ZEKARIA 1
1
MOKUNA I.
1 Ua aʻo ʻia lākou e mihi. 7 He hihiʻo no nā lio. 12 Nā ʻōlelo hōʻoluʻolu. 18 He hihiʻo no nā pepeiaohao, a me nā kamenā.
1¶ I ka malama ʻewalu o ka makahiki ʻelua o Dariu, hiki mai ka ʻōlelo a Iēhova iā Zekaria, ke keiki a Berekia, ke keiki a ʻIdo, ke kāula, i ka ʻī ʻana mai,
2“Ua ukiuki loa ʻo Iēhova i ko ʻoukou poʻe kūpuna.
3“No laila, e ʻōlelo aku ʻoe iā lākou nei, ‘Penei kā Iēhova o nā kaua i ʻōlelo mai nei, “E huli mai ʻoukou i oʻu nei,” wahi a Iēhova o nā kaua, “a e huli aku hoʻi au iā ʻoukou lā,” wahi a Iēhova o nā kaua.
4“Mai noho a like ʻoukou me ko ʻoukou poʻe kūpuna, ka poʻe a ka poʻe kāula mua i kāhea aku ai, i ka ʻī ʻana, ‘Penei kā Iēhova o nā kaua i ʻōlelo mai ai, “E huli aʻe ʻoukou mai ko ʻoukou mau ʻaoʻao hewa mai, a mai kā ʻoukou hana hewa ʻana hoʻi”’; ʻaʻole naʻe lākou i hoʻolohe mai, ʻaʻole hoʻi i mālama mai iaʻu,” wahi a Iēhova.
5“ʻO ko ʻoukou poʻe kūpuna, ʻauhea lā lākou? A ʻo ka poʻe kāula, e ola mau anei lākou?
6“Akā, ʻo kaʻu mau ʻōlelo a me koʻu mau kānāwai, aʻu i kauoha aku ai i kaʻu poʻe kauā i ka poʻe kāula, ʻaʻole anei i hoʻokō ʻia ua mau mea lā i nā mākua o ʻoukou? A ua huli mai lākou me ka ʻōlelo aʻe, ‘Me kā Iēhova o nā kaua i manaʻo ai e hana mai iā mākou ma ko mākou mau ʻaoʻao a ma kā mākou mau hana, pēlā nō ia i hana mai ai iā mākou.’”’”
7¶ I ka lā iwakāluakumamāhā o ka ʻumikumamākahi o ka malama, ʻo ia ka malama Sebata, i ka lua o ka makahiki o Dariu, hiki maila ka ʻōlelo a Iēhova i ke kāula iā Zekaria ke keiki a Berekia, ke keiki a ʻIdo, i ka ʻī ʻana mai:
8Ua ʻike au i ka pō, aia hoʻi, he kanaka e noho ana ma luna o ka lio ʻulaʻula, e kū ana i waena o nā lāʻau mureto ma kahi malumalu, a ma hope ona nā lio ʻulaʻula, kikokiko a keʻokeʻo.
9A nīnau akula au, “ʻO wai lā kēia poʻe, e ka Haku?” ʻĪ maila ka ʻānela e kamaʻilio ana me aʻu, “E hōʻike aku nō au iā ʻoe i kēia poʻe.”
10ʻŌlelo maila ke kanaka e kū ana i waena o nā lāʻau mureto, ʻī maila, “ʻO lākou nei ka poʻe a Iēhova i hoʻouna mai ai e kaʻahele ma luna o ka honua.”
11ʻŌlelo maila lākou i ka ʻānela o Iēhova e kū ana i waena o nā lāʻau mureto, ʻī maila, “Ua kaʻahele mākou i ka honua, aia hoʻi, ua noho mālie, a ua malu hoʻi ko ka honua a pau.”
12¶ A laila, ʻōlelo maila ka ʻānela o Iēhova, ʻī maila, “E Iēhova o nā kaua, Pehea lā ka lōʻihi o kou aloha ʻole mai iā Ierusalema, a me nā kūlanakauhale o Iuda, āu i huhū mai ai i nēia mau makahiki he kanahiku?”
13ʻŌlelo maila ʻo Iēhova i ka ʻānela i kamaʻilio me aʻu i nā ʻōlelo aloha, a me nā ʻōlelo hōʻoluʻolu.
14A ʻo ka ʻānela i kamaʻilio me aʻu, ʻī maila ʻo ia iaʻu, penei, “E kāhea aku ʻoe, i ka ʻī ʻana aku, ‘Penei kā Iēhova o nā kaua i ʻōlelo mai ai, “Ua aloha nō au iā Ierusalema a iā Ziona i ke aloha nui.
15“A ua huhū loa au i ko nā ʻāina ʻē e noho nanea ana; a i kuʻu wā i huhū ʻuʻuku ai, kōkua akula lākou i ka hoʻopilikia ʻana.”
16‘No laila, ke ʻī mai nei ʻo Iēhova, “Ua hoʻi hou mai nei au i Ierusalema me ke aloha; e kūkulu ʻia koʻu hale i loko ona,” wahi a Iēhova o nā kaua; “a e kau ʻia ke kaula ana ma luna o Ierusalema.”’
17“E kāhea aku hoʻi, i ka ʻī ʻana, ‘Penei kā Iēhova o nā kaua i ʻōlelo ai; “Ma ia hope e hoʻopiha lā ʻia koʻu mau kūlanakauhale i ka lokomaikaʻi; a ma ia hope hoʻi e hōʻoluʻolu ʻo Iēhova iā Ziona, a e wae hoʻi iā Ierusalema.”’”
18¶ A laila ʻalawa aʻela koʻu mau maka i luna, ʻike akula au, aia hoʻi, he mau pepeiaohao ʻehā.
19A laila, ʻī akula au i ka ʻānela i kamaʻilio me aʻu, “He aha kēia mau mea?” ʻĪ maila kēlā iaʻu, “Eia nā pepeiaohao i hoʻoʻauheʻe aku i kā Iuda, i kā ʻIseraʻela a me ko Ierusalema.”
20A hōʻike maila ʻo Iēhova iaʻu i nā kamenā ʻehā.
21ʻĪ akula au, “He aha kā lākou nei e hana ai?” ʻĪ maila kēlā, penei, “ʻO kēia nō nā pepeiaohao, nāna i hoʻoʻauheʻe iā Iuda, i hoʻokiʻekiʻe ʻole ai kekahi i kona poʻo; a ua hele mai kēia poʻe e hoʻomakaʻu iā lākou, a e kipaku aku i nā pepeiaohao o ko nā ʻāina ʻē, ʻo ka poʻe hoʻokiʻekiʻe i ka pepeiaohao ma luna o ka ʻāina o kā Iuda e hoʻoʻauheʻe aku ai iā ia.”
Currently Selected:
ZEKARIA 1: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
ZEKARIA 1
1
MOKUNA I.
1 Ua aʻo ʻia lākou e mihi. 7 He hihiʻo no nā lio. 12 Nā ʻōlelo hōʻoluʻolu. 18 He hihiʻo no nā pepeiaohao, a me nā kamenā.
1¶ I ka malama ʻewalu o ka makahiki ʻelua o Dariu, hiki mai ka ʻōlelo a Iēhova iā Zekaria, ke keiki a Berekia, ke keiki a ʻIdo, ke kāula, i ka ʻī ʻana mai,
2“Ua ukiuki loa ʻo Iēhova i ko ʻoukou poʻe kūpuna.
3“No laila, e ʻōlelo aku ʻoe iā lākou nei, ‘Penei kā Iēhova o nā kaua i ʻōlelo mai nei, “E huli mai ʻoukou i oʻu nei,” wahi a Iēhova o nā kaua, “a e huli aku hoʻi au iā ʻoukou lā,” wahi a Iēhova o nā kaua.
4“Mai noho a like ʻoukou me ko ʻoukou poʻe kūpuna, ka poʻe a ka poʻe kāula mua i kāhea aku ai, i ka ʻī ʻana, ‘Penei kā Iēhova o nā kaua i ʻōlelo mai ai, “E huli aʻe ʻoukou mai ko ʻoukou mau ʻaoʻao hewa mai, a mai kā ʻoukou hana hewa ʻana hoʻi”’; ʻaʻole naʻe lākou i hoʻolohe mai, ʻaʻole hoʻi i mālama mai iaʻu,” wahi a Iēhova.
5“ʻO ko ʻoukou poʻe kūpuna, ʻauhea lā lākou? A ʻo ka poʻe kāula, e ola mau anei lākou?
6“Akā, ʻo kaʻu mau ʻōlelo a me koʻu mau kānāwai, aʻu i kauoha aku ai i kaʻu poʻe kauā i ka poʻe kāula, ʻaʻole anei i hoʻokō ʻia ua mau mea lā i nā mākua o ʻoukou? A ua huli mai lākou me ka ʻōlelo aʻe, ‘Me kā Iēhova o nā kaua i manaʻo ai e hana mai iā mākou ma ko mākou mau ʻaoʻao a ma kā mākou mau hana, pēlā nō ia i hana mai ai iā mākou.’”’”
