Romanfoɛ 5
5
Yɛnate gyidie so yɛ ne Nyameɛ abɔ nu
1 #
Luk 2.14; Rom 3.28 Afei de, ɔnate gyidie so yɛne Nyameɛ y’afia ayɛ ko ne ati, yɛnate y’Awurade Yesu Kristo so yanya asomdwee wɔ Nyameɛ nu. 2#Ɛfe 2.18 Ɔnate ye so yeɛ yafa gyidie so yanya adom he bɔ yɛgyi so ye; na yɛhoahoa yɛ nwo Nyameɛ animnyam nwo anyelasoɛ nu. 3#Rom 5.11; Yak 1.3 Nna ɛhe angome, na mmom yɛhoahoa yɛ nwo wɔ yɛ amaneɛnwunɛ nu koso, ɔnate kyɛ yɛse kyɛ amaneɛnwunɛ ma sona nya animia; 4na animia ma suahunu, yeɛ suahunu koso ma anyelasoɛ. 5#Edw 119.116; Aso 2.33 Na anyelasoɛ nni ngasi, ofikyɛ Nyameɛ nate ye Sunzum Krongron bɔ ɔfa mane yɛ ne aso wafa ye ɔdɔ somaa ne wawura yɛ ahone nu.
6 #
Mak 1.15; Gal 4.4 Mmerɛ bɔ né yɛtɛ yɛ mmerɛ ne, mmerɛ bɔ wahyehyɛ wato berɛ ne anu, Kristo wu mane bɔnefoɛ. 7Ɔyɛ se kyɛ ebie kowu kɔma teneneeniɛ ɔ. Bɔ ɔte teneneeniɛ de, ebiaa ebie kosi ye ahone kyɛ okowu kɔma ye. 8#1 Pet 3.18; Yoh 15.13 Nakoso Nyameɛ hyirele kyɛbɔ osi kuro yɛ dwirɛ ɔ, ofikyɛ mmerɛ bɔ né yɛtɛ te bɔnefoɛ ne yeɛ Kristo wu mane yɛ ɔ. 9#Rom 3.24-25 Yiti sɛ ɔnate ye mogya so wabua yɛ be de a, né nzaade ɔkɔfa Kristo so kole yɛ kofi ye ahonehulɛ ne anu maa ɔkɔbo so. 10Mmerɛ bɔ né yɛte Nyameɛ pɔfoɛ nen, Nyameɛ nate Ɔwa ne wue so siesiele yɛ ne ye afia. Na kekesaala ye bɔ yɛne Nyameɛ ayɛ ko ye de, ɔnate teasefoɛ Yesu so okole yɛ ngoa maa ɔkɔbo so. 11Nna ɛhe angome, na mmom yɛnate y’Awurade Yesu Kristo bɔ wasiesie yɛ ne Nyameɛ afia ne so yanya anika wɔ Nyameɛ nu.
Ewue nate Adam so awa mmenia mukoraa so
12 #
Gye 2.17; 1 Kor 15.21, 22 Yiti kyɛbɔ bɔne nate sona ko so wale wiase, na ye bɔne fale ewue wale nen, sɔ ala yeɛ ewue to petene mmenia mukoraa so ɔ, ofikyɛ kuro sona biala ayɔ bɔne. 13Né bɔne wɔ wiase dada koraka yeɛ mmeraa ne ba ɔ, na mmom nekaa bɔ mmeraa nne berɛ nen, bemmu bɔne nwo ngondaa. 14Nakoso ofi Adam so kɔpem Mose so, ewue nyane tumi wɔ kuro sona biala so; na bɛ bɔ banyɔ bɔne kyɛ Adam deɛ ne po, onyane bɛ so tumi. Adam te bɔ ɔba ne mvandoho.
