Naume 3
3
Tupuaga o le maumaui o Ninive
1Malaia ki le kolo pani toto,
Leia kua apele i le loi, kua apele i le agamakeke,
Leia e leaise toe gato lana kaia !…
2E logo ki le patato o le suipi,
Ki le gugulu o teka o saliote,
Ki le patatu o le makape o osi,
Ki le gugulu o saliote tau.
3Kua oso a tagata eke osi, kua tapa le seleta, kua masika gigila le tao ofaipe se uila…
Kua se ma lau a mate !…
Kua saele i aluga o mate !…
4Se tupu ko le lasi o faiaga a le fafine faiaga,
Leia na poto i lona teuteu ke fulumalie,
Leia na fakapopula ia a atu puleaga ki ana faiaga
Ti mo atu kakai ki ana kaka.
5Ko leinei, e kau mamafa kiate koe, e folafola le Eteleno o kau tau,
E kau sufei loa ou tapai kofu o kaku ki ou mata,
E kau fakasa loa lou telefua ki atu puleaga,
Ti mo lotou luma atu puleaga sau.
6E kau laku loa kiate koe ni kelekele,
E kau fakakelekele loa a koe,
Ti e kau fakatuu loa a koe ko se nea ke tioi.
7Ko latou fuli ala e tio loa kiate koe e sosola loa o mamao iate koe.
Ti e pati loa : Kua maumau Ninive !
Ko ai e tagi loa kiate ia ?
E maua loa ifea ni iki ke fakapelepele ia a koe ?
8Ninive, pe ke malie ake i No-Amoni,
Leia na ekeeke i loto malie o vaitafe,
Leia na takatakai e atu vai,
Leia na puipui e le tai,
Leia na kaua makeke ki le tai ?
9Na fai lona makeke e Etiopia mo Esipito ala na api ola kakai,
Ti na tokoi kiate ia a Puti mo le kau Lipia.
10Kae logo ai le nea lena, kua ano a ia ki se fenua kese,
Kua ave a ia ki le popula ;
Kua laliki ana fanau i poko o ala fuli ;
Kua vae ona aliki,
Kua sai ona pule tau fuli ki ni tini.
11Ko koe foki, Ninive, e ke kona loa, e ke mumuni loa ;
Ko koe foki, e ke afa loa se mumuniaga i le fili.
12Ko ou kolo tau fuli e tatau
Mo ni tafito fiki mo ni fua kua leleu ;
Ka luui latou,
E lotou maluluku ki le gutu o leia e fia kai kia latou.
13Ko leinei, ko lou kakai, ko ni fafine i loto malie o ou ;
Kua mavaa a matapa o lou fenua ki ou fili ;
Kua tutu e le afi a ukamea fakamau o ou matapa.
14Asu se vai ki le tau !
Fakamakeke ou kolo tau !
Ulu ki le pela, takatakafi le kele pupulu !
Toe fakatuu le gutuumu fau piliki !
15I lena, e kai loa a koe e le afi,
E tuuti loa a koe e le seleta,
E kai loa e ia a koe ofaipe ni seseivaka. Ke ke fakatuuga ofaipe ni seseivaka ! Ke ke fakatuuga ofaipe ni seseivaka !
16Ko au tagata fai koloa, ala e api ake
I fetuu o le lagi,
E faipe le seseivaka leia e fakamavaa ia ona kapakau o lele.
17E fai ou aliki pe seseivaka,
E fai ou pule tau pe se ao seseivaka,
leia e ifo ki a laakau i le temi o le momoko :
Ka sa le laa, e lotou felelei,
Ti e leaise toe iloa le ganea leia na lotou nofo ai.
18E tulemomoe au tagata tausi manu ;
E malolo au tagata tau makeke ;
Kua mavete lou kakai i atu mauga,
Ti e leaise tasi e fakatasi ia a ia.
19E leai se faitoo ki lou lavea,
E mateia lou lavea.
Ko latou fuli ala e logo loa ki le masau kiate koe
E pasipasi loa olatou lima kiate koe ;
Talie ko ai leia na leaise kaku ki ai lou agaveli ?
Currently Selected:
Naume 3: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
