ZEKARIA 2
2
MOKUNA II.
1 He hihiʻo no ke ana iā Ierusalema. Kauoha ʻia nā Iudaio e haʻalele iā Babulona, o make pū. 6 Kauoha ʻia ʻo Ziona e hauʻoli i ka pōmaikaʻi e hiki mai ana.
1¶ ʻAlawa hou aʻela kuʻu mau maka i luna, ʻike aʻela, aia hoʻi, he kanaka me ke kaula ana ma kona lima.
2ʻĪ akula au, “Ai hea lā ʻoe e hele ana?” ʻĪ maila kēlā iaʻu, “E ana iho ai iā Ierusalema, i ʻike au i kona laulā a me kona loa.”
3Aia hoʻi, hele akula ka ʻānela i kamaʻilio me aʻu, a hele akula hoʻi kekahi ʻānela ʻē aʻe e hālāwai me ia;
4a ʻōlelo akula iā ia, “E holo aku ʻoe, e ʻōlelo aku i kēia kanaka ʻōpiopio, penei, ‘E noho puni ʻole i ka pā nā kānaka o Ierusalema, no ka nui o nā kānaka a me nā holoholona i loko.
5‘No ka mea, ʻo wau auaneʻi he pākū ahi nona a puni,’ wahi a Iēhova, ‘a ʻo wau hoʻi i loko ona he nani.’”
6¶ “ʻEā! ʻEā! E holo hoʻi ʻoukou mai ka ʻāina kūkulu ʻākau aku,” wahi a Iēhova; “no ka mea, ua hoʻopuehu aku au iā ʻoukou me nā makani ʻehā o ka honua,” wahi a Iēhova.
7“E Ziona ē, e hoʻopakele iā ʻoe iho, e ka mea e noho pū ana me ke kaikamahine a Babulona.”
8No ka mea, penei ka ʻōlelo ʻana mai a Iēhova o nā kaua, “Ma hope o ka nani, ua hoʻouna mai ʻo ia iaʻu i nā lāhui kanaka, i ka poʻe nāna ʻoukou i hao mai; no ka mea, ʻo ka mea hoʻopā aku iā ʻoukou, hoʻopā nō ia i ka ʻōnohi o kona maka.
9“Aia hoʻi, e lūlū aku nō au i kuʻu lima ma luna o lākou, a e hao ʻia aku lākou e ko lākou poʻe kauā; a e ʻike auaneʻi ʻoukou ua hoʻouna mai ʻo Iēhova o nā kaua iaʻu.
10“E ʻoliʻoli, e hauʻoli hoʻi, e ke kaikamahine o Ziona; no ka mea, aia hoʻi, e hele aku ana au, a e noho au i waena pū o ʻoukou,” wahi a Iēhova.
11“Ia lā hoʻi, he nui nā lāhui kanaka e hui aku iā lākou iho me Iēhova, a e lilo lākou i kānaka noʻu, a e noho nō wau i waena pū o ʻoukou; a e ʻike auaneʻi ʻoukou na Iēhova o nā kaua wau i hoʻouna mai i ou lā.
12“A e komo auaneʻi ʻo Iēhova i kā Iuda i kuleana nona ma ka ʻāina hoʻāno, a e koho hou ʻo ia iā Ierusalema.
13“E hāmau ʻoukou, e nā kānaka a pau i mua o Iēhova; no ka mea, ua hoʻāla ʻia aʻe ʻo ia mai kona noho hoʻāno aʻe.”
Currently Selected:
ZEKARIA 2: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
ZEKARIA 2
2
MOKUNA II.
1 He hihiʻo no ke ana iā Ierusalema. Kauoha ʻia nā Iudaio e haʻalele iā Babulona, o make pū. 6 Kauoha ʻia ʻo Ziona e hauʻoli i ka pōmaikaʻi e hiki mai ana.
1¶ ʻAlawa hou aʻela kuʻu mau maka i luna, ʻike aʻela, aia hoʻi, he kanaka me ke kaula ana ma kona lima.
2ʻĪ akula au, “Ai hea lā ʻoe e hele ana?” ʻĪ maila kēlā iaʻu, “E ana iho ai iā Ierusalema, i ʻike au i kona laulā a me kona loa.”
3Aia hoʻi, hele akula ka ʻānela i kamaʻilio me aʻu, a hele akula hoʻi kekahi ʻānela ʻē aʻe e hālāwai me ia;
4a ʻōlelo akula iā ia, “E holo aku ʻoe, e ʻōlelo aku i kēia kanaka ʻōpiopio, penei, ‘E noho puni ʻole i ka pā nā kānaka o Ierusalema, no ka nui o nā kānaka a me nā holoholona i loko.
5‘No ka mea, ʻo wau auaneʻi he pākū ahi nona a puni,’ wahi a Iēhova, ‘a ʻo wau hoʻi i loko ona he nani.’”
6¶ “ʻEā! ʻEā! E holo hoʻi ʻoukou mai ka ʻāina kūkulu ʻākau aku,” wahi a Iēhova; “no ka mea, ua hoʻopuehu aku au iā ʻoukou me nā makani ʻehā o ka honua,” wahi a Iēhova.
7“E Ziona ē, e hoʻopakele iā ʻoe iho, e ka mea e noho pū ana me ke kaikamahine a Babulona.”
8No ka mea, penei ka ʻōlelo ʻana mai a Iēhova o nā kaua, “Ma hope o ka nani, ua hoʻouna mai ʻo ia iaʻu i nā lāhui kanaka, i ka poʻe nāna ʻoukou i hao mai; no ka mea, ʻo ka mea hoʻopā aku iā ʻoukou, hoʻopā nō ia i ka ʻōnohi o kona maka.
9“Aia hoʻi, e lūlū aku nō au i kuʻu lima ma luna o lākou, a e hao ʻia aku lākou e ko lākou poʻe kauā; a e ʻike auaneʻi ʻoukou ua hoʻouna mai ʻo Iēhova o nā kaua iaʻu.
10“E ʻoliʻoli, e hauʻoli hoʻi, e ke kaikamahine o Ziona; no ka mea, aia hoʻi, e hele aku ana au, a e noho au i waena pū o ʻoukou,” wahi a Iēhova.
11“Ia lā hoʻi, he nui nā lāhui kanaka e hui aku iā lākou iho me Iēhova, a e lilo lākou i kānaka noʻu, a e noho nō wau i waena pū o ʻoukou; a e ʻike auaneʻi ʻoukou na Iēhova o nā kaua wau i hoʻouna mai i ou lā.
12“A e komo auaneʻi ʻo Iēhova i kā Iuda i kuleana nona ma ka ʻāina hoʻāno, a e koho hou ʻo ia iā Ierusalema.
13“E hāmau ʻoukou, e nā kānaka a pau i mua o Iēhova; no ka mea, ua hoʻāla ʻia aʻe ʻo ia mai kona noho hoʻāno aʻe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.