Ɛdi 2
2
Mbusua ekpunli ekpunli ne mɔ ɛziezielɛ wɔ azokoɛleɛ ɛkɛ ne
1Ɛdɛnkɛma zele Mosisi nee Aalɔn kɛ, 2“Yizilayɛma bayɛ bɛ azokoɛleɛ ne mɔ wɔ bɛ mbusua ekpunli ekpunli fɛlɛnra ne mɔ abo wɔ bɛ ze mɔ mbusua ekpulike ekpulike sɛkɛlɛneɛ bo. Bɛbasisi bɛ ndanlɛ azua ne mɔ bɛabɔ Ɛdɛnkɛma Ndanlɛ Sua ne bɛayia, ko biala anye kɔne Ɛdɛnkɛma Ndanlɛ Sua ne anwo.
3-9“Wɔ Ɛdɛnkɛma Ndanlɛ Sua ne aduduleɛ afoa nu, bɛdabɛ mɔɔ bɛwɔ Dwuda abusua ekpunli ne fɛlɛnra ne abo la babɔ nu ayɛ bɛ azokoɛleɛ ɛdeɛ ne. Bɛ mgbanyima a le ɛhye mɔ:
| Abusua Ekpunli | Abusua Kpanyinli | Bɛ Dodo |
|---|---|---|
| Dwuda | Amenadabe ara nrenya Naahyɔn | 74,600 |
| Yesakaa | Zuwaa ara nrenya Nɛtanili | 54,400 |
| Zɛbulɛn | Hilɔn ara nrenya Yilayabe | 57,400 |
Bɛ muala bɛ dodo le apenle ngoko ɛya ko abulatwɛ nee nsia, ɛya nna. Dwuda ekpunli ɛdeɛ ne a balumua a.
10-16“Wɔ nyiakɛ afoa nu, menli mɔɔ wɔ Wulubɛn abusua ekpunli fɛlɛnra ne abo la a badɛnla ɛkɛ a. Bɛ mgbanyima a le ɛhye mɔ:
| Abusua Ekpunli | Abusua Kpanyinli | Bɛ Dodo |
|---|---|---|
| Wulubɛn | Hyɛdiyɛ ara nrenya Ɛlaezɛ | 46,500 |
| Semɛyɔn | Zulehyadae ara nrenya Hyɛlɛmeɛle | 59,300 |
| Gaade | Duwɛle ara nrenya Yilayasafe | 45,650 |
Bɛ muala bɛ dodo le apenle ngoko ɛya ko abulanlu nee ko, ɛya nna abulanlu. Wulubɛn ekpunli ɛdeɛ ne a badɔ zolɛ nwiɔ a.
17“Akee Livaema ne bazoa Ɛdɛnkɛma Ndanlɛ Sua ne ali ekpunli nwiɔ ne mɔɔ lumua nee ekpunli nwiɔ ne mɔɔ li amozi la avinli. Ekpunli biala bahɔ ye kɛmɔ bɛzile bɛdɛnlɛdɛnlanle bɛ wɔ azokoɛleɛ ne la, biala bali ɔ bo zo ne wɔ ye abusua ekpunli fɛlɛnra ne abo.
18-24“Wɔ adɔleɛ afoa nu, menli mɔɔ wɔ Yifelaem abusua ne fɛlɛnra ne abo la a badɛnla ɛkɛ a. Bɛ mgbanyima a le ɛhye mɔ:
| Abusua Ekpunli | Abusua Kpanyinli | Bɛ Dodo |
|---|---|---|
| Yifelaem | Amehɛde ara nrenya Yilaehyama | 40,500 |
| Manasɛ | Pɛdaazɛ ara nrenya Gameeleɛle | 32,200 |
| Bɛngyaman | Gedɔyonae ara nrenya Abaedan | 35,400 |
Bɛ muala bɛ dodo le apenle ngoko ɛya ko nee mɔtwɛ, ɛya ko. Yifelaem ekpunli ɛdeɛ ne a badɔ zolɛ nsa a.
25-31“Wɔ sɔlɔ afoa nu, menli mɔɔ wɔ Dan abusua ekpunli ne fɛlɛnra ne abo la a badɛnla ɛkɛ a. Bɛ mgbanyima a le ɛhye mɔ:
| Abusua Ekpunli | Abusua Kpanyinli | Bɛ Dodo |
|---|---|---|
| Dan | Amehyadae ara nrenya Ehayizɛ | 62,700 |
| Ahya | Ɔkelan ara nrenya Peegeɛle | 41,500 |
| Nafetalae | Yinam ara nrenya Ahaela | 53,400 |
Bɛ muala bɛ dodo le apenle ngoko ɛya ko abulanlu nee nsuu, ɛya nsia. Dan ekpunli ɛdeɛ ne a bali amozi a.”
32Yizilayɛma mɔɔ bɛdianle bɛ ekpunli ekpunli nee awuke awuke la, bɛ kɔsɔɔti bɛle apenle ngoko ɛya nsia nee nsa, menli ɛya nnu abulanlu. 33Na kɛmɔ Ɛdɛnkɛma zele Mosisi la, bɛandia Livaema ne bɛamboka Yizilayɛma anwo.
34Yemɔti Yizilayɛma yɛle debie biala mɔɔ Ɛdɛnkɛma zele Mosisi la. Biala dɛnlanle ɔdaye ye ekpunli sɛkɛlɛneɛ bo, yɛɛ ko biala nee ɔdaye ye abusua ekpulike ne luale.
Currently Selected:
Ɛdi 2: NB
Highlight
Copy
Compare
Share
Want to have your highlights saved across all your devices? Sign up or sign in
Bible in Nzema © Bible Society of Ghana, 1998.
