Lua tohi a Paulo ki te kau TESALONIKA 1
1
Fakaalofa
1Ko Paulo, mo Silivano, pea mo Timoteo, ki te Ekelesia o te kau Tesalonika, ae e nonofo i te Atua ko tatatou Tamai pea mo Sesu-Kilisito ko te Aliki: 2Ko te Kalasia mo te tokalelei ke foaki atu kia koutou e te Atua ko tatatou Tamai pea mo te Aliki ko Sesu-Kilisito!
Mea ka hoko i te toe liliu mai o te Aliki
3E tonu, u tehina, ke matou fakafetai tuumau ki te Atua o uhiga mo koutou, pea e totonu te mea aia, koteuhi e lahi te tuputupu o takotou tui, pea e lakalaka aipe ki mua takotou feofaofani fakatautehina. 4Koia e matou fakakololia ai o uhiga mo koutou i te u Ekelesia o te Atua, uhi ko takotou kataki pea mo takotou tui i lotomalie o te u fakataga pea mo te u mamahi e kotou lolotoga tali. 5Ko te fakamooni aia o te fakamaau faitotonu a te Atua; i te u mea fuli e kotou tali, e koutou liliu anai o gali mo te puleaga o te Atua, ae e kotou tali mamahi ai. 6Koteuhi e faitotonu te Atua ke ina liufaki te mamahi kia natou ae e natou fakamamahii koutou, 7kae ke ina foaki atu kia koutou, ae e mamahi nei, te malolo mo matou, moka ha mai anai te Aliki ko Sesu mai te lagi mo te kau aselo o tona mafimafi, 8i lotomalie o he ulo o he afi, o tautea natou e mole natou iloi te Atua pea mo natou e mole natou fakalogo ki te Evaselio o totatou Aliki ko Sesu. 9E tautea anai natou ki he maumau heegata, o mamao mai te fofoga o te Aliki pea mo te kololia o tona malohi, 10moka hau anai ia i te aho aia ke fakakololiai ia i tana kau sagato, pea ke mamata kia ia ia natou fuli nee tui kia ia; koteuhi nee kotou tui ki tamatou fakamooni ia koutou.
11Koia foki ae e matou faikole tuumau ai o uhiga mo koutou, ke lau koutou e totatou Atua e kotou gali mo tana paui, pea ke ina fakahoko i tona mafimafi te u fakatuutuu lelei fuli o tona agalelei, pea ke ina fakakatoa te gaue o takotou tui; 12pea e fakakololiai anai te huafa o totatou Aliki ko Sesu ia koutou, pea e fakakololiai anai koutou ia ia, o mulimuli ki te kalasia o totatou Atua pea mo te Aliki ko Sesu-Kilisito.
Currently Selected:
Lua tohi a Paulo ki te kau TESALONIKA 1: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Lua tohi a Paulo ki te kau TESALONIKA 1
1
Fakaalofa
1Ko Paulo, mo Silivano, pea mo Timoteo, ki te Ekelesia o te kau Tesalonika, ae e nonofo i te Atua ko tatatou Tamai pea mo Sesu-Kilisito ko te Aliki: 2Ko te Kalasia mo te tokalelei ke foaki atu kia koutou e te Atua ko tatatou Tamai pea mo te Aliki ko Sesu-Kilisito!
Mea ka hoko i te toe liliu mai o te Aliki
3E tonu, u tehina, ke matou fakafetai tuumau ki te Atua o uhiga mo koutou, pea e totonu te mea aia, koteuhi e lahi te tuputupu o takotou tui, pea e lakalaka aipe ki mua takotou feofaofani fakatautehina. 4Koia e matou fakakololia ai o uhiga mo koutou i te u Ekelesia o te Atua, uhi ko takotou kataki pea mo takotou tui i lotomalie o te u fakataga pea mo te u mamahi e kotou lolotoga tali. 5Ko te fakamooni aia o te fakamaau faitotonu a te Atua; i te u mea fuli e kotou tali, e koutou liliu anai o gali mo te puleaga o te Atua, ae e kotou tali mamahi ai. 6Koteuhi e faitotonu te Atua ke ina liufaki te mamahi kia natou ae e natou fakamamahii koutou, 7kae ke ina foaki atu kia koutou, ae e mamahi nei, te malolo mo matou, moka ha mai anai te Aliki ko Sesu mai te lagi mo te kau aselo o tona mafimafi, 8i lotomalie o he ulo o he afi, o tautea natou e mole natou iloi te Atua pea mo natou e mole natou fakalogo ki te Evaselio o totatou Aliki ko Sesu. 9E tautea anai natou ki he maumau heegata, o mamao mai te fofoga o te Aliki pea mo te kololia o tona malohi, 10moka hau anai ia i te aho aia ke fakakololiai ia i tana kau sagato, pea ke mamata kia ia ia natou fuli nee tui kia ia; koteuhi nee kotou tui ki tamatou fakamooni ia koutou.
11Koia foki ae e matou faikole tuumau ai o uhiga mo koutou, ke lau koutou e totatou Atua e kotou gali mo tana paui, pea ke ina fakahoko i tona mafimafi te u fakatuutuu lelei fuli o tona agalelei, pea ke ina fakakatoa te gaue o takotou tui; 12pea e fakakololiai anai te huafa o totatou Aliki ko Sesu ia koutou, pea e fakakololiai anai koutou ia ia, o mulimuli ki te kalasia o totatou Atua pea mo te Aliki ko Sesu-Kilisito.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland