Asomafoɛ 15
15
Yerusalem nyianu piri ne
1 #
Lew 12.3
Mmenia biemɔ fili Yudea bɛwale Antiokia bɛɛyɛle ngyerɛkyerɛ behyirele agyidifoɛ ne kyɛ, “Sɛ ɛmɔambɛ ɛmɔ bienzua kyɛbɔ Mose amanneɛ ne te ne a, ɛmɔngɔhora ngonya daa ngoa.” 2Ɛhe mane Pɔɔlo ne Banaba bɛne mmenia nemɔ benyane dwudwolɛ besuli aporowaa serɛserɛ wɔ sɔ dwirɛ he anwo. Yiti betuli mmenia kyɛ bɛboka Pɔɔlo ne Banaba so bɛhɔ Yerusalem beenwu asomafoɛ nemɔ ne mbanyi mɔ wɔ sɔ dwirɛ he anwo. 3Antiokia asɔremma ne guale bɛ ate; na bɛkɔ nen, bɛfale Fonikia ne Samaria bɛhane kyɛbɔ Amaenmaensofoɛ asi afa bɛ nwo ama Nyameɛ, na edwirɛ he mane agyidifoɛ ne amukoraa bɛ nye gyele paa. 4Na bedwuli Yerusalem nen, asɔre ne ne asomafoɛ nemɔ ne mbanyi nemɔ bɛyɛle bɛ awaawaatuu; na bɛhane bɔ Nyameɛ afa bɛ sɔ wayɔ amukoraa behyirele bɛ. 5Nakoso agyidifoɛ biemɔ bɔ befi Farasiifoɛ fekue ne anu bedwɔso begyinane, na bɛhane kyɛ, “Ɔsɛ kyɛ Amaenmaensofoɛ bɛpɛ bɛ bienzua, ná bɛhyɛ bɛ maa bedi Mose mmeraa ne aso.”
6Na asomafoɛ nemɔ ne mbanyi nemɔ beyiale nu bɛfale edwirɛ he nwo adwene. 7#Aso 10.1-43 Bɛkekane ye nwo bie dee, na Petro dwɔso sele bɛ kyɛ, “Aliɛmaa mɔ, ɛmɔse kyɛ mmerɛ bie bɔ wapɛ nu wahɔ ɔ, Nyameɛ neaneane nu yele me fili ɛmɔ nu, kyɛ nga nzɛmba ne ngyire Amaenmaensofoɛ maa bɛ koso bɛte dwirɛ ne na bele beli. 8#Aso 2.4; 10.44 Na Nyameɛ bɔ ɔse angorangora biala ti anu adwene ne lili bɛ adanzeɛ, na ɔmane bɛ Sunzum Krongron ne kyɛbɔ ɔfa mane yɛ ne ala. 9Wangyire kyɛ nzonzoleɛ biala wɔ yɛ ne bɛ nu, na mmom ɔnate (bɛ) gyidie so fale bɛ bɔne hyɛle bɛ. 10Na afei, nzu ati yeɛ ɛmɔso Nyameɛ bɛnea na bɛfa nningyein bɔ yɛ ne yɛ nana mɔ yangora ye soa bɛsoa agyidifoɛ ne ɔ? 11Na kyɛbɔ yɛde yɛdi kyɛ ɔnate Awurade Yesu adom so yɛkonya daa ngoa nen, sɔ ala koso yeɛ bɛ deɛ te ɔ.”
12Mmenia ne amukoraa bɛyɛle dinn, na betiele Banaba ne Pɔɔlo wɔ b’amaneɛ bɔ ɔfa nzɛngyerɛnneɛ ne anwanwadeɛ amukoraa bɔ Nyameɛ afa bɛ so wayɔ wɔ Amaenmaensofoɛ nu ne. 13Bɛ noa pene ne, Yakobo buale kyɛ, “Aliɛmaa mɔ, ɛmɔyɛ asoɛ betie me! 14Simɔn aha kyɛbɔ osi yɛle bɔ Nyameɛ ɔɔneaneane Amaenmaensofoɛ nu yele mmenia bie fili bɛ nu kyɛ bɛyɛ ye deɛ bɔkɔɔ ɔ. 15Na ɛhe ne ngɔmhyɛlɛfoɛ dwirɛ bɔ bɛhane ne te ko, kyɛbɔ bahyerɛ kyɛ,
16 #
Amo 9.11-12; Yer 12.15; Yes 45.21 ‘Ɛhe asi ne, ngosa ngɔwa
na mama Dawide ahennie bɔ
ɔtɔle ase ne so bieku.
Ngosi bɔ wabubu ne bieku
ná mama so bieku;
17amaa ɔnate so mmenia bɔ baha ne,
yeɛ Amaenmaensofoɛ bɔ mafrɛ bɛ
kyɛ bɛyɛ me deɛ ne, bapena Awurade si atee.
18Awurade bɔ ɔmaa yɛnwuni ɛhe fili tetetete ne, ye noa dwirɛ ɛne.’ ”
19Na Yakobo toale so hane kyɛ, “Me de, mesusu kyɛ, ɔnzɛ kyɛ yɛha Amaenmaensofoɛ bɔ bafa bɛ nwo bama Nyameɛ nen. 20#Ɛks 34.15-17; Lew 17.10-16; 18.6-23 Na mmom odi kyɛ yɛkyerɛ krataa yɛkɔma bɛ, kyɛ, onni kyɛ bedi aleɛ biala bɔ bafa babɔ afɔleɛ bama bosoen, bɛhwe bɛ nwo befi adwamanbɔlɛ nwo; yeɛ afei onni kyɛ bedi kaka biala bɔ wawu ye mogya nu, anaakyɛ mogya. 21Ɔnate kyɛ ofi tete yeɛ mmenia bɔ Mose mmeraa ne dawure wɔ nguro mukoraa so ɔ, na bɛkenga ye afofikyẽa biala wɔ nyianu sua nemɔ nu.”
Bɛfa krataa bɔkɔma Antiokia asɔre ne
22Afei asomafoɛ ne, mbanyi nemɔ ne asɔremma ne amukoraa bɛyɛle adwene kyɛ bɛkɔye bɛ nu bie na basoma bɛ maa baboka Pɔɔlo ne Banaba so bahɔ Antiokia. Yiti betuli mmenia nyɔ: Yudase bɔ bɛfrɛ ye Basaba, ɔne Silase bɔ bebu bɛ wɔ agyidifoɛ nemɔ anu kyɛ bɛne bɛ hɔ, 23na bɛhyerɛle krataa he bɛfa bɛsomane bɛ: “Yɛ asomafoɛ ne asɔre mbanyi mɔ, bɔ yɛte ɛmɔ aliɛma mɔ, yɛbisa y’eliɛma mɔ Amaenmaensofoɛ bɔ bɛwɔ Antiokia, Siria ne Kilikia ahye. 24Yate kyɛ yɛ nu biemɔ bɔ nna yɛ yeɛ yɛsomane bɛ ɔ bawa ɛmɔ berɛ baahã edwirɛ bafa babiri ɛmɔ nye so bama ɛmɔ adwene ayɛ ɛmɔ naa. 25Sɔ ne ati, wawa kyɛ yɛ mukoraa yahã yɛ ti yapura, na yatu mmenia kyɛ bɛne yɛ dɔfo Banaba Pɔɔlo, 26bɔ y’Awurade Yesu Kristo dumaa nu ti bafa bɛ ngoa babɔ afɔleɛ ne, kyɛ bɛbra ɛmɔ berɛ. 27Yiti yasoma Yudase ne Silase, na bɛ bɔbɔ bɛkɔhã edwirɛ biala bɔ ɔwɔ krataa ne anu bekohyire ɛmɔ. 28Na Sunzum Krongron ne yɛ yale yato nu kyɛ, ɔnzɛ kyɛ yɛfa adesoa biala ko yɛsoa ɛmɔ; sana sɔ nningyein hemɔ bɔ bɛ nwo hia ye: 29Nnɛma ɛmɔdi aleɛ biala bɔ bafa babɔ afɔleɛ bama bosoen; nnɛma ɛmɔdi mogya; nnɛma ɛmɔdi kaka biala bɔ wawu ye mogya nu; yeɛ afei ɛmɔhwe bɛ nwo befi adwamanbɔlɛ nwo. Na sɛ ɛmɔtwe bɛ nwo befi ɛhemɔ nwo a, ɔte paa. Yɛbisa bɛ.”