Sona fa Kristo so nya ngoa
15 #
Aso 15.11
Na kyɛbɔ mvomsoɛ ne ɔte ne, nna sɔ yeɛ adom akyɛdeɛ ne ɔte ɔ. Ofikyɛ sɛ ɔnate sona ko bɔne so mmenia pee nyane ewue de a, nzaade né Nyameɛ adom, ɔne ye akyɛdeɛ bɔ ɔwɔ Yesu Kristo nu ne sone maa ɔbo so ma mmenia pee. 16Afei adom akyɛdeɛ ne, ɔtte kyɛ musue bɔ sona ko bɔne bɔ ɔyɔle ɔ fa wale ne. Ofikyɛ ndɛenbualɛ bɔ sona ko bɔne fa wale ole foɛbualɛ; nakoso Nyameɛ adom akyɛdeɛ ne de, bɔne pee yɔlɛ si po ne, adom akyɛdeɛ ne abua yɛ be. 17#Nye 20.4; 2 Tim 2.17 Na sɛ ɔnate sona ko bɔne so ewue nyane tumi wɔ sona ko ne so a, ye de bɛ bɔ banya adom mmorosoɛ ne tenenee akyɛdeɛ ne, bɛnate sona ko bɔ ye ole Yesu Kristo ne so bekoli ngonim.
18 #
Rom 4.25
Yiti kyɛbɔ sona ko bɔne fale foɛbualɛ brɛle mmenia mukoraa nen, sɔ ala yeɛ sona ko tenenee fale bebualɛ ne ngoa brɛle mmenia mukoraa ɔ. 19#Flp 2.8 Afei kyɛbɔ ɔnate sona ko asoserɛ so ti mmeni pee yɛle bɔnefoɛ nen, sɔ ala yeɛ ɔnate sona ko sotie so mmeni pee kɔyɛ teneneefoɛ ɔ.
20 #
Gal 3.19; 1 Tim 1.13, 14 Mmeraa ne de ɔwale maa bɔne trɛle, nakoso nekaa bɔ bɔne trɛle nen, Nyameɛ adom ne trɛle maa ɔbole so. 21#Mat 25.46; Rom 3.24 Na kyɛbɔ bɔne nate ewue nu lili hene nen, sɔ ala yeɛ Nyameɛ adom koso kɔnate tenenee nu koli hene ɔ, na ɔkɔfa y’Awurade Yesu Kristo so kɔfa yɛ kɔhɔ daa ngoa nu.
Currently Selected:
Romanfoɛ 5: EBP
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Romanfoɛ 5
5
Yɛnate gyidie so yɛ ne Nyameɛ abɔ nu
1 #
Luk 2.14; Rom 3.28 Afei de, ɔnate gyidie so yɛne Nyameɛ y’afia ayɛ ko ne ati, yɛnate y’Awurade Yesu Kristo so yanya asomdwee wɔ Nyameɛ nu. 2#Ɛfe 2.18 Ɔnate ye so yeɛ yafa gyidie so yanya adom he bɔ yɛgyi so ye; na yɛhoahoa yɛ nwo Nyameɛ animnyam nwo anyelasoɛ nu. 3#Rom 5.11; Yak 1.3 Nna ɛhe angome, na mmom yɛhoahoa yɛ nwo wɔ yɛ amaneɛnwunɛ nu koso, ɔnate kyɛ yɛse kyɛ amaneɛnwunɛ ma sona nya animia; 4na animia ma suahunu, yeɛ suahunu koso ma anyelasoɛ. 5#Edw 119.116; Aso 2.33 Na anyelasoɛ nni ngasi, ofikyɛ Nyameɛ nate ye Sunzum Krongron bɔ ɔfa mane yɛ ne aso wafa ye ɔdɔ somaa ne wawura yɛ ahone nu.
