Ade Mukenye
Mukenye
Mosisi buluku ne mɔɔ tɔ zolɛ nwiɔ, mɔɔ bɛfɛlɛ ye “Adendulɛ” la le buluku mɔɔ fane edwɛkɛ titile mɔɔ zile Yizilayɛ tetedwɛkɛ nu la anwo. Ɔka Yizilayɛma ɛvilɛ mɔɔ vile Yigyibiti, ɛleka mɔɔ ɛnee bɛle ahanra la anwo edwɛkɛ. Bɛhyɛ buluku ne anu ekpunli titile nsa:
(1) Ɛlielɛ mɔɔ bɛliele Hibuluma bɛvile akɛlɛzonlenlɛ nu nee bɛ adendulɛ mɔɔ bɛdule bɛhɔle Boka Saenae la.
(2) Nyamenle ngyekyeleɛ ne mɔɔ ɔ nee ye menli ne kyekyele wɔ Saenae, mɔɔ manle bɛnwunle subane kpalɛ anzɛɛ ɛtane, maamɛla nee nyamenlezonlenlɛ mɛla ne mɔɔ ɔwɔ kɛ bɛdi zolɛ la.
(3) Yizilayɛma ɛzonlenlɛ sua ɛzilɛ nee nuhua ɛziezielɛ, yɛɛ mɛla mɔɔ fane sɛlɛvolɛma nee Nyamenle ɛzonlenlɛ nwo.
Titile kpalɛ kpalɛ ne a le kɛ, buluku ɛhye ka debie mɔɔ Nyamenle yɛle, wɔ mekɛ mɔɔ ɔdie ye menli ne yeavi ahanra ɛzonlenlɛ nu na ɔyɛle bɛ maanle ko mɔɔ lɛ kenlebie anyelazo la.
Sonla titile mɔɔ wɔ buluku ɛhye anu la a le Mosisi, mɔɔ yemɔ a ɔle sonla mɔɔ Nyamenle kpale nu yele ye manle ɔlile ye menli ne ati na ɔvale bɛ ɔvile Yigyibiti la. Ɛleka mɔɔ menli ze ye kpalɛ kpalɛ wɔ buluku ne anu la a le Mɛla Bulu ne mɔɔ wɔ mgbakyelɛ 20 la.
Mɔɔ wɔ nu la
Bɛlie Yizilayɛma bɛvi ahanra ɛzonlenlɛ nu wɔ Yigyibiti 1.1—15.21
1) Ahanra wɔ Yigyibiti 1.1-22
2) Mosisi awolɛ nee ye ngakula nu 2.1—4.31
3) Mosisi nee Aalɔn yia Yigyibiti belemgbunli ne 5.1—11.10
4) Akpabɛnwo ne ɛlilɛ nee Yigyibiti ɛvilɛ ne 12.1—15.21
Bɛvi Ndɔ Nyevile ne anloa mɔɔ bɛkɔ Saenae Boka 15.22—18.27
Mɛla ne nee ngyekyeleɛ ne 19.1—24.18
Ngyekyeleɛ Ɛdanlɛ Sua ne nee ɛzonlenlɛ nwo ngilehilelɛ 25.1—40.38
Currently Selected:
Ade Mukenye: NB
Highlight
Copy
Compare
Share
Want to have your highlights saved across all your devices? Sign up or sign in
Bible in Nzema © Bible Society of Ghana, 1998.