30Bɛyakyili ɛbɔfoɛ nemɔ ate, na bedwuli Antiokia nen, bɛmane asɔremma ne amukoraa beyiale, na bɛfale krataa ne bɛmane bɛ. 31Na agyidifoɛ nemɔ kengale krataa ne nen, bɛ nye gyele, ɔnate kyɛ benyane aworakyekyerɛ befili nu. 32Na Yudase ne Silase bɔ bɛ koso bɛte ngɔmhyɛlɛfoɛ ne, bɛfale edwirɛ bɛtole dwirɛ nwo betuli bɛ foɛ maa benyane anwoserɛ. 33Bɛhyɛle Antiokia berɛ kãa, na agyidifoɛ nemɔ yakyili bɛ ate asomdwee nu maa besa bɛhɔle bɛ bɔ bɛsomane bɛ ne berɛ. [34Nakoso Silase de, ɔyɛle kyɛ ɔkɔtena berɛ.]#15.34: Tete Ahyerɛlɛ ne bie fa ngyekyɛmuɛ 34 boka so. 35Na Pɔɔlo ne Banaba tenane Antiokia hyɛle kãa; bɛ ne mmeni pee yɛle ngyerɛkyerɛ, na bɛhane Awurade nzɛmba ne.
Pɔɔlo ne Banaba afia tetele
36Ngyẽa kãa asi ne, Pɔɔlo sele Banaba kyɛ, “Maa yɛsa yɛɛsra aliɛmaa mɔ bɔ bɛwɔ kuro biala bɔ yɛhane Awurade dwirɛ ne wɔ so ne, na yɛnea kyɛbɔ bɛ nwo si te ɔ.” 37Né Banaba pena kyɛ bɛfa Yohane, bɔ bɛfrɛ ye Marko bɛboka bɛ nwo so, 38#Aso 13.13 nakoso Pɔɔlo susuli kyɛ ye nwo nhia kyɛ bɛkɔfa ye bɛkɔhɔ bie ɔ, ɔnate kyɛ ɔyakyili bɛ nu wɔ Pamfilia; na ɔne bɛ angɔanyɔ asɛmbatrɛ adwuma ne. 39Na ɛhe nwo aporowaasulɛ yɛle kyengye paa mane bɛ munyɔ b’afia tetele: Banaba fale Yohane Marko bokale ye nwo so, na ɔne ye fale ɛlɛen hɔle Kipro, 40nakoso Pɔɔlo de, ɔfale Silase bokale ye nwo so. Agyidifoɛ ne fale Pɔɔlo wurale Awurade adom ne sa, na osili nu hɔle. 41Ɔɔpɛle nu wɔ Siria ne Kilikia na ɔhyɛle asɔremma nemɔ nguraen.
Currently Selected:
Asomafoɛ 15: EBP
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Asomafoɛ 15
15
Yerusalem nyianu piri ne
1 #
Lew 12.3
Mmenia biemɔ fili Yudea bɛwale Antiokia bɛɛyɛle ngyerɛkyerɛ behyirele agyidifoɛ ne kyɛ, “Sɛ ɛmɔambɛ ɛmɔ bienzua kyɛbɔ Mose amanneɛ ne te ne a, ɛmɔngɔhora ngonya daa ngoa.” 2Ɛhe mane Pɔɔlo ne Banaba bɛne mmenia nemɔ benyane dwudwolɛ besuli aporowaa serɛserɛ wɔ sɔ dwirɛ he anwo. Yiti betuli mmenia kyɛ bɛboka Pɔɔlo ne Banaba so bɛhɔ Yerusalem beenwu asomafoɛ nemɔ ne mbanyi mɔ wɔ sɔ dwirɛ he anwo. 3Antiokia asɔremma ne guale bɛ ate; na bɛkɔ nen, bɛfale Fonikia ne Samaria bɛhane kyɛbɔ Amaenmaensofoɛ asi afa bɛ nwo ama Nyameɛ, na edwirɛ he mane agyidifoɛ ne amukoraa bɛ nye gyele paa. 4Na bedwuli Yerusalem nen, asɔre ne ne asomafoɛ nemɔ ne mbanyi nemɔ bɛyɛle bɛ awaawaatuu; na bɛhane bɔ Nyameɛ afa bɛ sɔ wayɔ amukoraa behyirele bɛ. 5Nakoso agyidifoɛ biemɔ bɔ befi Farasiifoɛ fekue ne anu bedwɔso begyinane, na bɛhane kyɛ, “Ɔsɛ kyɛ Amaenmaensofoɛ bɛpɛ bɛ bienzua, ná bɛhyɛ bɛ maa bedi Mose mmeraa ne aso.”
