Asomafoɛ 23
23
1Pɔɔlo tole ye nye neane badwafoɛ ne haa na osele kyɛ, “Aliɛmaa mɔ, me tiboa mmua me foɛ wɔ me bra bɔ mabɔ wɔ Nyameɛ nyunu tonn maa waadwu ɛnɛ ye nwo.” 2Na ɔsɔfo panyi paa Anania hyɛle bɛ bɔ begyigyi Pɔɔlo nwo berɛ ne kyɛ befi ye noa so. 3Yeɛ Pɔɔlo koso sele ye kyɛ, “Wɔ yeɛ Nyameɛ kɔbɔ wɔ ɔ. Wɔ, fasue bɔ bahã ye nwo fufue ɔ!#23.3: Nea Mat 23.27; Hes 13.10-15. Wɔ yeɛ ɛte berɛ egyina mmeraa ne aso ebua me ndɛen ɔ, nakoso wɔ wora ebu mmeraa ne aso ɛhyɛ kyɛ bɛbɔ me!” 4Na bɛ bɔ begyigyi berɛ ne sele ye kyɛ, “Yiti Nyameɛ sɔfo panyi paa yeɛ ɛwɔ ye safure ye?” 5#Ɛks 22.28 Na Pɔɔlo buale kyɛ, “Aliɛmaa mɔ Yisraelfoɛ, né menze kyɛ ɔte ɔsɔfo panyi paa ɔ; ofikyɛ bahyerɛ kyɛ, ‘Ɔnzɛ kyɛ ɛkã wɔ maen panyi nwo dwirɛ tɛɛ ɔ.’ ”
6Na mmerɛ bɔ Pɔɔlo nwuni kyɛ mmenia ne bue bɛte Sadusiifoɛ, ná bɛ bue koso bɛte Farasiifoɛ nen, ɔteane nu wɔ badwa ne anu kyɛ, “Aliɛmaa mɔ, nde Farasiiniɛ, Farasiifoɛ awa; na ɔnate awufoɛ etingyelɛ ne ye nwo anyelasoɛ ti yeɛ bébua me ndɛen ye” 7Na ɔhane sɔ dwirɛ ne pɛ, edwudwolɛ wale Farasiifoɛ ne Sadusiifoɛ nemɔ b’afia, na mmenia ne anu hyɛle nyɔ. 8#Mat 22.23; Mak 12.18; Luk 20.27 Ɔnate kyɛ Sadusiifoɛ ne nwa awufoɛ dwɔsolɛ anaa abɔfo anaa sunzum biala nne berɛ; nakoso Farasiifoɛ ne de, bede ye mukoraa bedi. 9Bɛteateane nu serɛserɛ, na ahyerɛlɛfoɛ biemɔ bɔ bɛwɔ Farasiifoɛ fekue ne anu bedwɔso bedwudwole anyeborolɛ so kyɛ, “Yɛnnwu bɔne biala wɔ sɔ biaa he nwo. Ebie po a, né sunzum anaa abɔfo bie yeɛ odwudwo hyirele ye ɔ. Nnɛmɔma yɛko yɛtia Nyameɛ!”
10Afei ɛtealɛ ne hɔle so serɛserɛ maa safohene ne surole kyɛ bɛkɔtete Pɔɔlo nu pasapasa koraa. Yiti ɔhyɛle ye asraafoɛ nemɔ kyɛ bedwu bɛhɔ mmenia ne anu dɔ beefoti ye befi bɛ sa nu, ná bɛfa ye bɛhɔ b’adwuma nu dɔ.
11Sɔ kɔngɔen ne, Awurade wale oogyinane Pɔɔlo nwo berɛ sele ye kyɛ, “Nnɛsuro! Na kyɛbɔ ali me nwo adanzeɛ wɔ Yerusalem nen, sɔ ala koso yeɛ odi kyɛ edi me nwo adanzeɛ wɔ Rome ɔ.”
