Asomafoɛ 24
24
Tɛtulo bɔ Pɔɔlo kwaadu
1Ye elennu ne aso, ɔsɔfo panyi paa Anania ne maen mbanyi ne kyeame bie bɔ bɛfrɛ ye Tɛtulo wale Kaesarea, na bɛfale Pɔɔlo nwo dwirɛ bɛtole amrado Felise nyunu. 2Bɛfrɛle Pɔɔlo maa ɔwale, na Tɛtulo hyɛle ye bo bɔle ye kwaadu kyɛ, “Daasebrɛ Felise, ɔnate kyɛ w’adaworoma yanya asomdwee paa, ná asa koso ɔnate wɔ ti mbonduo adwuma pee kɔ so bɔ ɔpagya maen ye ɔ ne ati, 3Daasebrɛ Felise, daa yɛ nye sɔ bɔ ayɔ ne amu wɔ nekaa biala, na yɛyɛ wɔ mmo. 4Na kyɛbɔ ɔkɔyɛ na manzɛkye wɔ mmerɛ ne ati, mesrɛ wɔ ala, wɔ adaworoma, tie yɛ kãa bie. 5Yanwu kyɛ sɔ akoaa he te busueniɛ bɔ ɔbɔ maen ɔ. Ɔfa manzoen toto Yudafoɛ amukoraa bɔ bɛwɔ ewiase amukoraa b’afia, na ye yeɛ ɔte Nasarɛtefoɛ fekue ne aso panyi ɔ. 6Asa koso ɔyɛle kyɛ ɔfa efiɛ ka asɔneyɛɛ sua ne, na yɛhyele ye. Yɛyɛle kyɛ ahaa yɛgyina yɛ bɔbɔ yɛ mmeraa so yɛdi ye dwirɛ, [ 7nakoso safohene Lisia wale ɔɔfale patapaa lele ye fili yɛ sa nu.]#24.7: Tete Ahyerɛlɛ ne bie fa ngyekyɛmuɛ 7 boka so. 8Na ɔhyɛle kyɛ ye kwaadubɔlɛfoɛ nemɔ bɛbra wɔ nyunu. Na sɛ wɔ bɔbɔ ebisa akoaa he tie ye noa dwirɛ a, ekonwu nikyee bɔ yiti yabɔ ye kwaadu ne.” 9Na Yudafoɛ nemɔ foale ye dwirɛ ne aso kyɛ ɔte nahorɛ.
Pɔɔlo sa ye nwo wɔ amrado Felise nyunu
10Amrado ne yɛle kyɛ Pɔɔlo dwudwo, na obuale kyɛ, “Mese kyɛ ɛyɛle maen he aso ndɛenbualɛniɛ ɔ, afoɛ pee awa; yiti ɔyɛ me fɛ kyɛ ngyi wɔ nyunu meye me noa ɔ. 11Na kyɛbɔ wɔ bɔbɔ ɛse ne, eleburu ne nyɔ ɛhe yeɛ ngɔle Yerusalem kyɛ mekwaasɔne Nyameɛ ɔ. 12Bannwu me kyɛ me ne ebiala yɛsu aporowaa wɔ asɔneyɛɛ sua ne anu, anaakyɛ metu mmenia foɛ tɛɛ wɔ nyianu sua nemɔ nu, anaa kuro ne anu. 13Yeɛ koso belle ɛsoentolɛ he nwo adanzeɛ biala benni bengyire wɔ. 14Na ɛhe de, mede meto nu wɔ wɔ nyunu kyɛ, Atee#24.14: Okyire Kristosom. bɔ bɛnwa ɔte ngondombo atee ne yeɛ mefa so mesɔne yɛ nana mɔ Nyameɛ ɔ. Yeɛ mede nikyee biala bɔ bahyerɛ ye wɔ Mose mmeraa ne ngɔmhyɛlɛfoɛ nwomaa ne anu medi. 15Na anyelasoɛ komapɛ bɔ ɔla berɛ ma me wɔ Nyameɛ nu kyɛ mmenia mukoraa, teneneefoɛ ne bɔnefoɛ, kodwɔso kofi awufoɛ nu ne koso ala yeɛ ɔla berɛ ma bɛ ɔ. 16Ɛhe ati, mmerɛ biala mebɔ mmɔden kyɛ me tiboa ngobua me foɛ wɔ Nyameɛ ne kuro sona nyunu ɔ.
