Loma 15
15
1Ko tatou ala e makeke, e tonu ke tou katakii a gaegaeia o latou ala e gaegae, ti ke aua na tou afa le nea leia e malie kia tatou. 2E tonu ke tasi afa e le tagata taki toka tasi le nea leia e malie ki lona oloi, o uiga mo lona malie ti mo lona fakatuputupua i le tui.
3Talie na leaise afa e Kilisito le nea na malie kiate ia, kae, o mulimuli ki le nea kua oki i le tosi :
Kua vilo kiate au a lauveli a latou ala na lauveli kiate koe.
4Talie ko nea fuli ala na tosi fakatomua, na tosi ki lotatou akoi, o tupu ke tou maua ai le amanaki malie, i le kataki fualoa ti mo le fakapelepele leia e soli e le Tosi.
5Ke soli atu kia koutou e le Atua o le kataki fualoa mo le fakapelepele, ke kotou maua ni manatu tatau i okoutou vasaa o mulimuli kia Sesu-Kilisito, 6o tupu ke kotou fakatasi fuli, i se loto e tasi mo se leo e tasi, o fakavikiviki ki le Atua ti mo le Tamana o lotatou Aliki ko Sesu-Kilisito. 7Koia, kotou fekatakiaki mo fealofaaki, ofaipe le alofa o Sesu-Kilisito kia koutou, talie ko le kololia a ia o le Atua.
Ko le logo malie ki tagata fuli
8Talie e kau pati atu kia koutou, na liliu Kilisito ko le tagata fakasausau a le kau silikosisio, o tupu ke fakasa ai le maoki o le Atua i lana fakasoko a fakapapau na fai ki otatou tamana,
9kae ke toe fakafetai foki le kau pagani ki le Atua, i lona manavaalofa kia latou, ofaipe lona tuu i le Tosi :
Koia e kau fakavikiviki loa kiate koe i atu puleaga,
Ti e kau sua loa ki le kololia o lou suafa.
10E toe pati foki :
Atu puleaga, ke kotou fakafiafia mo lana kakai !
11Ti toe pati foki :
Kotou fakafetai ki le Aliki, koutou fuli ko atu puleaga,
Kotou vikiviki kiate ia, koutou fuli ko atu puleaga !
12Na pati foki Esaia :
E tupu loa ia Isaia se afusa,
Leia e malaga ake loa o sau i atu puleaga ;
Eamanaki malie loa a atu puleaga kiate ia.
13Ke fakaapele koutou e le Atua o le amanaki malie ki le fiafia mo le tokamalie i le tui, o tupu ke lasi ai ia kotou le amanaki malie mo le makeke o le Laumalie Maokioki !
Manatu a Paulo o uiga mo lana gaoi
14O uiga mo koutou, ei oku fetaina, e kau iloa papau e kotou apele i le loto malie, mo apele i le iloa katoa o nea ala e aoga kia koutou, ti mo apele i le poto i le soli o tokoi ke fakamakeke ai koutou. 15Kae, i ni iki a faasiga nea, na kau fai tosi fakamakeke atu kia koutou, o sakinake ke fafagu ai akoutou manatu, o tupu ko le kalasia kua fai e le Atua kiate au, 16ke kau liliu ko le tagata gaoi a Sesu-Kilisito ki le kau pagani ; e kau fai le gaoi taputapu o le Evaselio a le Atua, o tupu ke soko le kau pagani ko se moliga malie kiate ia, leia kua fakamaokioki e le Laumalie Maokioki.
17Koia i le fakatasi mo Sesu-Kilisito, e feala ke kau fia tagata i laku gaoi ki le Atua. 18Talie kapau e mafai ke kau masau ki se nea, ti ko le nea fai leia na fai e Kilisito iate au ke aumai ai le kau pagani ki le fakalogo ki le Atua, ki le folafola mo gaoi, 19ki le makeke o milakulo mo nea fakamanamana, ki le makeke o le Laumalie o le Atua ; koia na kau fakamafola o lasi ai le Evaselio a Kilisito, o fai mei Selusalemi, o takatakai i fenua fuli o kaku ki Ililia.
