o te sino, pea e ina fakapipiki natou aki ni hai malolohi ko he sino e tahi; pea ko ia ae e ina fakatupu te sino o lahi o mulimuli ki te malohi e aoga ki te koga sino takitahi, pea e faufau toko tahi e te sino ia ia totonu i te ofa.
Mauli afea, mo te mauli foou
17Koeni leva te mea e au fakaha mo fakamooni i te Aliki: E mole kei tonu ke kotou haele o hage ko te kau pagani, ae e haele o mulimuli ki te vaiga o anatou manatu. 18E natou mau he atamai fakapouli, e natou matapule ki te mauli o te Atua, uhi ko te fakapouli e mau ia natou, mo te fakafefeka o onatou loto. 19Kua puli ia natou te ufiufi, kua natou tuku natou ki te fakavalevale, o fai te u mea uli kehekehe i te faifaitaliha. 20Kae ko koutou, nee mole fena tokotou ako ia Kilisito, 21mo kapau foki kua kotou logo kia ia, pea mo kapau foki kua akoi koutou ia ia, o mulimuli ki te mooni e mau ia Sesu. 22Koia e tonu ai ke koutou siaki tokotou natula afea ae e pala i te u holi kovi kaka, 23kae ke koutou fakafoou i te laumalie o tokotou atamai, 24pea ke kotou kofu te tagata foou, ae nee fakatupu ke tatau mo te Atua i he faitotonu mo he maonioni ae e hau mai te mooni.
25Koia ke kotou siaki te loi, kae kotou tahi palalau i te mooni ki tona kaiga; koteuhi ko te u koga sino koutou o te sino e tahi. 26Kapau e kotou ita, ke aua naa kotou agahala; pea ke aua naa to te laa i oluga o tokotou ita, 27koteuhi ke aua naa kotou tuku he uluaga ki te tiapolo. 28Ko ae nee kaihaa ke aua naa toe kaihaa ia; kae ke gaue ia, o fai aki ona nima te mea e lelei, ke ina mau he mea ke foaki ki ae e masiva. 29Ke aua naa to pe mai tokotou gutu he palalau kovi, kae, mo kapau e hoko, he palalau lelei ae e aoga ki te faufau pea mo ave ia he kalasia kia natou ae e logo ki ai. 30Aua naa kotou fakamamahii te Laumalie Maonioni o te Atua ae nee ina fakailoga koutou ki te aho o te letamisio*.
31Ke puli ia koutou te lotokovi fuape, mo te ita fuape, mo te hauhau fuape, mo te vaake fuape, mo te fasituu fuape, pea mo te u fahiga agakovi fuape. 32Ke kotou feagaleleiaki ia koutou, mo femanavaofaaki, mo fefakamolemoleaki o hage ko te fakamolemole a te Atua kia koutou ia Kilisito.
Currently Selected:
Tohi a Paulo ki te kau EFESO 4: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Tohi a Paulo ki te kau EFESO 4
4
Pipiki tahi o te sino o Kilisito
1Koia e au kole ai kia koutou, e au, ko te tagata pilisoni i te Aliki, ke kotou haele i he haele e gali mo te paui kua fai atu kia koutou, 2aki te agavaivai fuape mo te agamalu, fakatahi mo te kataki, o kotou fekatakiaki i te ofa, 3mo kotou faiga ke kotou taupau te faifaitahi o te Laumalie aki te hai o te tokalelei. 4E i ai he sino e tahi, mo he Laumalie e tahi, o hage foki ko koutou nee paui e tokoutou vokasio ki he falala e tahi; 5e i ai he Aliki e tahi, mo he tui e tahi, mo he papitema e tahi, 6mo he Atua e tahi ko te Tamai o te tagata fuli, e maoluga i te tagata fuli, pea e gaue i te tagata fuli, pea e nofo i te tagata fuli.
7Kae kua foaki mai kia tatou takitahi te kalasia o mulimuli ki te lahi o te meaofa o Kilisito. 8Koia e ui ai:
I tana hake ki te u potu maoluga, nee ina ave ni kau popula,
Pea nee ina fai ni meaofa ki te u tagata.
