Romanfoɛ BƆ OLI MOA
BƆ OLI MOA
Pɔɔlo hyerɛle sɔ krataa he ɔɔmane Romanfoɛ kyɛ besiesie ye si bɛma ye nzralɛ bɔ né okuro kyɛ ɔkɔsra bɛ ne. Né Pɔɔlo ahyehyɛ kyɛ ɔne Akristofoɛ bɔ bɛwɔ Rome ne bɛkɔyɛ ngyerɛkyerɛ kãa, ná afei baboka ye maa wahɔ Sepania. Pɔɔlo hyerɛle sɔ krataa he hyirele kyɛbɔ ɔte Kristosom gyidie bo ɔ, ɔne suban bɔ ɔsɛ kyɛ Akristofoɛ nya ɔ.
Pɔɔlo di moa bisa Akristofoɛ nemɔ ahye, na afei ɔka kyire bɛ kyɛ ɔbɔ mbaeɛ ma bɛ daa. Ɛhe asi ne, ɔka sɔ krataa he botaeɛ bɔ okyire kyɛ, Nyameɛ nate gyidie so fi ahyɛaseɛ ne ɔne kuro sona bayɛ ko (1.17).
Pɔɔlo kɔ so kyirekyire sɔ botaeɛ he anu. Okyire kyɛ Yudafoɛ ne Amaenmaensofoɛ mukoraa hia kyɛ bɛsakyera b’adwene na bɛ ne Nyameɛ yɛ ko ɔ. Ofikyɛ kuro sona biala te bɔne akoaa. Nakoso ebiala bɔ okonya gyidie wɔ Yesu Kristo nu ne, okonya bɔnefakyɛ na ɔne Nyameɛ ayɛ ko.
Afei Pɔɔlo kyirekyire suban foforɛ bɔ gyidiniɛ le ɔ, ɔnate kyɛ ɔne Yesu Kristo ayɛ ko. Abiɛngoɛ foforɛ bɔ wawa gyidiniɛ ne Nyameɛ afia yeɛ wamaa wawa sɔ ɔ. Gyidiniɛ le asomdwee wɔ ye ne Nyameɛ afia; na Nyameɛ Sunzum ma ye fawɔnwodi fi bɔne tumi ne ewue sa nu. Afei koso Pɔɔlo kyire bɔ yiti yeɛ Nyameɛ fale ye mmeraa ne mane kuro sona ɔ, ɔne bɔ Nyameɛ Sunzum tumi ne yɔ wɔ gyidiniɛ suban nu ɔ (5-8).
Afei Pɔɔlo ka atee bɔ Nyameɛ ahyehyɛ ato berɛ bɔ Yudafoɛ ne Amaenmaensofoɛ nu biala kɔfa so konya daa ngoa ɔ. Pɔɔlo sa ka asɛdeɛ bɔ gyidiniɛ le ma Nyameɛ ne oliɛma kuro sona ɔ. Ayieleɛ ne, Pɔɔlo bɔ mbaeɛ ma bɛ bɔ ɔhyerɛle sɔ krataa he ɔɔmane bɛ ne; ye korakora ne, Pɔɔlo nate Yesu Kristo so ye Nyameɛ ayɛ.
Nu Dwirɛ
Bɔ oli moa ɔne botaeɛ 1.1-17
Kuro sona biala hia daa ngoa 1.18—3.20
Nyameɛ daa ngoa atee 3.21—4.25
Yesu Kristo nu suban foforɛ 5.1—8.39
Nyameɛ nhyehyɛleɛ bɔ ole ma Yisraelfoɛ ɔ 9.1—11.36
Kristoniɛ suban 12.1—15.13
Ayieleɛ ne Ahyebisalɛ 15.14—16.27
Currently Selected:
Romanfoɛ BƆ OLI MOA: EBP
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.