Yudafoɛ biemɔ bɔ Pɔɔlo ti so porɛ
12Aleɛ hyene nen, Yudafoɛ biemɔ yɛle ko bɛfale adwene; na bɛtale ndaen kyɛ bengodidi anaa bɛngɔno hwee, sana banya Pɔɔlo bahu ye koraa. 13Mmenia bɔ bɛbɔle sɔ porɛ ne bɛbo aburanna. 14Na bɛhɔle asɔfo mbanyi ne maen mbanyi nemɔ berɛ beesele bɛ kyɛ, “Yata ndaen kyɛ ɛhwee ngɔhã yɛ noa, sana yahu Pɔɔlo koraa. 15Yiti ɛmɔ ne badwafoɛ ne bɛbɔ nu bɛsoma ma beese Roman safohene ne kyɛ ɔma bɛfa Pɔɔlo bɛbrɛ ɛmɔ; kyɛ ɛmɔpena kyɛ ɛmɔneanea ye dwirɛ ne anu yé. Na yɛ de, kyɛ ɔyɛ na oodwu wa ne, né yahu ye dadaada.”
16Nakoso Pɔɔlo awosea bienzua tele kyɛ bɛkwaatɛ ye atunu; yiti ɔhɔle asraafoɛ nemɔ b’adwuma nu berɛ ɔɔbɔle Pɔɔlo amaneɛ. 17Na Pɔɔlo frɛle asraafoɛ mbanyi ne ko sele ye kyɛ, “Fa sɔ aberandeɛ ye kɔ safohene ne berɛ, na ole dwirɛ kã kyire ye.” 18Yiti ɔfale aberandeɛ ne hɔle safohene ne berɛ, na ɔhane kyɛ, “Kukununiɛ Pɔɔlo frɛle me srɛle me kyɛ mva sɔ aberandeɛ ye mmra wɔ berɛ, na ole dwirɛ kã kyire wɔ.” 19Na safohene ne sɔle aberandeɛ ne sa fale ye hɔle ahameɛ, na obisale ye kyɛ, “Nzikyɛ dwirɛ yeɛ ele ye kã kyire me ɔ?” 20Na obuale kyɛ, “Yudafoɛ abɔ porɛ kyɛ bɛkɔɔsrɛ wɔ maa ɛhema ɛkɔfa Pɔɔlo kɔbrɛ badwafoɛ ne, kyɛ bɛkwaaneanea ye dwirɛ ne anu yé. 21Nakoso nnɛtɛ bɛ so, ɔnate kyɛ bɛ nu biemɔ kɔbo aburanna kɔtɛ ye atunu; na bata ndaen kyɛ bengodidi anaa bɛngɔno hwee, sana banya ye bahu ye koraa. Yiti kekesaala ye, baboaboa bɛ nwo, na bɛnwondɛ kyɛ ɛkɔpene so ɔ.”
22Na safohene ne hyɛle aberandeɛ ne kyɛ, “Nnɛbɔ so kyire ebiala kyɛ aha sɔ dwirɛ ne ahyire me!” Na afei ɔmaa ɔhɔle.
Bɛfale Pɔɔlo bɛɛmane amrado Felise
23Safohene ne frɛle asraafoɛ mbanyi nyɔ sele bɛ kyɛ, “Ɛmɔboaboa asraafoɛ ɛyaa nyɔ, pɔngɔhanɛfoɛ aburasoo, yeɛ bɛ bɔ bɛto pealɛɛ wora ɛyaa nyɔ noa ma bɛhɔ Kaesarea. Ɛ́mɔma betu bɛ bo kɔngɔen nnɔngono. 24Ɛ́mɔsiesie mbɔngɔ bɛ́ma Pɔɔlo, ná ɛ́mɔbɔ ye nwo waen bɛɛfa ye bɛma amrado Felise.” 25Na safohene ne hyerɛle sɔ krataa he maa bɛhɔle: 26“Me, Klɔdio Lisia yeɛ mekyerɛ krataa he mebrɛ Daasebrɛ amrado Felise ɔ; mebisa wɔ. 27Yudafoɛ hyele sɔ biaa he, na ɔhale kãa bie maa behuni ye. Ndele kyɛ ɔte Romanniɛ, yiti me ne asraafoɛ nemɔ yɛhɔle berɛ yɛɛpepɛ yɛlele ye. 28Né mepena kyɛ menwu nikye horɛ bɔ bɛnwa wayɔ ɔ, yiti mvale ye ngɔle bɛ badwafoɛ nemɔ nyunu. 29Nakoso nwuni kyɛ ɔyyɔle nikyee biala bɔ ɔfata ehunɛ anaakyɛ kuku nu tolɛ ɔ; na mmom bɛ bɔbɔ bɛ mmeraa nwo yeɛ babɔ ye kwaadu ɔ. 30Afei ndele ye nwo bie kyɛ babɔ ye ti so porɛ bɔ bɛpena ye beku ye ɔ. Ɛhe ati nyɛle m’adwene berɛ ne ala kyɛ bɛfa ye bɛbrɛ wɔ; na mahã mahyire ye kwaadubɔlɛfoɛ nemɔ kyɛ bɛbra wɔ nyunu bɛɛbɔ ye kwaadu.”
