Uluaki tohi a Paulo ki te kau TESALONIKA 5
5
Te haele fakakilisitiano
1Ki te mea o uhiga mo te u temi pea mo te u lakaga, e mole aoga, u tehina, ke au faitohi atu ki ai. 2Koteuhi kua kotou iloi papau e koutou totonu ko te aho o te Aliki e hau anai o hage ko he tagata kaihaa i te pouli. 3I te temi ae e ui ai anai e te u tagata: Tokalelei mo fimalie! I te temi pe aia e fakamautoka anai natou e he tuutamaki fakapunamauli, o hage ko te u mamahi fanau ae e natou fakamautoka te fafine faitama; pea e mole feala anai hanatou hao i ai.
4Kae ko koutou, u tehina, e mole koutou nofo i te fakapouli, ke pooki koutou e te aho aia o hage e he tagata kaihaa; 5ko koutou ko he u fanau fuli o te malama pea mo te aho. E mole tou kau i te pouli pee i te fakapouli. 6Koia aua naa tou momoe o hage ko natou ake ae, kae tou alaala pea tou fakapotopoto. 7He ko natou ae e momoe, e natou momoe i te pouli, pea ko natou ae e konahia, e natou konahia i te pouli. 8Kae kia tatou, ae e tou kau ki te aho, tou fakapotopoto, o tou kofu te kofu tau o te tui mo te ofa, pea tou too te puloga tau o te falala o te fakamauli. 9Koteuhi nee mole fakatuutuu tatou e te Atua ki te hauhau, kae ki te mau o te fakamauli i totatou Aliki ko Sesu-Kilisito, 10ia ia nee mate o uhiga mo tatou, ke tou mauli fakatahi mo ia, pee ke tou alaala, pee ke tou momoe. 11Koia, kotou fetokoniaki pea kotou fefaufauaki, o hage pe ko te mea e kotou fai mooni.
Fakatotonu fakamuli
12E matou kole atu kia koutou, u tehina, koutou fakaapaapa kia natou ae e gaue kia koutou, mo takitaki koutou i te Aliki, pea mo ako koutou. 13Koutou mau kia natou he ofa lahi, uhi ko tanatou gaue. Koutou nonofo i te tokalelei ia koutou.
14E matou toe kolekole atu foki kia koutou, u tehina, ke koutou fakatonutonu natou ae e mauli maveuveu, mo koutou fakalotomalohii natou e mamahi, mo koutou tokoni kia natou e vaivai, pea kotou kataki ki te tagata fuli. 15Koutou tokaga ke aua naa liufaki e he tahi te kovi aki te kovi, kae ke koutou kumi tuumau te lelei i okotou vahaa pea mo te tagata fuli pe.
16Koutou fiafia tuumau.
17Koutou faikole hohoko. 18Koutou fakafetai i te u mea fuli, koteuhi ko te finegalo aia o te Atua kia koutou ia Sesu-Kilisito.
19Aua naa koutou tamatei te Laumalie. 20Aua naa koutou fakanoai te u folafola fakapolofeta. 21Kae koutou sivi te mea fuli; koutou taofi te mea e lelei; 22koutou fakamamao mai te u mea fuli e kovi.
23Ke te Atua o te tokalelei, ke ina fakamaonionii koutou katoa e ia totonu, pea ke ina taupau koutou katoa, te loto, mo te laumalie, pea mo te sino, ke hee mele i te aho o te toe liliu mai o totatou Aliki ko Sesu-Kilisito. 24E agatonu ia ia ae nee ina paui koutou, pea ko ia ae e ina fai anai te mea aia.
25U tehina, koutou hufaki matou.
26Koutou avage omatou ofa ki te u tehina fuli aki he fekita maonioni.
27E au kole malohi atu kia koutou i te Aliki, ke lau te tohi aeni ki te u tehina fuli.
28Ke nofo te kalasia o totatou Aliki ko Sesu-Kilisito mo koutou!
