KA BUKE NO ʻESETERA 10
10
MOKUNA X.
1 Ka hanohano o ʻAhasuero a me ka hoʻokiʻekiʻe o Moredekai.
1¶ ʻAuhau akula ʻo ʻAhasuero i ka ʻāina, a i nā mokupuni hoʻi o ka moana.
2A ʻo nā mea a kona mana a me kona ikaika i hana ai, a me ka haʻi ʻana i ke kiʻekiʻe o Moredekai, kahi i hoʻokiʻekiʻe ai ke aliʻi iā ia, ʻaʻole anei ia i kākau ʻia i loko o ka buke ʻoihana a nā aliʻi o Media a me Peresia?
3No ka mea, ʻo Moredekai, ʻo kā Iudaio, ʻo ia ka mea pili koke i ke aliʻi, iā ʻAhasuero, a kiʻekiʻe nō hoʻi ia i waena o nā Iudaio, a ua makemake ʻia e ka lehulehu o kona poʻe hoahānau; a ʻimi ia i mea e waiwai ai kona lāhui kanaka, e ʻōlelo lokomaikaʻi ana i kona poʻe hanauna a pau.
Ka Baibala Hemolele © Partners Development Foundation, 2018.