7¶ I ka lā iwakāluakumamāhā o ka ʻumikumamākahi o ka malama, ʻo ia ka malama Sebata, i ka lua o ka makahiki o Dariu, hiki maila ka ʻōlelo a Iēhova i ke kāula iā Zekaria ke keiki a Berekia, ke keiki a ʻIdo, i ka ʻī ʻana mai:
8Ua ʻike au i ka pō, aia hoʻi, he kanaka e noho ana ma luna o ka lio ʻulaʻula, e kū ana i waena o nā lāʻau mureto ma kahi malumalu, a ma hope ona nā lio ʻulaʻula, kikokiko a keʻokeʻo.
9A nīnau akula au, “ʻO wai lā kēia poʻe, e ka Haku?” ʻĪ maila ka ʻānela e kamaʻilio ana me aʻu, “E hōʻike aku nō au iā ʻoe i kēia poʻe.”
10ʻŌlelo maila ke kanaka e kū ana i waena o nā lāʻau mureto, ʻī maila, “ʻO lākou nei ka poʻe a Iēhova i hoʻouna mai ai e kaʻahele ma luna o ka honua.”
11ʻŌlelo maila lākou i ka ʻānela o Iēhova e kū ana i waena o nā lāʻau mureto, ʻī maila, “Ua kaʻahele mākou i ka honua, aia hoʻi, ua noho mālie, a ua malu hoʻi ko ka honua a pau.”
12¶ A laila, ʻōlelo maila ka ʻānela o Iēhova, ʻī maila, “E Iēhova o nā kaua, Pehea lā ka lōʻihi o kou aloha ʻole mai iā Ierusalema, a me nā kūlanakauhale o Iuda, āu i huhū mai ai i nēia mau makahiki he kanahiku?”
13ʻŌlelo maila ʻo Iēhova i ka ʻānela i kamaʻilio me aʻu i nā ʻōlelo aloha, a me nā ʻōlelo hōʻoluʻolu.
14A ʻo ka ʻānela i kamaʻilio me aʻu, ʻī maila ʻo ia iaʻu, penei, “E kāhea aku ʻoe, i ka ʻī ʻana aku, ‘Penei kā Iēhova o nā kaua i ʻōlelo mai ai, “Ua aloha nō au iā Ierusalema a iā Ziona i ke aloha nui.
15“A ua huhū loa au i ko nā ʻāina ʻē e noho nanea ana; a i kuʻu wā i huhū ʻuʻuku ai, kōkua akula lākou i ka hoʻopilikia ʻana.”
16‘No laila, ke ʻī mai nei ʻo Iēhova, “Ua hoʻi hou mai nei au i Ierusalema me ke aloha; e kūkulu ʻia koʻu hale i loko ona,” wahi a Iēhova o nā kaua; “a e kau ʻia ke kaula ana ma luna o Ierusalema.”’
17“E kāhea aku hoʻi, i ka ʻī ʻana, ‘Penei kā Iēhova o nā kaua i ʻōlelo ai; “Ma ia hope e hoʻopiha lā ʻia koʻu mau kūlanakauhale i ka lokomaikaʻi; a ma ia hope hoʻi e hōʻoluʻolu ʻo Iēhova iā Ziona, a e wae hoʻi iā Ierusalema.”’”
18¶ A laila ʻalawa aʻela koʻu mau maka i luna, ʻike akula au, aia hoʻi, he mau pepeiaohao ʻehā.
19A laila, ʻī akula au i ka ʻānela i kamaʻilio me aʻu, “He aha kēia mau mea?” ʻĪ maila kēlā iaʻu, “Eia nā pepeiaohao i hoʻoʻauheʻe aku i kā Iuda, i kā ʻIseraʻela a me ko Ierusalema.”
20A hōʻike maila ʻo Iēhova iaʻu i nā kamenā ʻehā.
21ʻĪ akula au, “He aha kā lākou nei e hana ai?” ʻĪ maila kēlā, penei, “ʻO kēia nō nā pepeiaohao, nāna i hoʻoʻauheʻe iā Iuda, i hoʻokiʻekiʻe ʻole ai kekahi i kona poʻo; a ua hele mai kēia poʻe e hoʻomakaʻu iā lākou, a e kipaku aku i nā pepeiaohao o ko nā ʻāina ʻē, ʻo ka poʻe hoʻokiʻekiʻe i ka pepeiaohao ma luna o ka ʻāina o kā Iuda e hoʻoʻauheʻe aku ai iā ia.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.