Asomafoɛ 16
16
Timoteo boka Pɔɔlo ne Silase so
1Pɔɔlo hɔle oodwuli Dɛɛbi ne Lisetra. Né gyidiniɛ bie bɔ bɛfrɛ ye Timoteo wɔ berɛ. Ye maame te Yudaniɛ gyidiniɛ, yeɛ ye baba koso te Helaniɛ. 2Né agyidifoɛ amukoraa bɔ bɛwɔ Lisetra ne Yikoniom ɔ bedi Timoteo nwo adanzeɛ. 3Né Pɔɔlo kuro kyɛ ɔfa Timoteo boka ye nwo so ɔne ye bɛkɔ, yiti ɔpɛle ye bienzua, ɔnate kyɛ né Yudafoɛ bɔ bɛwɔ porɛ ne anu berɛ mukoraa se kyɛ ye baba te Helaniɛ. 4B’aporɔ bɔ bɛbɔle wɔ nguro nemɔ so ne, bɛfale asomafoɛ nemɔ ne Yerusalem mbanyi nemɔ nhyehyɛleɛ bɔ bɛnwa agyidifoɛ ne li so ne bɛtole bɛ nyunu. 5Ɛhe mane asɔre nemɔ nyane anwoserɛ wɔ gyidie nu, na mmeni pee bokale bɛ so daa biala.
Pɔɔlo nya nyekyire wɔ Troase
6Bɛpɛle nu Frigyea ne Galatia aseɛ so, ofikyɛ Sunzum Krongron ne amma bɛ ate ma banga nzɛmba ne wɔ Asia mbɔtam. 7Na bedwuli Misia manzini ndendeneɛ so ne, bɛyɛle kyɛ bɛkɔ Bitinia, nakoso Yesu Sunzum ne amma bɛ ate. 8Yiti besane Misia nwo bɛwale Troase. 9Sɔ kyẽa ne kɔngɔen, Pɔɔlo nyane nyekyire, na onwuni biaa bie bɔ ofi Makedonia kyɛ ogyi berɛ ná ɔpa ye kyerɛ kyɛ, “Bra Makedonia baaboka yɛ!” 10Mmerɛ bɔ Pɔɔlo nyane nyekyire ne pɛ, yɛboaboale#16.10: Bɔ ɔhyerɛle nwomaa ne hyɛ ye bo maa yɛnwu ye kyɛ ɔne Pɔɔlo yeɛ betuli atee ne ɔ. yɛ nwo kyɛ yɛkɔ Makedonia, ofikyɛ yɛnyane adwene kyɛ amba Nyameɛ afrɛ yɛ kyɛ yɛɛbɔ nzɛmba ne dawure yɛhyire bɛ.
Lidia yɛle gyidiniɛ wɔ Filipi
11Yɛfale ɛlɛen yɛfili Troase na yɛhɔle yɛ nyunu ndendeneɛ so yɛɛdwuli supɔ Samotrake so. Na aleɛ hyene ne, yɛhɔle Neapoli. 12Na yɛfili berɛ yɛhɔle Roman manzini Makedonia kuro piri Filipi so. Na yɛlili ngyẽa kãa wɔ sɔ kuro ne aso. 13Afofikyẽa dwuli ne, yɛfili kuro berɛ yɛhɔle asue bie noa nekaa bie bɔ yɛsusuli kyɛ ɔyɛ a beyia bɛbɔ mbaeɛ ɔ. Yɛtenane ase, na yɛdwudwo yɛhyirele mmrasua bɔ beeyiale berɛ ne. 14Né mmrasua ne ko li Lidia; ofi Tiatira. Né ɔtɔne ago.#16.14: Ago te sikafoɛ tena. Ɔte Nyamesomniɛ, na Awurade bukyele ye adwene nu maa ɔyɛle asoɛ mane Pɔɔlo. 15Na ɔmaa bɛbɔle ye ne ye awuroama mukoraa asu beyiele nen, osele yɛ kyɛ, “Sɛ ɛmɔabu me kyɛ mede Awurade medi nahorɛ nu a, nzaade ɛmɔbra bɛɛtena m’awuro.” Na ɔhɔle so hane kyɛ yɛma yɛhɔ.