6Na asomafoɛ nemɔ ne mbanyi nemɔ beyiale nu bɛfale edwirɛ he nwo adwene. 7#Aso 10.1-43 Bɛkekane ye nwo bie dee, na Petro dwɔso sele bɛ kyɛ, “Aliɛmaa mɔ, ɛmɔse kyɛ mmerɛ bie bɔ wapɛ nu wahɔ ɔ, Nyameɛ neaneane nu yele me fili ɛmɔ nu, kyɛ nga nzɛmba ne ngyire Amaenmaensofoɛ maa bɛ koso bɛte dwirɛ ne na bele beli. 8#Aso 2.4; 10.44 Na Nyameɛ bɔ ɔse angorangora biala ti anu adwene ne lili bɛ adanzeɛ, na ɔmane bɛ Sunzum Krongron ne kyɛbɔ ɔfa mane yɛ ne ala. 9Wangyire kyɛ nzonzoleɛ biala wɔ yɛ ne bɛ nu, na mmom ɔnate (bɛ) gyidie so fale bɛ bɔne hyɛle bɛ. 10Na afei, nzu ati yeɛ ɛmɔso Nyameɛ bɛnea na bɛfa nningyein bɔ yɛ ne yɛ nana mɔ yangora ye soa bɛsoa agyidifoɛ ne ɔ? 11Na kyɛbɔ yɛde yɛdi kyɛ ɔnate Awurade Yesu adom so yɛkonya daa ngoa nen, sɔ ala koso yeɛ bɛ deɛ te ɔ.”
12Mmenia ne amukoraa bɛyɛle dinn, na betiele Banaba ne Pɔɔlo wɔ b’amaneɛ bɔ ɔfa nzɛngyerɛnneɛ ne anwanwadeɛ amukoraa bɔ Nyameɛ afa bɛ so wayɔ wɔ Amaenmaensofoɛ nu ne. 13Bɛ noa pene ne, Yakobo buale kyɛ, “Aliɛmaa mɔ, ɛmɔyɛ asoɛ betie me! 14Simɔn aha kyɛbɔ osi yɛle bɔ Nyameɛ ɔɔneaneane Amaenmaensofoɛ nu yele mmenia bie fili bɛ nu kyɛ bɛyɛ ye deɛ bɔkɔɔ ɔ. 15Na ɛhe ne ngɔmhyɛlɛfoɛ dwirɛ bɔ bɛhane ne te ko, kyɛbɔ bahyerɛ kyɛ,
16 #
Amo 9.11-12; Yer 12.15; Yes 45.21 ‘Ɛhe asi ne, ngosa ngɔwa
na mama Dawide ahennie bɔ
ɔtɔle ase ne so bieku.
Ngosi bɔ wabubu ne bieku
ná mama so bieku;
17amaa ɔnate so mmenia bɔ baha ne,
yeɛ Amaenmaensofoɛ bɔ mafrɛ bɛ
kyɛ bɛyɛ me deɛ ne, bapena Awurade si atee.
18Awurade bɔ ɔmaa yɛnwuni ɛhe fili tetetete ne, ye noa dwirɛ ɛne.’ ”
19Na Yakobo toale so hane kyɛ, “Me de, mesusu kyɛ, ɔnzɛ kyɛ yɛha Amaenmaensofoɛ bɔ bafa bɛ nwo bama Nyameɛ nen. 20#Ɛks 34.15-17; Lew 17.10-16; 18.6-23 Na mmom odi kyɛ yɛkyerɛ krataa yɛkɔma bɛ, kyɛ, onni kyɛ bedi aleɛ biala bɔ bafa babɔ afɔleɛ bama bosoen, bɛhwe bɛ nwo befi adwamanbɔlɛ nwo; yeɛ afei onni kyɛ bedi kaka biala bɔ wawu ye mogya nu, anaakyɛ mogya. 21Ɔnate kyɛ ofi tete yeɛ mmenia bɔ Mose mmeraa ne dawure wɔ nguro mukoraa so ɔ, na bɛkenga ye afofikyẽa biala wɔ nyianu sua nemɔ nu.”
