Oseo 1
1
Famili o Oseo, paaki totonu o Iselaele
1Na fakasa loa le folafola a le Eteleno kia Ose, vosa o Peeli, i le temi o Osiasi, mo Sotame, mo Akase, ti mo Esekiasi, ko sau o Suta, ti mo le temi o Selopoamo, vosa o Soasi, sau o Iselaele.
2I le uluaki fakasa e le Eteleno lana folafola kia Ose, na pati le Eteleno kia Ose : Ano, o too se fafine faiaga mo ni fanau o le faiaga ; talie kua faiaga le fenua ti kua tiaki e ia le Eteleno !
3Ti na ano loa Ose, o too Komela, taine o Tipalaimi. Na faitoe loa Komela, ti na fanaui loa e ia se tama. 4Ti na pati loa le Eteleno kiate ia : Fakaigoa a ia ko Siseleele ; talie koi toe fai se ga temi ikiiki, ti e kau tautea loa le fale o Seu, o tupu ko le toto leia na liligi i Siseleele, ti e kau fakagato loa le puleaga o le fale o Iselaele. 5I le aso lena, e kau fatii loa le kau faifana a Iselaele i le vaivailiua o Siseleele.
6Na toe tinae loa Komela ti na fanaui loa e ia se taine. Ti na pati loa le Eteleno kia Ose : Fakaigoa a ia ko Lolusama ; talie e leaise kau toe alofa loa ki le fale o Iselaele, ti e leaise kau toe fakamolemole loa kiate ia. 7Kae e kau alofa loa ki le fale o Suta ; ti e kau saofaki loa latou i Eteleno, lolatou Atua. E leaise kau saofaki loa latou ki le gasau, pe ko le seleta, pe ko le tau, pe ko ni osi, pe ko ni kau ekeosi.
8Na puaki loa e Komela a Lolusama, ti na toe tinae loa a ia, o toe fanau ko se tama. 9Ti na pati loa le Eteleno : Soli kiate ia le igoa ko Loami ; talie e leaise ko loku kakai koutou, ti e leaise ko lokoutou Atua au.
Currently Selected:
Oseo 1: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