17 #
Aso 21.17-28
“Na afei afoɛ pee asi, mmale kyɛ mebaayɛ me maen adɔeɛ ná mebɔ afɔleɛ mema Nyameɛ. 18Na nwɔ ɛhe aso bɔ meyɔ, wɔ mmerɛ bɔ mepete me nwo ne, yeɛ Yudafoɛ biemɔ bɔ befi Asia manzini nu nwuni me wɔ asɔneyɛɛ sua ne anu ɔ. Né ɛlɔen biala ɔbboka me so; yeɛ afei né basabasa biala nne berɛ. 19Na sɔ mmenia nemɔ yeɛ odi kyɛ ahaa bɛba wɔ nyunu wa, na sɛ bele me nwo dwirɛ bie a, babɔ me kwaadu. 20Anaakyɛ ma mmenia bɔ bɛwɔ wa kekesaala ye bɛha bɔne horɛ bɔ badwafoɛ ne nwuni ye me nwo wɔ bɛ nyunu ɔ; 21#Aso 23.6 sana nikyee komapɛ bɔ ngyinane bɛ nyunu berɛ ndeane nu ngane ɔ, kyɛ, ‘Awufoɛ ewutingyelɛ nwo yeɛ ɛmɔbua me ndɛen ɛnɛ ye.’ ”
22Né Felise le Atee ne nwo nimdeɛ paa, yiti ɔmaa besale bɛ si, na osele bɛ kyɛ, “Sɛ safohene Lisia ba a, yeɛ ngɔnea ngoli ɛmɔ dwirɛ ne ɔ.” 23Afei osele asraafoɛ panyi bɔ Pɔɔlo wura ye sa ne kyɛ ɔfa ye sie, yeɛ nnɛmaa ɔyɔ ye nikyee biala; na sɛ ye nwo sona bie ba kyɛ ɔbaasra ye a, nnɛmaa besi ye ate.
Felise ne Drusila tie Pɔɔlo noa dwirɛ
24Ngyẽa kãa bie asi ne, Felise ne ɔye Yudaniɛ bɔ bɛfrɛ ye Drusila bɛwale. Felise somane maa bɛɛfale Pɔɔlo bɛwale, na ɔmaa ɔhane Kristo Yesu nu gyidie nwo dwirɛ maa otiele. 25Na Pɔɔlo wɔ so bɔ ɔkã tenenee ne anwohyɛsoɛ ne ndɛenbualɛ kyẽa bɔ ɔbaawa ne nwo dwirɛ nen, Felise kunu tetele ye, na osele ye kyɛ, “Kekesaala ye de, kɔ; na sɛ menya ye nwo a, ngɔmaa bɛkɔɔfrɛ wɔ bieku.” 26Né ye nye la so kyɛ Pɔɔlo kɔma ye sikaa ná wayakyi ye, yiti né ɔtaa soma maa bɛkɔɔfrɛ ye maa ɔne ye bɛbɔ ngɔmɔ.
27Afoɛ nyɔ asi ne, Pɔkio Festo sili amrado Felise gya nu. Né Felise pena kyɛ ɔyɔ nikyee ma Yudafoɛ ne nye sɔ, yiti ɔmaa Pɔɔlo hale kuku nu berɛ.
Currently Selected:
Asomafoɛ 24: EBP
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Asomafoɛ 24
24
Tɛtulo bɔ Pɔɔlo kwaadu
1Ye elennu ne aso, ɔsɔfo panyi paa Anania ne maen mbanyi ne kyeame bie bɔ bɛfrɛ ye Tɛtulo wale Kaesarea, na bɛfale Pɔɔlo nwo dwirɛ bɛtole amrado Felise nyunu. 2Bɛfrɛle Pɔɔlo maa ɔwale, na Tɛtulo hyɛle ye bo bɔle ye kwaadu kyɛ, “Daasebrɛ Felise, ɔnate kyɛ w’adaworoma yanya asomdwee paa, ná asa koso ɔnate wɔ ti mbonduo adwuma pee kɔ so bɔ ɔpagya maen ye ɔ ne ati, 3Daasebrɛ Felise, daa yɛ nye sɔ bɔ ayɔ ne amu wɔ nekaa biala, na yɛyɛ wɔ mmo. 4Na kyɛbɔ ɔkɔyɛ na manzɛkye wɔ mmerɛ ne ati, mesrɛ wɔ ala, wɔ adaworoma, tie yɛ kãa bie. 5Yanwu kyɛ sɔ akoaa he te busueniɛ bɔ ɔbɔ maen ɔ. Ɔfa manzoen toto Yudafoɛ amukoraa bɔ bɛwɔ ewiase amukoraa b’afia, na ye yeɛ ɔte Nasarɛtefoɛ fekue ne aso panyi ɔ. 6Asa koso ɔyɛle kyɛ ɔfa efiɛ ka asɔneyɛɛ sua ne, na yɛhyele ye. Yɛyɛle kyɛ ahaa yɛgyina yɛ bɔbɔ yɛ mmeraa so yɛdi ye dwirɛ, [ 7nakoso safohene Lisia wale ɔɔfale patapaa lele ye fili yɛ sa nu.]#24.7: Tete Ahyerɛlɛ ne bie fa ngyekyɛmuɛ 7 boka so. 8Na ɔhyɛle kyɛ ye kwaadubɔlɛfoɛ nemɔ bɛbra wɔ nyunu. Na sɛ wɔ bɔbɔ ebisa akoaa he tie ye noa dwirɛ a, ekonwu nikyee bɔ yiti yabɔ ye kwaadu ne.” 9Na Yudafoɛ nemɔ foale ye dwirɛ ne aso kyɛ ɔte nahorɛ.