20Kae na kau loto ke kau fakasa le Evaselio i ganea fai ala na leikiaise logo kia Kilisito, o tupu ke aua na fakatuu i se fakatafito a se tasi kese, o mulimuli ki le nea kua tosi :
21 Ko latou ala na leikiaise fakasa a ia ki ai e tio loa,
Ti ko latou ala na leikiaise logo kiate ia e matala loa.
22Ko le nea lena na tau taofi ia laku natu kia koutou. 23Kae i le temi nei, e leaise nea koi taofi ia au i fenua anei, ti kua fetuu mauke ai mo loku fia natu kia koutou. 24E kau amanaki e kau felavei loa mo koutou i laku fanoga ki Sepania, ti e kotou ave ai loa au, mo ka katoa loa loku fimalie i se ga temi mo koutou.
25I le temi nei e kau ano ki Selusalemi o tokoi ki le kau sagato. 26Talie na loto malie a fetaina o Masetonia mo Akaia ke fai se tanaki koloa ki le kau mativa o le kau sagato i Selusalemi. 27Na lotou loto malie ai ki le nea alofa lena, ti ko lolatou maua aia ; talie kapau kua kau le kau pagani ki olatou koloa fakalaumalie, e tonu foki ke lotou tokoi kia latou i nea fakamalama. 28Ti ka oki fai le nea lena, ti kua kau tuku kia latou a nea alofa, e kau ano loa ki Sepania, o fakalaka atu ia koutou. 29Ti e kau iloa i laku natu kia koutou, e kau kaku atu loa mo le tapuakina apele a Kilisito.
30E kau fakalotomakeke koutou, fetaina, o tupu ko lotatou Aliki ko Sesu-Kilisito ti mo le alofa o le Laumalie, ke kotou tau fakatasi mo au, o kotou fai ki le Atua ni kole o uiga mo au, 31o tupu ke saofaki au mei le kau tui gataa o Sutea, ti ke tali malie e le kau sagato a nea alofa ala e kau ave ki Selusalemi, 32ti ke kau kaku atu loa kia koutou mo ni fiafia, mo kapau ko le finegalo o le Atua, ti ke kau maua loa se malolo i loto malie o koutou. 33Ke nofo mo koutou fuli le Atua o le tokamalie ! Amene !
Currently Selected:
Loma 15: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
Loma 15
15
1Ko tatou ala e makeke, e tonu ke tou katakii a gaegaeia o latou ala e gaegae, ti ke aua na tou afa le nea leia e malie kia tatou. 2E tonu ke tasi afa e le tagata taki toka tasi le nea leia e malie ki lona oloi, o uiga mo lona malie ti mo lona fakatuputupua i le tui.
3Talie na leaise afa e Kilisito le nea na malie kiate ia, kae, o mulimuli ki le nea kua oki i le tosi :
Kua vilo kiate au a lauveli a latou ala na lauveli kiate koe.
4Talie ko nea fuli ala na tosi fakatomua, na tosi ki lotatou akoi, o tupu ke tou maua ai le amanaki malie, i le kataki fualoa ti mo le fakapelepele leia e soli e le Tosi.
5Ke soli atu kia koutou e le Atua o le kataki fualoa mo le fakapelepele, ke kotou maua ni manatu tatau i okoutou vasaa o mulimuli kia Sesu-Kilisito, 6o tupu ke kotou fakatasi fuli, i se loto e tasi mo se leo e tasi, o fakavikiviki ki le Atua ti mo le Tamana o lotatou Aliki ko Sesu-Kilisito. 7Koia, kotou fekatakiaki mo fealofaaki, ofaipe le alofa o Sesu-Kilisito kia koutou, talie ko le kololia a ia o le Atua.
Ko le logo malie ki tagata fuli
8Talie e kau pati atu kia koutou, na liliu Kilisito ko le tagata fakasausau a le kau silikosisio, o tupu ke fakasa ai le maoki o le Atua i lana fakasoko a fakapapau na fai ki otatou tamana,
9kae ke toe fakafetai foki le kau pagani ki le Atua, i lona manavaalofa kia latou, ofaipe lona tuu i le Tosi :
Koia e kau fakavikiviki loa kiate koe i atu puleaga,
Ti e kau sua loa ki le kololia o lou suafa.
10E toe pati foki :
Atu puleaga, ke kotou fakafiafia mo lana kakai !