Ɛdi 2
2
Mbusua ekpunli ekpunli ne mɔ ɛziezielɛ wɔ azokoɛleɛ ɛkɛ ne
1Ɛdɛnkɛma zele Mosisi nee Aalɔn kɛ, 2“Yizilayɛma bayɛ bɛ azokoɛleɛ ne mɔ wɔ bɛ mbusua ekpunli ekpunli fɛlɛnra ne mɔ abo wɔ bɛ ze mɔ mbusua ekpulike ekpulike sɛkɛlɛneɛ bo. Bɛbasisi bɛ ndanlɛ azua ne mɔ bɛabɔ Ɛdɛnkɛma Ndanlɛ Sua ne bɛayia, ko biala anye kɔne Ɛdɛnkɛma Ndanlɛ Sua ne anwo.
3-9“Wɔ Ɛdɛnkɛma Ndanlɛ Sua ne aduduleɛ afoa nu, bɛdabɛ mɔɔ bɛwɔ Dwuda abusua ekpunli ne fɛlɛnra ne abo la babɔ nu ayɛ bɛ azokoɛleɛ ɛdeɛ ne. Bɛ mgbanyima a le ɛhye mɔ:
| Abusua Ekpunli | Abusua Kpanyinli | Bɛ Dodo |
|---|---|---|
| Dwuda | Amenadabe ara nrenya Naahyɔn | 74,600 |
| Yesakaa | Zuwaa ara nrenya Nɛtanili | 54,400 |
| Zɛbulɛn | Hilɔn ara nrenya Yilayabe | 57,400 |
Bɛ muala bɛ dodo le apenle ngoko ɛya ko abulatwɛ nee nsia, ɛya nna. Dwuda ekpunli ɛdeɛ ne a balumua a.
10-16“Wɔ nyiakɛ afoa nu, menli mɔɔ wɔ Wulubɛn abusua ekpunli fɛlɛnra ne abo la a badɛnla ɛkɛ a. Bɛ mgbanyima a le ɛhye mɔ:
| Abusua Ekpunli | Abusua Kpanyinli | Bɛ Dodo |
|---|---|---|
| Wulubɛn | Hyɛdiyɛ ara nrenya Ɛlaezɛ | 46,500 |
| Semɛyɔn | Zulehyadae ara nrenya Hyɛlɛmeɛle | 59,300 |
| Gaade | Duwɛle ara nrenya Yilayasafe | 45,650 |
Bɛ muala bɛ dodo le apenle ngoko ɛya ko abulanlu nee ko, ɛya nna abulanlu. Wulubɛn ekpunli ɛdeɛ ne a badɔ zolɛ nwiɔ a.
17“Akee Livaema ne bazoa Ɛdɛnkɛma Ndanlɛ Sua ne ali ekpunli nwiɔ ne mɔɔ lumua nee ekpunli nwiɔ ne mɔɔ li amozi la avinli. Ekpunli biala bahɔ ye kɛmɔ bɛzile bɛdɛnlɛdɛnlanle bɛ wɔ azokoɛleɛ ne la, biala bali ɔ bo zo ne wɔ ye abusua ekpunli fɛlɛnra ne abo.
18-24“Wɔ adɔleɛ afoa nu, menli mɔɔ wɔ Yifelaem abusua ne fɛlɛnra ne abo la a badɛnla ɛkɛ a. Bɛ mgbanyima a le ɛhye mɔ:
| Abusua Ekpunli | Abusua Kpanyinli | Bɛ Dodo |
|---|---|---|
| Yifelaem | Amehɛde ara nrenya Yilaehyama | 40,500 |
| Manasɛ | Pɛdaazɛ ara nrenya Gameeleɛle | 32,200 |
| Bɛngyaman | Gedɔyonae ara nrenya Abaedan | 35,400 |
Bɛ muala bɛ dodo le apenle ngoko ɛya ko nee mɔtwɛ, ɛya ko. Yifelaem ekpunli ɛdeɛ ne a badɔ zolɛ nsa a.
25-31“Wɔ sɔlɔ afoa nu, menli mɔɔ wɔ Dan abusua ekpunli ne fɛlɛnra ne abo la a badɛnla ɛkɛ a. Bɛ mgbanyima a le ɛhye mɔ:
| Abusua Ekpunli | Abusua Kpanyinli | Bɛ Dodo |
|---|---|---|
| Dan | Amehyadae ara nrenya Ehayizɛ | 62,700 |
| Ahya | Ɔkelan ara nrenya Peegeɛle | 41,500 |
| Nafetalae | Yinam ara nrenya Ahaela | 53,400 |
Bɛ muala bɛ dodo le apenle ngoko ɛya ko abulanlu nee nsuu, ɛya nsia. Dan ekpunli ɛdeɛ ne a bali amozi a.”
32Yizilayɛma mɔɔ bɛdianle bɛ ekpunli ekpunli nee awuke awuke la, bɛ kɔsɔɔti bɛle apenle ngoko ɛya nsia nee nsa, menli ɛya nnu abulanlu. 33Na kɛmɔ Ɛdɛnkɛma zele Mosisi la, bɛandia Livaema ne bɛamboka Yizilayɛma anwo.
34Yemɔti Yizilayɛma yɛle debie biala mɔɔ Ɛdɛnkɛma zele Mosisi la. Biala dɛnlanle ɔdaye ye ekpunli sɛkɛlɛneɛ bo, yɛɛ ko biala nee ɔdaye ye abusua ekpulike ne luale.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Nzema © Bible Society of Ghana, 1998.