Bɛto Pɔɔlo ne Silase kuku nu wɔ Filipi
16Né yɛkɔ nekaa bie bɔ mmenia bɛtaa beyia bɛbɔ mbaeɛ ɔ, na abaayaa bie bɔ ɔte afaneɛ bɔ odi ahɔen ɔ wale ooyiale yɛ. Ye ngɔmhyɛlɛ ne, né wama ye mene mɔ banya bɛ nwo tam. 17Olili Pɔɔlo ne yɛ si teateane nu kyɛ, “Sɔ mmenia hemɔ bɛte Anwuro Anwuro Nyameɛ ne ngoaa bɔ bekyire ɛmɔ ngoalelɛ atee ne ɔ.” 18Afaneɛ ne yɔle sɔ alaa ngyẽa pee maa oodwuli kyɛ ɔyɛle Pɔɔlo ahomete, yiti ɔkakyili ye nwo sele sunzummɔne ne kyɛ, “Mehyɛ wɔ wɔ Yesu Kristo dumaa nu kyɛ fi ye nu fite!” Na berɛ ne ala sunzummɔne ne fili ye nu.
19Na mmerɛ bɔ ye mene mɔ nwuni kyɛ b’atee bɔ bɛfa so benya sikaa abɔ bɛ nen, bɛhyele Pɔɔlo ne Silase, na bɛhwene bɛ bɛhɔle mbanyi nyunu wɔ badwa nu. 20Bɛfale bɛ bɛwale Roman ndɛenbualɛfoɛ nyunu na bɛhane kyɛ, “Mmenia hemɔ bɛte Yudafoɛ, na bɛ́ma basabasa ba yɛ kuro ye anu. 21Bekyire amanneɛ bɔ otia yɛ Romanfoɛ mmeraa, bɔ ɔyɛ se kyɛ yɛkole yɛkɔto nu, anaakyɛ yɛkoli so ɔ.” 22#2 Kor 11.25 Na ɛlɔen ne koso bedwɔso bɛhɔle bɛ so. Na ndɛenbualɛfoɛ nemɔ puropurole Pɔɔlo ne Silase ndaadeɛ, na bɛhyɛle kyɛ befi bɛ mbire. 23Bɛbole bɛ botorɔ beyiele ne, bɛfale bɛ beguale kuku nu; na bɛfale ahyɛdeɛ bɛmane kukunu so neafoɛ ne kyɛ ɔ́fa bɛ sie paa. 24Na ye koso onyane sɔ ahyɛdeɛ nen, ɔfale bɛ hɔle kuku nu sua n’akunu dɔ ɔɔbɔle bɛ panwu.
25Kɔngɔen ne, kɔyɛ abunnamu, né Pɔɔlo ne Silase bɛbɔ mbaeɛ ná bɛto Nyameɛ ayɛyelɛ dwein, na kukunufoɛ ngaa ne tiele bɛ. 26Mvum nu, aseɛ wosole serɛserɛ mane kuku nu sua ne nyinasoɛ ne wosole. Berɛ ne ala, anoa ne amukoraa bukyebukyele, na ebiala ngɔnzɔngɔnzɔ bɔ ɔsosɔ ye ne puropuro guale. 27Bɔ ɔnea kukunufoɛ so ne fili nnaa nu dwɔsole, na mmerɛ bɔ onwuni kyɛ kuku nu anoa nemɔ abukyebukye nen, ɔdwenene kyɛ kukunufoɛ ne anwati; yiti ɔhwene ye ngrandɛ kyɛ oku ye nwo. 28Na Pɔɔlo teane nu serɛserɛ sele kyɛ, “Nnɛdi wɔ nwo awue, na yɛ mukoraa yɛwɔ wa!” 29Biaa ne maa bɛfale kanea bɛbrɛle ye, otuli amirika wale sua ne anu dɔ, na ɔfale anwopopolɛ tole ye nwo yele Pɔɔlo ne Silase gya bo. 30Afei ɔyele bɛ fitele, na obisale bɛ kyɛ, “Me mene mɔ, nzu yeɛ nyɔ na manya daa ngoa ɔ?” 31Bebuale ye kyɛ, “Dé Awurade Yesu di na ɛne w’awuro ama konya daa ngoa.” 32Afei bɛhane Awurade nwo dwirɛ ne behyirele ye ne ye awuro ama mukoraa. 33Sɔ dɔnhwere ne anu ala kɔngɔen ne, ɔfale Pɔɔlo ne Silase hɔle oomiane bɛ nwo apirakuro ne; na ɔmaa bɛbɔle ye ne ye awuro ama mukoraa asu berɛ ne ala. 34Afei ɔfale bɛ wale ye awuro ɔɔmane bɛ nikyee maa belili, na ɔne ye awuro ama mukoraa benyane anigye kyɛ banya gyidie wɔ Nyameɛ nu ɔ.
