Ekesote 27
27
Le aletale sila
1E ke fai loa le aletale ki le akasia ; ko lona loa ko meta e lua vaelua, ti ko lona laulasi ko meta e lua vaelua. E potupotu tatau loa le aletale, ti ko lona taualuga e meta tasi vaelua. 2E ke fai loa, i tifi e fa o le aletale, ni tala ala e ulu ake mei le aletale ; ti e ke aofi loa a ia ki le sila. 3E ke fai loa ki le aletale ni tanakiaga mugalafu, mo ni supeti, mo ni pesini, mo ni suki, ti mo ni tanakiaga malala ; e ke fai loa a nea gaoi fuli ana ki le sila. 4E ke fai loa ki le aletale se ukamea pupu sila, ti e ke fakapiki loa ni kavei sila e fa ki tifi e fa o le ukamea pupu. 5E ke tuku loa le ukamea pupu ki lalo o le laugutu o le aletale, ke piki i loto malie o le taualuga o le aletale. 6E ke fai loa ni laakau amo ki le aletale ki le akasia, ti e ke aofi loa laua ki le sila. 7E ke velo loa a fa amo i kavei ; ti e pipiki loa a fa amo i fetuu lualua o le aletale, ke amo ai a ia. 8E ke fai loa le aletale ke popoko a loto, ki ni papa ; e ke fai loa a ia o fakatatau ki le fakatata leia na fakasa kiate koe i le mauga.
Le malae mo lona matapa
9E ke fai loa le lotoa o le tapenakulo. Ki le fetuu leia e aga ki le saute, e ke tau loa ni kie tea makeke ke puipui ai le malae : ko le loa o le fetuu lena, ko meta e kau lima, 10ti mo ona pou e kau lua ala e fakatuu loa ki ni tuuaga sila e kau lua ; e fai loa ki le siliva a tautauaga o pou mo tautauaga o puipui. 11Ki le fetuu leia e aga ki le noleto, e ke tau loa ni kie puipui, ko le loa o le fetuu lena ko meta e kau lima ; mo ona pou e kau lua mo olatou tuuaga sila e kau lua ; e fai loa ki le sila a tautauaga o pou mo tautauaga o puipui. 12Ki le fetuu leia e aga ki le uesite, e ke tau loa ni kie puipui tea, ko lona loa ko meta e kau lua tupu lima ti ko le laulasi lena o le malae, mo ona pou e kau agafulu, ti mo olatou tuuaga e kau agafulu. 13Ki le fetuu leia e aga ki le esite, i meta e kau lua tupu lima o le laulasi o le malae, 14e ke tau loa mei le tasi a tifi o le malae, i meta e fitu vaelua, ni kie puipui, mo fa pou e tolu mo olatou tuuaga e tolu, 15ti e ke toe tau loa mei leia ake a tifi, i meta e fitu vaelua, ni kie puipui, mo ni fa pou e tolu mo olatou tuuaga e tolu. 16I le matapa ulu o le lotoa, e ke tau ai loa se lito, ko lona loa ko meta e kau agafulu ; e fai loa le lito ki le kie makeke, kua gaoi fakateuteui ki ni filo usi, mo ni filo kula fakapouli, mo ni filo kula toto mo ni filo tea, mo pou e fa mo olatou tuuaga e fa. 17Ko pou fuli ala e takatakai ia le malae e maua ia loa ni tautauaga siliva, mo ni fao siliva, ti mo ni tuuaga sila. 18Ko le loa o le malae ko meta e kau lima, ko lona laulasi ko meta e kau lua tupu lima, ti ko lona taualuga ko meta e lua vaelua ; e fai loa a kie puipui ki le filo tea makeke, ti e fai loa a tuuaga ki le sila. 19Ko nea gaoi fuli o le tapenakulo, mo ona pou lalo, mo pou lalo o le malae, e fai loa ki le sila.
Le lolo ki fa malama
20E ke fakatotonu loa ki fanau a Iselaele ke lotou aumai kiate koe se lolo olive mea kua tuki, ki le tuuaga malama, o tupu ke fakaulaula tuumau ai a ia. 21E teuteui loa le lolo e Alone mo ona vosa i le falela o le fakapapau, i le potu tapu i mua o le lito, leia e tapono ia le aleka o le fakapapau ; e ula loa malama i mua o le Eteleno mei le afiafi o kaku ki le usu. Ko se lao lena ke tuku sosolo ki olatou sakoga ti ke taupau e fanau a Iselaele.
Currently Selected:
Ekesote 27: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