Pɔɔlo sa ye nwo wɔ amrado Felise nyunu
10Amrado ne yɛle kyɛ Pɔɔlo dwudwo, na obuale kyɛ, “Mese kyɛ ɛyɛle maen he aso ndɛenbualɛniɛ ɔ, afoɛ pee awa; yiti ɔyɛ me fɛ kyɛ ngyi wɔ nyunu meye me noa ɔ. 11Na kyɛbɔ wɔ bɔbɔ ɛse ne, eleburu ne nyɔ ɛhe yeɛ ngɔle Yerusalem kyɛ mekwaasɔne Nyameɛ ɔ. 12Bannwu me kyɛ me ne ebiala yɛsu aporowaa wɔ asɔneyɛɛ sua ne anu, anaakyɛ metu mmenia foɛ tɛɛ wɔ nyianu sua nemɔ nu, anaa kuro ne anu. 13Yeɛ koso belle ɛsoentolɛ he nwo adanzeɛ biala benni bengyire wɔ. 14Na ɛhe de, mede meto nu wɔ wɔ nyunu kyɛ, Atee#24.14: Okyire Kristosom. bɔ bɛnwa ɔte ngondombo atee ne yeɛ mefa so mesɔne yɛ nana mɔ Nyameɛ ɔ. Yeɛ mede nikyee biala bɔ bahyerɛ ye wɔ Mose mmeraa ne ngɔmhyɛlɛfoɛ nwomaa ne anu medi. 15Na anyelasoɛ komapɛ bɔ ɔla berɛ ma me wɔ Nyameɛ nu kyɛ mmenia mukoraa, teneneefoɛ ne bɔnefoɛ, kodwɔso kofi awufoɛ nu ne koso ala yeɛ ɔla berɛ ma bɛ ɔ. 16Ɛhe ati, mmerɛ biala mebɔ mmɔden kyɛ me tiboa ngobua me foɛ wɔ Nyameɛ ne kuro sona nyunu ɔ.
17 #
Aso 21.17-28
“Na afei afoɛ pee asi, mmale kyɛ mebaayɛ me maen adɔeɛ ná mebɔ afɔleɛ mema Nyameɛ. 18Na nwɔ ɛhe aso bɔ meyɔ, wɔ mmerɛ bɔ mepete me nwo ne, yeɛ Yudafoɛ biemɔ bɔ befi Asia manzini nu nwuni me wɔ asɔneyɛɛ sua ne anu ɔ. Né ɛlɔen biala ɔbboka me so; yeɛ afei né basabasa biala nne berɛ. 19Na sɔ mmenia nemɔ yeɛ odi kyɛ ahaa bɛba wɔ nyunu wa, na sɛ bele me nwo dwirɛ bie a, babɔ me kwaadu. 20Anaakyɛ ma mmenia bɔ bɛwɔ wa kekesaala ye bɛha bɔne horɛ bɔ badwafoɛ ne nwuni ye me nwo wɔ bɛ nyunu ɔ; 21#Aso 23.6 sana nikyee komapɛ bɔ ngyinane bɛ nyunu berɛ ndeane nu ngane ɔ, kyɛ, ‘Awufoɛ ewutingyelɛ nwo yeɛ ɛmɔbua me ndɛen ɛnɛ ye.’ ”
22Né Felise le Atee ne nwo nimdeɛ paa, yiti ɔmaa besale bɛ si, na osele bɛ kyɛ, “Sɛ safohene Lisia ba a, yeɛ ngɔnea ngoli ɛmɔ dwirɛ ne ɔ.” 23Afei osele asraafoɛ panyi bɔ Pɔɔlo wura ye sa ne kyɛ ɔfa ye sie, yeɛ nnɛmaa ɔyɔ ye nikyee biala; na sɛ ye nwo sona bie ba kyɛ ɔbaasra ye a, nnɛmaa besi ye ate.
Felise ne Drusila tie Pɔɔlo noa dwirɛ
24Ngyẽa kãa bie asi ne, Felise ne ɔye Yudaniɛ bɔ bɛfrɛ ye Drusila bɛwale. Felise somane maa bɛɛfale Pɔɔlo bɛwale, na ɔmaa ɔhane Kristo Yesu nu gyidie nwo dwirɛ maa otiele. 25Na Pɔɔlo wɔ so bɔ ɔkã tenenee ne anwohyɛsoɛ ne ndɛenbualɛ kyẽa bɔ ɔbaawa ne nwo dwirɛ nen, Felise kunu tetele ye, na osele ye kyɛ, “Kekesaala ye de, kɔ; na sɛ menya ye nwo a, ngɔmaa bɛkɔɔfrɛ wɔ bieku.” 26Né ye nye la so kyɛ Pɔɔlo kɔma ye sikaa ná wayakyi ye, yiti né ɔtaa soma maa bɛkɔɔfrɛ ye maa ɔne ye bɛbɔ ngɔmɔ.
27Afoɛ nyɔ asi ne, Pɔkio Festo sili amrado Felise gya nu. Né Felise pena kyɛ ɔyɔ nikyee ma Yudafoɛ ne nye sɔ, yiti ɔmaa Pɔɔlo hale kuku nu berɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.