Bɛyakyi Pɔɔlo ne Silase
35Na aleɛ hyene nen, ndɛenbualɛfoɛ nemɔ somane polisifoɛ mɔ, na bɛfale edwirɛ he betuale bɛ noa: “Yakyi mmenia nemɔ ma bɛhɔ!” 36Yiti biaa ne sele Pɔɔlo kyɛ, “Ndɛenbualɛfoɛ nemɔ asoma maa baase me kyɛ nyakyi ɛmɔ ma ɛmɔhɔ. Yiti ɛmɔfite bɛhɔ asomdwee nu.”
37 #
Aso 22.25
Nakoso Pɔɔlo sele bɛ kyɛ, “Bammua yɛ ndɛen wɔ bɔne biala nwo, yeɛ bafi yɛ mbire wɔ mmenia nu wɔ aberɛ bɔ yɛte Romanfoɛ ɔ, na bɛfale yɛ beguale kuku nu. Afei de, bɛ́fea bɛ nwo bɛye yɛ maa yɛkɔ anaa. Daabi, yɛngɔhɔ! Ma bɛ bɔbɔ bɛbra bɛɛye yɛ.”
38Na polisifoɛ nemɔ hɔle bɛɛbɔle ndɛenbualɛfoɛ nemɔ amaneɛ, na bɛtele kyɛ Pɔɔlo ne Silase bɛte Romanfoɛ nen, besurole. 39Yiti bɛɛyɛle bɛ dibem; bɛyele bɛ befili kuku nu, na bɛsrɛle bɛ kyɛ befi kuro berɛ bɛhɔ. 40Yiti befili kuku nu berɛ bɛhɔle Lidia awuro. Benwuni agyidifoɛ nemɔ berɛ; bɛhyɛle bɛ nguraen, na befili berɛ bɛhɔle.
Currently Selected:
Asomafoɛ 16: EBP
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Asomafoɛ 16
16
Timoteo boka Pɔɔlo ne Silase so
1Pɔɔlo hɔle oodwuli Dɛɛbi ne Lisetra. Né gyidiniɛ bie bɔ bɛfrɛ ye Timoteo wɔ berɛ. Ye maame te Yudaniɛ gyidiniɛ, yeɛ ye baba koso te Helaniɛ. 2Né agyidifoɛ amukoraa bɔ bɛwɔ Lisetra ne Yikoniom ɔ bedi Timoteo nwo adanzeɛ. 3Né Pɔɔlo kuro kyɛ ɔfa Timoteo boka ye nwo so ɔne ye bɛkɔ, yiti ɔpɛle ye bienzua, ɔnate kyɛ né Yudafoɛ bɔ bɛwɔ porɛ ne anu berɛ mukoraa se kyɛ ye baba te Helaniɛ. 4B’aporɔ bɔ bɛbɔle wɔ nguro nemɔ so ne, bɛfale asomafoɛ nemɔ ne Yerusalem mbanyi nemɔ nhyehyɛleɛ bɔ bɛnwa agyidifoɛ ne li so ne bɛtole bɛ nyunu. 5Ɛhe mane asɔre nemɔ nyane anwoserɛ wɔ gyidie nu, na mmeni pee bokale bɛ so daa biala.
Pɔɔlo nya nyekyire wɔ Troase
6Bɛpɛle nu Frigyea ne Galatia aseɛ so, ofikyɛ Sunzum Krongron ne amma bɛ ate ma banga nzɛmba ne wɔ Asia mbɔtam. 7Na bedwuli Misia manzini ndendeneɛ so ne, bɛyɛle kyɛ bɛkɔ Bitinia, nakoso Yesu Sunzum ne amma bɛ ate. 8Yiti besane Misia nwo bɛwale Troase. 9Sɔ kyẽa ne kɔngɔen, Pɔɔlo nyane nyekyire, na onwuni biaa bie bɔ ofi Makedonia kyɛ ogyi berɛ ná ɔpa ye kyerɛ kyɛ, “Bra Makedonia baaboka yɛ!” 10Mmerɛ bɔ Pɔɔlo nyane nyekyire ne pɛ, yɛboaboale#16.10: Bɔ ɔhyerɛle nwomaa ne hyɛ ye bo maa yɛnwu ye kyɛ ɔne Pɔɔlo yeɛ betuli atee ne ɔ. yɛ nwo kyɛ yɛkɔ Makedonia, ofikyɛ yɛnyane adwene kyɛ amba Nyameɛ afrɛ yɛ kyɛ yɛɛbɔ nzɛmba ne dawure yɛhyire bɛ.