Bɛfa krataa bɔkɔma Antiokia asɔre ne
22Afei asomafoɛ ne, mbanyi nemɔ ne asɔremma ne amukoraa bɛyɛle adwene kyɛ bɛkɔye bɛ nu bie na basoma bɛ maa baboka Pɔɔlo ne Banaba so bahɔ Antiokia. Yiti betuli mmenia nyɔ: Yudase bɔ bɛfrɛ ye Basaba, ɔne Silase bɔ bebu bɛ wɔ agyidifoɛ nemɔ anu kyɛ bɛne bɛ hɔ, 23na bɛhyerɛle krataa he bɛfa bɛsomane bɛ: “Yɛ asomafoɛ ne asɔre mbanyi mɔ, bɔ yɛte ɛmɔ aliɛma mɔ, yɛbisa y’eliɛma mɔ Amaenmaensofoɛ bɔ bɛwɔ Antiokia, Siria ne Kilikia ahye. 24Yate kyɛ yɛ nu biemɔ bɔ nna yɛ yeɛ yɛsomane bɛ ɔ bawa ɛmɔ berɛ baahã edwirɛ bafa babiri ɛmɔ nye so bama ɛmɔ adwene ayɛ ɛmɔ naa. 25Sɔ ne ati, wawa kyɛ yɛ mukoraa yahã yɛ ti yapura, na yatu mmenia kyɛ bɛne yɛ dɔfo Banaba Pɔɔlo, 26bɔ y’Awurade Yesu Kristo dumaa nu ti bafa bɛ ngoa babɔ afɔleɛ ne, kyɛ bɛbra ɛmɔ berɛ. 27Yiti yasoma Yudase ne Silase, na bɛ bɔbɔ bɛkɔhã edwirɛ biala bɔ ɔwɔ krataa ne anu bekohyire ɛmɔ. 28Na Sunzum Krongron ne yɛ yale yato nu kyɛ, ɔnzɛ kyɛ yɛfa adesoa biala ko yɛsoa ɛmɔ; sana sɔ nningyein hemɔ bɔ bɛ nwo hia ye: 29Nnɛma ɛmɔdi aleɛ biala bɔ bafa babɔ afɔleɛ bama bosoen; nnɛma ɛmɔdi mogya; nnɛma ɛmɔdi kaka biala bɔ wawu ye mogya nu; yeɛ afei ɛmɔhwe bɛ nwo befi adwamanbɔlɛ nwo. Na sɛ ɛmɔtwe bɛ nwo befi ɛhemɔ nwo a, ɔte paa. Yɛbisa bɛ.”
30Bɛyakyili ɛbɔfoɛ nemɔ ate, na bedwuli Antiokia nen, bɛmane asɔremma ne amukoraa beyiale, na bɛfale krataa ne bɛmane bɛ. 31Na agyidifoɛ nemɔ kengale krataa ne nen, bɛ nye gyele, ɔnate kyɛ benyane aworakyekyerɛ befili nu. 32Na Yudase ne Silase bɔ bɛ koso bɛte ngɔmhyɛlɛfoɛ ne, bɛfale edwirɛ bɛtole dwirɛ nwo betuli bɛ foɛ maa benyane anwoserɛ. 33Bɛhyɛle Antiokia berɛ kãa, na agyidifoɛ nemɔ yakyili bɛ ate asomdwee nu maa besa bɛhɔle bɛ bɔ bɛsomane bɛ ne berɛ. [34Nakoso Silase de, ɔyɛle kyɛ ɔkɔtena berɛ.]#15.34: Tete Ahyerɛlɛ ne bie fa ngyekyɛmuɛ 34 boka so. 35Na Pɔɔlo ne Banaba tenane Antiokia hyɛle kãa; bɛ ne mmeni pee yɛle ngyerɛkyerɛ, na bɛhane Awurade nzɛmba ne.
Pɔɔlo ne Banaba afia tetele
36Ngyẽa kãa asi ne, Pɔɔlo sele Banaba kyɛ, “Maa yɛsa yɛɛsra aliɛmaa mɔ bɔ bɛwɔ kuro biala bɔ yɛhane Awurade dwirɛ ne wɔ so ne, na yɛnea kyɛbɔ bɛ nwo si te ɔ.” 37Né Banaba pena kyɛ bɛfa Yohane, bɔ bɛfrɛ ye Marko bɛboka bɛ nwo so, 38#Aso 13.13 nakoso Pɔɔlo susuli kyɛ ye nwo nhia kyɛ bɛkɔfa ye bɛkɔhɔ bie ɔ, ɔnate kyɛ ɔyakyili bɛ nu wɔ Pamfilia; na ɔne bɛ angɔanyɔ asɛmbatrɛ adwuma ne. 39Na ɛhe nwo aporowaasulɛ yɛle kyengye paa mane bɛ munyɔ b’afia tetele: Banaba fale Yohane Marko bokale ye nwo so, na ɔne ye fale ɛlɛen hɔle Kipro, 40nakoso Pɔɔlo de, ɔfale Silase bokale ye nwo so. Agyidifoɛ ne fale Pɔɔlo wurale Awurade adom ne sa, na osili nu hɔle. 41Ɔɔpɛle nu wɔ Siria ne Kilikia na ɔhyɛle asɔremma nemɔ nguraen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.