Sɛlɛ 3
3
Anzonudwolɛ azubɔdeɛ ne mɔ
1“Saa awie fa ɛnlankɛ nyinli anzɛɛ belɛ azubɔdeɛ arabɔ anzonudwolɛ azu a, ɔwɔ kɛ ɔfa ɛnlankɛ mɔɔ anwo ɛnlɛ dɛne la a ɔfinde Ɛdɛnkɛma anyunlu a. 2Ɔwɔ kɛ ɔfa ɔ sa ɔto nane ne ati zo, na ɔku ye wɔ Ɛdɛnkɛma Ndanlɛ Sua ne anyunlu. Aalɔn amra sɛlɛvolɛma ne bado ye mogya ne agua azukponle ne anwo amuala ayia. 3Akee ɔyeye nane ne akunlu ne anwo ɛnlome kɔsɔɔti, 4ye ɛzizira nwiɔ ne nee nwolɛ ɛnlome ne mɔɔ wɔ ɔ nze nu yɛɛ ye ɛbolɛ nwo ninyɛne kɔsɔɔti ɔvi ɛyelalɛ azubɔdeɛ ne mɔɔ bɛfa bɛamaa Ɛdɛnkɛma la anu. 5Aalɔn amra mrenya ne mɔ bayela bɛ wɔ ɛyɛne ne mɔɔ wɔ azukponle ne azo la azo. Ɔle azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.
6“Saa awie fa boane nyinli anzɛɛ belɛ azubɔdeɛ arabɔ anzonudwolɛ azu a, ɔwɔ kɛ ɔfa boane mɔɔ anwo ɛnlɛ dɛne la. 7Saa ɔfa boane ralɛ a yeabɔ azu ne a, ɛnee ɔva ye ɔrɛla Ɛdɛnkɛma anyunlu, 8ɔva ɔ sa ɔdo nane ne ati zo, ɔhu ye wɔ Ɛdɛnkɛma Ndanlɛ Sua ne anyunlu. Aalɔn amra sɛlɛvolɛma ne mɔ bado ye mogya ne agua azukponle ne anwo amuala ayia. 9-10Akee ɔyeye ɛyelalɛ azubɔdeɛ ne akunlu ɛnlome ne, ɔpɛ ɔ dua ne mɔɔ ɛlɔ mɔɔ kɔne ɔ nzi bowule ne azo la, ɔyeye ɛnlome mɔɔ wɔ nane ne akunlu ninyɛne ne mɔ anwo, ye ɛzizira nwiɔ ne nee nwolɛ ɛnlome ne mɔɔ wɔ ɔ nze nu la amuala, yɛɛ ye ɛbolɛ nwo ninyɛne kɔsɔɔti ɔvi ɛyelalɛ azubɔdeɛ ne mɔɔ bɛfa bɛamaa Ɛdɛnkɛma la anu. 11Sɛlɛvolɛ ne ɛyela bɛ wɔ azukponle ne azo kɛ aleɛ ɛyelalɛ azubɔdeɛ ɔmaa Ɛdɛnkɛma.
12“Saa ahenle ne azubɔdeɛ ne le abɔnkye a, ɔva ɔhɔ Ɛdɛnkɛma anyunlu 13na ɔva ɔ sa ɔdo abɔnkye ne ati zo, na ɔhu ye wɔ Ɛdɛnkɛma Ndanlɛ Sua ne anyunlu. Aalɔn amra ne mɔ bado ye mogya ne agua azukponle ne anwo amuala ayia. 14-15Akee ɔyeye nane ne akunlu nee nwolɛ ɛnlome ne kɔsɔɔti, ye ɛzizira nwiɔ ne nee nwolɛ ɛnlome mɔɔ wɔ ɔ nze nu la, yɛɛ ye ɛbolɛ nwo ninyɛne ne mɔ amuala ɔvi ɛyelalɛ azubɔdeɛ ne mɔɔ bɛfa bɛamaa Ɛdɛnkɛma la anu. 16Sɛlɛvolɛ ne ɛyela bɛ wɔ azukponle ne azo kɛ aleɛ ɛyelalɛ azubɔdeɛ mɔɔ bɔ evuanlɛ la. Nane ne ɛnlome ne amuala le Ɛdɛnkɛma ɛdeɛ. 17Ɔwɔ kɛ ɛhye yɛ mɛla mɔɔ wɔ ɛkɛ ne dahuu wɔ bɛ awolɛndoazo kɔsɔɔti anu, wɔ ɛleka biala mɔɔ bɛde la; ɔnle kɛ bɛdi nane ɛnlome anzɛɛ mogya.”
Currently Selected:
Sɛlɛ 3: NB
Highlight
Copy
Compare
Share
Want to have your highlights saved across all your devices? Sign up or sign in
Bible in Nzema © Bible Society of Ghana, 1998.