Lidia yɛle gyidiniɛ wɔ Filipi
11Yɛfale ɛlɛen yɛfili Troase na yɛhɔle yɛ nyunu ndendeneɛ so yɛɛdwuli supɔ Samotrake so. Na aleɛ hyene ne, yɛhɔle Neapoli. 12Na yɛfili berɛ yɛhɔle Roman manzini Makedonia kuro piri Filipi so. Na yɛlili ngyẽa kãa wɔ sɔ kuro ne aso. 13Afofikyẽa dwuli ne, yɛfili kuro berɛ yɛhɔle asue bie noa nekaa bie bɔ yɛsusuli kyɛ ɔyɛ a beyia bɛbɔ mbaeɛ ɔ. Yɛtenane ase, na yɛdwudwo yɛhyirele mmrasua bɔ beeyiale berɛ ne. 14Né mmrasua ne ko li Lidia; ofi Tiatira. Né ɔtɔne ago.#16.14: Ago te sikafoɛ tena. Ɔte Nyamesomniɛ, na Awurade bukyele ye adwene nu maa ɔyɛle asoɛ mane Pɔɔlo. 15Na ɔmaa bɛbɔle ye ne ye awuroama mukoraa asu beyiele nen, osele yɛ kyɛ, “Sɛ ɛmɔabu me kyɛ mede Awurade medi nahorɛ nu a, nzaade ɛmɔbra bɛɛtena m’awuro.” Na ɔhɔle so hane kyɛ yɛma yɛhɔ.
Bɛto Pɔɔlo ne Silase kuku nu wɔ Filipi
16Né yɛkɔ nekaa bie bɔ mmenia bɛtaa beyia bɛbɔ mbaeɛ ɔ, na abaayaa bie bɔ ɔte afaneɛ bɔ odi ahɔen ɔ wale ooyiale yɛ. Ye ngɔmhyɛlɛ ne, né wama ye mene mɔ banya bɛ nwo tam. 17Olili Pɔɔlo ne yɛ si teateane nu kyɛ, “Sɔ mmenia hemɔ bɛte Anwuro Anwuro Nyameɛ ne ngoaa bɔ bekyire ɛmɔ ngoalelɛ atee ne ɔ.” 18Afaneɛ ne yɔle sɔ alaa ngyẽa pee maa oodwuli kyɛ ɔyɛle Pɔɔlo ahomete, yiti ɔkakyili ye nwo sele sunzummɔne ne kyɛ, “Mehyɛ wɔ wɔ Yesu Kristo dumaa nu kyɛ fi ye nu fite!” Na berɛ ne ala sunzummɔne ne fili ye nu.
19Na mmerɛ bɔ ye mene mɔ nwuni kyɛ b’atee bɔ bɛfa so benya sikaa abɔ bɛ nen, bɛhyele Pɔɔlo ne Silase, na bɛhwene bɛ bɛhɔle mbanyi nyunu wɔ badwa nu. 20Bɛfale bɛ bɛwale Roman ndɛenbualɛfoɛ nyunu na bɛhane kyɛ, “Mmenia hemɔ bɛte Yudafoɛ, na bɛ́ma basabasa ba yɛ kuro ye anu. 21Bekyire amanneɛ bɔ otia yɛ Romanfoɛ mmeraa, bɔ ɔyɛ se kyɛ yɛkole yɛkɔto nu, anaakyɛ yɛkoli so ɔ.” 22#2 Kor 11.25 Na ɛlɔen ne koso bedwɔso bɛhɔle bɛ so. Na ndɛenbualɛfoɛ nemɔ puropurole Pɔɔlo ne Silase ndaadeɛ, na bɛhyɛle kyɛ befi bɛ mbire. 23Bɛbole bɛ botorɔ beyiele ne, bɛfale bɛ beguale kuku nu; na bɛfale ahyɛdeɛ bɛmane kukunu so neafoɛ ne kyɛ ɔ́fa bɛ sie paa. 24Na ye koso onyane sɔ ahyɛdeɛ nen, ɔfale bɛ hɔle kuku nu sua n’akunu dɔ ɔɔbɔle bɛ panwu.
