Romabii WOLO LƐ HE SANE
WOLO LƐ HE SANE
Paulo wolo ni eŋmã emaje Romabii lɛ, eŋmã koni ekɛyasaa gbɛ eto sramɔ ni eto eyiŋ akɛ ebaaya eyasara asafo lɛ yɛ Roma lɛ. Eyiŋtoo ji akɛ ebaaya eyatsu nii fioo yɛ Kristofoi lɛ ateŋ bɔ ni afee ni kɛji ena amɛpĩamɔ lɛ, edãmɔ nɔ ni ekɛya Spain. Wolo nɛɛ eŋmã ni ekɛtsɔ̃ɔ bɔ ni enuɔ Kristofoi ahemɔkɛyeli lɛ shishi ehãa, kɛ bɔ hu ni hemɔkɛyeli nɛɛ tsuɔ nii yɛ Kristofoi awala shihilɛ mli. Ni wolo nɛɛ mli ji he ni Paulo shɛɛwiemɔi lɛ yeɔ emuu fe fɛɛ yɛ.
Be ni Paulo ŋa Roma asafo lɛ ni ehã amɛle bɔ ni esɔleɔ ehãa amɛ sɛɛ lɛ, etsɔ̃ɔ amɛ oti krɛdɛɛ ni yɔɔ emajemɔ wolo lɛ mli; no ji akɛ, Sanekpakpa lɛ tsɔ̃ɔ bɔ ni Nyɔŋmɔ buɔ gbɔmɛi abem ehãa, akɛ hemɔkɛyeli nɔŋŋ akɛjeɔ shishi ni hemɔkɛyeli gbeɔ naa (1, 17).
Agbɛnɛ Paulo gbala eshɛɛwiemɔ nɛɛ mli fitsofitso. Etsɔ̃ɔ akɛ Nyɔŋmɔ jalɛ lɛ, ajieɔ lɛ kpo faŋŋ atsɔ̃ɔ gbɔmɛi adesai fiaa kwa: Yudafoi jio, Jeŋmajiaŋbii jio, ejaakɛ esha eŋɔ amɛ fɛɛ tswɛm nom. Ni Yesu Kristo nɔ hemɔkɛyeli nɔ atsɔ̃ɔ ajieɔ Nyɔŋmɔ jalɛ nɛɛ kpo faŋŋ.
Enɛ sɛɛ lɛ, Paulo tsɔ̃ɔ bɔ ni Wala Hee ni wɔnaa kɛjɛɔ wɔ kɛ Kristo naanyobɔɔ mli lɛ hãa wɔ kɛ Nyɔŋmɔ naanyobɔɔ hee lɛ yeɔ emuu. Mɔ ni heɔ eyeɔ lɛ, ekɛ Nyɔŋmɔ teŋ yɛ hejɔlɛ, ni Nyɔŋmɔ Mumɔ lɛ hereɔ eyi wala kɛjɛɔ esha kɛ gbele hewalɛ dɛŋ. Yɛ Yitsei 5-8 mli lɛ, Paulo saa etsɔ̃ɔ oti ni yɔɔ Nyɔŋmɔ Mla lɛ mli kɛ hewalɛ hu ni Nyɔŋmɔ Mumɔ lɛ yɔɔ yɛ mɔ ni heɔ enɔ eyeɔ lɛ wala mli. Agbɛnɛ Bɔfo Paulo bɔ mɔdɛŋ ni ehã anu shishi faŋŋ akɛ Nyɔŋmɔ yiŋtoo ni ehiɛ hã gbɔmɛi fɛɛ lɛ kɔɔ Yudafoi kɛ Jeŋmajiaŋbii fɛɛ tswɛm hu ahe pɛpɛɛpɛ. Nɔ ni ekɛgbe naa ji akɛ Yudafoi lɛ akwa ni amɛkwa Yesu lɛ, no hu shi Nyɔŋmɔ yiŋtoo lɛ nɔ, akɛni kɛtsɔ̃ Yesu Kristo nɔ lɛ gbɔmɛi adesai fɛɛ aaana Nyɔŋmɔ dromɔ lɛ eko, ni eheɔ eyeɔ akɛ Yudafoi lɛ kaŋ he amɛkwaŋ Yesu kɛyaŋ naanɔ.
Naagbee lɛ, Paulo tsɔ̃ɔ bɔ pɛ ni sa akɛ Kristofoi aba amɛjeŋ amɛhã, titri lɛ akɛ amɛsumɔsumɔɔ amɛhe yɛ amɛ kɛ amɛhe naanyobɔɔ mli. Nibii pɔtɛ̃ɛ komɛi ahe ni ewie ji Nyɔŋmɔ sɔ̃ɔmɔ, Kristofoi agbɛnaa yɛ amɛmaŋ kɛ amɛ sɔŋŋ amɛteaŋ, kɛ henilee. Nɔ ni ekɛgbe wolo lɛ naa ji lɛ diɛŋtsɛ eŋamɔi kɛ kɔkɔbɔi kɛ Nyɔŋmɔ yijiemɔ.
Mlijaramɔi
Mlibotemɔ kɛ oti 1.1-17
Yiwalaheremɔ ni he ehia 1.18—3.20
Nyɔŋmɔ yiwalaheremɔ gbɛ 3.21—4.25
Wala hee yɛ Kristo mli 5.1—8.39
Israelbii lɛ yɛ Nyɔŋmɔ yiŋtoo mli 9.1—11.36
Kristofoi ajeŋba 12.1—15.13
Naamuu kɛ ŋamɔi 15.14—16.27
Currently Selected:
Romabii WOLO LƐ HE SANE: NEGAB
Highlight
Share
Compare
Copy
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.