31Na kyɛbɔ safohene ne hyɛle asraafoɛ nen, bɛfale Pɔɔlo kɔngɔen ne bɛ ne ye hɔle tonn beedwuli Antipatri. 32Aleɛ hyene ne, asraafoɛ bɔ bɛnate ase ne sa wale b’adwuma nu; na bɛyakyili pɔngɔhanɛfoɛ nemɔ maa bɛ ne Pɔɔlo toale so bɛhɔle. 33Bɛ ne ye hɔle beedwuli Kaesarea, bɛyele krataa ne bɛmane amrado ne, na bɛfale Pɔɔlo koso bewurale ye sa. 34Amrado ne kengale krataa ne, na obisale Pɔɔlo manzini horɛ bɔ ofi nu ɔ. Na ɔtele kyɛ ofi Kilikia nen, 35ɔhane kyɛ, “Sɛ wɔ kwaadubɔlɛfoɛ nemɔ bɛba a, yeɛ ngotie wɔ noa dwirɛ ɔ.” Na ɔhyɛle kyɛ bɛfa Pɔɔlo besie Herode ahemvie#23.35: Ɛhene Herode yeɛ osili sɔ ahemvie ne ɔ. Nziɛ ye oolili Roman amradofoɛ ne sa nu. ne anu.
Currently Selected:
Asomafoɛ 23: EBP
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Asomafoɛ 23
23
1Pɔɔlo tole ye nye neane badwafoɛ ne haa na osele kyɛ, “Aliɛmaa mɔ, me tiboa mmua me foɛ wɔ me bra bɔ mabɔ wɔ Nyameɛ nyunu tonn maa waadwu ɛnɛ ye nwo.” 2Na ɔsɔfo panyi paa Anania hyɛle bɛ bɔ begyigyi Pɔɔlo nwo berɛ ne kyɛ befi ye noa so. 3Yeɛ Pɔɔlo koso sele ye kyɛ, “Wɔ yeɛ Nyameɛ kɔbɔ wɔ ɔ. Wɔ, fasue bɔ bahã ye nwo fufue ɔ!#23.3: Nea Mat 23.27; Hes 13.10-15. Wɔ yeɛ ɛte berɛ egyina mmeraa ne aso ebua me ndɛen ɔ, nakoso wɔ wora ebu mmeraa ne aso ɛhyɛ kyɛ bɛbɔ me!” 4Na bɛ bɔ begyigyi berɛ ne sele ye kyɛ, “Yiti Nyameɛ sɔfo panyi paa yeɛ ɛwɔ ye safure ye?” 5#Ɛks 22.28 Na Pɔɔlo buale kyɛ, “Aliɛmaa mɔ Yisraelfoɛ, né menze kyɛ ɔte ɔsɔfo panyi paa ɔ; ofikyɛ bahyerɛ kyɛ, ‘Ɔnzɛ kyɛ ɛkã wɔ maen panyi nwo dwirɛ tɛɛ ɔ.’ ”
6Na mmerɛ bɔ Pɔɔlo nwuni kyɛ mmenia ne bue bɛte Sadusiifoɛ, ná bɛ bue koso bɛte Farasiifoɛ nen, ɔteane nu wɔ badwa ne anu kyɛ, “Aliɛmaa mɔ, nde Farasiiniɛ, Farasiifoɛ awa; na ɔnate awufoɛ etingyelɛ ne ye nwo anyelasoɛ ti yeɛ bébua me ndɛen ye” 7Na ɔhane sɔ dwirɛ ne pɛ, edwudwolɛ wale Farasiifoɛ ne Sadusiifoɛ nemɔ b’afia, na mmenia ne anu hyɛle nyɔ. 8#Mat 22.23; Mak 12.18; Luk 20.27 Ɔnate kyɛ Sadusiifoɛ ne nwa awufoɛ dwɔsolɛ anaa abɔfo anaa sunzum biala nne berɛ; nakoso Farasiifoɛ ne de, bede ye mukoraa bedi. 9Bɛteateane nu serɛserɛ, na ahyerɛlɛfoɛ biemɔ bɔ bɛwɔ Farasiifoɛ fekue ne anu bedwɔso bedwudwole anyeborolɛ so kyɛ, “Yɛnnwu bɔne biala wɔ sɔ biaa he nwo. Ebie po a, né sunzum anaa abɔfo bie yeɛ odwudwo hyirele ye ɔ. Nnɛmɔma yɛko yɛtia Nyameɛ!”
