Ɛdi Mukenye
Mukenye
Ɛdianlɛ buluku ne a le Mosisi buluku ne mɔɔ tɔ zolɛ nna la. Ɔka Yizilayɛma anwo edwɛkɛ, wɔ ɛvolɛ asɛɛ abulanla mekɛ nu, ɔvi mekɛ mɔɔ bɛdule bɛ bo wɔ Saenae Boka toonwo bɛhɔdwule azɛlɛ ne mɔɔ Nyamenle ɛva ɛbɔ bɛ ɛwɔkɛ kɛ ɔfa yeamaa bɛ la aduduleɛ ɛweɛne zo la. Buluku ne duma kile edwɛkɛ titile mɔɔ wɔ adawu ne anu la, yemɔ a le menli ne ɛdianlɛ ne. Mosisi dianle Yizilayɛma wɔ Saenae Boka kolaa na bɛadu bɛ bo, eza mɔɔ awolɛndoazo ko pɛle nu la, ɔdianle bɛ wɔ Mowabe, wɔ. Dwɔdan aduduleɛ afoa nu. Wɔ menli ɛdianlɛ fane nwiɔ ne avinli, Yizilayɛma hɔle Keedɛhye Banɛya mɔɔ wɔ Keena nyiakɛ ɛweɛne zo la, noko bɛannyia ɛkɛ ne adenle bɛangɔ azɛlɛ ne mɔɔ bɛva bɛbɔ bɛ ɛwɔkɛ la azo. Mɔɔ bɛlile ɛvolɛ dɔɔnwo kpalɛ wɔ ɛkɛ ne afoa nu la, bɛhɔle maanzinli ne mɔɔ wɔ Azule Dwɔdan aduduleɛ afoa nu la anu. Menli ne foa ko dɛnlanle azɛlɛ ɛhye azo, yɛɛ mɔɔ hale la boɔboale bɛ nwo kɛ bɛpɛ azule ne bɛahɔ Keena.
Ɛdianlɛ Buluku ne kile kɛ Yizilayɛma le menli bie mɔɔ kɛ anwubɛnyunlu ekyi to bɛ la, ɛnee ɛzulolɛ ɛha bɛ yemaa bɛ rɛle ɛbɔ, yɛɛ eza bɛle menli mɔɔ dele Nyamenle nee Mosisi, mɔɔ le sonla mɔɔ Nyamenle ɛye ye kɛ ɔli bɛ ti la anwo atua. Ɔle adawu mɔɔ kile kɛ, kanza menli ne ɛngyɛ na bɛ ahonle adu, yɛɛ bɛ nzo yɛ se bɔbɔ a, Nyamenle di nɔhalɛ maa ye menli ne na ɔnea bɛ gyɛlɛɛnye dahuu, yɛɛ ɔdwu mekɛ ne bie na Mosisi annyia abotane bɔbɔ a, ɔgyinla kpundii ɔsonle ye Nyamenle nee ye menli ne.
Mɔɔ wɔ nu
Yizilayɛma boɔboa bɛ nwo avi Saenae Boka 1.1—9.23
1. Menli ɛdianlɛ mɔɔ lumua 1.1—4.49
2. Mɛla nee ngyehyɛlɛ ngakyile 5.1—8.26
3. Akpabɛnwo Ɛvoyia mɔɔ tɔ zo nwiɔ 9.1-23
Bɛvi Saenae Boka bɛkɔ Mowabe 10.1—21.35
Mɔɔ sisile Mowabe 22.1—32.42
Yigyibiti mɔɔ kɔ Mowabe adendulɛ ne anu edwɛkɛ sikalɛ 33.1-49
Bɛdendɛle bɛhilele bɛ kolaa na bɛapɛ Dwɔdan ne 33.50—36.13
Currently Selected:
Ɛdi Mukenye: NB
Highlight
Copy
Compare
Share
Want to have your highlights saved across all your devices? Sign up or sign in
Bible in Nzema © Bible Society of Ghana, 1998.