11Ti toe pati foki :
Kotou fakafetai ki le Aliki, koutou fuli ko atu puleaga,
Kotou vikiviki kiate ia, koutou fuli ko atu puleaga !
12Na pati foki Esaia :
E tupu loa ia Isaia se afusa,
Leia e malaga ake loa o sau i atu puleaga ;
Eamanaki malie loa a atu puleaga kiate ia.
13Ke fakaapele koutou e le Atua o le amanaki malie ki le fiafia mo le tokamalie i le tui, o tupu ke lasi ai ia kotou le amanaki malie mo le makeke o le Laumalie Maokioki !
Manatu a Paulo o uiga mo lana gaoi
14O uiga mo koutou, ei oku fetaina, e kau iloa papau e kotou apele i le loto malie, mo apele i le iloa katoa o nea ala e aoga kia koutou, ti mo apele i le poto i le soli o tokoi ke fakamakeke ai koutou. 15Kae, i ni iki a faasiga nea, na kau fai tosi fakamakeke atu kia koutou, o sakinake ke fafagu ai akoutou manatu, o tupu ko le kalasia kua fai e le Atua kiate au, 16ke kau liliu ko le tagata gaoi a Sesu-Kilisito ki le kau pagani ; e kau fai le gaoi taputapu o le Evaselio a le Atua, o tupu ke soko le kau pagani ko se moliga malie kiate ia, leia kua fakamaokioki e le Laumalie Maokioki.
17Koia i le fakatasi mo Sesu-Kilisito, e feala ke kau fia tagata i laku gaoi ki le Atua. 18Talie kapau e mafai ke kau masau ki se nea, ti ko le nea fai leia na fai e Kilisito iate au ke aumai ai le kau pagani ki le fakalogo ki le Atua, ki le folafola mo gaoi, 19ki le makeke o milakulo mo nea fakamanamana, ki le makeke o le Laumalie o le Atua ; koia na kau fakamafola o lasi ai le Evaselio a Kilisito, o fai mei Selusalemi, o takatakai i fenua fuli o kaku ki Ililia.
20Kae na kau loto ke kau fakasa le Evaselio i ganea fai ala na leikiaise logo kia Kilisito, o tupu ke aua na fakatuu i se fakatafito a se tasi kese, o mulimuli ki le nea kua tosi :
21 Ko latou ala na leikiaise fakasa a ia ki ai e tio loa,
Ti ko latou ala na leikiaise logo kiate ia e matala loa.
22Ko le nea lena na tau taofi ia laku natu kia koutou. 23Kae i le temi nei, e leaise nea koi taofi ia au i fenua anei, ti kua fetuu mauke ai mo loku fia natu kia koutou. 24E kau amanaki e kau felavei loa mo koutou i laku fanoga ki Sepania, ti e kotou ave ai loa au, mo ka katoa loa loku fimalie i se ga temi mo koutou.
25I le temi nei e kau ano ki Selusalemi o tokoi ki le kau sagato. 26Talie na loto malie a fetaina o Masetonia mo Akaia ke fai se tanaki koloa ki le kau mativa o le kau sagato i Selusalemi. 27Na lotou loto malie ai ki le nea alofa lena, ti ko lolatou maua aia ; talie kapau kua kau le kau pagani ki olatou koloa fakalaumalie, e tonu foki ke lotou tokoi kia latou i nea fakamalama. 28Ti ka oki fai le nea lena, ti kua kau tuku kia latou a nea alofa, e kau ano loa ki Sepania, o fakalaka atu ia koutou. 29Ti e kau iloa i laku natu kia koutou, e kau kaku atu loa mo le tapuakina apele a Kilisito.
30E kau fakalotomakeke koutou, fetaina, o tupu ko lotatou Aliki ko Sesu-Kilisito ti mo le alofa o le Laumalie, ke kotou tau fakatasi mo au, o kotou fai ki le Atua ni kole o uiga mo au, 31o tupu ke saofaki au mei le kau tui gataa o Sutea, ti ke tali malie e le kau sagato a nea alofa ala e kau ave ki Selusalemi, 32ti ke kau kaku atu loa kia koutou mo ni fiafia, mo kapau ko le finegalo o le Atua, ti ke kau maua loa se malolo i loto malie o koutou. 33Ke nofo mo koutou fuli le Atua o le tokamalie ! Amene !
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020