Tetelonome 15
15
Ko le fetuu o le Sapato
1I fetuu fitu fuli, ke ke tausi loa le lao o le soloi o maua. 2Ti ko leinei loa le fai o le lao lena : Ka fakasa loa le fetuu o le soloi o maua ki le Eteleno, ko latou fuli ala na soli ia se maua paaga ki lona oloi e fakafiti loa ke toe ui ake kia latou le maua lena ; e leaise ke fakamakeke loa lou taina, pe ko lou oloi ofi, ke ui atu kiate koe lona maua. 3E feala loa ke ke fakamakeke ki le matapule ke ui atu kiate koe lona maua ; kae e ke fakafiti loa ki lau nea leia koi nofo mo lou taina. 4Koleia, e leaise maua loa se mativa iate koe, talie e fakaapele loa a koe e le Eteleno, lou Atua, ki nea malilie i le fenua leia e soli atu loa e ia ke ke maua tofiga, 5koleia fua, ke ke fakalogo loa ki le leo o le Eteleno, lou Atua, o tausi ti mo fai ana folafola katoa ala e kau tuku kiate koe i le aso nei. 6E tapuaki loa le Eteleno, lou Atua, kiate koe o fai ki lana pati atu kiate koe : E ke soli loa ni maua paaga ki ni puleaga mauke, ti e leaise ke too maua loa ; e ke pule loa ki ni puleaga mauke, kae e leaise pule loa se puleaga kiate koe.
7Kapau e maua loa se mativa i ou fetaina, i se kolo o le fenua leia e soli loa e le Eteleno, lou Atua kiate koe, ke aua na ke tapono loa lou loto, o fakafiti kiate ia se maua leia e kole atu e ia kiate koe. 8Kae e ke soli loa o lasi ake kiate ia le nea leia e aoga kiate ia. 9Ke ke tokaga ai na ke maua loa i lou loto ni manatu fakalialia, o ke pati loa : kua ofi le fitu o fetuu, le fetuu o le soloi o maua ! Ke ke tokaga na ke maua loa se tio fakaveli ki lou taina leia e mativa, o leaise ke soli loa kiate ia se nea. E kalaga loa a ia ki le Eteleno o uiga mo koe, ti e ke amo loa i ai se agasala. 10E ke fai loa se alofa kiate ia, ti e ke fai loa a ia i se loto malie ; talie e tapuaki loa le Eteleno, lou Atua kiate koe, o tupu ko le nea lena, i gaoi fuli mo nea fuli ala e fafa loa ki ai ou lima.
11E maua tuumau loa ni mativa i lou fenua ; koia leia e kau tuku atu ai kiate koe le lao leinei : e ke fakamavaa lasi loa lou lima ki lou taina, mo le fakaaloalofa, mo le mativa i lou fenua.
12Kapau e fakatau loa kiate koe se tasi i ou fetaina epeleo, tagata pe fafine, e fakasausau loa a ia kiate koe i fetuu e ono ; kae i le fitu o fetuu, e ke tuku loa a ia ke mavae lauatea mei lou fale. 13Ti ka ke tuku loa a ia ke mavae lauatea mei lou fale, ke aua na ke kakau loa a ia ke ano mo ona lima ata. 14Kae e ke soli loa kiate ia ni nea i nea fuli ala na tuku fakaalofa atu kiate koe e le Eteleno, lou Atua : ni ovi, mo ni koti, mo se fulumeto, mo se vino. 15E ke manatui loa na ke popula i le fenua o Esipito, ti na fakalauatea loa a koe e le Eteleno, lou Atua. Koia e kau tuku atu ai kiate koe i le aso nei le lao leinei. 16Kae kapau e pati atu loa kiate koe lau tagata fakasausau : e leaise kau fia mavae i lou fale, - talie e alofa a ia kiate koe mo lou famili, ti e mauli fimalie a ia i lou fale, - 17ti e ke too loa se tui, ti ke puui loa lona taliga ki le matapa, ti e liliu loa a ia ko lau tagata fakasausau o lee gato. E ke toe fai fenaaki loa ki lau fafine fakasausau. 18Ke aua na ke fakasemala loa i le kakau o lau tagata fakasausau ke mavae lauatea mei lou kaiga, talie na gaoi a ia kiate koe i fetuu e ono, ko le tua lua a ia o le totogi o le tagata gaoi totogi ; ti e tapuaki loa kiate koe le Eteleno, lou Atua, i nea fuli ala e ke fai loa.
Uluaki tupu o manu
19E ke fakatapui loa ki le Eteleno, lou Atua, a manu tagata uluaki fuli ala e tupu loa i lau kau manu lalasi mo lau kau manu liliki. Ke aua na ke fakagaoi loa le pipi tagata uluaki, ti ke aua na ke koti loa a fulu o le ovi tagata uluaki. 20Kae e ke kai loa latou i fetuu fuli, e koe mo lou famili, i mua o le Eteleno, lou Atua, i le ganea leia e filifili loa e ia. 21Kapau e maua loa e ia se mele, kapau e kito a ia pe kivi, kapau e maua e ia se lavea veli, ke aua na ke momoli loa a ia i se sakilifisio ki le Eteleno, lou Atua. 22E ke kai loa a ia i ou matapa ; e kai loa ki ai leia e mea mo leia e kelekele, ofaipe le kai o le kaseli mo le tia. 23Koleia fua, ke aua na ke kai loa le toto o le manu ; kae e ke liligi loa a ia ki le kele, ofaipe le vai.
Currently Selected:
Tetelonome 15: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
