Loma 16
16
Fakaalofa a Paulo ki fetaina
1E kau kole atu ke kotou tokaga kia Fope, lotatou tuagaane, leia e tiakono i le Ekelesia o Senekele, 2o tupu ke kotou fakatalitali a ia i le Aliki, i se fakatalitali leia e gali mo le kau sagato, ti ke kotou tokoi kiate ia i nea ala e kotou aoga ai loa kiate ia, talie na tokoi a ia ki se toka api ti mo au totonu foki.
3Avake oku alofa kia Pelesila mo Akilasi, ko oku kaukau gaoi ia Sesu-Kilisito, 4na la soli ola mauli ke saofaki ai loku mauli ; e leaise ko au fua leia e loto fakafetai kia laua, kae ko Ekelesia fuli foki o le kau pagani. 5Avake foki oku alofa ki le Ekelesia leia i lola kaiga. Avake oku alofa kia Epainete, ko loku alofaaga, leia ko le uluaki fua o Asia kia Kilisito. 6Avake oku alofa kia Malia, leia na lasi ai lana gaoi kia koutou. 7Avake oku alofa kia Atoloniko mo Suniasi, ko oku kaiga ti ko oku kaukau nea i le pilisoni, ala na alofainai lasi i le kau apositolo ti na uluaki tafoki iate au kia Kilisito. 8Avake oku alofa kia Apiliato, loku alofaaga i le Aliki. 9Avake oku alofa kia Ulupano, lomatou kaukau nea gaoi ia Kilisito, ti mo Setakisi, loku alofaaga. 10Avake oku alofa kia Apelesi, leia kua mamae o tupu ko lana tui kia Kilisito. Avake oku alofa kia latou o le kaiga o Alisitopule. 11Avake oku alofa kia Elotione, loku kaiga. Avake oku alofa kia latou o le fale o Nalesise ala e nofo i le Aliki. 12Avake oku alofa kia Tilifena mo Tilifosa, ala ko fafine gaoi ki le Aliki. Avake oku alofa kia Pelesita le alofaaga leia na lasi ai lana gaoi ki le Aliki. 13Avake oku alofa kia Lufusi le filifiliia i le Aliki, mo lona tinana leia ko loku tinana foki. 14Avake oku alofa kia Asinikilito, Felekone, Elemesi, Patolopasi, Elemasi mo fetaina ala e nonofo mo latou. 15Avake oku alofa kia Filoloke mo Sulia, mo Neleo mo lona taina, fenaaki kia Olepa mo le kau sagato fuli e nonofo mo latou. 16Ke kotou fefakaalofaaki i se sogi maokioki. E fakaalofa atu kia koutou le Ekelesia fuli o Kilisito.
Tokaga kia latou e fakatupu ia ni mavaevae
17E kau fakalotomakeke koutou, fetaina, ke kotou tokaga kia latou ala e fakatupu ia ni fakavaevaega mo ni nea fakatupu siga, o fakatupu veli ki le akonaki kua kotou tali. Kotou fakamamao meia latou ana. 18Talie e leaise fakasausau a faasiga tagata ana kia Kilisito lotatou Aliki, kae e lotou fakasausau ki olotou manava totonu ; ti i ni masau malulu mo fakalapulapu, e lotou fakasese a loto o latou ala e faigaofie. 19Kia koutou, kua iloa lakoutou fakalogo e tagata fuli. Koia e kau fiafia ai o uiga mo koutou, kae e kau loto ke kotou fakapotopoto i le nea e malie, ti ke kotou mea i le nea e veli.
20Kua vave loa le takatakafi e le Atua o le tokamalie a Satana i lalo o okoutou vae. Ke nofo mo koutou le kalasia o lotatou Aliki ko Sesu-Kilisito !
21E fakaalofa atu kia koutou a Timoteo, loku kaukau nea i le gaoi, mo Lusiusi, mo Sasone ti mo Sosipatele, ko oku kaiga. 22E kau fakaalofa atu kia koutou i le Aliki, a au Teletiusi leia na fai ia le tosi leinei. 23E fakaalofa atu kia koutou a Kaiusi leia na fakatalitali ia au, ti mo le Ekelesia katoa. E fakaalofa atu kia koutou Elaseto, le tagata taupau paaga o le kolo, ti mo le taina ko Kaletusi.
24Ke nofo le kalasia o lotatou Aliki ko Sesu-Kilisito mo koutou fuli ! Amene !
25Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei, 26kae kua fakasa i le temi nei e tosi a le kau polofeta, o mulimuli ki le fakatuutuu a le Atua lee gato, ti kua fakasa ke iloa e puleaga fuli, o tupu ke lotou fakalogo ki le tui : 27Ke tuku ki le Atua, ko le poto e tasi, le kololia ia Sesu-Kilisito i sekulo mo sekulo !
Amene !