25Kɔngɔen ne, kɔyɛ abunnamu, né Pɔɔlo ne Silase bɛbɔ mbaeɛ ná bɛto Nyameɛ ayɛyelɛ dwein, na kukunufoɛ ngaa ne tiele bɛ. 26Mvum nu, aseɛ wosole serɛserɛ mane kuku nu sua ne nyinasoɛ ne wosole. Berɛ ne ala, anoa ne amukoraa bukyebukyele, na ebiala ngɔnzɔngɔnzɔ bɔ ɔsosɔ ye ne puropuro guale. 27Bɔ ɔnea kukunufoɛ so ne fili nnaa nu dwɔsole, na mmerɛ bɔ onwuni kyɛ kuku nu anoa nemɔ abukyebukye nen, ɔdwenene kyɛ kukunufoɛ ne anwati; yiti ɔhwene ye ngrandɛ kyɛ oku ye nwo. 28Na Pɔɔlo teane nu serɛserɛ sele kyɛ, “Nnɛdi wɔ nwo awue, na yɛ mukoraa yɛwɔ wa!” 29Biaa ne maa bɛfale kanea bɛbrɛle ye, otuli amirika wale sua ne anu dɔ, na ɔfale anwopopolɛ tole ye nwo yele Pɔɔlo ne Silase gya bo. 30Afei ɔyele bɛ fitele, na obisale bɛ kyɛ, “Me mene mɔ, nzu yeɛ nyɔ na manya daa ngoa ɔ?” 31Bebuale ye kyɛ, “Dé Awurade Yesu di na ɛne w’awuro ama konya daa ngoa.” 32Afei bɛhane Awurade nwo dwirɛ ne behyirele ye ne ye awuro ama mukoraa. 33Sɔ dɔnhwere ne anu ala kɔngɔen ne, ɔfale Pɔɔlo ne Silase hɔle oomiane bɛ nwo apirakuro ne; na ɔmaa bɛbɔle ye ne ye awuro ama mukoraa asu berɛ ne ala. 34Afei ɔfale bɛ wale ye awuro ɔɔmane bɛ nikyee maa belili, na ɔne ye awuro ama mukoraa benyane anigye kyɛ banya gyidie wɔ Nyameɛ nu ɔ.
Bɛyakyi Pɔɔlo ne Silase
35Na aleɛ hyene nen, ndɛenbualɛfoɛ nemɔ somane polisifoɛ mɔ, na bɛfale edwirɛ he betuale bɛ noa: “Yakyi mmenia nemɔ ma bɛhɔ!” 36Yiti biaa ne sele Pɔɔlo kyɛ, “Ndɛenbualɛfoɛ nemɔ asoma maa baase me kyɛ nyakyi ɛmɔ ma ɛmɔhɔ. Yiti ɛmɔfite bɛhɔ asomdwee nu.”
37 #
Aso 22.25
Nakoso Pɔɔlo sele bɛ kyɛ, “Bammua yɛ ndɛen wɔ bɔne biala nwo, yeɛ bafi yɛ mbire wɔ mmenia nu wɔ aberɛ bɔ yɛte Romanfoɛ ɔ, na bɛfale yɛ beguale kuku nu. Afei de, bɛ́fea bɛ nwo bɛye yɛ maa yɛkɔ anaa. Daabi, yɛngɔhɔ! Ma bɛ bɔbɔ bɛbra bɛɛye yɛ.”
38Na polisifoɛ nemɔ hɔle bɛɛbɔle ndɛenbualɛfoɛ nemɔ amaneɛ, na bɛtele kyɛ Pɔɔlo ne Silase bɛte Romanfoɛ nen, besurole. 39Yiti bɛɛyɛle bɛ dibem; bɛyele bɛ befili kuku nu, na bɛsrɛle bɛ kyɛ befi kuro berɛ bɛhɔ. 40Yiti befili kuku nu berɛ bɛhɔle Lidia awuro. Benwuni agyidifoɛ nemɔ berɛ; bɛhyɛle bɛ nguraen, na befili berɛ bɛhɔle.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.