10Afei ɛtealɛ ne hɔle so serɛserɛ maa safohene ne surole kyɛ bɛkɔtete Pɔɔlo nu pasapasa koraa. Yiti ɔhyɛle ye asraafoɛ nemɔ kyɛ bedwu bɛhɔ mmenia ne anu dɔ beefoti ye befi bɛ sa nu, ná bɛfa ye bɛhɔ b’adwuma nu dɔ.
11Sɔ kɔngɔen ne, Awurade wale oogyinane Pɔɔlo nwo berɛ sele ye kyɛ, “Nnɛsuro! Na kyɛbɔ ali me nwo adanzeɛ wɔ Yerusalem nen, sɔ ala koso yeɛ odi kyɛ edi me nwo adanzeɛ wɔ Rome ɔ.”
Yudafoɛ biemɔ bɔ Pɔɔlo ti so porɛ
12Aleɛ hyene nen, Yudafoɛ biemɔ yɛle ko bɛfale adwene; na bɛtale ndaen kyɛ bengodidi anaa bɛngɔno hwee, sana banya Pɔɔlo bahu ye koraa. 13Mmenia bɔ bɛbɔle sɔ porɛ ne bɛbo aburanna. 14Na bɛhɔle asɔfo mbanyi ne maen mbanyi nemɔ berɛ beesele bɛ kyɛ, “Yata ndaen kyɛ ɛhwee ngɔhã yɛ noa, sana yahu Pɔɔlo koraa. 15Yiti ɛmɔ ne badwafoɛ ne bɛbɔ nu bɛsoma ma beese Roman safohene ne kyɛ ɔma bɛfa Pɔɔlo bɛbrɛ ɛmɔ; kyɛ ɛmɔpena kyɛ ɛmɔneanea ye dwirɛ ne anu yé. Na yɛ de, kyɛ ɔyɛ na oodwu wa ne, né yahu ye dadaada.”
16Nakoso Pɔɔlo awosea bienzua tele kyɛ bɛkwaatɛ ye atunu; yiti ɔhɔle asraafoɛ nemɔ b’adwuma nu berɛ ɔɔbɔle Pɔɔlo amaneɛ. 17Na Pɔɔlo frɛle asraafoɛ mbanyi ne ko sele ye kyɛ, “Fa sɔ aberandeɛ ye kɔ safohene ne berɛ, na ole dwirɛ kã kyire ye.” 18Yiti ɔfale aberandeɛ ne hɔle safohene ne berɛ, na ɔhane kyɛ, “Kukununiɛ Pɔɔlo frɛle me srɛle me kyɛ mva sɔ aberandeɛ ye mmra wɔ berɛ, na ole dwirɛ kã kyire wɔ.” 19Na safohene ne sɔle aberandeɛ ne sa fale ye hɔle ahameɛ, na obisale ye kyɛ, “Nzikyɛ dwirɛ yeɛ ele ye kã kyire me ɔ?” 20Na obuale kyɛ, “Yudafoɛ abɔ porɛ kyɛ bɛkɔɔsrɛ wɔ maa ɛhema ɛkɔfa Pɔɔlo kɔbrɛ badwafoɛ ne, kyɛ bɛkwaaneanea ye dwirɛ ne anu yé. 21Nakoso nnɛtɛ bɛ so, ɔnate kyɛ bɛ nu biemɔ kɔbo aburanna kɔtɛ ye atunu; na bata ndaen kyɛ bengodidi anaa bɛngɔno hwee, sana banya ye bahu ye koraa. Yiti kekesaala ye, baboaboa bɛ nwo, na bɛnwondɛ kyɛ ɛkɔpene so ɔ.”