Currently Selected:
Uluaki tohi a Paulo ki te kau TESALONIKA 5: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Uluaki tohi a Paulo ki te kau TESALONIKA 5
5
Te haele fakakilisitiano
1Ki te mea o uhiga mo te u temi pea mo te u lakaga, e mole aoga, u tehina, ke au faitohi atu ki ai. 2Koteuhi kua kotou iloi papau e koutou totonu ko te aho o te Aliki e hau anai o hage ko he tagata kaihaa i te pouli. 3I te temi ae e ui ai anai e te u tagata: Tokalelei mo fimalie! I te temi pe aia e fakamautoka anai natou e he tuutamaki fakapunamauli, o hage ko te u mamahi fanau ae e natou fakamautoka te fafine faitama; pea e mole feala anai hanatou hao i ai.
4Kae ko koutou, u tehina, e mole koutou nofo i te fakapouli, ke pooki koutou e te aho aia o hage e he tagata kaihaa; 5ko koutou ko he u fanau fuli o te malama pea mo te aho. E mole tou kau i te pouli pee i te fakapouli. 6Koia aua naa tou momoe o hage ko natou ake ae, kae tou alaala pea tou fakapotopoto. 7He ko natou ae e momoe, e natou momoe i te pouli, pea ko natou ae e konahia, e natou konahia i te pouli. 8Kae kia tatou, ae e tou kau ki te aho, tou fakapotopoto, o tou kofu te kofu tau o te tui mo te ofa, pea tou too te puloga tau o te falala o te fakamauli. 9Koteuhi nee mole fakatuutuu tatou e te Atua ki te hauhau, kae ki te mau o te fakamauli i totatou Aliki ko Sesu-Kilisito, 10ia ia nee mate o uhiga mo tatou, ke tou mauli fakatahi mo ia, pee ke tou alaala, pee ke tou momoe. 11Koia, kotou fetokoniaki pea kotou fefaufauaki, o hage pe ko te mea e kotou fai mooni.
Fakatotonu fakamuli
12E matou kole atu kia koutou, u tehina, koutou fakaapaapa kia natou ae e gaue kia koutou, mo takitaki koutou i te Aliki, pea mo ako koutou. 13Koutou mau kia natou he ofa lahi, uhi ko tanatou gaue. Koutou nonofo i te tokalelei ia koutou.
14E matou toe kolekole atu foki kia koutou, u tehina, ke koutou fakatonutonu natou ae e mauli maveuveu, mo koutou fakalotomalohii natou e mamahi, mo koutou tokoni kia natou e vaivai, pea kotou kataki ki te tagata fuli. 15Koutou tokaga ke aua naa liufaki e he tahi te kovi aki te kovi, kae ke koutou kumi tuumau te lelei i okotou vahaa pea mo te tagata fuli pe.
16Koutou fiafia tuumau.
17Koutou faikole hohoko. 18Koutou fakafetai i te u mea fuli, koteuhi ko te finegalo aia o te Atua kia koutou ia Sesu-Kilisito.
19Aua naa koutou tamatei te Laumalie. 20Aua naa koutou fakanoai te u folafola fakapolofeta. 21Kae koutou sivi te mea fuli; koutou taofi te mea e lelei; 22koutou fakamamao mai te u mea fuli e kovi.
23Ke te Atua o te tokalelei, ke ina fakamaonionii koutou katoa e ia totonu, pea ke ina taupau koutou katoa, te loto, mo te laumalie, pea mo te sino, ke hee mele i te aho o te toe liliu mai o totatou Aliki ko Sesu-Kilisito. 24E agatonu ia ia ae nee ina paui koutou, pea ko ia ae e ina fai anai te mea aia.
25U tehina, koutou hufaki matou.
26Koutou avage omatou ofa ki te u tehina fuli aki he fekita maonioni.
27E au kole malohi atu kia koutou i te Aliki, ke lau te tohi aeni ki te u tehina fuli.
28Ke nofo te kalasia o totatou Aliki ko Sesu-Kilisito mo koutou!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland