Numelo 34
34
Koiga o le fenua o Kanaane
1Na masau loa le Eteleno kia Moisese, o pati : 2Tuku le fakatotonu leinei ki fanau a Iselaele, o ke pati loa kia latou : Ka kotou ulu loa ki le fenua o Kanaane : ko lena le fenua leia e kotou maua tofiga loa, le fenua o Kanaane, mo ona koiga.
3I le saute, e gato atu loa lokoutou fenua i le toafa o Tesini mo le fenua o Etome. E fano loa le koiga i le fetuu esite, mei le potupotu o le tai Mate. 4E maliu loa a ia i le paleaga o Akilakimi, o ano ki Tesini, o fakalaka i le saute o Katesi-Palenea, o soko atu i le kolo ko Ata, o kaku ki Asimoni, 5I Asimoni, e toe maliu loa a ia o fakatau ki le liua o Esipito, o kaku ki le tai Metitelanea.
6I le Uesite, ko le koiga ko le tai Metitelanea.
7I le noleto, e kotou fai loa le koiga i le vasa o le tai Metitelanea mo le mauga o Oli. 8Mei le mauga o Oli, e kotou ave loa le koiga i Lepo-Amati mo Setate. 9E soko atu loa le koiga i Sifiloni, o fakagato i Asa-Enani. Ko lena lokoutou koiga i le noleto.
10I le esite, e kotou fai loa le koiga o kamata atu i Asa-Enani, o ano ki Sefami. 11I lena e ano loa a ia ki Lipila, i le esite o Aine, ti natu loa i ai, o kaku ki vae o mauga ala e tuu i le esite o le vai ko Senesaleti, 12ti e ifo loa i ai i le tafeaga o le vaitafe ko le Solotane o kaku ki le tai Mate. Ko na koiga o lokoutou fenua.
13Na fakasa loa e Moisese le fakatotonu lena ki fanau a Iselaele, o pati : Ko lena le fenua leia e tonu loa ke kotou vae ki le toso, le fenua leia na fakatotonu e le Eteleno ke soli ki faasiga e iva mo le vaelua. 14Talie ko le faasiga o Lupeni, mo le faasiga o Kate, mo le vaelua o le faasiga o Manase, kua oki olatou vaega i le soli kia latou. 15E tuu le vaega o faasiga ana e lua mo le vaelua i mua o Seliko, i le kauvai esite o le Solotane.
Latou na fai ia le vae
16Na masau loa le Eteleno kia Moisese, o pati : 17Ko nei igoa o tagata ala e fai ia loa le vae o le fenua kia koutou : ko le tagata faisakilifisio ko Eleasale mo Sosue, vosa o Nune. 18Ke kotou toe too foki mo se tagata pule i faasiga taki tasi, ke kau i le vae o le fenua.
19Ko nei igoa o tagata ana : Ki le faasiga o Suta, ko Kalepo, vosa o Sefune.
20Ki le faasiga o vosa o Simeone, ko Samuele, vosa Amiute.
21Ki le faasiga o Pesamino, ko Elitate, vosa o Kisilone.
22Ki le faasiga o Tane, ko le pule ko Puki, vosa o Sokeli.
23Ki le faasiga o Sosefo, ki le faasiga o Manase, ko le pule ko Aniele, vosa o Efoti ; 24ki le faasiga o Efalaimi, ko le pule ko Kemuele, vosa o Sifitane.
25Ki le faasiga o Sapulone, ko le pule ko Elisafani, vosa o Palenake.
26Ki le faasiga o Isakale, ko le pule ko Paletiele, vosa o Asane.
27Ki le faasiga o vosa o Asele, ko le pule ko Aiuti, vosa o Selomi.
28Ki le faasiga o vosa o Nefetali, ko le pule ko Petaele, vosa o Amiute.
29Ko na latou ala na fakatotonu e le Eteleno ke fai ia le vae o le fenua o Kanaane ki fanau a Iselaele.
Currently Selected:
Numelo 34: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