22Na safohene ne hyɛle aberandeɛ ne kyɛ, “Nnɛbɔ so kyire ebiala kyɛ aha sɔ dwirɛ ne ahyire me!” Na afei ɔmaa ɔhɔle.
Bɛfale Pɔɔlo bɛɛmane amrado Felise
23Safohene ne frɛle asraafoɛ mbanyi nyɔ sele bɛ kyɛ, “Ɛmɔboaboa asraafoɛ ɛyaa nyɔ, pɔngɔhanɛfoɛ aburasoo, yeɛ bɛ bɔ bɛto pealɛɛ wora ɛyaa nyɔ noa ma bɛhɔ Kaesarea. Ɛ́mɔma betu bɛ bo kɔngɔen nnɔngono. 24Ɛ́mɔsiesie mbɔngɔ bɛ́ma Pɔɔlo, ná ɛ́mɔbɔ ye nwo waen bɛɛfa ye bɛma amrado Felise.” 25Na safohene ne hyerɛle sɔ krataa he maa bɛhɔle: 26“Me, Klɔdio Lisia yeɛ mekyerɛ krataa he mebrɛ Daasebrɛ amrado Felise ɔ; mebisa wɔ. 27Yudafoɛ hyele sɔ biaa he, na ɔhale kãa bie maa behuni ye. Ndele kyɛ ɔte Romanniɛ, yiti me ne asraafoɛ nemɔ yɛhɔle berɛ yɛɛpepɛ yɛlele ye. 28Né mepena kyɛ menwu nikye horɛ bɔ bɛnwa wayɔ ɔ, yiti mvale ye ngɔle bɛ badwafoɛ nemɔ nyunu. 29Nakoso nwuni kyɛ ɔyyɔle nikyee biala bɔ ɔfata ehunɛ anaakyɛ kuku nu tolɛ ɔ; na mmom bɛ bɔbɔ bɛ mmeraa nwo yeɛ babɔ ye kwaadu ɔ. 30Afei ndele ye nwo bie kyɛ babɔ ye ti so porɛ bɔ bɛpena ye beku ye ɔ. Ɛhe ati nyɛle m’adwene berɛ ne ala kyɛ bɛfa ye bɛbrɛ wɔ; na mahã mahyire ye kwaadubɔlɛfoɛ nemɔ kyɛ bɛbra wɔ nyunu bɛɛbɔ ye kwaadu.”
31Na kyɛbɔ safohene ne hyɛle asraafoɛ nen, bɛfale Pɔɔlo kɔngɔen ne bɛ ne ye hɔle tonn beedwuli Antipatri. 32Aleɛ hyene ne, asraafoɛ bɔ bɛnate ase ne sa wale b’adwuma nu; na bɛyakyili pɔngɔhanɛfoɛ nemɔ maa bɛ ne Pɔɔlo toale so bɛhɔle. 33Bɛ ne ye hɔle beedwuli Kaesarea, bɛyele krataa ne bɛmane amrado ne, na bɛfale Pɔɔlo koso bewurale ye sa. 34Amrado ne kengale krataa ne, na obisale Pɔɔlo manzini horɛ bɔ ofi nu ɔ. Na ɔtele kyɛ ofi Kilikia nen, 35ɔhane kyɛ, “Sɛ wɔ kwaadubɔlɛfoɛ nemɔ bɛba a, yeɛ ngotie wɔ noa dwirɛ ɔ.” Na ɔhyɛle kyɛ bɛfa Pɔɔlo besie Herode ahemvie#23.35: Ɛhene Herode yeɛ osili sɔ ahemvie ne ɔ. Nziɛ ye oolili Roman amradofoɛ ne sa nu. ne anu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.