9Kae kotea tona uhiga: Nee hake ia, mo kapau nee mole hifo mua ia ki te u potu malalo o te kele! 10Ko ae nee hifo, ko ia foki ae nee hake ki oluga o te atu lagi fuli, ke ina fakafonu te u mea fuli. 11Pea nee ina foaki ihi ko te kau apositolo, mo ihi ko te kau polofeta, mo ihi ko te kau evaselisita, mo ihi ko te kau tauhi ovi mo te kau toketa, 12o uhiga mo te teuteui o te kau sagato ki te fai o te gaue fakakilisitiano pea mo te faufau o te sino o Kilisito, 13o kaku ki te temi e tou kaku fuli ai ki te faifaitahi o te tui, pea mo te iloi katoa o te Alo o te Atua, pea e tou liliu ai leva ko te u tagata kua katoa, i te fuafua o te agaaga lelei pau o Kilisito: 14Koteuhi ke aua naa tou toe hage anai ko ni toe liliki, ae fetaaki mo feaveaki e te u matagi o te u akonaki fuli e fakamafola e ni tagata kaka ke fakahehe ai ni ihi aki anatou puleaki kaka. 15Kae i te fakaha o te mooni i te ofa, e tou tutupu anai o lalahi i te u mea fuli ia Kilisito, ko te Pule. 16Ko ia ae e ina fakahohoko te u koga kehekehe fuli o te sino, pea e ina fakapipiki natou aki ni hai malolohi ko he sino e tahi; pea ko ia ae e ina fakatupu te sino o lahi o mulimuli ki te malohi e aoga ki te koga sino takitahi, pea e faufau toko tahi e te sino ia ia totonu i te ofa.
Mauli afea, mo te mauli foou
17Koeni leva te mea e au fakaha mo fakamooni i te Aliki: E mole kei tonu ke kotou haele o hage ko te kau pagani, ae e haele o mulimuli ki te vaiga o anatou manatu. 18E natou mau he atamai fakapouli, e natou matapule ki te mauli o te Atua, uhi ko te fakapouli e mau ia natou, mo te fakafefeka o onatou loto. 19Kua puli ia natou te ufiufi, kua natou tuku natou ki te fakavalevale, o fai te u mea uli kehekehe i te faifaitaliha. 20Kae ko koutou, nee mole fena tokotou ako ia Kilisito, 21mo kapau foki kua kotou logo kia ia, pea mo kapau foki kua akoi koutou ia ia, o mulimuli ki te mooni e mau ia Sesu. 22Koia e tonu ai ke koutou siaki tokotou natula afea ae e pala i te u holi kovi kaka, 23kae ke koutou fakafoou i te laumalie o tokotou atamai, 24pea ke kotou kofu te tagata foou, ae nee fakatupu ke tatau mo te Atua i he faitotonu mo he maonioni ae e hau mai te mooni.
25Koia ke kotou siaki te loi, kae kotou tahi palalau i te mooni ki tona kaiga; koteuhi ko te u koga sino koutou o te sino e tahi. 26Kapau e kotou ita, ke aua naa kotou agahala; pea ke aua naa to te laa i oluga o tokotou ita, 27koteuhi ke aua naa kotou tuku he uluaga ki te tiapolo. 28Ko ae nee kaihaa ke aua naa toe kaihaa ia; kae ke gaue ia, o fai aki ona nima te mea e lelei, ke ina mau he mea ke foaki ki ae e masiva. 29Ke aua naa to pe mai tokotou gutu he palalau kovi, kae, mo kapau e hoko, he palalau lelei ae e aoga ki te faufau pea mo ave ia he kalasia kia natou ae e logo ki ai. 30Aua naa kotou fakamamahii te Laumalie Maonioni o te Atua ae nee ina fakailoga koutou ki te aho o te letamisio*.
31Ke puli ia koutou te lotokovi fuape, mo te ita fuape, mo te hauhau fuape, mo te vaake fuape, mo te fasituu fuape, pea mo te u fahiga agakovi fuape. 32Ke kotou feagaleleiaki ia koutou, mo femanavaofaaki, mo fefakamolemoleaki o hage ko te fakamolemole a te Atua kia koutou ia Kilisito.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland