Romanfoɛ 4
4
Abraham gyidie te mvandoho ma yɛ
(Gyenesise 17.10)
1Yɛ anwoɔnaen nu nana Abraham, bɔ onyane ye ne, nzikyɛ yeɛ yɛkã yɛfa ye nwo ɔ? 2Sɛ Nyameɛ nate Abraham nnwumaa so yeɛ obuale ye be de a, nzaade Abraham le nikyee fa hoahoa ye nwo, nakoso nna Nyameɛ nyunu ɔ. 3#Gye 15.6; Rom 4.9 Na sɛɛ yeɛ Ahyerɛlɛ ne ɔkã ɔ? “Abraham lele Nyameɛ lili, na obuli ye gyidie ne kyɛ tenenee mane ye.” 4Sona bɔ ɔyɔ adwuma ne, bemmu ye akatuaa kyɛ akyɛdeɛ, na mmom ɔte adwuma bɔ ɔyɔ ne nwo akatuaa. 5Na sona bɔ ɔmva ye nwo ndo nnwumaa paa so, na mmom ode Nyameɛ bɔ obua bɔnefoɛ be di nen, Nyameɛ bu sɔ sona ne gyidie kyɛ tenenee ma ye. 6#Any 3.34 Ɛhe ati yeɛ Dawide hane kyɛ, sona bɔ Nyameɛ akwati nnwumaa paa na wabu ye teneneeniɛ ne, saleɛ te ye deɛ. Ɔnwa:
7 #
Any 28.13; Edw 32.1-2 “Bɛ bɔ Nyameɛ afa b’amumuyɛɛ wahyɛ bɛ,
ná wakata bɛ bɔne so ne, banya saleɛ.
8 #
Edw 32.2; 2 Kor 5.19 Sona bɔ Awurade ngɔfa ye bɔne nwo ngondaa ngogua ye so ne, wanya saleɛ.”
9 #
Rom 3.30
Na sɔ saleɛ ne, ɔba bienzuapɛlɛfoɛ ngome so, anaakyɛ bɛmbɛ-bɛ-bienzuafoɛ koso so? Ofikyɛ yɛkã kyɛ, “Nyameɛ buli Abraham gyidie ne kyɛ tenenee mane ye. 10Obuale ye be wɔ atee beni aso? Anzana bɛbaapɛ ye bienzua, anaakyɛ mmerɛ bɔ bɛpɛle ye bienzua ne? Bambɛ ye bienzua koraka, na mmom anzana bɛbaapɛ ye bienzua ne. 11#Gye 17.10; Luk 3.8 Na bɛpɛle ye bienzua maa ɛhe yɛle sɛngyerɛnneɛ ne nzorɛhyɛlɛ bɔ ɔnate gyidie so onyane ye wɔ mmerɛ bɔ né bennya bɛppɛle ye bienzua ɔ. Na ɛhe kyire kyɛ, ebiala bɔ ɔte gyidiniɛ bɔ bennya bɛppɛle ye bienzua ne, Abraham te ye nana, amaa ɔnate so babu bɛ tenenee. 12Sɔ ala yeɛ Abraham te bɛ bɔ bapɛ bɛ bienzua ne bɛ nana ɔ; nna bɛ bienzuapɛlɛ ne ngome po, na mmom bɛfa gyidie bɔ yɛ nana Abraham nyane ye koraka yeɛ bɛpɛ ye bienzua ne bɛyɛ nhwɛsoɛ.
Gyidie nu yeɛ yɛnya Nyameɛ bɔhyɛ ɔ
13 #
Gal 3.29; Gye 17.4-6 Bɔhyɛ bɔ bɛfa bɛmane Abraham ne ye bosofoɛ kyɛ ewiase kɔyɛ bɛ deɛ nen, sɔ bɔhyɛ ne wamva mmeraa ne aso yeɛ ɔwale ɔ, na mmom ɔnate gyidie nwo tenenee so. 14#Gal 3.18 Sɛ bɛ bɔ bedi mmeraa ne aso yeɛ anohoba ne ɔte bɛ deɛ de a, nzaade né gyidie ɔtte hwee, na anohoba ne koso ayɛ mbaen. 15#Gal 3.10 Mmeraa ne twetwe ahonehulɛ piri ne ba, na nekaa bɔ mmeraa nne berɛ nen, mmeraatolɛ nne berɛ. 16#Luk 3.8; Gal 3.16 Yiti bɔhyɛ ne gyi gyidie so, amaa ɔnate so bɔhyɛ ne wagyina adom so, ná watindim berɛ wama ye bosofoɛ amukoraa. Bɔhyɛ ne ɔtte bɛ bɔ bedi mmeraa ne aso ngome bɛ deɛ, na mmom ɔte ebiala bɔ wanya gyidie kyɛbɔ Abraham nyane ye ne koso deɛ; ofikyɛ ɔte yɛ mukoraa yɛ nana, 17#Gye 17.5 kyɛbɔ bahyerɛ kyɛ, “Mafa wɔ mayɛ amaenmaen pee bɛ nana.” Yiti Nyameɛ bɔ Abraham lele ye lili ne, ye bɔ otingye awufoɛ fi ewue nu, ná ɔfa ye noa dwirɛ ma nikyee bɔ ɔnne berɛ kora yɛ berɛ ne, ye nyunu de, Abraham te yɛ nana. 18#Gye 15.5 Ye bɔ mmerɛ bɔ anyelasoɛ nne berɛ ne, ogyinane anyelasoɛ so ole lili, amaa ɔnate so wayɛ amaenmaen pee bɛ nana, kyɛbɔ Nyameɛ hã hyirele ye kyɛ, “Sɔ yeɛ wɔ bosofoɛ bɛkɔyɛ ɔ.” 19#Heb 11.11-12; Gye 17.17 Onwuni kyɛ ye nipadua ne ayɛ mmerɛ, ofikyɛ né wali afoɛ kɔyɛ ɛyaa, afei né ɔse kyɛ Sara te mmotaen, nakoso wamma ye gyidie anhinhim. 20Wanzu aporowaa wamma ye adwene anyɛ ye naa wɔ Nyameɛ bɔhyɛ ne anwo, na mmom ogyinane pindinn wɔ gyidie nu ɔhyɛle Nyameɛ animnyam. 21#Mat 19.26 Na ole lili paa kyɛ Nyameɛ kɔhora kɔma ye anohoba bɔ wabɔ ye ne kɔwa nu. 22Na ye sɔ ati yeɛ Nyameɛ buli ye gyidie ne kyɛ tenenee mane ye ɔ. 23Na sɔ dwirɛ he: “Nyameɛ buli ye gyidie ne kyɛ tenenee mane ye” ne, bangyerɛ bamma ye ngome. 24#Aso 15.4 Bɛhyerɛ bɛmane yɛ koso. Yɛ bɔ yɛde bɔ otingyele y’Awurade Yesu fili awufoɛ nu yɛdi ne, sɔ ala yeɛ bekobu yɛ gyidie bɛkɔma yɛ ɔ; 25#2 Kor 5.21; Yes 53.11 ye bɔ ɔnate yɛ bɔne ti behuni ye, ná ɔnate yɛ bebualɛ ti betingyele ye ɔ.
Currently Selected:
Romanfoɛ 4: EBP
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Romanfoɛ 4
4
Abraham gyidie te mvandoho ma yɛ
(Gyenesise 17.10)
1Yɛ anwoɔnaen nu nana Abraham, bɔ onyane ye ne, nzikyɛ yeɛ yɛkã yɛfa ye nwo ɔ? 2Sɛ Nyameɛ nate Abraham nnwumaa so yeɛ obuale ye be de a, nzaade Abraham le nikyee fa hoahoa ye nwo, nakoso nna Nyameɛ nyunu ɔ. 3#Gye 15.6; Rom 4.9 Na sɛɛ yeɛ Ahyerɛlɛ ne ɔkã ɔ? “Abraham lele Nyameɛ lili, na obuli ye gyidie ne kyɛ tenenee mane ye.” 4Sona bɔ ɔyɔ adwuma ne, bemmu ye akatuaa kyɛ akyɛdeɛ, na mmom ɔte adwuma bɔ ɔyɔ ne nwo akatuaa. 5Na sona bɔ ɔmva ye nwo ndo nnwumaa paa so, na mmom ode Nyameɛ bɔ obua bɔnefoɛ be di nen, Nyameɛ bu sɔ sona ne gyidie kyɛ tenenee ma ye. 6#Any 3.34 Ɛhe ati yeɛ Dawide hane kyɛ, sona bɔ Nyameɛ akwati nnwumaa paa na wabu ye teneneeniɛ ne, saleɛ te ye deɛ. Ɔnwa:
7 #
Any 28.13; Edw 32.1-2 “Bɛ bɔ Nyameɛ afa b’amumuyɛɛ wahyɛ bɛ,
ná wakata bɛ bɔne so ne, banya saleɛ.
8 #
Edw 32.2; 2 Kor 5.19 Sona bɔ Awurade ngɔfa ye bɔne nwo ngondaa ngogua ye so ne, wanya saleɛ.”
9 #
Rom 3.30
Na sɔ saleɛ ne, ɔba bienzuapɛlɛfoɛ ngome so, anaakyɛ bɛmbɛ-bɛ-bienzuafoɛ koso so? Ofikyɛ yɛkã kyɛ, “Nyameɛ buli Abraham gyidie ne kyɛ tenenee mane ye. 10Obuale ye be wɔ atee beni aso? Anzana bɛbaapɛ ye bienzua, anaakyɛ mmerɛ bɔ bɛpɛle ye bienzua ne? Bambɛ ye bienzua koraka, na mmom anzana bɛbaapɛ ye bienzua ne. 11#Gye 17.10; Luk 3.8 Na bɛpɛle ye bienzua maa ɛhe yɛle sɛngyerɛnneɛ ne nzorɛhyɛlɛ bɔ ɔnate gyidie so onyane ye wɔ mmerɛ bɔ né bennya bɛppɛle ye bienzua ɔ. Na ɛhe kyire kyɛ, ebiala bɔ ɔte gyidiniɛ bɔ bennya bɛppɛle ye bienzua ne, Abraham te ye nana, amaa ɔnate so babu bɛ tenenee. 12Sɔ ala yeɛ Abraham te bɛ bɔ bapɛ bɛ bienzua ne bɛ nana ɔ; nna bɛ bienzuapɛlɛ ne ngome po, na mmom bɛfa gyidie bɔ yɛ nana Abraham nyane ye koraka yeɛ bɛpɛ ye bienzua ne bɛyɛ nhwɛsoɛ.
Gyidie nu yeɛ yɛnya Nyameɛ bɔhyɛ ɔ
13 #
Gal 3.29; Gye 17.4-6 Bɔhyɛ bɔ bɛfa bɛmane Abraham ne ye bosofoɛ kyɛ ewiase kɔyɛ bɛ deɛ nen, sɔ bɔhyɛ ne wamva mmeraa ne aso yeɛ ɔwale ɔ, na mmom ɔnate gyidie nwo tenenee so. 14#Gal 3.18 Sɛ bɛ bɔ bedi mmeraa ne aso yeɛ anohoba ne ɔte bɛ deɛ de a, nzaade né gyidie ɔtte hwee, na anohoba ne koso ayɛ mbaen. 15#Gal 3.10 Mmeraa ne twetwe ahonehulɛ piri ne ba, na nekaa bɔ mmeraa nne berɛ nen, mmeraatolɛ nne berɛ. 16#Luk 3.8; Gal 3.16 Yiti bɔhyɛ ne gyi gyidie so, amaa ɔnate so bɔhyɛ ne wagyina adom so, ná watindim berɛ wama ye bosofoɛ amukoraa. Bɔhyɛ ne ɔtte bɛ bɔ bedi mmeraa ne aso ngome bɛ deɛ, na mmom ɔte ebiala bɔ wanya gyidie kyɛbɔ Abraham nyane ye ne koso deɛ; ofikyɛ ɔte yɛ mukoraa yɛ nana, 17#Gye 17.5 kyɛbɔ bahyerɛ kyɛ, “Mafa wɔ mayɛ amaenmaen pee bɛ nana.” Yiti Nyameɛ bɔ Abraham lele ye lili ne, ye bɔ otingye awufoɛ fi ewue nu, ná ɔfa ye noa dwirɛ ma nikyee bɔ ɔnne berɛ kora yɛ berɛ ne, ye nyunu de, Abraham te yɛ nana. 18#Gye 15.5 Ye bɔ mmerɛ bɔ anyelasoɛ nne berɛ ne, ogyinane anyelasoɛ so ole lili, amaa ɔnate so wayɛ amaenmaen pee bɛ nana, kyɛbɔ Nyameɛ hã hyirele ye kyɛ, “Sɔ yeɛ wɔ bosofoɛ bɛkɔyɛ ɔ.” 19#Heb 11.11-12; Gye 17.17 Onwuni kyɛ ye nipadua ne ayɛ mmerɛ, ofikyɛ né wali afoɛ kɔyɛ ɛyaa, afei né ɔse kyɛ Sara te mmotaen, nakoso wamma ye gyidie anhinhim. 20Wanzu aporowaa wamma ye adwene anyɛ ye naa wɔ Nyameɛ bɔhyɛ ne anwo, na mmom ogyinane pindinn wɔ gyidie nu ɔhyɛle Nyameɛ animnyam. 21#Mat 19.26 Na ole lili paa kyɛ Nyameɛ kɔhora kɔma ye anohoba bɔ wabɔ ye ne kɔwa nu. 22Na ye sɔ ati yeɛ Nyameɛ buli ye gyidie ne kyɛ tenenee mane ye ɔ. 23Na sɔ dwirɛ he: “Nyameɛ buli ye gyidie ne kyɛ tenenee mane ye” ne, bangyerɛ bamma ye ngome. 24#Aso 15.4 Bɛhyerɛ bɛmane yɛ koso. Yɛ bɔ yɛde bɔ otingyele y’Awurade Yesu fili awufoɛ nu yɛdi ne, sɔ ala yeɛ bekobu yɛ gyidie bɛkɔma yɛ ɔ; 25#2 Kor 5.21; Yes 53.11 ye bɔ ɔnate yɛ bɔne ti behuni ye, ná ɔnate yɛ bebualɛ ti betingyele ye ɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.