6 #
Mak 1.15; Gal 4.4 Mmerɛ bɔ né yɛtɛ yɛ mmerɛ ne, mmerɛ bɔ wahyehyɛ wato berɛ ne anu, Kristo wu mane bɔnefoɛ. 7Ɔyɛ se kyɛ ebie kowu kɔma teneneeniɛ ɔ. Bɔ ɔte teneneeniɛ de, ebiaa ebie kosi ye ahone kyɛ okowu kɔma ye. 8#1 Pet 3.18; Yoh 15.13 Nakoso Nyameɛ hyirele kyɛbɔ osi kuro yɛ dwirɛ ɔ, ofikyɛ mmerɛ bɔ né yɛtɛ te bɔnefoɛ ne yeɛ Kristo wu mane yɛ ɔ. 9#Rom 3.24-25 Yiti sɛ ɔnate ye mogya so wabua yɛ be de a, né nzaade ɔkɔfa Kristo so kole yɛ kofi ye ahonehulɛ ne anu maa ɔkɔbo so. 10Mmerɛ bɔ né yɛte Nyameɛ pɔfoɛ nen, Nyameɛ nate Ɔwa ne wue so siesiele yɛ ne ye afia. Na kekesaala ye bɔ yɛne Nyameɛ ayɛ ko ye de, ɔnate teasefoɛ Yesu so okole yɛ ngoa maa ɔkɔbo so. 11Nna ɛhe angome, na mmom yɛnate y’Awurade Yesu Kristo bɔ wasiesie yɛ ne Nyameɛ afia ne so yanya anika wɔ Nyameɛ nu.
Ewue nate Adam so awa mmenia mukoraa so
12 #
Gye 2.17; 1 Kor 15.21, 22 Yiti kyɛbɔ bɔne nate sona ko so wale wiase, na ye bɔne fale ewue wale nen, sɔ ala yeɛ ewue to petene mmenia mukoraa so ɔ, ofikyɛ kuro sona biala ayɔ bɔne. 13Né bɔne wɔ wiase dada koraka yeɛ mmeraa ne ba ɔ, na mmom nekaa bɔ mmeraa nne berɛ nen, bemmu bɔne nwo ngondaa. 14Nakoso ofi Adam so kɔpem Mose so, ewue nyane tumi wɔ kuro sona biala so; na bɛ bɔ banyɔ bɔne kyɛ Adam deɛ ne po, onyane bɛ so tumi. Adam te bɔ ɔba ne mvandoho.
Sona fa Kristo so nya ngoa
15 #
Aso 15.11
Na kyɛbɔ mvomsoɛ ne ɔte ne, nna sɔ yeɛ adom akyɛdeɛ ne ɔte ɔ. Ofikyɛ sɛ ɔnate sona ko bɔne so mmenia pee nyane ewue de a, nzaade né Nyameɛ adom, ɔne ye akyɛdeɛ bɔ ɔwɔ Yesu Kristo nu ne sone maa ɔbo so ma mmenia pee. 16Afei adom akyɛdeɛ ne, ɔtte kyɛ musue bɔ sona ko bɔne bɔ ɔyɔle ɔ fa wale ne. Ofikyɛ ndɛenbualɛ bɔ sona ko bɔne fa wale ole foɛbualɛ; nakoso Nyameɛ adom akyɛdeɛ ne de, bɔne pee yɔlɛ si po ne, adom akyɛdeɛ ne abua yɛ be. 17#Nye 20.4; 2 Tim 2.17 Na sɛ ɔnate sona ko bɔne so ewue nyane tumi wɔ sona ko ne so a, ye de bɛ bɔ banya adom mmorosoɛ ne tenenee akyɛdeɛ ne, bɛnate sona ko bɔ ye ole Yesu Kristo ne so bekoli ngonim.
18 #
Rom 4.25
Yiti kyɛbɔ sona ko bɔne fale foɛbualɛ brɛle mmenia mukoraa nen, sɔ ala yeɛ sona ko tenenee fale bebualɛ ne ngoa brɛle mmenia mukoraa ɔ. 19#Flp 2.8 Afei kyɛbɔ ɔnate sona ko asoserɛ so ti mmeni pee yɛle bɔnefoɛ nen, sɔ ala yeɛ ɔnate sona ko sotie so mmeni pee kɔyɛ teneneefoɛ ɔ.
20 #
Gal 3.19; 1 Tim 1.13, 14 Mmeraa ne de ɔwale maa bɔne trɛle, nakoso nekaa bɔ bɔne trɛle nen, Nyameɛ adom ne trɛle maa ɔbole so. 21#Mat 25.46; Rom 3.24 Na kyɛbɔ bɔne nate ewue nu lili hene nen, sɔ ala yeɛ Nyameɛ adom koso kɔnate tenenee nu koli hene ɔ, na ɔkɔfa y’Awurade Yesu Kristo so kɔfa yɛ kɔhɔ daa ngoa nu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.