Currently Selected:
Loma 16: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
Loma 16
16
Fakaalofa a Paulo ki fetaina
1E kau kole atu ke kotou tokaga kia Fope, lotatou tuagaane, leia e tiakono i le Ekelesia o Senekele, 2o tupu ke kotou fakatalitali a ia i le Aliki, i se fakatalitali leia e gali mo le kau sagato, ti ke kotou tokoi kiate ia i nea ala e kotou aoga ai loa kiate ia, talie na tokoi a ia ki se toka api ti mo au totonu foki.
3Avake oku alofa kia Pelesila mo Akilasi, ko oku kaukau gaoi ia Sesu-Kilisito, 4na la soli ola mauli ke saofaki ai loku mauli ; e leaise ko au fua leia e loto fakafetai kia laua, kae ko Ekelesia fuli foki o le kau pagani. 5Avake foki oku alofa ki le Ekelesia leia i lola kaiga. Avake oku alofa kia Epainete, ko loku alofaaga, leia ko le uluaki fua o Asia kia Kilisito. 6Avake oku alofa kia Malia, leia na lasi ai lana gaoi kia koutou. 7Avake oku alofa kia Atoloniko mo Suniasi, ko oku kaiga ti ko oku kaukau nea i le pilisoni, ala na alofainai lasi i le kau apositolo ti na uluaki tafoki iate au kia Kilisito. 8Avake oku alofa kia Apiliato, loku alofaaga i le Aliki. 9Avake oku alofa kia Ulupano, lomatou kaukau nea gaoi ia Kilisito, ti mo Setakisi, loku alofaaga. 10Avake oku alofa kia Apelesi, leia kua mamae o tupu ko lana tui kia Kilisito. Avake oku alofa kia latou o le kaiga o Alisitopule. 11Avake oku alofa kia Elotione, loku kaiga. Avake oku alofa kia latou o le fale o Nalesise ala e nofo i le Aliki. 12Avake oku alofa kia Tilifena mo Tilifosa, ala ko fafine gaoi ki le Aliki. Avake oku alofa kia Pelesita le alofaaga leia na lasi ai lana gaoi ki le Aliki. 13Avake oku alofa kia Lufusi le filifiliia i le Aliki, mo lona tinana leia ko loku tinana foki. 14Avake oku alofa kia Asinikilito, Felekone, Elemesi, Patolopasi, Elemasi mo fetaina ala e nonofo mo latou. 15Avake oku alofa kia Filoloke mo Sulia, mo Neleo mo lona taina, fenaaki kia Olepa mo le kau sagato fuli e nonofo mo latou. 16Ke kotou fefakaalofaaki i se sogi maokioki. E fakaalofa atu kia koutou le Ekelesia fuli o Kilisito.
Tokaga kia latou e fakatupu ia ni mavaevae
17E kau fakalotomakeke koutou, fetaina, ke kotou tokaga kia latou ala e fakatupu ia ni fakavaevaega mo ni nea fakatupu siga, o fakatupu veli ki le akonaki kua kotou tali. Kotou fakamamao meia latou ana. 18Talie e leaise fakasausau a faasiga tagata ana kia Kilisito lotatou Aliki, kae e lotou fakasausau ki olotou manava totonu ; ti i ni masau malulu mo fakalapulapu, e lotou fakasese a loto o latou ala e faigaofie. 19Kia koutou, kua iloa lakoutou fakalogo e tagata fuli. Koia e kau fiafia ai o uiga mo koutou, kae e kau loto ke kotou fakapotopoto i le nea e malie, ti ke kotou mea i le nea e veli.
20Kua vave loa le takatakafi e le Atua o le tokamalie a Satana i lalo o okoutou vae. Ke nofo mo koutou le kalasia o lotatou Aliki ko Sesu-Kilisito !
21E fakaalofa atu kia koutou a Timoteo, loku kaukau nea i le gaoi, mo Lusiusi, mo Sasone ti mo Sosipatele, ko oku kaiga. 22E kau fakaalofa atu kia koutou i le Aliki, a au Teletiusi leia na fai ia le tosi leinei. 23E fakaalofa atu kia koutou a Kaiusi leia na fakatalitali ia au, ti mo le Ekelesia katoa. E fakaalofa atu kia koutou Elaseto, le tagata taupau paaga o le kolo, ti mo le taina ko Kaletusi.
24Ke nofo le kalasia o lotatou Aliki ko Sesu-Kilisito mo koutou fuli ! Amene !
25Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei, 26kae kua fakasa i le temi nei e tosi a le kau polofeta, o mulimuli ki le fakatuutuu a le Atua lee gato, ti kua fakasa ke iloa e puleaga fuli, o tupu ke lotou fakalogo ki le tui : 27Ke tuku ki le Atua, ko le poto e tasi, le kololia ia Sesu-Kilisito i sekulo mo sekulo !
Amene !
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020